في تصنيف استشارات زوجية بواسطة

اذا كان الزوج يمد يده على زوجته حتى قدام اهله ولو خفيف واشتكت عليهم ولا كانه صار شي ورجعت لبيت اهلها ويجي يحلف ايمان انو ماعاد يمد يده ويراضيها ويجلس فتره طويله مؤدب بعدها مع اتفه شي يمد يده صح انو مدة يده خفيفه بس تحز بالنفس ايش التصرف المناسب

25 إجابة

0 تصويتات
بواسطة
معليش لي رأي مختلف. البنت اللي لها هيبة ومكانة ومحترمة نفسها وكلامها قليل مافيه اي سبب يخلي زوجها يرفع يده عليها. كلما قل كلام الزوجة وصارت أفعالها مدروسة ولسانها طيب مستحيل يلقى عليها اي سبب للضرب. أما اللي تصارخ وتهاوش وممكن تكسر وتلعن.. لا تستغرب ان زوجها رح يعطيها كف لتأديبها
0 تصويتات
بواسطة
أول مره اعرف شي اسمه مد يد خفيف طالما اعتذر ورجع كرر نفس الشي المفروض تاخذين موقف أقوى من قبل واذا رضيتي على نفسك بدون ما تأخذين موقف لا تجين هنا تتشكين عندنا من تهون عليه نفسه لا يطلب الناس تشور عليه او تساعده
0 تصويتات
بواسطة
مدة اليد غلط وتصرف غير لائق شرعيا واجتماعيا
الشخص الي يمد يده قد يكون ناقص او مريض او متهور كل الاحتمالاات تنقص من رجولته .
مجرد انه حلف خلاص يعتبر حول القضيه الي ملك الملوك القاضي العادل
اطلعي من الموضوع وفوضي امرك لربك واذا قدرتي تسامحينه او تتغاضين يكون افضل لك ويرقيك درجات.
0 تصويتات
بواسطة
ايش السبب ؟ .... بغض النظر عن تصرفه .. في حياة الزوجين تحديدا تصير هالاخطاء لكن ايش السبب ؟؟ اذا كان مثلا تردين عليه الكلمه بكلمه وراسك براسه .. خففي وهدي .. وان كان من دون سبب حطي حد .......
0 تصويتات
بواسطة
الصراحة ماراح يتوب واللي يمد يده على زوجته مهب رجال الا رخمه بعد
لو به ذره خير دام سامحتيه من طيبك تاب بعدها صدق وتحسف لكن تأكدي انه ماله علاج ولا كان ما مد يده مره ثانيه عليك
0 تصويتات
بواسطة
مافهمنا ..!مدّة يده بتعنيف وتطاول هذا مرفوض وليس من الرجولة في شيء..
لكن مدّة يده خفيفه !؟؟كيف يعني ؟يمدها بمزح وإلا حركه ماتُذكر!؟حتى انتِ قلتِ خفيفه !يعني ماتُشكى ..تعاتبينه بهدوء وأدب مايحتاج مايحتاج أيمان وتدخل إهل!!لأنك إعترفتِ إنها خفيفه ..بشوية عتاب لطيف ينساها...
0 تصويتات
بواسطة
الحل اعملي له دراما كبييييرة دخلي فيها اخوانك ويحذروه بحزززم انه ما يمد يده او قولي له المرة الجايا لو مديت يدك حرفيا حرفيا باعمل فيك بلاغ لاني ما اقدر اتحمل قلة قيمة وقلة احترام انا ابوي ما مد يده علي مو انت تجي تمد يدك
0 تصويتات
بواسطة
مزح دفاشه والا ضرب؟
ما فيه مدت يد خفيفة

أنا أشوف إن الإعتداء الجسدي خط أحمر ولازم يتم تصعيدة وينحل على أعلى مستوى في الأسرة
لازم يكون الكلام والنقاش سيّد الموقف مو العضلات

لما الشخص يُخرِج الضرب من قاموسه هنا يبدأ يستخدم مخّه ويفكر كيف يحل مشاكله بطرق واقعية ودائمة
0 تصويتات
بواسطة
( راح اضربك ) مجرد التلفظ غير مقبول مادامك بالحقيقة وايضا ام الناس .
لا تطلبي منه الحلف ، فقط احلفي انتي اذا كرر راح يكون ردة فعل قوية منك .
0 تصويتات
بواسطة
بين الزوجين لابد من التنازل والتعلم ..!
وطلب الانفصال لايحل مشكله ..
ولا تدمري حياتك بالذهاب لأهلك..
وابتعدي عن زوجك وقت غضبه يصلح الحال وغيري طريقة تعاملك معاه للأفضل
موفقه
0 تصويتات
بواسطة
حتى لو كانت ضربة خفيفة الحين فهو جس نبض اذا شافك سكتي بيزيد و يقوى ضربه ، فخليك حازمة بهالموضوع و لا تقبلي بالعنف أبداً ..
0 تصويتات
بواسطة
مد يد خفيف.... يدورو اي شي عشان يخلعو. ولما تنخلع ودها تبوس يده عشان يردها
0 تصويتات
بواسطة
دائماً نقول اذا وصلت الحياة الزوجية إلى الضرب فالانفصال هو الخيار الأنسب
الله لا يبتلينا
كيف تأكل وتشرب معها و تضربها و بعدين تطلبها للفراش
هذي ما هي حياة
0 تصويتات
بواسطة
الضرب لايكون الا في حالات قليلة
ويكون اخر الحل وليس اول حل يتخذ
"واضربوهن"

اما الضرب على كل شي
فهذا خطأ
ولازم يترك هذا الفعل
0 تصويتات
بواسطة
فيه حجات مرفوضه في الزواج لازم تكون رده الفعل قويه مثل الضرب والمخدارت والخيانات وغيرها ، التساهل فيه يعني القبول والرضى
0 تصويتات
بواسطة
لا تسمحين له يمد يده عليك اللي يتعود كذا بيجلس كذا الى آخر العمر فنصيحه حطي حد له وخليه ياخذ منك موقف صارم يده ما يرفعها عليك نهائيًا بليز خلي عندك كرامه
0 تصويتات
بواسطة
لازم توقفيه عند حده ، الحين كف خفيف وإذا سكتي راح يثقل يده ، لا تقبلي تجاوزه ، ولكن بالحكمة والمسايسة حتى يترك هذه العادة القبيحة …
0 تصويتات
بواسطة
بإختصار ، اذا مد يده اكسريها او عضيها أو احذفيه بأي شي حولك .
هذا ما يتأدب إلا بنفس اسلوبه .

خليك قوية ، ولا تخافين دام الحق معك
ولا تشتكين لأهله دام انهم ما وقفوا مع الحق اول مره .
وسلامتك
0 تصويتات
بواسطة
مافيه شي اسمه مدة يد خفيفه
 اقل شي يحترمك قدامهم
اذا سكتي بكره كل مالها تتطور لضرب
دامك راضيه تحملي ولا الكرامه عندك صفر
0 تصويتات
بواسطة
مدي اقوى منها في مجلس ببيت اهله وبييت اهلك وقوليله مااقصد ومااعيدها وكرري الفعل من عمل الفاعل وانتهينا
0 تصويتات
بواسطة
بقول لك شي من واقع تجربه اللي تستمرئ يده على الضرب..كل مره بيرتفع مستوى الضرب لأقوى..
0 تصويتات
بواسطة
الضرب مؤذي نفسياً الحل تتخلص منه غير صالح للاستقرار
0 تصويتات
بواسطة
يمكن عادة عنده، لازم له من تعامل حازم عشان يخلي يدينه بجنوبه ويحترم زوجته ويعرف أن فرد العضلات على الأقل قوة لايعتبر شجاعة.
0 تصويتات
بواسطة
عليه كفارة يمين وانتي عليك السمعه والطاعه ويادار مادخلك شر
0 تصويتات
بواسطة
مافي رجال يمد يدة على حرمه
اتوقع زوجك عندة مشكله في نفسيته

استفسارات متعلقة

...