منذ في تصنيف استشارات اسرية بواسطة
السلام عليكم مشكلتنا اخوي عمره ١٩ ويبي يتزوج توه متخرج من الثانوي ومزعجنا بزواج أحنا عند فلوس و قادرين نصرف ع بنت الحلال ونصرف على أحفادهم بعد بس المشكلة اخوي جدا متهور و مراهق و خافين ع بنت الناس يضيعها وش الدبرة معه ؟

18 إجابة

0 تصويتات
منذ بواسطة
ابسط حقوقه
له رغبة واحتياجات ويبغى يوجهها للحلال
اذا ماساعدتوه على الحلال
بتجون تشتكون هنا
انه راح للحرام
لذلك تداركوا الأمر
وموضوع انه غير مهيأ
يهيأ خلال الفترة القادمة
بتحمل المسؤولية والتدبير
وان شاء الله تكون خيرة وتحصين له
0 تصويتات
منذ بواسطة
ابحثو له عن وحده عاقله ومتربيه ، والزواج بعد سنه او سنتين ، يعني وافقو بس حاولو تلهونه شوي مو الحين الزواج ، و قولو له ترا بتتوظف وتصرف على نفسك وبيتك حنا بنساعدك فقط بالحفله والمهر، اما المسؤوليه عليك ماراح نصرف عليك انت دبر نفسك.
0 تصويتات
منذ بواسطة
زوجوه زوجوه والابيدشر اكثر..
بس خلوه ياخذ دورة الحياة الزوجية.
ترى الزواج يختصر النضوج
0 تصويتات
منذ بواسطة
مؤسف أن المجتمع رسَّخ في أذهان الأهالي أن عمر 20 و19 صغير ولايصلح للزواج لاتعارضو الدين شرط الزواج الوحيد الباء يعني النفقة وللي الله يسر له القدرة المالية يتزوج لو عمره 17للأسف تعلمون عيالكم بالعمر هذا ماتتحملون المسؤولية ومب قد الزواج عادات لا أصل لها بكرة يصيع من ورا تفكيركم
0 تصويتات
منذ بواسطة
شغلي مخك وين البنت اللي قالب عليها بيتكم. و ادا تجوز له و مناسبه اخطبوا له لكن يوقع توقيع كلي كامل ان مسوول عن تصرفه المبكر و ان يبحث عن عمل كامل بدوام كامل وان يسترد كامل التكاليف بعد الزواج. كدا الامر الواقع قد وقع على الفص الخلفي من مخه.
0 تصويتات
منذ بواسطة
زوجووووه ، نعم لازم يتزوج ، احمدوا الله ولدكم طلب الحلال ، السن هذا إذا تزوج شي يفتح النفس يدلل بنت الناس من فرحته فيها ، عزيزتي كل اللي أعرفهم تزوجوا بهذا السن سعيدين جداً ، أي شاب فيه طاقه إذا ما تفرغت بالحلال راح للحرام ، لا تجنون على الولد حرام عليكم .
0 تصويتات
منذ بواسطة
طالما عندكم استطاعة تصرفوا عليه وعلى زوجته
زوجووه
بدال ما يروح للحرام او يلعب في بنات الناس ويضحك عليهن
زوجوه يمكن يعقل وخلوكم حوله حواليه وخذوا له بنت تسنعه وماراح يضيعها ولا تضيعه
0 تصويتات
منذ بواسطة
على حسب شخصية أخوك و رزانته و نظرته للحياة كيف هي ؟

و الأفضل تزويجه دامه راغب لكن خلوها خطبة ثم ملكة اخرو زواجه سنتين يشوف هو جديته بنفسه و تبان له الأمور أكثر بعد التواصل مع خطيبته
0 تصويتات
منذ بواسطة
دامه صامل ع الزواج اقسم بالله من الظلم ماتزوجونه ولو ارتكب اي ذنب تراه برقبتكم هذا ينحط ع الراس والله وواضح نيته خير من البدايه مايبي يضيع
0 تصويتات
منذ بواسطة
١٩ سنه وش يفهم بالحريم
يعتقد أن الزواج وسيلة تفريغ لشهواته
لا زوجتوه بعد شهرين سنه يمل ويحس نفسه أستعجل ولاكون له مستقبل تعليمي صحيح ولا أنبسط بشبابه مع أصحابه
من رئيي أنكم تستثمرون النشاط اللي فيه بتطوير دخله المادي توجهونه بعمل حر يبدع فيه ويصرف النظر عن الزواج
0 تصويتات
منذ بواسطة
هذي ماهي مشكلة ، لا تحكمون عليه من عمره
عقله وفهمه كيف ؟ تحمله المسؤولية ؟ مدى الجدية والانضباط عنده ؟
بعضهم  تخرج من الثانوي وتعسكر وديون وحاله ويادوب تزوج
أنتم دام الوضع تمام هذي فرصة يتزوج ويكون قريب منكم وينضج بعيد عن الشلل والسهر والعلاقات المحرمة
0 تصويتات
منذ بواسطة
عليكم السلام ..انتو وافقو بس لازم احد يكلمه ان الزواج مسؤليه ويفهمه كل شي . وبعد يدور وظيفه ولا عمل حر بسيط بس مجرد ان عنده مصروف مستقل .. ولاتتحملون كافه مصاريف الزواج كامله خلوه يحاول وين يدبرها كونو معه حتى لو ياخذ من ابوه سلف اهم شي ماتكون بالساهل نص ونص
0 تصويتات
منذ بواسطة
ماودي اقول زوجوه وبيعقل واذا عقل بيغير رايه ويقول باتزوج الثانية انا ندمان تزوجت بدري كنت متهور واللحين عقلت
بس في نفس الوقت دامه قادر ومقتدر زوجوه بس زوجوه وحدة قريبة لعمره مو صغيرة او وحدة اكبر شوي تتفهمه
0 تصويتات
منذ بواسطة
الرجال مايكون كفو للزواج ويفتح بيت لين يجمع مهر البنت بنفسه ويجب البيت والاثاث ... مو تزوجونه وبعدين تبتلش فيه بنت الناس مراهق وغير صالح للزواج نهائياا ولايمسك الريال والي يصرف عليها عمها
0 تصويتات
منذ بواسطة
طيب كلموه من الحين يدور ع الوظيفه عشان يقدر المسؤوليه إذا هو محتاج الزواج زوجوه بس لازم يعرف ايش يعني الزواج وبيت ومسؤوليه والخ
0 تصويتات
منذ بواسطة
اخطبوا له وحدة بعمره وقولوا شرط الزواج بعد ماتتخرجون من الجامعة ويقعدون يكلمون بعض بعد الملكة ويكونون تفاهموا لو قرروا يتزوجون وهم يدرسون
0 تصويتات
منذ بواسطة
لا تزوجونه اذا هو باقي مراهق وطايش لانه ماراح يعرف يدبر عمره ولاراح يفهم ايش يعني مسؤوليه وزوجته راح تهج من اول يوم خلوه عندكم لين يعقل ويركد وفهموه ان الزواج مسؤوليه قبل كل شيء
0 تصويتات
منذ بواسطة
اذا بتصرفون عليه ماراح يكون عنده حس مسؤولية لانه بيكون عارف راح يجيه الصرف وهو نايم من ناحيتي خلوه يطور نفسه بشغله معينه يمسك بعض امور مدخلات الصرف عندكم سنه وبعدها زوجوه لانه بيتعلم

استفسارات متعلقة

...