زوجي يمد يده علي ! زوجي يشتكي مني قدام اهله ايش الحل معاه ؟

Question

اذا كان الزوج يمد يده على زوجته حتى قدام اهله ولو خفيف واشتكت عليهم ولا كانه صار شي ورجعت لبيت اهلها ويجي يحلف ايمان انو ماعاد يمد يده ويراضيها ويجلس فتره طويله مؤدب بعدها مع اتفه شي يمد يده صح انو مدة يده خفيفه بس تحز بالنفس ايش التصرف المناسب

Answer 1

معليش لي رأي مختلف. البنت اللي لها هيبة ومكانة ومحترمة نفسها وكلامها قليل مافيه اي سبب يخلي زوجها يرفع يده عليها. كلما قل كلام الزوجة وصارت أفعالها مدروسة ولسانها طيب مستحيل يلقى عليها اي سبب للضرب. أما اللي تصارخ وتهاوش وممكن تكسر وتلعن.. لا تستغرب ان زوجها رح يعطيها كف لتأديبها

Answer 2

أول مره اعرف شي اسمه مد يد خفيف طالما اعتذر ورجع كرر نفس الشي المفروض تاخذين موقف أقوى من قبل واذا رضيتي على نفسك بدون ما تأخذين موقف لا تجين هنا تتشكين عندنا من تهون عليه نفسه لا يطلب الناس تشور عليه او تساعده

Answer 3

مدة اليد غلط وتصرف غير لائق شرعيا واجتماعيا
الشخص الي يمد يده قد يكون ناقص او مريض او متهور كل الاحتمالاات تنقص من رجولته .
مجرد انه حلف خلاص يعتبر حول القضيه الي ملك الملوك القاضي العادل
اطلعي من الموضوع وفوضي امرك لربك واذا قدرتي تسامحينه او تتغاضين يكون افضل لك ويرقيك درجات.

Answer 4

ايش السبب ؟ .... بغض النظر عن تصرفه .. في حياة الزوجين تحديدا تصير هالاخطاء لكن ايش السبب ؟؟ اذا كان مثلا تردين عليه الكلمه بكلمه وراسك براسه .. خففي وهدي .. وان كان من دون سبب حطي حد .......

Answer 5

الصراحة ماراح يتوب واللي يمد يده على زوجته مهب رجال الا رخمه بعد
لو به ذره خير دام سامحتيه من طيبك تاب بعدها صدق وتحسف لكن تأكدي انه ماله علاج ولا كان ما مد يده مره ثانيه عليك

Answer 6

مافهمنا ..!مدّة يده بتعنيف وتطاول هذا مرفوض وليس من الرجولة في شيء..
لكن مدّة يده خفيفه !؟؟كيف يعني ؟يمدها بمزح وإلا حركه ماتُذكر!؟حتى انتِ قلتِ خفيفه !يعني ماتُشكى ..تعاتبينه بهدوء وأدب مايحتاج مايحتاج أيمان وتدخل إهل!!لأنك إعترفتِ إنها خفيفه ..بشوية عتاب لطيف ينساها...

Answer 7

الحل اعملي له دراما كبييييرة دخلي فيها اخوانك ويحذروه بحزززم انه ما يمد يده او قولي له المرة الجايا لو مديت يدك حرفيا حرفيا باعمل فيك بلاغ لاني ما اقدر اتحمل قلة قيمة وقلة احترام انا ابوي ما مد يده علي مو انت تجي تمد يدك

Answer 8

مزح دفاشه والا ضرب؟
ما فيه مدت يد خفيفة

أنا أشوف إن الإعتداء الجسدي خط أحمر ولازم يتم تصعيدة وينحل على أعلى مستوى في الأسرة
لازم يكون الكلام والنقاش سيّد الموقف مو العضلات

لما الشخص يُخرِج الضرب من قاموسه هنا يبدأ يستخدم مخّه ويفكر كيف يحل مشاكله بطرق واقعية ودائمة

Answer 9

( راح اضربك ) مجرد التلفظ غير مقبول مادامك بالحقيقة وايضا ام الناس .
لا تطلبي منه الحلف ، فقط احلفي انتي اذا كرر راح يكون ردة فعل قوية منك .

Answer 10

بين الزوجين لابد من التنازل والتعلم ..!
وطلب الانفصال لايحل مشكله ..
ولا تدمري حياتك بالذهاب لأهلك..
وابتعدي عن زوجك وقت غضبه يصلح الحال وغيري طريقة تعاملك معاه للأفضل
موفقه

Answer 11

حتى لو كانت ضربة خفيفة الحين فهو جس نبض اذا شافك سكتي بيزيد و يقوى ضربه ، فخليك حازمة بهالموضوع و لا تقبلي بالعنف أبداً ..

Answer 12

مد يد خفيف.... يدورو اي شي عشان يخلعو. ولما تنخلع ودها تبوس يده عشان يردها

Answer 13

دائماً نقول اذا وصلت الحياة الزوجية إلى الضرب فالانفصال هو الخيار الأنسب
الله لا يبتلينا
كيف تأكل وتشرب معها و تضربها و بعدين تطلبها للفراش
هذي ما هي حياة

Answer 14

الضرب لايكون الا في حالات قليلة
ويكون اخر الحل وليس اول حل يتخذ
"واضربوهن"

اما الضرب على كل شي
فهذا خطأ
ولازم يترك هذا الفعل

Answer 15

فيه حجات مرفوضه في الزواج لازم تكون رده الفعل قويه مثل الضرب والمخدارت والخيانات وغيرها ، التساهل فيه يعني القبول والرضى

Answer 16

لا تسمحين له يمد يده عليك اللي يتعود كذا بيجلس كذا الى آخر العمر فنصيحه حطي حد له وخليه ياخذ منك موقف صارم يده ما يرفعها عليك نهائيًا بليز خلي عندك كرامه

Answer 17

لازم توقفيه عند حده ، الحين كف خفيف وإذا سكتي راح يثقل يده ، لا تقبلي تجاوزه ، ولكن بالحكمة والمسايسة حتى يترك هذه العادة القبيحة …

Answer 18

بإختصار ، اذا مد يده اكسريها او عضيها أو احذفيه بأي شي حولك .
هذا ما يتأدب إلا بنفس اسلوبه .

خليك قوية ، ولا تخافين دام الحق معك
ولا تشتكين لأهله دام انهم ما وقفوا مع الحق اول مره .
وسلامتك

Answer 19

مافيه شي اسمه مدة يد خفيفه
 اقل شي يحترمك قدامهم
اذا سكتي بكره كل مالها تتطور لضرب
دامك راضيه تحملي ولا الكرامه عندك صفر

Answer 20

مدي اقوى منها في مجلس ببيت اهله وبييت اهلك وقوليله مااقصد ومااعيدها وكرري الفعل من عمل الفاعل وانتهينا

Answer 21

بقول لك شي من واقع تجربه اللي تستمرئ يده على الضرب..كل مره بيرتفع مستوى الضرب لأقوى..

Answer 22

الضرب مؤذي نفسياً الحل تتخلص منه غير صالح للاستقرار

Answer 23

يمكن عادة عنده، لازم له من تعامل حازم عشان يخلي يدينه بجنوبه ويحترم زوجته ويعرف أن فرد العضلات على الأقل قوة لايعتبر شجاعة.

Answer 24

عليه كفارة يمين وانتي عليك السمعه والطاعه ويادار مادخلك شر

Answer 25

مافي رجال يمد يدة على حرمه
اتوقع زوجك عندة مشكله في نفسيته