زوجي خدعني بالكلام وتزوج علي ! سبب لي صدمة وتعب ايش الحل!!!

Question

تفاجئت ان زوجي تزوج علي عندي منو ثلاث اطفال كنت صريحه معه من تزوجنا انه مايتزوج علي ووافق ووعدني وحلف ايمان حتى ع القران خدعني وضحك علي بعد عمر معه وصار عمري ٣٨ جرحني ب الكلام اذاني مقهوره ماني قادره اتقبل الموضوع ان فيه وحده بتشاركني فيه قلبي يعورني مجرررررووحه تكفون شسوي

Answer 1

تزوجي عليه، اذا ما تجي فـ التعدد حلال، ولا ينبغي ان تشترط الزوجة منع زوجها من التعدد، وتستعيض عن شروطها بالاسلوب والاحتواء والحب والحنان حتى تأسر قلبه اسر.
الزوجة اللي تشترط هي تعرف انه ينقصها مقومات الزوجة الكفء فتصنع المشاكل من البداية.

Answer 2

بتشاركني فيه؟!
ليش تملكينه؟!!
إذا اشترطي فلك حق الطلاق للضرر.
وإذا يمين، يكفر عن يمينه.
وإذا مجرد وعد، تملحين البحر.

وهذا مثال واضح يبين حماقة من تشترط هذا الشرط.
الرجل إن احتاج للزواج فإن هذا الشرط يتيح لها الطلاق فقط، ولكنه لا يضمن بقاء زوجها بلا زواج.
وتختار: تتنازل أو تتطلق.

Answer 3

اغلب الرجال ما يوفون بالوعد خصوصا بهالموضوع
انا حاسة فيك الوضع صعب
بس هو شرع الله ما سوى شي حرام ولو انه صعب على الحرمة تقبل هذا الشيء الله يغفر لنا
بس انصحك امسكي بيتك وعيالك وخليه مرده لك
من جرب غيرك عرف مقدارك
وكلي امرك لله لانه فيه اطفال  والله يصبرك ويقويك

Answer 4

حلفته على القران… عليها علامات استفهام
شرع الله وتحلفون الناس عليه

Answer 5

اذا كرهتية مو متقبلتة اخلعية واذا ماتقدرين علية
انهي المودة والرحمة اللي كانت بينكم ماعندي فلوس ومدري وتمشين له انتهت اشتري اغلى الاجهزة واغلى الاثاث ولا تتنازلين عنة واغلى المكياج والعطور الرحمة انتهت خلاص وكل سنة جوال جديد وتنافسوا على جيبة فقط هو بقلعتة

Answer 6

اجلسي ع قلبة مع عيالكك وخليه يصرف على بيتين دام عندك عيال صعب تتطلقي او تخلعي الا إذا كنت موظفه ومستغنية عنه ذاك الساع لك الحرية

Answer 7

لاتسوين شي قعدي على قلبه وقلبها وانسي انه متزوج وغيري من شكلج واهتمي بنفسج والبس احلى لبس اذا كان موجود او لا وصوري  ودايم وبين فتره وفتره اذا كان عندها دزي له مشتاقتلك وحركات هذي خل تموت اهي لاتموتين انتي لانه اذا شافتج جذي بتحس خذت مكانج وعرفت شلون تقهرج

Answer 8

اعانك الله على ما ابتلاك به
اول شي واهم شي افهمي ان اذا تزوج عليك مو يعني انتي ناقصه او فيك عله هذي فطره فيهم اللي يقطعها من فطره
وهو ماخدعك لكن المشاعر تتغير،تبرد،وتنتزع
لا يضحكون عليك بقول نافسي لان المنافسه فالبدايه خساره الجده يبي لها مده
ولا تطلبين الطلاق حتى لو ماتحملتي

Answer 9

عطي مشاعرك وقتها حتى الزعل عطيه وقته
لكن اطلعي من دائرة الشكوه للناس نصيحه من اخت
الناس حتى القريبين بتلقين فيهم الصامت والشامت والساخر والمتشفي واللي ماهو مهتم وبيزيد همك معهم توجهي لله وهو اعلم بحالك
بعد ما يطير طيرك ويوالف العش الجديد بيحن للقديم حتى لو كانت اجمل ولو كانت اصغر

Answer 10

الحلف على القران بدعه ولاأصل له
اتركي الرجال يتزوج ومالك شغل فيه،
وخل عنكِ كلام المسلسلات.

Answer 11

ان كنتي اشترطتي في عقد زواجك مايتزوج بدون موافقتك فهو مخطئ ولايجوز يخالف شرطه
اما اذا الموضوع  اذا وعود فالامر اصبح واقع ولاتحسبيه بيرتاح بل جاب لنفسه وجع راس
وانتي يوم كامل مرتاحة في بيتك من هم زوجك وخدمته خليها تشيل عنك شوي وعيشي حياتك وانبسطي
اهتمي بنفسك ودللي نفسك

Answer 12

الاشتراط بعدم الزواج قرينه للفسخ بدون عوض ولا يمنع الزواج بثانية
و عدم الاشتراط يسقط حق الفسخ بدون عوض، إذا قرر يتزوج و هي مشترطة لها حق الخيار الفسخ بدون إرجاع المهر نصفه أو كله

Answer 13

خلاص اصلن انتهت مدته خليه لها اخذتي شبابه وهي بتاخذ شيخوخته خلاص كل واجباتك تجاهه وقفيها وابداءي لنفسك فقط حتى الطبخ دلعي نفسك وهو خليها هي تطبخ له  وتكوي له وتجهز له انتهى دورك الحين وقت استمتاعك الله يشرح صدرك ويسعدك  حتى اولادك  ارسليهم عنده كثير وروحي فليها.

Answer 14

وليش ما يتزوج ليه احنا نصارى ..المهم تزوج وانتهى الامر اهتمي بنفسك فترة ويرجعلك  بس بالبداية تتضايقي ومع الايام تنسي

Answer 15

لاتسوين شي.    ارضي بشرع الله    
والله اللي حط لك 3 يشاركونك فيه  مو منتظرين تتقبلين او ترفضين ياجميله

Answer 16

مازلت انصدم من المرأة اللي تصدق ذكر!! الذكر لو يتعلق بستار الكعبة ويحلف لاتصدقينه لاتصدقينه لاتصدقينه ، اتمنى تتخطين الصدمة.

Answer 17

مشكلة البشريه التوقعات تتوقع انه بيتم معها طول العمر تتوقع انه مابيتزوج عليها تتوقع انه يحبها مثل ماهي تحبه،لو تتركون التوقعات وتخلونها على عماها مثل ماالله يخطط لها ويقدر برضا وتعيشون نعمة اللحظه فقط ماراح تتعبون..ثاني شي أفة العصر
التعلق يعني هو والا حياتي بدونه بلا طعم!

Answer 18

شوفي ياقلبي هذا شي ربي شرعه ومانقدر نعترض عليه
الزواج وصار يعني ماحتقدري تسوي شي
فانصيحتي لكي خذي الموضوع بإجابية وعيشي لنفسك ول اولادك
وعيشي كل يوم بيومه  يعني اليوم اللي يكون عندك قومي بواجباتك واليوم اللي مو عندك عيشيه بلحظاته افرحي انبسطي اخرجي ارقصي سوي كل اللي نفسك فيه

Answer 19

اذا مو قادره تتحملي العيشه معاه حرام تظلمين نفسك
ممكن تدخلين ب مصحه نفسيه مع الكتمان خليكي واقعيه يا انك تتقبلين الموضوع وتعيشي من غير ما يؤثر على صحتك
او انك تخلعينه وعادي صراحه تعيشين حره افضل بكثير من انك تراقبينه وتهتمين ليه.ما ودي احرضك والله بس هذا رأيي.

Answer 20

الموضوع صار وانتهي وصعب اللي فيك يروح بيوم وليله الكلام ما راح يفيد ولا راح يخفف عنك القهر اللي فيك محتاجه وقت كبير علشان تتاقلمين مع هذا ولا اعتقد تقدرين تنسين طالما هي زوجه الاهم من كل هذا انه يعاملك بما يرضى الله ولا يظلمك.

Answer 21

الزوج ليس غرفة تشاركك فيها امرأة.
حقه وأخذه.
ولا يوجد أمر يمنعه منه.
واليمين يكفرها ويتزوج.
لماذا تفهم المرأة أن وعد الزوج بعدم التعدد أنه بلا شروط؟
هذه ليست رخصة لإهماله.
ما دمت وفية بما يريد فلن يتزوج.
من تنام في العسل لأنه حلف فهي غلطانة.
يهملون ثم  يشتكون.

Answer 22

هونيها على نفسك
رسول الله صلى الله عليه وسلم تزوج على عائشة وهي أحب الناس إليه
بنص الحديث

متى يفهمن النساء أن الرجل له حاجات في النساء
ليست كحاجات النساء للرجل

وعندما يعدد ليس معناه أنه يكره الأولى
أو أنه إستغنى عنها
لكن الإعلام والغزو لعب في هذا الجيل لعبته
وباتوا  له كالدمى

Answer 23

البكاء على اللبن المسكوب لن يعيده إلى الكأس .. الموضوع صار وانتهى
اللي لازم تسوينه هو إنك تدلعي نفسك وتهتمي بحالك وأنوثتك وصحتك وعقلك وأطفالك وتتعاملي مع الوضع عادي جدا وببرود تام،لأنه في النهاية أنت الخسرانة لو بقيت مقهورة رح تتآكلي وتذبلين وهو سعيد في أحضان الزوجة الأخرى

Answer 24

لاتسوين شي قومي في واجباتك وحقوقه وبدال الخساره استفيدي بتقرب من زوجك أكبر غلط تسويه الأنثى إذا تزوج عليه تروح تخرب حياته زيادة بدال ماتغير في نفسه وحياته تروح تسوي مشاكل

Answer 25

أنتظري خلاص هو حطك بالأمر الواقع
يمكن مايستمر هذا الزواج
يمكن تصير حياتك أفضل من قبل وتنفتح لك أبواب كنتي غافله عنها الرجل مش كل حياتك
خليه جزء من حياتك
لوكان رجل سيء معك وظالمك قلنا لك أخلعيه
لاكن زوجك كويس معك أهدي مسألة وقت لاتتصرفين تصرف تندمين عليه