موظفة وزوجي فقير وعلي اغلب المسؤولية وافكر بالطلاق

Question

السلام علیکم انا موظفه وراتبي يعتبر كويس نوعا ما وزوجي راتبه ربع راتبي اخدته وانا اعرف ظروفه كنت برفضه لكن اهلي غصبوني عليه ووافقت عشانهم هو طيب ورجال والكل يمدح فيه وانا اولهم امدح فيه لكن ماعنده فلوس بنفس يوم الراتب يطير بين ديون وقروض وانا عندي ولدين منه الحين صرت زيه يومين والراتب طاير ماعاد يبقى منه شي كل الالتزامات علي انا الا هو يسدد ايجار الشقه الباقي علي كله يجي اسبوع بعد الراتب مايبقى معاي الا الفين تروح بالاكل والشرب وانا راتبي فوق العشره تعبت مره افكر بالانفصال قبل اتزوج كان ع الاقل يبقى معاي ربع راتبي واحيان نصه. انا مافكر بنفسي ولا عمري سافرت ولا قد تشيكت كله لعيالي افكر بس اخذلهم بيت والله العظيم حتى انا علي قروض عشان اعدل ببيتي وعشان الشغاله اخذ القروض خسروني كلهم زوجي وعيالي والشغاله بس مضطره اجيبها عشان تجلس عندهم الصباح وانا دوامي قريب ال ١٠ ساعات . مني عارفه احسه صار ولدي الثالث واصرف عليهم رغم انه مايطلبني شي بس كله فوق راسي حتى اغراض البيت وانا متأكده ماعنده شي ادخل على حسابه بالبنك كله رايح بين قروض وديون كيف اخد بيت وانا هذي حالتي وموظفه لي عشر سنين

Answer 1

الله يعين كل مثلك رواتب ولا تكفي يالله البركه مافيه بركه ادعي دائما ان الله يبارك لك في مالك وولدك والطلاق ماهوب حل بل يزيد المشكه الشغاله جيبي شغاله بااقل راتب والمصاريف وازنيها لاتصرفين الاالضروريات وافتحي لك حساب ثاني حطي فيه ادخار كل شهر ولو الف او الفين حتى تتمكنين من تشرين بيت ملك اوشقه والا راتبك عشره وعددكم قليل ولا يكفي فيه خلل في الموضوع الله يبارك لنا ولك

Answer 2

الموضع فقط ناقصه حسن تدبير لان واضح سوء ادارة الميزانيه هو اللي ضيعك ١٠ سنوات
حاولي تراجعين حساباتك والطلاق مو حل انتي وافقتي عليه كذا من البدايه ليش بعد ماجبتي عيال دورتي الطلاق حرام عليك لاتشتتين عيالك وتضرينهم الفلوس مو كل شي
رتبي امورك واولوياتك ومو كل شي تشترينه .

Answer 3

تصدقي من راتبك وراتبه بتجي بركه وعلى قولة امي قولوا بسم الله قبل تصرفون الفلوس احس انكم مو مرتبين الفلوس يعني اقعدي انتي واياه واحسبوا من جديد وقسمو الاشياء اللي مالها داعي لاتاخذينها اهم شي الاساسي  مطاعم وكوفيهات قللي منها اكتب بورقه فلوس الايجار وحق مقاضي البيت الاكل والمويه ملابس الاطفال لاتاخذين كثير واشتري من شي ان ارخصلك ,ادخلي تطبيقات الادخار مره حلوه كل شهر تدفعين ٣٠٠ ولا ٥٠٠ ويجيك مبلغ حلو بعد كم شهر تستفيدين منه بالاشياء الناقصه

Answer 4

بكره ذا المشكله تصير ماضي لا تتركين بيتك ورجالك وعيالك عشان ضائقه ماديه ما تدرين متى ربي يفتحها عليك وعليه اصبري الصبر مفتاح الفرج وكل شي باجره ماعند الله شي يضيع

Answer 5

الطلاق مو حل اختي !! شوفي اذا زوجك يقدر يشتغل وظيفة اضافية بسيارته ( مندوب ارامكس لو هنقرستيشن لو امازون و نون ) توصيل طلبات مطاعم، اوبر وكريم ، الوظايف اللي ماتحتاج تسجيل في التأمينات

Answer 6

في كل الاحوال المسؤوليه زادت ماراح تستفيدي شي بالمقارنه مع الماضي زمان ما كنتي متزوجة و لا مخلفه و لا عندك مسؤوليات كبيره كلها على اهلك و طبيعي يبقى من راتبك بس دحين الوضع اختلف برأيي تقتنعي باللي انتي فيه او زوجك يتحرك و يقوم يشوف مصدر دخل ثاني لو يشتغل على سيارته بس اسمها يزيد في انه يساهم في البيت الطلاق مو حل بالعكس حتزيد عليكي المصاريف و انتي مو ناقصه

Answer 7

فترة وبتخلص قروضه و ديونه و ما تدرين يجيه الرزق من اي مكان لكن لو انفصلتي بتضيعين عيالك من دون ابوهم فكري في هالشي و لو فكرتي تتزوجين حتى لو خذتي واحد ظروفه الماديه كويسة تعرفين راح يتقبل عيالك او لا ويعاملهم صح ولا وتعيشين مرتاحة معاه نفسيا ويحبك ويحترم ولا لا يتلاعب فيك من نواحي ثانيه .. هو مو بيده غصبا عنه والله الرازق يمكن لتطلقتي في غمضة عين تفقدين وظيفتك لأي سبب وكذه تخسرين زوجك ووظيفتك وتضيعين

Answer 8

الطلاق يضاعف حجم المصاريف مايختصرها لذلك الطلاق موحل البحث عن مصادر رزق اخرى كالتجاره الكترونيه او المنزليه وغيرها من هاذي الامور

Answer 9

نفس الوضع ويمكن اسوأ لو تطلقتي يعني ما رح تستفيدين انا اشوف انك تسوين جدول بأهم الاشياء وخففي من الكماليات ادري صعب بس فترة لين تقدرين تجمعين مبلغ للبيت فيه غيركم راتبهم اقل ومع الادخار والتدبير امورهم ماشيه واعرفهم شخصياً

Answer 10

يعني اذا تطلقتي راح تنحل المشكلة النتيجه تشتت أسره كاملة عشان فلوس على فكرة للي تدفعينه بالأخيرة لعيالك وأبو عيالك مب للغريب اصبر كلها مسألة وقت وتزين اموركم ويتحسن وضعكم المالي وتسافرين وتجين مع اسرتك

Answer 11

حاولي تقتصدين حتى في اغراض البيت خففي قد ما تقدرين واول ما ينزل الراتب قسمي الراتب للاحتياجات الاساسيه وحطي ادخار وتصدقي وربي بيبارك لك بس اهم شي التقسيم الكويس اما كذا بس تحطين الفلوس تطير وانتي منتي عارفه فايش راحت وكمان شيلي البطاقه من الابل باي لان كذا تصرفين اكثر

Answer 12

دامه انسان طيب فلا تفرطين فيه، كل المسأله انكم تحتاجون ضبط للصرفيه وميزانيه، شوفو الميزانيات كيف يسوونها بعض العوايل وماشاءالله وفرو كثير كثير، اكتبي مثلا في برنامج التييك ميزانية وشوفي انواعها

Answer 13

حبيبتي الطلاق مو حل ..اعملي حساب ادخار في نفس حسابك البنكي وحددي مبلغ ثلث راتبك او ربعه زي ماتبغي في خانة الرقم وهم يسحبون منك تلقائياً اول ماينزل الراتب وبكذا يتجمع لك مبلغ كويس نهاية السنة او الفترة اللي تحديديها
ثاني شيء شهرياً خرجي صدقة لوجه الله وابداً لا تقطعيه عشان ربي يبارك لكم ..باقي المبلغ اعملي ميزانية وخططي له تمام مثلاً جدول فيه الاشياء الاساسية حطي مبلغ لكل شيء والتزمي بيه اثناء الصرف ..ثالثاً ابتعدي عن الكماليات اللي مالها داعي يعني كثرة الذهاب للكافيهات والمطاعم والملاهي وحتى اولادك مو لازم كل شيء يبغوه تشتري لهم علميهم الاقتصاد والقناعه ..واكثروا من الاستغفار والصلاة على النبي وصلاة الوتر قبل النوم والدعاء بالبركة في الرزق واتعاوني  انتي وزوجك على الالتزام على هذي الامور أسأل الله ان يبارك لكم ويحقق لكم ماتتمنوا ويسعدكم ولا يفرق بينكم

Answer 14

اول شي … تزوجتي وانتي عارفة ظروفه .. مع انه مافي زواج بالاكراه الحين .. لكن لك اطفال .. مو معقول بتنفصلين لمجرد هالسبب ..!! ومن قال انه لازم تشترين بيت هل هو قران منزل !! لازم الكل يشتري بيت .. كل واحد وظروفه .. المتزوجين اذا بيشترون باي لازم واحد منهم يشيل القرض والثاني يتحمل المصاريف .. لكن الراتب من طرف واحد واشتري بيت !!!! مافي شي جابرك .. منتم في الشارع … بعدين الراتب اذا وصل ١٠ الاف وطفلين احمدي ربك هذا مبلغ ممتاز يعيشك بستر ورضا الحمدلله .. والي مثلك مايفكر يضبط بيته ويعدل وهالخرابيط … يعيش على قد حاله .. لا تحرمين الاطفال من ابوهم عشان حالته المادية هذا سبب تافه للطلاق .. والا حاطة براسك تتزوجين غيره اذا انفصلتي !! امسكي بيتك وتعوذي من بليس اذا زوجك ولد حلال حتى لو مامعه ريال .. اذا انتي متفاهمة معه راتبك يكفيكم تعيشون مع بعض عالحلوة والمرة .. دام الرجال يصرف على قد راتبه وخايف الله فيك وفي عياله مالك حق تعترضين وتتكلمين اصلا .. والحمدلله على نعمة الستر والعافية ..

Answer 15

اول شي … تزوجتي وانتي عارفة ظروفه .. مع انه مافي زواج بالاكراه الحين .. لكن لك اطفال .. مو معقول بتنفصلين لمجرد هالسبب ..!! ومن قال انه لازم تشترين بيت هل هو قران منزل !! لازم الكل يشتري بيت .. كل واحد وظروفه .. المتزوجين اذا بيشترون بيت لازم واحد منهم يشيل القرض والثاني يتحمل المصاريف .. لكن الراتب من طرف واحد واشتري بيت !!!! مافي شي جابرك .. منتم في الشارع … بعدين الراتب اذا وصل ١٠ الاف وطفلين احمدي ربك هذا مبلغ ممتاز يعيشك بستر ورضا الحمدلله .. والي مثلك مايفكر يضبط بيته ويعدل وهالخرابيط … يعيش على قد حاله .. لا تحرمين الاطفال من ابوهم عشان حالته المادية هذا سبب تافه للطلاق .. والا حاطة براسك تتزوجين غيره اذا انفصلتي !! امسكي بيتك وتعوذي من بليس اذا زوجك ولد حلال حتى لو مامعه ريال .. اذا انتي متفاهمة معه راتبك يكفيكم تعيشون مع بعض عالحلوة والمرة .. دام الرجال يصرف على قد راتبه وخايف الله فيك وفي عياله مالك حق تعترضين وتتكلمين اصلا .. والحمدلله على نعمة الستر والعافية ..

Answer 16

لا تحرمين اولادك ابوهم  علشان الفلوس  ترا ماتسوي  واذ هو يلعب براتبه صح  لكن مليان اقساطات وقروض خليها على الله

Answer 17

راتبك يعتبر زين وانت ماعندك الا طفلين بس مافي تدبير وبعدين دام انه انسان طيب وفيه خير اصبري لين تتحسن اوضاعه توك في بداية حياتك الحياة صبر ومشاركة يوم تزين ويوم تخيب

Answer 18

كفالة يتيم لو ٥٠ ريال بالشهر تطرح البركه بالراتب وعليك بالحوقلة والصدقه وبر الوالدين بتشوفين الخير باذن الله

Answer 19

حبيبتي لاتفكرين بالانفصااال ابد دامه رجال ومهتم فيكم.  انتي تقولين انه مايطلب منك  طيب سوي لك جلسة حلوه بينك وبينه وشاوريه باللي بخاطرك وقوليله لازم نتفق على مصاريف البيت مو معقوله اشتغل وراتبي مااشوف منه ولا ريال لازم نتفق على المصاريف ويكون حل يرضي الجميع وان شاء الله تتفقون والله يسعدكم وييسسر لكم اموركم

Answer 20

اتصدقي بنية صلاح أحوالك اولا واكثري من الإستغفار  لا تخربي بيتك بسبب الفلوس خلك عاقلة قسمي راتبك وراتبه عشان تتخلصون من الديون والقروض فكري أكتبي في اليوتيوب  طريقة الإدخار أو التخلص من الديون وحاولي تدخري من الراتب

Answer 21

هالفترة الاغلب متضايق مادياً أن كنتي تبين النصيحة لا تفكرين بالانفصال لانه بيزيد مصاريفك وبيأزم نفسيتك ويزيدك ضغط بالمشاكل وعيالك فكري بنفسيتهم انصحك بالصدقة الصدقة الصدقة اول ماينزل راتبك قبل ماتصرفين ريال تصدقي والله ان أثرها عظيم  واكثري من لا حول ولا قوة الا بالله ومن استعان بحولي وقوتي النت له الحديد ولا تنسين تقرين اذكارك فكري دايما في الجانب الحلو انتي بصحة وموظفة وعندك زوج حنون وعيال سليمين وفي أمن وأمان اقري كلامي واستشعري النعم وقولي الحمدلله برضى ويقين ❤️❤️❤️❤️

Answer 22

يابنتي مو معقوله كم لك متزوجه وكم له ماخذ القرض وعلى مدى كم السداد شوفي واسالي واقسمي الرواتب على كل شي مو لازم كماليات العيال مره او اثنين في السنه اشتري لهم ملابس والخرجات مرتين في الشهر ملاهي باقي الوقت اماكن عاديه تمشيه بسيطه ماتكلف شي لو راتب زوجك فرضا ٤ اقل القليل وانتي ١٠ مو معقول المبلغ ذا كله يروح في ٤ اشخاص واذا على العيال ترا الحضانات ارخص من الشغاله واستقدامها وفي حضانات تعمل عروض للاخوان صدقيني الراتب يكفي بس انتوا مو منظمين ولا مقسمين الراتب اقسميه ٤ اجزاء جزء فواتير جزء اساسيات البيت (مقاضي وبنزين) جزء ترفيه وشغاله وجزء ادخار ماتمدي يدك عليه الا للشديد القوي فقط رتبي وقسمي عدل

Answer 23

حبيبتي مريت بنفس ظروفك سنين طويلة وانا راتبي ضايع لحد ما فقت أخيراً وقررت وعزمت أشتري بيت  والحمد لله ربي سهل وأخذته عن طريق البنك واللي يستقطع منه شهرياً اعتبره إيجار الشقة اللي كنت ساكنة فيها والباقي من الراتب بديت أصرف منه وادبره حتى أولادي صاروا يقتصدون وما يشترون الا الضروري وصار عندهم ثقافة تدبير واستثمار المال اللي نفتقدها بمجتمعنا والحين الحمد لله أنا ببيت ملك بأسمي وعيالي قلت طلباتهم والبنات خاصة صاروا ما يشترون الا الضروريات وقللوا من الكماليات اللي كانت تستنزف أغلب الراتب لذلك عزيزتي توكلي على الله ودوري لك بيت وقدمي على بنك يشتريه لك ويستقطع من راتبك لانك ماراح تجمعين قيمة البيت مهما كان حتى لو راتبك ٣٠ ألف مستحيل نجمع وحنا متعودين على الرفاهية والنعمة وانصحك بالصدقة ولو بالقليل يبارك لك ربي بمالك وزوجك وعيالك ورزقك والله يرزقك ولا تفكرين بالطلاق وتشتيت أسرتك لانك لو انفصلتي بتزيد عليك المسؤوليات مع تشتت عيالك وزوجك إجلسي مع زوجك جلسة حوار وتناقشوا بحياتكم بهدوء وأكيد إنه بيأيدك بموضوع البيت وبعدها بتنحل جميع مشاكلكم الله يوفقكم اتمنى أكون أفدتك

Answer 24

حاولي تجلسي مع نفسش تشوفي راتبش ع ايش بالضبط يروح.. وحاولي تقننيه اكثر بأي طريقه. وتخلي منه جزء لادخار وطلعي منه صدقه بنية البركة.. اذا في اشياء تصرفي عليها مو ضروريه لاتسويها.. خلي الاهم للضروريات.. وفتحي حساب ثاني يكون تلقائيا جزء من الراتب يتحول فيه وماتستخدميه لو مبلغ بسيط مع الوقت بيتجمع مبلغ محترم

Answer 25

اختي بارك الله فيك حاولي ترتيب الميزانيه والمصروفات وادخري كل شهر ولاتصرفين المدخر لو يصير ايش.. وزوجك يروح البنك و يجدول قروضه وكثروا استغفار وصدقه وربي يفرجها  ويريح بالك و يسعدك

Answer 26

واذا تطلقتي بتنحل  المشكله يعني طلاقك بيزيد فلوسك او فلوسه ؟طلاقك بيخفف مصاريف ومسؤوليات عليك !؟صدقيني بتزيد الا ا اذا ناويه بعد الطلاق تمرمطين المسكين بقضايا نفقه ومسكن ،اتقي الله بالرجال وعيالك الفلوس مو اهم منهم غيرك مامعه قرش وصابر احمدي ربك على الاقل موظفه

Answer 27

لو اتطلقتي يعني كم حيبقى من راتبك ترى مابيتغير شي .. اقلها شايل عنك ايجار الشقه ومدام هو طيب ارضي بحياتك وحاولي معاه يفكر بدخل اضافي

Answer 28

اقعدو سوا واحسبوها ورتبو اموركم اكيد في مصاريف مش ضروريه وخليه يشوف له شغلانه ثانيه بعد دوامه حتى لو يوصل طلبات مو غلط كلنا وضعنا نفس الي قلتيه بالضبط بس ما نفكر نخرب بيتنا ونشتت عيالنا ... وتصدقي فعلا فيه بركه والله يرزقنا جميعا ولا يحوجنا لحد

Answer 29

يعني لين انفصلتي بتنحل المشكله نفس الشي راتبك بصير للاطفال والمحكمه ماراح تصرف لك الا ٥٠٠ ريال نفقه للاطفال غيرها ماتحصلي حاولي تسوي جدول للميزانية

Answer 30

بالفتره هذي الاغلب ظروفه الماديه صعبه حتى لو رواتبهم عاليه تطير بغمضة عين مصاريف اجار وكهرباء وبنزين ومدارس ومعيشه فكري بحل غير الطلاق سوي لك جمعيه ب٥٠٠ واجمعيها او زوجك يشوف عمل اضافي توصيل طالبات او طلاب