زوجي حقير معي وأناني جدا ! شوركم علي اتطلق او اكمل!!! تعبت من زوجي!!!

Question

مشكلتي زوجي حقيير معي وأناني يمتع نفسه يسافر ويطلع ويدخل ويبخل علي وأنا تعبت منه والله تعبانه نفسياً وجسدياً ولايطلعني ولايدخلني ويبخل علي بكل شيء حسبي الله ونعم الوكيل واحس اني بدوامه اهلي مو راضين اتطلق وهو يقول روحي اخلعي طلاق مارح اطلق اخلعي

Answer 1

اخلعي عساه مايطلق بعض الناس طبعه يغلب على تطبعه وهذي الي سرة سنوات فمن الاول اتخذي الحل

Answer 2

الله يصبرك
لابد تعرفين وش سبب فعله هذا
مستحيل يكون من الباب للطاقة الا اذا هو اصلا بخيل فالبخل ماله علاج

Answer 3

كل انسان فيه عيوب بس يحاول قدر المستطاع يتغير للافضل ..

Answer 4

هذي المواضيع لو الناس تتكلم عليها هنا راح تزود النار حطب ، وش تبي مين منا نقولك ؟
هذي حياتك وانتي خذي القرار اللي يناسبك وموضوع النفقه تقدرين بأمر من المحكمه يصرف عليك غصباً عنه اكثر من هالكلام ما عندي لك والله يسهل امرك.

Answer 5

اعانك الله عندما يفقد بيت الزوجيه المؤده والرحمه يتحول لكابوس خصوصا اذا كانوا الاهل غير مقدرين لمعاناه بنتهم عشان لاتتطلق فقط وزوج يستغل الزواج للقهر والتنكيل لكن مالك الا الدعاء فانتي بين ناريين الاهل والزوج او ان تضعي حد قد يكلفك

Answer 6

تعلمي تسويق بالعمولة.  وبيجيكي دخل. وتقدري تصرفي على نفسك.   بس تعلمي عن طريق النت. وبعدها تشتغلي ببيتك

Answer 7

أشقى الناس بماله البخيل
لأنه يشقي بجمعه في الدنيا ويحاسب علي منعه بالآخرة
 فيعيش عيشه الفقراء ويحاسب محاسبه الأغنياء

Answer 8

الحين تقولين عنه حقيير وتبينه يطلق ( بس من باب احترام العلاقة اللي كانت بينكم ، وتربيتك المفترض ما ينقال ها الكلام ) اعتقد المكتوب باين من العنوان ، شكلكم الاثنين أسوا من بعض . الله يفرجها عليكم اجمعين ويسترنا واياكم وجميع المسلمين

Answer 9

عزيزتي
لا تشترط المثالية للاستقرار الزوجي
الحياةتنجح بالمرونةوالتغاضي والصبر والتسامح ما دام أن هناك مساحة لذلك.
الطلعات والسفروالخرجات يمكن التغاضي عنهاوالصبر على أنانيةالزوج فيها مادام أنه في غير ذلك قائم بأمور بيته.
وإذاكان بالفعل سيءالعشرة ولايُتعايش معه
قدمي طلب فسخ وليس خلع

Answer 10

اذا ما عندك عيال انجي بنفسك ..
انصحك وبقوه ان تخلعيه ...
وفيه حريم كثير صارت معهم هذي السالفه لاكن ماعاد نقدر نسوي شي عندنا عيال
عاشوو مرارة الحرمان والقهر سنين طوال

Answer 11

البخيل مايطاق اخلعيه قبل ماتتورطي بعيال اهررررررربي الحياه ماتوقف على شخص

Answer 12

محامي فورا ولا تشاوري احد لا بارك الله في الضعف .الحياة مرة لا تضيعيها مع الناس الخطأ

Answer 13

بعض الناس يعامل أهله بنكد وهو ما يعرف ان هذه التركمات ترجع عليه بشي لا يتوقعه

Answer 14

لصاحبة القصة استشيري محامي اذا تبين الطلاق هو ادرى و اعلم لان في حالات يطلق فيها القاضي مو شرط خلع

Answer 15

طيب هو رافض انك تطلعين مع صديقات مثلا اذا كذا فمالك الا سياسة الأمر الواقع 'يعني لا تنتظرين من اهلك يحددون مصيرك وشلون تعيشين ! اخلعيه بضغطة زر من ناجز اعتقد وروحي لأهلك سوي فيلم ابكي وافرضي نفسك وقرارك مفهوم 'اياكي والضعف والاستسلام ماحد رح يتعب غيرك '

Answer 16

تخلعه عشان يطالبها ترد المهر وهي متضرره منها مايستاهل انها تعطيه فلس واحد الا ترفع عليه قضيه ضررر نفسي وعدم الانفاق

Answer 17

لو حسستيه انج مستانسه بسفراته وعايشه حياتج ماراح يسافر .. كل ماسافر لاتردين على رقمه الا اخر الليل وقولي له كنت مع اهلي ، صاحباتي ، جارتي .. بيقول لج لا تطلعين قولي ونس عمرك وانا بونس عمري ولا عاد تردين عليه واذا مب عاجبه يطلق اشوف وعليه النفقة وكل شي

Answer 18

اهم شي راحه نفسيتك.. مو مرتاحه انفصلي سواء بطلاق او خلع  واذا عندك اطفال ارفعي عليه قضيه نفقه
ما ضيّعنا الا كلمه (اصبري عليه)
تصبر عليه لين يروح شبابها وتذبل ..وتجيها امراض هي في غنى عنها

Answer 19

كلمة بخيل دارجة بين النساء اللاتي يطلبن الطلاق هذه الايام السؤال هل ينفق عليك وعلى بيته واولاده  وهل أمن لكم السكن المناسب ؟؟ اذا نعم فأهلك معهم حق وزوجك معه حق أَما السفر والترفيه هذا فيه انانية فقط ويمكن ان تسافري من جيبك الخاص في حالة الرغبة

Answer 20

كلكم طايبه أنفسكم من بعض
إذا له شوية غلا عندك جربي اسلحتك الانثوية وأبدئي من جديد
إذا نفعت والا الوجه من الوجه ابيض.

Answer 21

وصفك لزوجك كذا ( غريب ) اولا اتقي الله و اصلي ما بينك و بين الله ثم ادعي لك و له و الله يصلح الحال و يسخركم لبعض واضح الرجل يحبك و متمسك بك حتى لو لم يعترف لك بذلك .

Answer 22

افسخي بسبب قوي ومقنع للمحكمة
الخلع ترجعين له كل شيء مكتوب في عقد الزواج ويمكن يطلب شيء غير موجود مثل الذهب والهدايا مع شهادة شهود

Answer 23

يابنت الحلال من له حيلة فليحتال اهلك رافضين طلاق وهو بس هذا العيب فيه تعايشي وحببيه بنفسك الرجل اذا حب المراة عطاها كل شي ومايبخل عليها

Answer 24

عامليه بالمثل لا تطبخي ولاتكنسي البيت واطلبي اجرتك للطبخ والكنس لان هذا ليس واجبك شرعا اذا جاب شغاله روحي دوري شغل وحملي الشغاله كل شي وانتي شوفي حياتك قولي له لما انت تتغير انا اتغير

Answer 25

حتى نكون منصفين ما نقدر نحكم من شخص واحد وفوق هذا كلام عام ما فيه عيب واضح حتى وصفك له بالبخل حسب منظورك
الحل أنصفي نفسك وحاسبيها وتذكري ما فيه شريك مفصل حسب هواك والخلع مو حل حبيه بعيوبه أو جربي تقعدين كم شهر في بيت اهلك قبل تطلبين الطلاق