في تصنيف استشارات زوجية بواسطة
السلام علیکم احتاج مشورتكم انا في حيره من امري ، عمري ٢٤ تقدم لي شخص عمره ۳۱ علماً انه وحيد امه ابوه متوفي وماعنده لا خوات ولا اخوان وامه ما تزوجت والصراحه محتارة مررررره من هالناحية تكفون احتاج مشورتكم اللي مشغلني انه وحيد هذا اللي شايله همه

23 إجابة

0 تصويتات
بواسطة
وحيد امه ركزي على هالنقطه  ثاني شي شوفي بيوضح معك لمن تجلسين معها  بيوضح لك من اسلوبها وكلامها عنه بيوضح لك درجة تعلقها فيه واذا انه تحب استقلاليتها ، وحطي بالاعتبار انها امه مالها احد غيره  ولكل قاعدة شواذ احيان تكون متعلقه فيه تعلق مرضي واحيان لا،يعني مو شرط، شوفي في امهات عندهم اكثر من ولد ويكونوا متسلطات ومتحكمات  وعندهم تعلق مرضي وبعضهم لا تزوجوا تقول الله يستر عليهم ارتحت  من المسؤليه، ان شاء الله وضحت الفكرة
0 تصويتات
بواسطة
والله شوفي اذا انتي بتتحملين تعيشين مع امه وتتشاركون نفس الحياة والشخص استخيري والله يكتب لك اللي فيه خير اما اذا من النوع اللي تبغينه لك يعني يبرّ امه بس يعطيك وجه اغلب الوقت وبتتضايقين انها معكم وتتقاسمون كل شيء وتتدخل حتى في ترتيب البيت وسفرياتك معك ف فكري قبل توافقين والله يوفقك وباقي صغيرة فكري زيين
0 تصويتات
بواسطة
شوفي اذا تقدرين تتحملين امه ترا وحيد امه مارح بتركها ولا يقدر يسافر بدونها ويخليها اذا تتحملين وتصبرين خذيه واذا تقولين مقدر لا تزوجينه
0 تصويتات
بواسطة
ي اختي اذا الشاب مستقيم ورجل بمعنى الكلمه وافقي  لايكون تابع لامه مايمشي الابمشورتها خليك فاهمه واسالوا عنه وعن امه لاتكون متسلطه واشرطي لك بيت لوحدك  وعندك الملكه بتعرفين اسلوبه ومن كلامه والله يوفقك اهم شيء انك تسكني لوحدك حتى لوتكون امه طيبه خليك في حالك وامه في حالها  انتي بتتزوجي الولد مو بعدين يقول امي ومن الاعذار خلي كل شيء من اوله
0 تصويتات
بواسطة
احسني النيه وادخلي بقلب نظيف وبتشوفين الحب والاستقبال وبعدين يمكن تطلع تحبك لانك زوجه وحيدها وترعى عيالك فتكون نعمه لك وماهي عايشه لكم طول العمر. ومو عيب لو اعتبرتيها زي امك
0 تصويتات
بواسطة
اذا كنتي من النوع اللي ماتحب الام تشاركها سفرات ومصاريف وطلعات لاتاخذيه واذا كنتي بتدلعينها وتعاملينها زي امك مبروك عليك
0 تصويتات
بواسطة
انتي حطي بالك انه امه معه ع طول عادي اشوف مافيها شي .تعبت عليه ومن حقها تكون معه .بعدين فكري بشكلٍ ايجابي اوقات وجود اخوان او اخوات يسون مشاكل.وبعدين يعني امه مربيته تربيه الام افضل يكون حنون عليك لانه طول عمره يتعامل مع ام مو اب ولا اخوان
0 تصويتات
بواسطة
يابنت الحلال اهم شي الرجال مصلي صايم يخاف الله فوافقي وش عليك معه اخوان ولا مامعه بالعكس اذا امه طيبه وحبوبه فهذا نعمه تكونون معا بعض بالبيت وتكونين مثل بنتها واذا احتجتيها تكون معك واذا احتاجتك تكونين معها والناس مكملين لبعض
0 تصويتات
بواسطة
اذا انتي تقدرين تحطين امه بمكانة امك وتقدرينها وتراعينها لانه وحيدها بالدنيا ولا تغارين وتتحملين انها تشاركك فيه واكثر فهي امه فوافقي اذا العكس لاتوافقين
0 تصويتات
بواسطة
عادي بالعكس احس راح تهتم فيك لانك زوجة ولدها الوحيد لو في اخوات اقولك صح صعب راح ينكدون عليك لكن مافي ان شاءالله الامور بتكون تمام اهم شي انت تكون نيتك طيبه ناحيتها
0 تصويتات
بواسطة
هذه امه اللي تعبت وسهرت وضحت بشبابها ع عشانه تبين تاخذينه ع طبق من ذهب وامه خلاص انتهى دورها المفروض امه تعاملينها مثل امك وانتي لك خصوصياتك مدام تفكيرك كذا خليه يشوف غيرك
0 تصويتات
بواسطة
نصيحة أم تزوجيه وبإذن بتعيشي حياة سعيدة وكريمة باالذات اذا عاملتيها مثل امك والله انك بتلقي ام ثانيه لك لانه من قدم الخير يلقاءالخير والسعادة
0 تصويتات
بواسطة
ارفضي افضل دامك من بدري شايله هم امه ماراح تجلس ع قلبك هي ،ما ربته وتعبت عليه لين وصل هالعمر عشان تجي وحدة تتخوف انها تتزوجه بسبب امه ، صدقيني امه زوجته لهدف واحد تفرح فيه وتشوف عياله وذريته والله يرزقك باللي تقدر تعب امه وتحبها وتحترمها وما تشيل همها
0 تصويتات
بواسطة
استخيري ... ماتعرفين يمكن امه تكون طيبه معاج وتحبيج مثل بنتها مب كل ام الزوج شريرات ..اهم شي استخيري واسالي عنهم اكثر واعرفي شخصية امه
عشان بعدها تعرفين تتعاملين معها
0 تصويتات
بواسطة
استخيري اولا اهم شي . لو امه انسانة طيبة وهو شخصيته حلوة وامه ما تتحكم فيه ف ليش لا وافقي ايش تبي احسن من واحد بار بامه
0 تصويتات
بواسطة
توكلي على الله وتزوجيه لعل الله يرزقك بولد منه يكون بار بك مثل ماهو بار بامه ولاتسمعي كلام الناس وهذي امه وين يوديها خافي الله
0 تصويتات
بواسطة
على حسب الام فيه الي متسلطه واسألي عنها وشخصيتها ان صارت فوق الخمسين هذي غالبا تصير مثل امك ان احسنتي معاملتها وتوقف معك ان اخطأ عليك ولدها ولازم تحسسينها انك جيتي ماتاخذينه منها بل انتي اضافه بحياتها وتقولين انا جيت اساعدك برعايته ولاجيتي يهتم فيك ويخليها وخلي اسلوب الهدايا دايم اسلوبك معها والله انها تصير اشد من امك وتخاف تفقدك انتي مو ولدها وحاولي تتواجدين معها كثير بس اول زواجك  هذا المفروض تاخذين هالناحية صفة ايجابيه ..واذا والله شفتي انك ماانتي قد مسؤوليه انك تصيري زوجة ولدها وتعرفين نفسك ماديه او تحبين الامتلاك فأرجوا انك تبعدين عنهم لانك تستاثمين فيها وبولدها وانتي نفسك ماراح تصيرين سعيده والله اعلم بعباده
0 تصويتات
بواسطة
أولاً استخيري وثانياً الله يرحم ابوه ويغفر له وثالث شي وافقي بعد الاستخاره لانه ذا نصيبك الا اذا انتي متسلطه شي راجع لكً حبيبتي وبالنبسه انه وحيد امه عدتيها مرتين فهمت قصدك لكن اكسبي فيها اجر وقومي فيها عادي واذا م ودك برضه شي راجع لك يعني ف النهايه القرار لك
0 تصويتات
بواسطة
قلتيها انتي امه امه يعني لاتقارنين نفسك فيها وبيجيلك عيال بعدين وتعرفين اعتبريها مثل امك سواء هي والا غيرها مالك الا اجر من الله
0 تصويتات
بواسطة
انا اشوف وحيد امه بيكون مناسب لان ماعنده اخوان ولا خوات ولا ابو وهي بدلع زوجة ولدها واحفادها لاكن لو عنده خوات ممكن تحصل مشاكل مدام ماعنده خوات ارتاحي ماراح تحصل مشاكل
0 تصويتات
بواسطة
استخيري الله محد راح يعرف يجاوبك ولا راح تستفيدي استخيري الله كثير شوفي ربي ايش كاتب لكي ان يسر امورك كلها اعرفي ربي كاتب تكوني معاه واقبلي وان لا اعرفي ربي مو رايد تكوني معاه
0 تصويتات
بواسطة
إذا يخاف الله و يتقيه و محافظ على صلاته هذا الأساس باقي الصفات تعتمد عليك وش يهمك في الطرف الآخر ، إذا كل شي مناسب استخيري و اتوكلي على الله والله يختارلك اللي فيه الخير ،، و إذا مشكلتك إنه وحيد أمه ترا أغلب المشاكل و خراب البيوت ما تجي غير منكم يا زوجات الأولاد إلا من رحم رب ..
0 تصويتات
بواسطة
وين المشكله انه وحيد امه الزوجه الصالحه الي تساعد زوجها في بر والديه اذا مو قدها لا توافقين وتستأثمين فيهم وفي نفسك
من اتاكم من ترضون دينه وخلقه فزوجوه  والاهم تعرفي امه وكيف اسلوبها وطباعها

استفسارات متعلقة

...