محتارة تقدم لي شخص عقيم؟ ما سبق لي الزواج!

Question

انا وحده حیل محتاره تقدم لي واحد منفصل وانا ماسبق لي الزواج بيني وبينه 10 سنين هو مرتاح وراتبه عالي وحياته كلها سفريات ووناسه لكن مشكلته انه عقيم وانا محتاره اوافق ولا لا للعلم حياتي وعيشتي ووضعي جدا صعب افيدوني تكفون

Answer 1

مدري احس بتتعبين الفلوس مو كل شي اكيد بعد كم سنه تبين عيال الا اذا في حل بطفل انبوب شوفي وضعه واستخيري

Answer 2

عقيم عنده مشكله لاتاخذينه بكره راح تحتاجين اطفال خلي ذا العقيم للارامل اللي معها وراعين او مطلقات معهم اطفال ومكتفيه فيهم بس انتي تظلمين نفسك ياحبيبتي انتظري الله بيعطيك واحد ان شالله امره ميسره واوضاعه حلوه وتنجبين منه اطفال

Answer 3

ما حد حيجاوب على هاد السؤال غيرك انتي .. انتي داخليا كيف بتحسي؟ ممكن تتخلي عن الامومة مقابل السفريات والفلوس ؟ ولا الامومة عندك اهم ونفسك يكون عندي طفل؟ لو قررتي توافقي مش حيكون معاكي ادنى حق تجبري زوجك على العلاج لانو هوا وضحلك الوضع قبل الزواج وانتي اخترتي وقررتي

Answer 4

الطب تطور الحين دام معاه فلوس تقدرون تخلفوم انابيب ، احيانا حتى السليم يتأخر بالانجاب كلها بامر ربي ، الافضل انك تستخيري

Answer 5

طالعي نفسك بعد عشر سنين !! بتتحملين حياتك ماتكوني ام ماعندك اطفال !! تضحي بحياتك بس عشان الفلوس ووضعك المادي !! استخيري مره واثنين وثلاث وفكري بالمستقبل مو بالسفر والفلوس والهدايا اذا وصلتي ال٤٠ من عمرك واللي حولك كلهم اطفالهم بالمدارس انتي اش احساسك بتتقبلي بتمر عليك عادي غريزة الامومه ماتحسيها داخلك؟؟ ارجع واقولك محد بيعيش حياتك الا انتي فاستخيري والله يكتب لك اللي في خير لك

Answer 6

انتي بينك وبين نفسك تبين العيال او لا ؟؟ مستعده تتخلي عن احساس الامومه ؟؟ وعلى هالمبدأ اختاري

Answer 7

شوفي الامومه غريزة سبحان الله والله العظيم ماعرفت هذا الشي الا يوم تزوجت  بعد زواجي بشهرين بدأت افكر بالحمل تأخرت ثمانيه شهور كنت بنجن الله يرزق من يتمناهم يارب  الخلاصه ماراح تقدرين صح الفلوس مهمه (المال والبنون زينة الحياة الدنيا )

Answer 8

محد يقدر يقرر بهالامر غيرك ،شوفي وضعك من كل الجوانب ،اذا انتي تحبين الاطفال او لا ،اذا العمر مايفرق معك ، فكري لبعيد شوي بتبرين انتي واياه ،الزواج مو تجربه انتبهي فكري زين قبل تقررين مو تاخذينه وبعد كم شهر تقولين لا انا بشوف نفسي يبي لي عيال ،خذي وقتك بالتفكير واهم من هالكلام كله تستخيرين الله والله يوفقك

Answer 9

اصلا كيف له وجهه يتزوج وحده ماسبق لها الزواج وهو عارف انه عقيم لا طبعا ماراح ترتاحين لوعنده ملايين ماراح تغنيك عن مشاعر الامومه وراح تكون مشكلتكم الاولى والاخيره لو تزوجتيه الاطفال مستحيل تتحملين طول عمرك بدون ماتجيك مشاعر الامومه

Answer 10

والله يا اختي ما انصحك ابد تاخذينه هو الله يرزقه بوحده نفس وضعه او مخلفه قبله اما انتي فلوس العالم كله ماتساوي شي عند الامومه

Answer 11

لا يابنتي مايربط الرجل بالمره الا الذريه ولاتسعد البنت الا لما تكون ام هم عزوتك بعد الله لاتخاطرين بشبابك وبيعوضك الله بأبرك منه

Answer 12

اذا مايهمك موضوع الامومه تزوجيه وقدمي على احتضان طفل من دار الايتام و تقدري ترضعيه وتربيه عندك و اشترطي هالشي من بدايه الخطوبه ممكن بدايه خير لكي واستخيري و عشر سنين مو كثير انا زوجي تقريبا عشر وكأنه اصغر مني العمر مجرد رقم لا أكثر

Answer 13

مدري بس مااعرف حاله زوجك ..الطب تقدم بشكل كبير اقول تزوجيه وعيشي حياتك مدام انه راعي سفريات ونبسطي شوفي حياتك بس اهم شي انه يكون صالح يخاف الله وفيك لانك تنازلتي عن الامومه عشان شي يستاهل يكون رجل بمعنى الكلمه

Answer 14

شفايده الزواج من غير اطفال.!؟ والى متى السفر والطلعات يعني والعمر يمشي من غير اطفال الفلوس موكل شي بالدنيا كثر الطفل اللي يكبر بحضنك وتفرحين

Answer 15

الامومه حلوه يمكن الحين تقولين فلوس وسفر بس بعد الزواج بفتره يحن قلبك حق طفل يقول لك ماما لا كفاله اليتم تعوض الامومه ولا شي في الدنيا يعوض صبري يجي لك اللي يخليك ام

Answer 16

ليش تتزوجين عقيم الله بيرزقك ماتنفعك فلوسه وغناه اهم شيء في الزواج انك تنجبين طفل يملا حياتك حتى لوتتزوجين واحدعلى قدحاله اهم شيء طفل تشمين ريحته ولاتجلسين مع عقيم مع مرور السنين تكبرين ويمكن هويتخلى عنك اويتزوج عليك

Answer 17

الذريه رزق من الله كم عقيم انجب وكم سليم ماانجب كلها من الله للاسف تعليقات محبطه لاتتزوجي عقيم ومدري ايش هذا كله من الله ربنا رزق زكريا وهو شايب وزوجته عقيم. استخيري الله لو ارتحتي الله يوفقك والدعاء وتؤكلي ع الله غير كل شي

Answer 18

طيب هو ليش ماتزوج حرمه ارمله عندها اطفال اذاكان يحب الاستقرار اما انه يتزوج بنت ماقد سبق لها الزواج صعبه اكيدانتي تبين اطفال ولاتبين تخسرين حياتك مع رجل عقيم فكري زين قبل ماتقررين اويمكن تتزوجينه ويطلع ابخل من خلق ربي لاتفرحين بفلوسه بعضهم ماسك على اهل بيته وكريم للغير ف انتي استخيري كم مرة لاتستعجلين

Answer 19

نصيحه اكفلي لك يتيم منها ترتاحين و تكسبين اجر مو شرط انتي اللي تجيبين

Answer 20

يعني تتنازلي عن الامومه للابد وهو قال لكم يعني ماغشك فكري زين وانتي لسا صغيره ومصير الظروف تتعدل باذن الله

Answer 21

استخيري الف مره والله الموضوع صعب جدا فوق ما تتخيلي بعد الزواج بشهر تفكري في الحمل والأمومة الحياه والمال مالهم معنى ولا طعم بدون الأطفال

Answer 22

شوفي يابنت الناس احنا بطبيعتنا كبشر كل ماتوفر لنا شيء يلا نبغى اللي بعده مو متوفر لنا انتي لما يتحسن وضعك وحياتك معه راح تبدين تفكرين باللي ناقصك الا هو العيال وكذا الحياة انتي استخيري وشوفي مع اني اشوف تعطي نفسك فرصه مدام هو كان واضح معاك اعطي نفسك فرصه وربي بيعوضك باحسن منه ناس انفصلت بعد الزواج لان الزوج عقيم وهو ماكان يدري ولا هي فمبالك بوحده تدري من قبل الزواج مثله يشوف وحده مطلقه عندها اطفال او ارمله ويتزوجها اذا جابت منه تسال خير وبركه ماجابت منه عيال خلاص هي عندها من قبله وربي اكرمها يعني كذا كذا حياتهم بتكون مستقره

Answer 23

الامومه أروع شي بالكون مايعرفها الا مجرب رغم صعوبات مراحلها... استخيري ولا تصيري منفصله بعد كم شهر إذا طق عرق الامومه عندك

Answer 24

لاتحتاري استخيري واطلبي ربي وهو اللي يمهد لك الطريق يمكن هذا اللي معه الفلوس تروح الفلوس ويجلس الرجال ع وضعه وماتستفيدي شي وتقولي ابي ضنا ووتتطلقي عشان يجيك اطفال ف الافضل استخيري نصيحة

Answer 25

لا توافقين.. مافي احلى من الأطفال وتاكدي لو الوضع بالعكس ماقبل ياخذك.. يروح ياخذ بنت عقيمة مثله ولايحرمك فرصة الامومة حتى لو ظروفك صعبة بيجيك الأفضل أن شالله

Answer 26

الا موضوع الامومه لاتستهينين فيه، واذا هو عقيم يقدر يدور وحده عقيمه اكيد راح يحصل ووايد بنات الله ماكتب لهم الزواج بسبب العقم

Answer 27

هذا قرار مصيري انتي تحددينه الناس مالهم دخل .. انتي عندك استعداد تعيشين باقي حياتك بدون اطفال وما تحاولين حتى انك تجيبين اطفال

Answer 28

اتوقع لو بتوافقي بيكون هدفك مادي بحت اول فترة بتعيشي حياتك معاه بعدين بتحسي بالفراغ وتتمني الاولاد لذلك اتركيه لله والله يعوضك خير منه

Answer 29

تحرمي نفسك من الامومة ومن الاطفال عشان فلوس وسفريات !!!
طيب واذا كبرتي وانت وحيدة مالك سند بالدنيا ايش ح تنفعك الفلوس وقتها؟

Answer 30

مافيه شي يعوض عن الاطفال لما تبدا الحياه بينكم روتينيه راح تندمين لان لازم يكون لك اطفال هم راس مالك مو الزوج الزوج فجاه ممكن يتخلا عنك خلي السفريات والراتب العالي راح تطفشين من كل ذا