ثلاث شهور متزاعلة مع زوجي بسبب أنه مد يده علي !

Question

بيكمل لي ثلاث شهور متزاعلة مع زوجي في بيت اهلي للأسباب كثيره من بينها تهاوشنا وصار مد يد وجاء مرات كثيره وأعتذر وحلف وندمان وان بهالفترة هذي كلنا شخصياتنا تغيرت وعرفنا من اغلاطنا بس انا حطيت شروط الآن ان مارجع له الا بسكن قريب اهلي وهو دوامه بمنطقه ثانيه ويقول مايقدر على هالشي حاول بدوامه بس ماقدر يقول شاريك "احد قد صارت له مثل كذا مشاكل ورجعتوا احسن من قبل؟

Answer 1

خلي ابوك وعمانك وخوالك واخوانك  يجتمعون معه ويتعهد مايمد ايده عليك الان كلام رجال مو رضاوه لازم تحطين حد اهم شي كرامتك وسندك اهلك والرضاوه ذي من ذوقه

Answer 2

يابنت الحلال اشتري اللي شاريك وارجعي وتغاضي وتنازلين كل بيت فيه غثى بس حياتك خليها ملكك حتى اهلك لايدرون طيعيني اذا صلحتوا الناس ماتنسى والناس صدقيني ماينفعون احتوي زوجك وتحملي  حتى انت اكيد تغلطين اما كل يوم بتغيرين رجل علشان صارت مشكله صعبه اذا مايشرب ولا تارك للصلاة مدة اليد نبيه باسلوب جدي بينك وبينه واشتري اللي شاريك ترا مايجيك الا اردى واردى ولا تاخذين راي احد صديقه اهل انتهي حياتك خط احمر مدام الامور تصلح صدقوني الغلطان اللي كل كلمة وتفاهم تفزع اهلها هذي مهيب مرة يعتمد عليها في ادارة بيت وعيال  مقهورة من كثير بنات وانا عندي بنات اذنها لفلانه وراي فلانه وهذا قال لي وهذا ماشرا لي وهذا مد يده بأمانه مد يده اكيد فيه سبب وهذا مايعني له ان يمد يده يتعلم الحلم واحترام شراكة الحياة، بس صدقوني ان البيت يعتمد على المرأة اللي راكدة تعالج امورها بالتريث والحلم والصبر لان حياة عيالها واستقرارهم مربوطه بها ويشوفون امهم ويقلدونها بعدين كل شي يحصل ركض لاهلها وصديقاتها وهذا غير صحيح وين الصبر هذي شراكة حياة ترا وقتنا مشكلة نسوية ماانزل الله بها من سلطان وعدم احترام الحياة الزوجية زوجك زي ماقلت اذا مهوب تارك للصلاة ولا يشرب فيه خير احتويه اذا شاريته واذا تبين كل يوم زوج الله يعينك شي راجع لك وامحق من حياة ياليت تاخذون نصيحتي بعقلانية والله اني ناصحة فهل من منتصح

Answer 3

مو كل الناس تنحل مشاكلها زي بعض بس طالما شاريك حطي رضوه مبلغ كويس لك واذا دفع خلاص ارجعي وانتبهي لنفسك وبيتك واذا على مده اليد يتعهد معد يمدها واذا عصب زوجك لا تتكلمي معاه اتركيه لين يطخ وتفاهمي معاه عشان ما يسير مده يد واتفقوا اذا احد زعل وتهاوشتوا، الثاني يسكت لين تهدئون وتحلونها الاتفاق اساس كل شي وانتي الاساس خليك حكيمه واعقلي وزوجك تقدرين تسيطرين عليه وعلى غضبه فا الله يسعدكم ويوفقكم وارجعي اذا فيه مجال وقدري وضعه وقولي له قدرت وضعك وبرجع لكن بشروط ومن ضمنها الرضوه والتفاهم على المشاكل تنحل بانفسنا وبهدوء وخلي احد يكلمه ما يمد يده وان شاء الله يعقل لكن انتي ما غلطتي لما رحتي لاهلك عشان ضربك بالعكس هنا راح يتعلم من خطأً وتعلم طالما انه شاريك لسه وربي يوفقكم

Answer 4

خذيها قاعده اذا راضاك زوجك واعتذر اقبلي لان اذا طالت فترة الزعل راح ينساك ويتعود على بعدك بس مايمنع تاخذين رضاوه لان لي زميله كذا 8 شهور زعلانه ببيت أهلها والبيت مشى بدونها وزوجها خدم بناته وعياله والان هي مطلقه تعض أصابع الندم

Answer 5

شوفي حنا ماندرى وكلن له ظروفه لكن بنقطعين الشك باليقين هو تغير أو لا ارجعي مدامه اعتذر وشوفي بعينك هو تغير اولا وعلى ها الأساس احكمي ...لانه كثير حدث ولا حرج الي اعتذروا وقالو راح نتغير،،،ورجعوا مثل قبل وبعضهم أسوا من قبل لكن فيه جزئيه بسيطه يتادبون ويتغيرون وانتي جربي وشوفي

Answer 6

نصيحتي لك دام كلكم عرفتو اغلاطكم ودامه جاك واعتذر وعزز موقفك ترجعين له وشرطك تنازلي عنه وروحي ابدي صفحة جديدة وكل زوجين تجي بينهم مشاكل وفي اوقات كثير يرجعون احسن من اول وتكون المشكلة درس للطرفين اسال الله ان يؤلف بين قلوبكم وييسر امركم

Answer 7

ياما زعلنا ورجعنا بدون ولاشي والحياه ماشيه اهم شي التفاهم وماله داعي توصل مشاكلكم للاهل ثاني مره لازعلتي ازعلي بغرفه ثانيه صدقين الامور تنحل بسرعه

Answer 8

ارجعي ايه رجعنا مافي حياة زوجيه بدون مشاكل بس نتحمل ونصبر  لان الرجال يمر بضغوطات العمل  وإذا غلط اصبيري عليه وتنازلي والله حصلي مثل ماحصل لك بس عمري مطلعت من بيتي ولااشتكيت لأهلي ازعل وابكي واخذ في خاطري حتى لو هو الغلطان انا اتنازل واكلمه واخدمه ومن حاله يعود الماء في مجراه

Comments

كم لك متزوجة

Answer 9

اذا تعتقدي ان طول المده راح تحل مشاكلك او تربي زوجك ف انتي غلطانه ( من تغلى تخلى) وكثرة البعد تعود الانسان ع فقدان الشي ويصير عنده عادي جا او لا ماعاد يفرق وبما انه اعترف لك بغلطه ودخل ناس تحل المشكله فهو شاريك. صحيح مد يده غلط لكن دام اعترف خلاص طاح الحطب وشرط انك تسكني عند اهلك وهو في منطقه ثانيه ماهو منطقي هالطلب وش الفايده من الزواج اذا كل واحد في مكان بعيد اساس الزواج الالفه والاستقرار …

Answer 10

طلبك غريب يترك دوامه ويكون جنب اهلك صعبه بس لاتسمعين تجارب الناس جربي انتي مو خسرانه عطيه فرصه وعطي نفسك فرصه وصلحو اغلاطكم فعل مو كلام

Answer 11

اعطيه فرصه كلنا نمر بمشاكل وثلاث شهور مده مره طويله ع الزعل دام الريال شاريك ردي له عشانك وعشانه وان شاء الله بيكون احسن هم الشباب كذا يحسون بقيمه الشي لما يبعد عنهم

Answer 12

حبيبتي دامه مايقدر يوفر لج سكن قريب من اهلج خلاص اعذريه وارجعي له دامه اعتذر وشاريج وانسي كل شي لا تذكرينه بالمشكلة وكملو حياتكم بحب واحترام ومودة الله يسخركم لبعض بالخير والراحة والسعادة لكل العمر

Answer 13

بقولك شي حطيه ببالك اذا كثرت التشرطات  اصبحت حياة زوجيه لاتطاق  العني الشيطان وروحي مع زوجك وين مايكون عمله  تحملي واصبري معه وربي يفرجها عليكم

Answer 14

ثلاثة شهور كثيرة جدا.  خلاص ارجعي لا تضيقي عليه. اطلبي رضاوة اطلبي اعتذار بس نقل دوامه صعبة مهو على كيفه الشغل

Answer 15

شاريك الرجال ارجعي والله يصلح الاحوال محد كامل اهم شي عرف غلطه وان هالشي مايتكرر مهما صار نقاش او جدال يكون باحترام الله يسعدكم

Answer 16

نصيحتي لك ردي لزوجك اعطيه آخر فرصه تكفين يابنت ترى الزعل والمشاكل مالها داعي فهالدنيا وآخرتها ممات تسامحوا واعفوا واصفحوا لكم آجر وثواب من رب العالمين

Answer 17

ي بنت الحلال اذا جاء واعتذر خلاص مشي امورك بعدين كيف هو يعيش ف منطقه وانتي ف منطقه ماتخافين احد يلعب ف راسه او يشوفله شوفه ليش تتزوجين اجل اذا تبين عند اهلك؟

Answer 18

ارجعي يابنت الناس لاتخربي بيتك ، قبلتي فيه وانتي عارفة انه بمكان بعيد ، بس لاتسمحي يمد يده تاني بس كمان وقت المشاكل اهدؤوا لازم واحد يهدي وبعدين يتناقش ، الله يسهل لكم

Answer 19

بعيد عن كل شي انتي تزوجتي يعني استقليتي بحياتك ماله داعي تلزقين ب اهلك خلاص اهلي لهم زياره بوقت محدد الحرمه تتبع زوجها وتروح معه خصوصا لما يكون الموضوع دوام ومعيشه هذه حياتكم وحياة اطفالكم ومستقبلكم تخيلي يسكنك عند اهلك بدون وظيفه؟

Answer 20

والله هالشرط ماله دخل انتي وزوجك عشره عمر وجاء واعتذر لك وكنتي راضيه في بيتك الاول ليش تكبرون المشكله دام الغلط تصلح وجاء اعتذر قفلي ع كل شي وارجعي له وعيشي حياتك اذا الشي تقدرين تمشينه مشيه ماله داعي لازم اسكن عند اهلي وشرط تعجيزي وانتي اكيد اعرف بظروف زوجك والله يفرج همك

Answer 21

صلي ع النبي ودام حاول اكثر من مره  حطي شروط يقدر عليها دام البيت مايقدر علييه وارجعي واعطيه فرصه ممكن ربي يهديكم لبعض ويسخركم حق بعض

Answer 22

نصيحه لا تخلي احد يتدخل غير امك وابوك وامه وابوه ومحد له حق يتدخل لانها مشكله بينكم خذي يومين قولي انا خلال اليومين دي راح اقرر يا اكمل معاه يا انهي الي بيننا لا تشتتي نفسك واهلك كدا وعلى موضوع الدوام ترى افضل لك انو تكوني في مدينه عمله لانه لو كان بيتك في مكة والدوام في جدة وبان مداوم تعبان راح ينشغل بالك انو لا يروح يصير شي فيه واستخيري ربك ودام اعتذر وندم وشايفه انك قادره تكملي معاه ارجعي وفي النهايه القرار لك والله يوفقك

Answer 23

مدام اعترف بغلطه وشاريك لاتفرطين فيه بس خليه يوعدك وخليه شرط عليه قدام اهلك أنه اذا تحسن وضعه يسكنك قريب من اهلك بحكم انه بعيد مو عندك والله ييسر امرك يارب

Answer 24

ليش قريب من أهلك خلاص يا ماما انتي كبرتي وطالما تزوجتي مو لازم جنب أهلك وطالما راح ورجع ودخل ناس ارجعي قبل ما تجي غيرك

Answer 25

اذا تبغبن تسامحينه سامحيه من مبدأ اعطاء فرصة وعشان الحياة تمشي …. ولكن لا تستخدمين الزعل حجه عشان تمررين طلباتك بطريقة استغلالية