زوجي رافض يعالج الانجاب ! زوجي مايبي يتعالج من مشكلة الانجاب !

Question

زوجي رافض يعالج مشكلة الانجاب

متزوجه لي ٥ سنين وحياتنا حلوه بس في مشكله عندي وهي أن زوجي بالإنجاب رافض العلاج رفض باتاً تدخلو الأهل وأنا أحاول بس رافض مره يقول ضغوطات نفسية مدري ايش .. المهم قررت انفصل بس أخاف ما قدر أنساه وأخاف ما يجيني نصيب وأخاف اندم!

Answer 1

ليه تفكرين بالمستقبل؟ وليه الخوف؟ ربي سبحانه لطيف وكريم

ثقي برب العالمين وانتبهي تاخذين قرار من مبدا خوف

اكتبي كل مخاوفك في ورقه وجنبها وش اسوا شي ممكن يصير اذا تحققت وكيف بتحلينها او كيف بتتصرفين

طريقه حلوه للتخلص من الخوف تعلمتها من د.سمية الناصر

Answer 2

خايفة وخايفة ؟ ليش الخوف . أحلى مافي الزواج ( الأطفال ) حاولي معاه . طالما حياتكم حلوة مع بعض . قولي له ٥ سنوات راحت والعمر ماينتظر لمتى أصبر . عندك مشكلة بلغني أو روح تعالج أو حابة انفصل عنك وأشوف حياتي. لو عندك أنت المشكلة كان راح يصبر عليك ( ما أظن ) كان الكل قال له تزوج وخلف

Answer 3

والله ان كانك راضيه اهلاً وسهلا ولاتخلي احد يدخل بينكم

وان كانك تبين الضنا والعيال لك الحق في ذلك وتقدرين تقولين له وترفعين طلاق لكن المصيبة اذا تطلقتي ومحد اخذك

فالافضل عليك بالدعاء والله يرزقكم الذرية الصالحه

Answer 4

الله يرزقك الذرية الصالحة ، لكن قد يكون اخبار لك ادعي الله لانه هو الرازق ثاني شي فيه خلطات عسل بأذن الله تكون مفيدة ، ثانيا لاتلحين ماتعلمين وين الخيرة ممكن تطلبين الطلاق وتنفصلين وممكن ترتبطين بشخص سيء او كبير سن وتجيبي ابناء وتخسرين الركن الاهم في حياتك رجل يكون قريب لقلبك .

Answer 5

اول مره اشوف زوج مايبي عيال العاده من اول سنه الا اذا ناوي يطلقك هذا شي ثاني

Answer 6

ماهي مشكلة لو اتطلقت وما احد اخذها لانها ارزاق ونصيب، بس احتمالية انها اتجوز كبيرة مقارنة لو جلست وما اتعالج وما انجبت

Answer 7

نصيحتي لا تنفصلي واصبري وحاولي معاه لين يروح ويتعالج مو سهل تلاقي زوج ومتفاهم وحياتك حلوة معاه ممكن تتطلقي وما تخلفي او يجي الزوج سيء او او

Answer 8

الله يرزقكم الذريه السليمه المتعافيه الصالحه

Answer 9

استخيري اكثر من مره وربي باذنه بيكتب الخير

Answer 10

الله يرزقك الذرية الصالحة ، لكن قد يكون اخبار لك ادعي الله لانه هو الرازق ثاني شي فيه خلطات عسل بأذن الله تكون مفيدة ، ثانيا لاتلحين ماتعلمين وين الخيرة ممكن تطلبين الطلاق وتنفصلين وممكن ترتبطين بشخص سيء او كبير سن وتجيبي ابناء وتخسرين الركن الاهم في حياتك رجل يكون قريب لقلبك .

Answer 11

خايفة وخايفة ؟ ليش الخوف . أحلى مافي الزواج ( الأطفال ) حاولي معاه . طالما حياتكم حلوة مع بعض . قولي له ٥ سنوات راحت والعمر ماينتظر لمتى أصبر . عندك مشكلة بلغني أو روح تعالج أو حابة انفصل عنك وأشوف حياتي. لو عندك أنت المشكلة كان راح يصبر عليك ( ما أظن ) كان الكل قال له تزوج وخلف

Answer 12

اذا هو يقدر يتعالج عادي اصبري لاحقين ع الاطفال يحتاجون اهتمام وتربيه صعبه بذات بذا الزمن

Answer 13

خليك معاها وانسوا الموضوع ولا احد يتدخل بينكم ه الضغوطات منك ومن الاهل الواحد ما يحب يشوف نفسه ضعيف وبذات الرجال قويه وسانيده

Answer 14

كيف مايجي نصيب ؟ اذا ماجاك زوج بعده يعني خيره لك انك ماتتزوجين مافيه شي اسمه نصيب مايجي كل حياتنا اصلا قسمه ونصيب فتوكلي على الله واستخيري واتخذي القرار اللي يرتاح له قلبك وخلك من كلام الناس

Answer 15

محتاج زوجك عرضه علي دكتور نفسي ماهو سبب بعدم رغبته في ابناء هل العمليه يكملها بالكامل ولا عدم رغبه لديه والله ماني عارف بمثل هذه الأمور يجب المفاهمه شخصيا خاص

Answer 16

على ايش تندمي! اذا مايخلف ومو راضي يتعالج ايش الفايدة منه! ولاتخافي بتنسيه مجرد تتزوجي بعده

Answer 17

*مادام لك رغبة بالانجاب فحياتك معه مربوطة بتقرير طبي من طبيب مختص يؤكد أنه شخص عقيم،ونسبة أثر العلاج معه ضئيلة. *رفضه الدائم يعطيك مؤشر أنه على علم بعدم نفع العلاج له. *قرارك لاتبنينه على مستقبل لايعلم غيبه إلا الله،ولكل حادث حديث. *إذا توفقتِ بعده بزوج وأولاد ثقي بأنك ستنسينه.

Answer 18

اذا انتي حابته ومتوافقين ومرتاحين مع بعض تبنوا يتيم وشوفي باب السعادة اللي راح ينفتح لكم وكأنه باب للجنة

Answer 19

إذا الإنجاب مستحيل فكروا بالاحتضان (التبني) كثير صاروا يسوونها شفت تجارب رائعة

Answer 20

لازم يفهم ان علاج مشاكل الرجال سهل من حيث انه يكون لائق صحيا والا موضوع الانجاب هو رزق من رب العالمين

Answer 21

استخيري بموضوع الطلاق وربي سبحانه راح يدلك ع الخير وحتى لو تطلقتي لايأنبك ضميرك بالندم انتي حاولتي معاه بما فيه الكفاية ، ولايأنبك ضميرك ان خلاص ماراح يجيك النصيب كل شيء بأيده سبحانه

Answer 22

الحياة الزوجية شراكة بين طرفين وليس لطرف ان يقرر مصير الاخر اويتخذ قرارات دون الاخر الانجاب قرار مشترك وحق وهدف رئيسي للزواج رفضه للعلاج مؤشر سيئ للعلاقة ،، وتنازلاتك قد تندمي عليها بالمستقبل كوني حازمة معه وجادة ،، وتحدثي معه عن امر الانجاب وانك ترغبين بذلك واتخذي قرارك وحدك

Answer 23

هذه قرارك انت قبل كل شئ انت سويت اللي عليك حتى الاهل تدخلوا ولكن فيه ضغط كبير عليه قبل أي قرار انفصال لازم يكون قرار بدون رجعه وندم

Answer 24

ماراح تأخذين الا نصيبك لا تخافين استخيري و انفصلي دامه رافض العلاج ما يستاهل تضحين عشانه سوي اللي عليك و نصيبك ان شاءالله بيجيك و ادعي ربك بالعوض

Answer 25

ايش مضايقك والرجال مبسوط معك وفال الحياه بوجودك من غير عيال متعه وراحه وحريه لكم العيال تعب وهم ومسؤليه ،،،، فتره طويله وبعدين فكري في العيال والرزق من الله