محتارة تقدم لي شخص عقيم؟ ما سبق لي الزواج!

Question

انا وحده حیل محتاره تقدم لي واحد منفصل وانا ماسبق لي الزواج بيني وبينه 10 سنين هو مرتاح وراتبه عالي وحياته كلها سفريات ووناسه لكن مشكلته انه عقيم وانا محتاره اوافق ولا لا للعلم حياتي وعيشتي ووضعي جدا صعب افيدوني تكفون

Answer 1

و تنحرمين من اعظم النعم ؟؟ الامومه ؟ عشان ايش ؟؟ من رأي حتى تفكير ما تفكري ارفضي .. المفروض اللي زي وضعه ياخذ مطلقه او ارمله و عندها اطفال

Answer 2

انتي شوفي هل يناسبك الرجال وهل انتي تبغين عيال من الاساس وهل عادي عندك لو تبنيتم او شي هذي كلها اسئلة انتي تجاوبيها بنفسك وبعدها تقررين

Answer 3

الاطفال نعمه من الله وقوه بعد الله للام خصوصا انا خالتي بكر مثلك خذت واحد عقيم كان يحبها خطبها ثلاث مرات ورفضت وفي الاخير وافقت صار النصيب الحين اهي كبيره مره وربي احسها تعض اصابع الندم الرجال لاهي عنها وحق بنات ولا يهتم فيها واذا زعلت ما يراضيها حتى يقول اهي زعلت اهي ترجع طبعا اهي الحين كبيره واهلها وضعهم صعب فمضطره تتحمله وتصبر عليه رغم انه حرمها من افضل نعمه وما قدر هالشيء لها ولا حسبه لها كل شيء الا الاطفال خصوصا اذا كبرتي بتشوفين وبتعرفين قيمتهم صح عز وقوه وسند وظهر بعد الله  حرام وربي تدفنين نفسك وتضحين بهالشيء لان فعلا بعدين راح تندمين واهو ما تضمنينه يمكن في البدايه كويس لكن النهايه عكس على الاقل تكونين طلعت بشيء حلو اطفال مو تحتدين له غصب وتصبرين عليه وخصوصا انك تقولين ظروفيه صعبه الهروب ابد مو الحل الحل الاختيار الصحيح الهروب الغلط بيرجعك مره ثانيه لموقعك خسارته ندمانه فكري زين ي قلبي واستخيري والله يكتبلك اللي فيه الخير وعلى فكره رجل خالتي غني ويسفرها بس وربي ما اغناها هالشيء عن الاطفال وبس والله

Answer 4

كل شي بالمكتوب ونصيب والحمد لله على كل حال نصيحتي لك استخيري ربك هو بيخيرك بالتوفيق للجميع أن شاء الله بإذن الله وإذا على الأطفال اكفلي يتيم ويتيمه وخير ما بعده يجيك بس اهم شي استخيري قبل كل شي