في تصنيف استشارات زوجية بواسطة

السلام عليكم ورحمة الله وبركاته

اللي ( تزوج - وتزوجت ) وكان بينهم وبين الطرف الآخر ( العريس - العروس ) تواصل أيام الملكة وأخذ وعطاء و ميانة قوية

كيف كانت ليلة الدخلة لكليكما ؟؟

يا عرايس : هل شعرتم بالخجل والخوف والحياء أم إنها تلاشت ؟؟

يا عرسان : هل زوجتك كانت خجولة حيوية معك أم العكس كانت تضحك و تسولف عادي مثل ما تزورها أيام الملكة ؟؟

وهل عندما كانت مطمئنة لك وغير خائفة تمنيت لو كانت خجولة حيوية وبها شيء من الخوف ؟؟

احس حلات الليلة بخجل العروس وحيائها واحس أن أيام الملكة تفقد هذا الحياء
هل وجهة نظري صحيحة أم خاطئة ؟؟

9 إجابة

0 تصويتات
بواسطة
 
أفضل إجابة

هذا اليوم اكيد الزوجين في هذه اللحظه ليلة الدخله
اقص ايدي اذا مافي احد يستحي هذه الليلة
مو بس العروس الي تستحي حتى الرجال برضو يحس با الخجل
لكن طبعا مو مثل البنت
وبعض الرجال يعتفس ما يدري شو يسوي
واحيانا تحصل مشاكل في هذه الليلة وسببها الخجل او الخوف
خصوصا لما تجي كذا فجأه بدون تجهيز مسبق
والي اقصده با التجهيز المسبق
انو الزوج والزوجة في فترة الخطوبة يكون بينهم حوار في هذه المواضيع
والحوار هذا يكون على شي من العلم والفهم لهذه الامور
مو تخبيص وكل واحد يحط الي براسه
لذلك على الزوج قبل لا يتزوج انه يثقف شوية كذلك الزوجة تثقف بهذه الامور
ايضا من الاخطاء الي يسوونها العريسين في ليلة الدخله
هو الاستعجال , يعني خلاص اذا تقفل الباب على الزوجين
خلاص ما يفكرون الا شو رايح يسوون
يعني لو يصلو الزوجين كذا ركعتين شكر لله على انه وفقهم لهذه اللية
بعدين يجيبو اذكار المعاشرة الزوجيه
ويكون هناك حوار بسيط بين الزوجين ليلة الدخلة حوار عادي
عشان تنفك عقدة الخجل ,
وترتاح الاعصاب شوية , ويشربون كاس ليمون يريح الاعصاب
ويكون جوء الغرفه رومانسي اضائة هادئه وروائح تفتح النفس
وفي هذه الليلة اكيد كل العبئ على الرجال
لانو مافي بنت بهذه الليلة تقدر تسوي شي غير السكوت
لذلك على الرجال بهذه الليلة انو ياخذ البنت شوية شوية
يبدء با الغزل والكلمة الحلوة , ثم لمسة الحب والحنية
ويعامل زوجته مثل الطفله
ولما ترتاح الاعصاب وكل واحد يحس با الراحة والطمئنينه للطرف الثاني
بعد كذا يسوون كل شي , واكيد راح تكون ليلة العمر

واتمنى لك اختي انو ربي يرزقك با الزوج الصالح الي يسعدك ويهنيكي
ويرزقنا با الزوجة الصالحة
اتمنى لكم التوفيق

0 تصويتات
بواسطة

أنا وزوجي كنا كلام قوي طبعا ومنها فاتحنا بعض عن ليلة الدخلة ومتى وووو ... لكن كان فقط تبادل خبره لأنى لم اكن اعرف الكثير عن هالأشياء لان بذاك الوقت أهلي ما كان عندهم إنترنت ولا كنت ابحث وكنت اخجل اطلب من ابوي كتب عن الزواج لكن صديقاتي يعطوني الأهم لحد يفهم أننا على ما يقولون نلعب لا والله  أما عن الخجل فما أتوقع ان الوحدة ما تخجل إذا راحت لوحدها معه مستحيييييييييييييييييييييييييييييييييل وأتحداك وحتى لو كانوا جريئين أنا وزوجي بالملكة شوي نتجرأ و لكن بحدود أما بالكلام فعادي ولكن مهما كان البنت بتخجل لو ايش  بتكون خجوله أنا والله الخجل مشكلتي في حاله وأنا الآن لي 2سنتين ونص وباقي اخجل فقط إذا ابتعدنا عن بعض ورجعت معه يديني تعرق ولسااني ينربط  فما بالك من الي توها عروس.

0 تصويتات
بواسطة
الله ييسر الأمور وتتزوجي عن قريب أنا و زوجي لما تملكنا كنا بعاد عن بعد لأنى كنت ادرس بمكان وهو بمكان لكن عن طريق التلفون كنا مررررة جريئيين يوم الدخلة كنت الحمد لله شوية مرتاحة نفسيا لكن الخجل هاد والله غصب عنك حتى ولو كنت جالسة كل يوم 24 ساعة مع زوجك في الملكة لكن لما تروحي بيته لحالك شئ ثاني وحلو انه يكون فيه خجل بدلع يومها لكن ماهو حلو انه يكون خجل زائد عن الحد أو يكون في خوف شديد لان طبعا اكيد بيكون في شوى خوف خاصة إذا كنت ما تدرى شئ عن الموضوع وما قرأتي عنه من قبل
0 تصويتات
بواسطة

أنا راح أحكي لكم قصتها زميلتي طبعا أنا لسى عزابية
المهم كل ما تذكرت ليله دخلتها أموت من الضحك
وهي تقول ؛لما دخل على زوجي جاتني حالة من الضيق والهستيريا لدرجة أنه قلبي أحس أنه بيطله من مكانه وإني أسمه صوت قلبي يرجف وزوجي يتكلم وانا في وادي من الخوف لدرجة إني أضحك ثم أزعل ثم أضحك ثم أزعل فقال زوجي وش فيك بسم الله عليك يافلانه أقرأ عليك إهدي ماراح أكلك بعدين هديت شوي
وأهلها كانوا موجدين بعدين سلموا عليه أهلها وذهبوا ثم لما ارادوا الخروج من منزلي لاشعوريا تقدمت ابغااخرج معهم فقال زوجي وين رايحه فتراجعت ورجعت الحاله والضيقه
فقال زوجي خلاص بنام في المجلس وأنتي نامي في الغرفة........
والله أنه موقف تحفه

0 تصويتات
بواسطة

أيام الملكة أبدا ما تخرب الخجل ليلة الزواج

لأن هذا شيئ و هذا شيئ آخر

أنا كنت بالتلفون جريئة نوعا ما لكن يوم صرنا بغرفة وحدة و لا شيئ كاني مو أنا اللي قايلة و قايلة

المشكلة جالس يذكرني و أحرجني إحراج غير طبيعي و قالي وين التطبيق ولا كلام بدون فعل .........

رغم إني تعودت عليه بس إستحيت حياء غير طبيعي

0 تصويتات
بواسطة
برأيي الحياء موجود ليلة الدخلة

حتى لو كنتي متعوده عليه في ليلة الزواج شي ثاني

أقولكم قصتي

وش صار انه انكب العصير على فستاني وعلى الأرض والكاسة انكسرت

المهم الحين هو راعي البيت راح يجيب شي يمسح العصير به اكتشف انه نسى يشتري مناشف للمطبخ تعرفوا كيف حلها قال بنزل لبيت امي اجيب منشفه المهم في هذي الفترة قلت انا ابدل قبل يجي هذي فرصتي المهم شلت الفستان وأخذت المنشفة ورايحه على الحمام مع انه الحمام كان بالغرفة نفسها لكن انصدم الا هو قداااااامي وااااو كذا على طول جاهزه

واركض على الحمام

خلاص انكسفت مره وطولت وانا اتحمم كنت خجلانه اطلع واشوفه بعد الي صار وبعدين سميت بالله وطلعت وقال يالله مشينا نصلي ولما صلينا هدأت الأعصاب وقعدنا نسولف وو بس خلاص

بس عن جد موقف لا ينسى
0 تصويتات
بواسطة
اخ اح علي ايام الملكة وعلى ليلة الدخلة ياليت تنعاد بشقاوتها,,,, بدون مبالغه احلا ايام وصعبه ان الواحد ينساها وكان لي فيها مواقف مره حلوه واحلا موقف نتذكره لما جيت بشوفها اول مره بعد الملكه واقنعت والدتها اني عازمها على عشاء وحاولت معاها الى ان وافقت خذيتها من البيت و تعشينا في الفيصليه وبعد ماتعشينا نزلنا على الكافيه الي في القلوبل وكانت تتفرج على الرياض من فوق و قالت اموت علي الرياض بس ياليت لو فيها بحر الانها تعشق البحر وقالت انها مره مشتاقه للبحر المهم سكت ولما تقهوينا وسولفنا و كانت الساعه تقريب 12 بالليل قالت انا تاخرنا ولا زم نرجع وانا ماصدقت على الله انها قالت بنرجع والله وطلعنا على طول وركبنا السيارة و بعد ما مشينا فالت ياسلام الوقت راح بسرعه وانها راح تشتاقلي المهم هي قاعده تحكي وانا ساكت المهم حست اني متضايق من شي فاسكتت الى ان تعدينا المخرج حق بيتهم وقالت وش فيك لايكون ضيعت قلت بس بوديك عنده قبل لا انزلك البيت قالت طيب وين قلت مفاجئه وسكتت المهم ماطول عليكم ما وقفت الى في الشرقيه وطبعاً طول الطريق مافيه الى رجعني رجعني هي من جها وامها من جهه والله سكرت الجوال وقلت والله مارجعك البيت والبحر في نفسك والله وقعدنا في الشرقيه يوم ورجعنا.
0 تصويتات
بواسطة

كانت ليله ( غير عاديه )

كانت أول مره أعرف فيها زوجتي (هكذا جرى العرف في بلدنا )

أحد أقربائي أصيب أصابه بالغه في ظهره وماقدرت ادخل البيت إلا لما أطمن عليه

وبعدها حصلت مشاده كلاميه بين الوالد والوالده ( كالعاده دائما )


زوجتي قضت الليله كلها كأن على رأسها الطير .. وأنا أحاول تلطيف الجو بالكلام في مواضيع مختلفه

لما يئست من سماع كلمه واحده ... قمت أخذت كتاب عن الدوله العثمانيه وقرأته ....

أول ما سمعت اذان الفجر طلعت بره البيت ونفسي ضيقه من زوجتي

طبعا صليت الفجر في المسجد والناس في المسجد ينظرون إلى بعين الاعجاب .. إلى العريس الهمام الذي ترك الفراش الوثير ليصلي معنا في البرد القارس هذا ...( مش عارفين كيف كانت ليلتي )

ما رأيكم ... فيه بعد كده حلاوه ؟؟؟

0 تصويتات
بواسطة

الله يسعد كل المتزوجين يارب ويرزق كل اللي يتمنوا الزواج بالأزواج الصالحين والزوجات الصالحات يارب

laugh
بالنسبة لي أول ليلة لعقد قراني .. كنت متوترة حدي .. وما مستوعبه اني تزوجت

لأني انخطبت وعقد قراني خلال شهر تقريبا .. بس الكل كان يقولي شكلك كووول وعااادي مو كأنك متوترة لأني كنت

هاديه .. وكانوا خواتي عامليلي حفلة بسيطة .. بروحنا في البيت .. لأن حفلة تلبيس الشبكة كانت بعد أسبوع

وبعد ما راح الكل .. وبقيت بروحي في غرفتي قعدت أصييييييييييييييييييييييح كككككك

مادري ليش !!!

surprise

وزوجي حاول يتصل يكلمني وما قدرت أكلمه قلتله خلينا ع المسجات يكفي

وهو زعل وقالي خلاص بنام .. كان تعبان ومو نايم كم يوم..


يعني كانت ليلة نكد .. بعدين آخر الليل رسلتله مسج قلتله " أحبك "

وطار النوم ههههههه .. لأنها أول مرة أقولها له ..


أما ليلة الزفاف .. كانت حلوة بكل تفاصيلها .. لما طلعت من القاعه .. جيت أبركب بسيارة زوجي

وهو طبعا مزينها بالورد .. المهم .. من كبر فستاني ما قدر أدخل في الست الأمامي ..

قالوا لزوجي خليها تركب ورا أو احنا نجيبها بسيارة أوسع لأنها ما رح ترتاح كذا

زوجي بغا يكفخهم وعصب قال ما في الا تركب جنبي


المهم ركبت بصعوبة ككككككك .. الفستان كان مغطي الزجاجة الأمامية ..


وطرنا ع الفندق بروحنا .. زوجي قال ما نبغا زفه ,, ومحد جا ويانا ..


اول ما وصلنا وهاتها يا تصوير بالغرفه .. وكنا وايد مرتاحين .. ما فيها خوف و لا رعب ..

وشربنا العصير اللي مخلينه لنا بالغرفه واكلنا الكيكة ..

رغم ان زوجي ما اعرفه و لا من اهلي .. و اول مرة شفته كان بيوم النظرة الشرعيه .. وبين عقد القران والزفاف 7 شهور

بس الحمدلله كنا متفاهمين .. وعلاقتنا سلسة من البداية .. ماشاءالله لا قوة الا بالله ..

وعلى فكرة ما كنا نتكلم عن ليلة الدخلة الا نادر جدا ., وكان قبل الزفاف بشهر بس ..

سبحان الله .. الله سهل علينا ,, وزرع بقلوبنا الطمأنينة .. كملنا 5 شهور .. وما في أحلا منا

دعواتكم لنا بالسعادة والذرية الصالحة

استفسارات متعلقة

...