عروسة جديدة وزوجي يهددني بالزواج من الثانية ! زوجي يتفاخر بالزواج علي !

Question

السلام عليكم

انا توي متزوجة عمري ٢١ سنة وزوجي ٢٥ سنة وكل مارحنا عند اهله يجلس يدق بالكلام ويلمح ويقول ابي الثانية قدام اهله وبشكل كثيير ! علما انه مالنا الا سنة متزوجين ! ومرات يقولي ودي اتزوج اربع وبكيفي حق مشروع وش الحل !

Answer 1

عادي اشفيها الشرع حلل اربع ليه محسسين الناس اذا تزوج الثانية او الثالثة او الرابعة
ان هذا بيتسلى فيهن او انه خان الاولى
ترا والله عادي تذكر ان الرسول عليه الصلاة والسلام تزوج 11

Answer 2

الموضوع انه لا يرى اهتمام وهذي مشكله كبيره لذلك يحاول يعرف هل هذي انسانه طبيعيه او ماتبيه اي احد يقول لك تكلمي عليه او احرجيه ما اظن انه حل موفقك لانه استنفذ الحلول وجاي للحل الاخير اذا شاف نتيجه مو زينه او رد سيئ اعتقد بتعطينه ان ماكان يتوقعه صحيح وبالتوفيق

Answer 3

معلومة اذا شفتي الرجال يجلس يهرج بكل دقيقة عن الزواج اعرفي انه مايقدر يسوي شيء عطيه على جوه هو بس حق كلام الي يبي الزواج هو اللي ماحد يتوقعه اعرف لكم وحده من عرفت نفسي تشكي زوجي يقول بتزوج واليوم صار شايب وهي اذا راحت لأهلها ينجنن ☺

Comments

بالنسبة للي يقولون ما عنده سالفة الي بيعدد ما يتكلم
والي يقولون يمزح
ترا كلمة بتزوج عليك مؤذية للمرأة
يعني شايفين كيف الرجال حساسين وما يتحملون كلمة
فليتهم بعد يعرفون ان عندنا مشاعر مثلهم♀️
الله اعلم من الي يحب النكد
والي يقولون يبيها تغار عليه
الحب ثقه وامان مو تهديد وخوف .

Answer 4

يليل نفس اخوي مغير يهايط على زوجته وباخذ الثانيه ويتفلسف عشان يشوف غيرتها ويطقطق عليها وحتى ابوي مدري كم عمره للحين يقول بتزوج واخر شي م معه الا امي ، اثقلي انتي بعد وقولي ولا وحده بتغلط غلطتي وطقطقو على بعض ذي هي حركات الرجال

Answer 5

جدي الله يطول بعمره مع انه يحب جدتي إلا أنه كان دايم يمزح مع جدتي بهالنكتة بس عشان يرفع ضغطة .. حتى وهم بعمر الثمانين كان يعيده عليها النكتة وتغار..
ماتزوج إلا بعد ماماتت الله يرحمها ويغفرلها ويسكنه فسيح جناته..
ولا تسأليني كيف حاله بعد ماماتت.
فالموضوع بس مزح وعناد ..

Answer 6

لاتاخذينه ع محمل الجد عادي إضحكي وسلّكي حتى لو كان مثلاً هالموضوع يزعجك إن وضحي غيرتك بطريقة هجومية راح يتضح له ان هالموضوع يخوفك ومع الوقت يزيد بتكراره عليك وممكن مع الوقت يتقبل هالفكرة لذلك وضحي له ان التعدد ورغبتة بالزواج حدث م يهزك ابداً ولايهز كيانك كزوجة.

Answer 7

لا اعرف كيف كانت علاقتكما قبل الزواج و هل تزوجتما عن حب او زواج عادي، الرجل لا يمنعه شيء من إعادة الزواج وهذا ايضا يشترط أن يكون له بسطة في المال والجسد،والرجل الشهم يجب عليه أن يصرح لزوجته المستقبلية بفكرة إعادة الزواج قبل الدخول حتى تتضح الأمور بينهما وماخرج عن هذ فهو لغو.

Answer 8

ممكن يبغى يشوف غيرتك عليه فيمزح معاك زي ابو العيال اللي عندي ، فأنتِ جربي وقولي تبغى اخطب لك امر تدلل فيه وحده ف بالك ولا اختار لك .. اجلطيه

Answer 9

اعرف وحده زوجها يسوي فيها كذا وادبته بحركههه والله عجبتني قال بتتزوج قالت الله يوفقك ويستر عليك الف واحد غيرك يتمناني وهو الي فز قلبه انصدم من ردها يقول اسكتي خلاص امزح ومعد جاب ع لسانه هالطاري ابد