السلام عليكم شلونكم؟ ما قررت انشر الموضوع الا و انا متضايقه حدي و صاكه فيني الدنيا .. الموضوع طويل شوي و بحاول اختصره كثر ما اقدر .. انا بنت عمري ٢٣ سنه و ما تزوجت من قبل .. حبيت واحد مُطلق و اكبر مني ب ١١ سنه و عنده ٣ اطفال ساكنين معاه .. بس المشكله وين؟ هذا الانسان عنده مشاكل مع ولد خالتي بينهم عداوه و مشاكل و تقريباً هذا كان سبب الطلاق ( امتنع اني اقول سبب الطلاق للخصوصيه ) المهم اني بالبدايه لم اهتم للمشاكل و همت بالرجل اخلاق و ادب و حب و اهتمااام ( للمعلوميه عرفته بعد شهرين من طلاقه بس مو اكثر و استغربت انه قدر يعطيني كل هالحب و الاهتمام و اهوا منفصل قريب وبعد عشره طويله و كان معروف ان يحب زوجته) المهم مني مناك اتفقنا على الخطبه بس كلام يعني امه اول شي رفضت لاني صغيره و امي ما وافقت ولا شي بس قالت لي يصير خير و مشت معاي .. المصيبه وين؟ ولد خالتي درا بالموضوع و ان بيني و بين فلان علاقه و يي ولد خالتي لي بيتنا اهوا و خالتي وطلع بلاويه كلها و قال لي دييريي بالج منه و وخري عنه نصيحه مني و ما راح ارضا انه ياخذ احد من اهلي ( للمعلوميه ولد خالتي معاشرهم سنين و يعرفهم يقول انحاشي منهم) المهم وصل حق ابوي الكلام و قال لي هيهات تاخذينه لو يصير اللي يصير ما راح ارضا لعدة اسبااب .. و انا واجهته قلت له ي ولد الحلال ترا اهلي درو و قالو كذا و كذاا شنو رده؟ قال لي انا ما اقبل على نفسي و سمعتي ان احد يتهمني هالاتهامات و مشا و خلانيي باعنيي ب ربع دقيقه .. و اللي يقهر شنو؟ لمن حبيت اتأكد من نفسي طلع صح كلام ولد خالتي عنه .. وابوي و اخوي مو راضين اصلا من الاساس عشان وضعه الاجتماعي و لعدة اسباب اخرى .. انا مشكلتي اني للحين احبه و افكر فيه مو قادره انساااه قلبي متعلق فيه و ب اسلوبه واهتمامه كل يوم اذكره و قلبي يعورنيي.. شلون انساه؟ كنت مستعده اني اضحي ب احلى سنين حياتي و اجابله و حتى عياله حبيتهم من حبي له حاولت اقول حق نفسي وايد كلام و اطبطب على عمري بس مو قادره بناااات شسوويي اللي حولي يقولون لي ما حبج بس قاعد يحاول ينسا طليقته فيج و يفرغ ( للمعلوميه كان وايد اييب طاري طليقته) بس انا حبييته مو قادره انسا ولا شي بينا ،، قلبي يعورني ادعو لي الله يعوضني بالاحسن .. و ادعو لي بالوظيفه مره وحده بعد ،، شكراً
