متزوجه من ثلاث سنوات وزوجي بخيل معي بكل حاجه ! زوجي يقصر معي كثير

Question

متزوجه من ثلاث سنوات وزوجي ما وداني مطاعم الا اول اسبوع زواج بعدها ماشفت لامطعم ولاكوفي واذا جاب من برا يجيب من بوفيه وهذي تصير كل شهرين مره حتى يوم طلعت من النفاس ما جاب هديه ولا وداني مطعم والسوق اروح له في السنه مرتين تعبت من هالعيشه هو مو بخيل بس عنده هالامور تافهه وسخيفه

Answer 1

همك الاكل ؟!

سؤالك كله عن المطاعم و الكافيهات ..

و تعبتي من هالعيشة
مااااش بنات هاليومين الا من رحم ربي

Comments

بعض المتزوجات يحرمون أزواجهم من الجماع عشان ما طلعها مطعم أو كافي

وش دخل المطعم والكافي في الجماع

Answer 2

هي في حاجة لتغير جو برا البيت وهذا حق من حقوقها ولا ينكر هذا الشئ الا كل انسان سطحي محدود الفكر .

Answer 3

للمعلوميه هي اعمالها داخل البيت ليست واجبه عليها تشتري رااحتهل تصير تاكل وتنام وتهتم بنفسها تطبخ له تنظف له غير واجبة عليها

Answer 4

الله يعينك على الردود المثالية والدينية كلها أشياء سخيفه وماتنفعك وو وكان المرأة ماتبي حياة تتنفس وتطلع وتخرج واغلب الردود صحونجية وبعد سنتين يجي زوجك يتشكى من ملل الروتين واهمالك ويقولون الله يعينك تزوج وحدة ثانية هدها ودها بيت اهلها بس المرأة زوجها ممل ونفسية لا سخيفه

Answer 5

صحيح هذه أمور سخيفة زوجك على حق
أكل البيت وقهوة البيت أنظف وأبرك
تحبين التغيير غيري في بيتك
كلي معه مرة في المطبخ ومرة في الصالة ومرة في الغرفة
لا تخلقي إشكالا من لا شيء
كأنك تعيشين بفراغ وبلا هدف
حددي لنفسك هدفا ساميا وانشغلي به
ثم دعيك من متابعة التافهات
واحذفي السناب
وستسعدين

Answer 6

تافهه
 خلاص مهب لازم يروح معك
إذا مايعيي
كل أسبوعين روحي للمول وتسوقي
وفيه كافيهات ومطاعم
 تقهوي وتعشي وتسوقي واستانسي لو لحالك

Answer 7

بما انك ماكله شاربه وشو له المطاعم والكافيهات .. خليك في بيتك ازين لك!
بالتأكيد راح الاحظ كثير من هالتعليقات في الردود للأسف
ولكن الزوجة بحاجة لكسر الروتين للتغيير ولو مره في الشهر مطعم وكوفي
صحيح الزوج ليس بخيل ولكن المفترض يلبي رغباتها لانها تريد ذلك!
تحاوري معه واقنعيه

Answer 8

نحن معشر الرجال تفكيرنا يكون مختلف من المراة ربما نرى شيء سخيف لكن المراة بالنسبة لها شيء كبير ربما اذا ربي وسع عليك وسع على اهلك والله تشوف البركة
 تنبسط من هالشيء ونحن نرى سخيفة
لذلك انصح الرجال وانا منهم مع اني  ماحب لكن لاجل الاهل لابد نغير ولا نخرج عن الاطار
(مجرد رايي)

Answer 9

الواحد يطلع يتفسح يوسع صدره وأهل بيته مافيه مشكله لكن إذا ماحصل الشي هذا اشوفه عادي والحياة والله موب مطاعم وكوفيات إذا هو طيب وابن حلال وكريم وأخلاقه عاليه شي طيب وانتي بعد اعزميه على مطعم أو كوفي كله ماتتعدا ١٠٠ ريال

Answer 10

يبي لك تجلسين معه وتتفاهمين ع الموضوع هذا وتبينين وجة نظرك وانك تحبين المولات والكوفيهات الشي اذا ما اعجبك في زوجك ابدي وجهة نظرك اتجاهه بدون تجريح وبكل هدوء هذي الاشياء مو من موده بس انتي حاولي تعرفي مفتاح قلبه اذا وصلتي للي يحب ف أنتي وصلتي لهدفك

Answer 11

سبحان الله كأني أشوف نفسي هههههههههههههه
وفجأه لقيت نفسي أصلآ مع الشخص الخطأ مايحب الحياة وكل شي سخيف عنده طقوس الناس كلها سخيفه أستبدلي الحياة اللي تبغينها مع صديقاتك أتركيه عيشي المتعه معهم الناس للناس وماوجد الناس إلا لسعادة بعض

Answer 12

كلام سليم اخر كلمتين قلتيها

هل هو يبني لكم بيت ويجمع لكم فلوس لعيالك ولمستقبلكم ويحاول يحسن وضعكم...... اذا كانت اجابتك لسؤالي نعم!
فبالفعل تعتبر الامور اللي قلتيها كماليات وتضيع للوقت والفلوس علي الفاضي وهي اصلا كماليات وتافهه لكن لا يمنع يغير بكم جو في البر والا البحر

Answer 13

العدل والانصاف ياخذها يلبي حاجتها
ولو مرة في الشهر لكن لابد
المراة تحتاج وتتمنى اذا لم يعجبه مثلا لا ياكل لكن يراعي مشاعر البنت
وربي يبارك له ويزيد في رزقه اذا ينفق عليها
والله كلمة جميلة او طلعة خفيفة ربما تجعل البيت قمة السعادة
يا معشر الرجال سددوا وقاربوا

Answer 14

مو ملزوم يسويلك كل هذي الامور
قوليله ودي اروح وكذا بس لو ما رضي خلاص الحمدلله على كل حال حاولي تتعايشي لكي ٣ سنوات الظاهر تعودتي

Answer 15

اختي الكريمة اتقربي من زوجك واظهري به الاهتمام وانت ابدئي واعزميه في مطعم أو كوفي وصارحيه واتففي معه على الخروج لمطعم كما ذكرتي ولو اقل شيء مره في الشهر فالحياة تفاهم ومحبة وتحاور ربي يسعدكم

Answer 16

مادام انه مو بخيل وطيب معك
بيتعدل ماعليك
يمكن عنده بالليل الاستراحة اهم من كل شيء
حاولي تسحبيه من جو الاستراحة الى جو البيت والعائلة
والمهم بهدوء تفاهمي معه وبدون مشاكل

مع العلم انه هو المقصر مش انتي على حسب كلامك ولكن احيانا نتنازل شوي ونغض الطرف عن بعض الامور عشان نكون أسعد

Answer 17

من قالك ان الزواج سفرات وهدايا وكافيهات .. صحيح الاشياء هذي حلوه ومطلوبه لكن مب اذا ما توفرت تسوين مشاكل !

Answer 18

هذه طباعه
حاولو تتفاهمو وكلميه بالاشيا اللي تحبيها منه لك  .  وابدئي بالشي عشان يبدء يتعود
والله كريم

Answer 19

اصبري عليه يمكن حالته المادية ما تسمح
وللعلم المقاهي والكافيهات مافيها الا الخسارة
اغلب مطاعمنا للاسف لا تراعي عادات وتقاليد المجتمع السعودي
بدون فواصل وموسيقى تقلب الراس

Answer 20

الاغلب كذا وش الجديد ؟ المهم انه ما يغلط عليك ولا يمد ايده ولا شي اعرف ان ذا الموضوع صعب بس ما ينفع تخربين بيتك عشان مطعم والا كوفي ودامه يشوف هالموضوع تافهه يعني حتى النقاش ماراح يفيد

Answer 21

فعلا هالامور تافهه وسخيفه .. انا اللي اعزم زوجي فمطعم هو ولا مره فكر لان انا اللي ابي اطلع مو هو فانا اللي لازم ادفع .. ثانيا اطلعي مع خواتك صديقاتك اونس لان الرجال ما يحبون هالاماكن .

Answer 22

انتن يالنسوان الوحده فيكم ما بتحب تطلع طلعه الا يكوت فيها دفع مافي  عندكو طلعه ناشفه
بعدين لا تطلعي على صاحباتك الي بضلن يروحن على المطاعم والكافيهات وبتصورن على السناب ممكن يكون الكان مجيف بس التصوير محليه
قولي الحمدلله غيرك مش ملاقي الكل بالبيت

Answer 23

مادام مو بخيل فاحمدي الله
وهذه الاشياء تراها لا تجيب سعادة ولا تعيق استقرار الا في العقول الصغيرة
اهتمي باهتمامات زوجك ولا تسمعي للمخببات والفارغات
انصحك بقراءة كتاب الوسائل المفيدة للحياة السعيدة لابن سعدي رحمه الله
وطبقيها تتغير حياتك بالكلية

Answer 24

خلاص وضحي له انك تحتاجين هالشي بعض المشاكل تجلس بالنفس سنين وحلها بسيط ( المصارحه ) ونتعب انفسنا بالفاضي صارحيه واكيد بيتفهم

Answer 25

المفروض يوديك و يمشيك و ماهو شرط يسوي شي هو مقتنع فيه - يعني لما تلعب مع طفل وتشاركة فهي تعتبر لطف ومحبة منك مو سالفة مقتنع ولا لا.