زوجي تزوج علي ونساني ! زوجي اهملني بعد زواجه الثاني !!!!

Question

زوجي تزوج علي ونسى اني موجوده مايصدق يجي يومها علشان يروحلها إذ جاني راح يتشكى من ديونه وأن تعبان وينتظر اليوم ينتهي عشان يروح لزوجته الثانيه انا مانكلم عن غيره انا اتكلم عن كيف ينسى العشره الي كانت بينا في هذي الحاله اشسوي علما أن عندي ٤اطفال انا من داخل معاد اهتم له صرت بارده

Answer 1

اذا جت ليلتك اهتمي بنفسك من لبس وكشخة وأناقة

Answer 2

خلاص انت ماتهتمين وهوا يفعل عندك وضع توفير الطاقة .. ليه جاية تسألين؟ فضفضة بس

Answer 3

طيب اسمعي وابغاك تتاكدين وتثقين ثقه قويه كل الموضوع صبر بس واتركي الخلق للخالق

Answer 4

انتبهي للاطفال  وشوفي اذا كنتي مقصره.
الاهتمام لايطلب.

Answer 5

كل جديد له بزه
مصيره والله يرجع لك أقوى من أول
راح يعرف قيمتك اللي ما كان حاس فيها
احفظي بيتك ومرده لك

Answer 6

اذا تشكى غير الموضوع عادي
لاتخمبقين بالكلام فكري زين فكري شلون تستانسين وتسعدين نفسك بس

Answer 7

التعدد لمّا شرعه الله في كتابه كان لغايات اسمى وشروط تم التغاضي عنها واستبدالها بالتعدد الغير مشروط بنظام "متى ما طقت براس الرجال" وهذا الامر اكيد نهايته بيكون فيه ظلم للزوجة والابناء وفراغ عاطفي وتشتت اسري لا يرضاه الله ولا رسوله ولكن من يفقه ؟ ومن يفهم ؟

Answer 8

اصبري توه فالبدايه فتره ويرجع لك يبوس الايادي استمتعي بيومك سواءً موجود او لا واهتمي بنفسك

Answer 9

دامه صارف عليك ومسكنك ومأكلك ومشربك انتي وعيالك ويعطيك حقك الشرعي خلاص احمدي ربك .

Answer 10

توه فرحان فيها بعض الأشخاص مثل الطفل
اتركيه سنه وطنشيه وبعده بيرجع يركض لك

Answer 11

تلقين هناك فيه حركات بركات ضبطي عمرك و البسي واكشخي

Answer 12

الثانيه عرفت كيف تتعامل معه
ابتعدي أخطائك السابقه
دائما الحب للأول
انتظر لين تخطي الثانيه وراح يرجع لك لاتستعجلين

Answer 13

في الزمن ذا الاخوان مافيهم خير مو مضمونين فما بالك الزوج الله يعوضك في عيالك

Answer 14

أحب اطمن قلبك
إنه لمن يتشكى لك
لانه يشوفك الأقرب له
ويرتاح للحديث معك

ولاينتظرهاولاشي بس انتي قليبك تحسس وتتوقعي هالشي
وإلا هو لاينتظرهاولاحاجه

إذا جاعندكم
انبسطي معه انتي وعيالك
ونسوه همومه
سولفوا واضحكواوتذكروا بدايةحياتكم
وطفولةعيالكم
وانسي ان عنده بيت ثاني
والله يصلح حالكم.

Answer 15

والله مدري وش اقول لك بس لصحتك النفسبه لاتحرقي اعصابك تزوج وخلاص وانتي جالسه.. اسحبي عليه م كأنه موجود غير ينفذ طلباتك وخلاص المشاعر اكس.. انتبهي لصحتك وحبي نفسك وحبي اطفالك واخرجي تمشي واذا جا لاتسولفي معاه خير شر لا بديون ولاغيره طنشيه.. خذي حاجتك منه وخلاص زيه زي الطاوله.

Answer 16

صرت بارده !!!!

وجايه تشتكين ليش وده يروح لها اعتقد انتي سألتي وبالاخير أجبتي

Answer 17

هذا الرجل اذا اخذ الثانية يختف ينهبل كأنه ماتزوج قبل الحمدلله من قبل وبعد

Answer 18

طفرة الزواج وش متوقعة
اهم شيء انتي لا تصيرين بيئة طاردة .. واهتمي بنفسك لاجل نفسك وانوثتك.
وزي ما يقولون في المثل مرد الكل* لقصابه.

Answer 19

التفتي لنفسك دلعيها وانبسطي واطلعي وجددي علاقاتك
ولو يحصل تنازلي عن ليلتك بس لاتتنازلين عن دورة كاب ورب اسرة يقوم بمسؤولياته كامله لاتشيلين عنه شي
 وخليه يشبع فيها القلب ماينقسم على اثنين خليه لها كله
  لين يطيح اللي براسه ويبدأ يعرف مكانتك بالضبط بعدين قرري لك خلقه والا لا

Answer 20

ما لك إلا الصبر  ومعرفة أسباب صده عنك إن كان ثمة أسباب ومعالجتها.
صدقيني فترة وتعدي هو الحين (طاير بالعجه) المهم ركزي على علاقتك معه وليس على علاقته معها ابتعدي عن المقارنة، أعرف الأمر مؤلم لكن استعيني بالله.

Answer 21

ياحبيبتي كان الله في عونك حاسه فيك  لكن ما باليد حيله
قدر الله  وماشاء فعل
ماراح اتكلم عنه ولاعنها
ركزي على نفسك وصحتك  واولادك  هم الكنز الثمين  لك  وعملك  الصالح
الله يكتب لك اللي فيه الخير

Answer 22

كنت بكتب لك رأيي .. أتجاه زوجك وتوقع كلامي كان  بيريح قلبك ..

  لأن من كلامك واضح عليك أنك قادرة تتجاوزين   هذا الموقف

Answer 23

دائم ما يصح الا الصحيح..راح باذن الله يرجعلك ولكن اهتمي بنفسك لنفسك مو شرط قدامه برهني واثبتي انك ما يهمك الي يسويه وجددي شبابك واهتمي بمظهرك....

Answer 24

برودك هو الذي يجعله يحتري الوقت عشان يروح لها.!!
فرق بين من تستقبله ببرود ومن تستقبله بحراره.!!
أصلحي من حالك وأرجعي كما كنتِ تجدينه يشتاق لك ولا ينتظر يروح للثانية.

Answer 25

الحل الوحيد والمفيد انك تتغيرين له ١٨٠ درجة من جميع النواحي.. وراح يتغير لك ويحبك اكثر منها.. واتركي كلام النساء المثبطات خلك قوية متفائلة وايجابية وعليك بالتوجه لله بالدعاء ولاتنسي انك ام اولاده ولن يستطيع يتخلى عنك طرفة عين