تطلقت من زوجي ولا زلت احبه رغم زواجه

Question

انا احب زوجي واموت عليه وهو نفس الشي يموت علي لکن حدتنا الظروف وكان مافيه مجال لازم نتطلق وتطلقنا وزوجي تزوج وحده ثانيه انا لا جلست على ولدي ورفضت الزواج المهم بعد زواجه بفتره رجع يكلمني ويحاول انه نرجع لبعض مرات احن له وارجع اكلمه و تعلقنا فبعض وزاد شوقنا وحبنا لبعض اكثر واكثر ولنا على هالحال اكثر من اربع سنين انا تعبت وتعبته معي انا مااقدر اترك ديرتي واروح اعيش معاه ومع ضره وعيال ماقدر من اتخيل الموقف تطلع روحي شعور يمووت وبنفس الوقت هو بعد مايقدر يجي يعيش هنا بديرتي صعب وضغط عليه بعد هم عياله وبذمته فصرت اتعمد اسوي مشاكل بينا ابيه يبعد عني ويتركني ابي خلاص ننسی بعض بس مافيه فايده يرجع يكلمني وانا بعد ماتحمل من اشوف سناباته عند ولدي واشوفه متضايق وتعبان غصب عني ارجع ارسله مو بيدي احبه وش اسوي تعبت حتى صارت معي مشاكل بالقلب من كثر التفكير عطونا حل

Answer 1

يابنت الحلال من الاخر لو يحبك يتحدى الظروف علشانك ويدبر حاله ويجيك  بس كذا بعض الرجال اذا صرتي حلاله زهد فيك واذا صرتي حرام عليه احلويتي بعينه !!!، اما انتي مجرد تعلق لو آنك تزوجتي واحد غيره بتنسينه

Answer 2

طيب هذا الظروف إلى اجبركم تتطلقوا لا زال قائم؟  استخيري في موضوع رجعوكم لبعض لعل تحصلي الجواب

Answer 3

انتي الحين تعبانه من هالحال بس صدقيني راح تتعبي أكثر لما ترجعيله لأن قبل عندكم مشاكل معينه وفرقتكم وإذا رجعتي له الحين بالاضافه للمشاكل اللي قبل بتكون هناك الغيره من الضره تزوجي وعيشي حياتك وانسيه وينساك والله يعوضكم خير

Answer 4

تزوجي وشرطي ولدك معك ولا له دخل فيه الولد معه مصروفه ونفقته وإلا عطي الولد ابوه عيشي حياتك وخلفي عيال ماعندك إلا واحد وهو عايش بتنسينه

Answer 5

ارجعي له دامه يحبك ومانساك وترى حتى انتي ماراح تنسينه خلص ليش تعذبون انفسكم ،، وبعدين من بينفعك ديرتك او زوجك فكري زين بالله عليك وش بتنفعك فيه الديره وانتي قلبك متعلق بشخص بعيد عنك ارجعي وعيشوا بسعاده ترى بتعيشين معه برضوا بديره مو بصحراء

Answer 6

شوفي انتي طلبتي المشوورة وبنقولها لك فكري بعقلك لا تفكرين بقلبك طيب؟ ...... انتي كنتي معاه وماعندك ضرة واضطريتي انك تتطلقين يعني فيه اسباب ماخلت حياتك تستمر مع انك تحبينه ويحبك وبرضو تطلقتي في رايك اذا رجعتي له بتسمتر حياتك !!!! ولا كمان فيه ضرة حطي مليون خط خط تحت ضرة يعني فوق مشاكلكً مشاكل ثانيه ومصايب وغيره تخليك تموتين قهر  ف ريحي راسك وابدي حياتك مرتاحة ترا اللي انتي فيه ذحين شوق واذا رجعتي  بيروح الشوق هذا وتجي المشاكل  ذحين انتي اذا تبين ترجعين له لازم تشوفين المشكلة اللي خلتك تتطلقين منه انحلت !! اذا مانحلت راح ترجعين تتطلقين ثاني واذا وانحلت شوفي نفسك تتقلبين الحرمة الثانية اذا ايوا تتقلبينها ارجعي وخليك ف بيت خاص بك لا تشوفيها وانسي انه متزوج  واذا ماتتقلبينها خلاص لا ترجعين لزوجك وعيشي حياتك وتزوجي  ترا اذا رجعتي وتغارين من حرمته ترا تموتي قهر

Answer 7

حطي حد للي قاعد يصير ياأنك ترجعي وتعيشي معاه بمدينته وتقبلي يكون معه بيت ثاني وزوجة واطفال.  يا أنك تكلميه بحزم وتقوليله أنا مو مرتاحة ولا عاد تتواصل معي الا بما يخص ولدنا وبسسسس مرضك وتعبك بيزيد انت قاعدة تعذبي نفسك.  وعموماً الرجال يحب الي ماتعطيه وجهه والي مو بيده شافك انفصلتي عنه قام يتقرب