في تصنيف استشارات زوجية بواسطة
السلام عليكم

أنا كنت ساكنة في ديرة ثم نقلنا الى جدة والحمدلله صرت مرتاحة ومااستغني عن خدمات المدينة مثل مرسول وبرضوا اهلي كلهم في جدة وخواتي وغيرهم ، فيه شخص راح يتقدم لي من الديرة اللي كانت ساكنة فيها "قرية" وانا بصراحة ماابي ارجع للديرة ماراح اتاقلم واخاف مااتقبله خصوصا اني كشخة ومثقفة وتعرفون عيال القرى مو مثل المدن

وش رايكم اقبل فيه او لا ؟

16 إجابة

0 تصويتات
بواسطة
هذي مشكلة البدو لا تفقعصوا
الثقافة والكشخة مالها مكان محدد
يعني الكشخة ماتعيش الا بالمدينة
مو شرط ترا

أعرف ناس عايشين بقرية يسوون حاجات
أنا اللي عايشة بالمدينة ما أسويها
وأكشخ مني بعد
0 تصويتات
بواسطة
اذا انتي من اهل المدن ترى بتعاني من الزواج من اهل القرى او الديرة
الا في حالة تضمني لك شروط

اما انك تتزوجي بعدين تقولي ماعجبني الوضع كذا انتي الخسرانه
0 تصويتات
بواسطة
انتي بيدك تخليه يلبس القميص والتشيرت والجينز انا صاحبي طول حياتو يلبس ثوب ويتكلم ب الابل والغننم وسبحه بيده اتزوج وغاب شهر رجع لنا بشورت ولباس طاقيه  دايره زي حق مايكل صح م يليق بس اهو اتغير بشهر
0 تصويتات
بواسطة
من قال لك ان عيال الديرة غير عيال المدينة ...هالكلام فقط ينقال ولكن ليس واقعي . اذا الرجال كفو كفو لا تفوتينه وسيبيك من كلام اني ما اتأقلم ..انت اذا وسوستي لنفسك لن تتأقلمي لو كنت بقصر.
0 تصويتات
بواسطة
مافهمت ايش علاقة كشخة ومثقفة بكلامك!؟ ترى انا اعتبر من القرى والحمدلله متعلمين ومثقفين زي اي ناس مافيها تقليل ولا عيب وذحين مع التواصل الاجتماعي الكل صار زي بعض محد عايش بجهل وامية حتى العجايز معاهم جوالات..
وسببك مو مقنع مره لكن إذا مره مو ماتقدري اسألي وين بيسكن يمكن وظيفته برا في المدن لانه قليل وظايف في القرى والهجر وبعدين قرري مايبغالها
وترى اي وحده تكره منطقة بتتزوج منهم معروف ذي
0 تصويتات
بواسطة
أنت وين عايشة؟
الزمن الآن فيه فضائيات ومواقع تواصل في كل قرية، والله اعرف بنات من الديرة أفضل من بنات المدن، ما توقعت ان فيه احد يفكر بهذا المستوى التفكير هذا وانت الآن اكشخ وأكثر ثقافة عجيب والله!
0 تصويتات
بواسطة
ترا عيال الديره الحين اكشخ منك ومثقفين ومتعلمين نظرتك الدونيه لهم من نظرتك لنفسك لانك بيوم من الايام كنتي هناك طالما تكشختي وتغيرت حياتك يعني هم كذلك مافي احد يجلس على حاله بإمكانك تشرطي عليه ماتسكني هناك او ترفضيه ببساطه بدون التقليل والسوالف هذي لانه لو شاف كلامك هو سحب عليك
0 تصويتات
بواسطة
هذي اللي تحسب اهل ديرتها مقطوعين عن العالم الخارجي يمكن واصلهم التطور اكثر منك وبعدين وش معيار الثقافة اللي حددتيه يعني عشان نقارن بينك وبينهم اشوف ماله علاقة ابدًا في كونه الانسان ما يعرف يلبس ويكشخ عشانه ساكن بمساحة اصغر من المدينة!!
0 تصويتات
بواسطة
ما في بعد نصح النبي ﷺ :
(من جاءكم ترضون دينه وخلقه فزوجوه)
والله يا أختي لو تزوجتي بهذه النية الصالحة فأبشري بالسعادة في حياتك كلها
وسيرضيكي الله بإذن الله
العبرة بدين الرجل وخلقه
وباقي الأمور صدقيني ليست هي المقياس والميزان
0 تصويتات
بواسطة
انت اصلًا من ديرة ، واتكلم لك عن واقعنا صعب مدني يتزوج قروية او العكس صحيح، صح تصير بس مو دايمًا وقليل ؟ فأنتِ يعني ماتضمنين أساسًا يتزوجك واحد من المدينة، لكن جربي تخلين اللي خطبك يسكن بالمدينة عندك
0 تصويتات
بواسطة
هذا المثل اللي يقول عنز طاحت في عبس وبعدين رحتي لجده خلاص تطورتي يعني ولد الديره صار ماينفع ترا القروي دايم تحصلينه سيدا ويريحك في حياتك الزوجيه وغير كذا وش علاقة اللبس والثقافه هذاك من قرية ليش ماهو يضلمك يصير فوق مستوى عقليتك بما إنك تعرفين تلبسين
0 تصويتات
بواسطة
اصلك قروية وصرتي بمدينة وتفرعنتي.
اغلب الناس كذا.
أصله قروي ولا بدوي.
فيه الدين والاصاله والعادات
ويهاجر للمدن ويتنصل
 من طبعه ودينه وثقافته ولهجته ليواكب اهل المدن ويتطبع بطبائعهم الوسخة
 ويتبرأ من طبائع أصله ومهد ولادته وطفولته.
 ويتكبر على أهل ديرته وقريته
هؤلاء ارذل القوم.
0 تصويتات
بواسطة
وين المشكله اذا عشتي بالديره وسرحتي بالغنم
وتجلسين اسبوع ماتتروشين ترا عادي وين المشكله
ترجعين لاصلك وفصلك واكيد ان الديره فيها مطاعم وبقاله ومخبز الاهم ان الزوج يحافظ عليك ويقدرك وتحبون بعض وتكونون اسره رائعه
0 تصويتات
بواسطة
اذا أنتي وأهلك ترضون دينه وأمانته فلاتردونه
عيال الديرة ممتازين بالعكس فيهم بعض الصفات الايجابية الي ماهي موجودة في عيال المدن
وفي الاصل ماعاد فيه فرق أبداً بين المدن والقرى المتوفر في المدن متوفر بشكل كامل في القرى
0 تصويتات
بواسطة
ما ادري ليش قلتي عن نفسك مثقفة و كشخة
ولكن بسيطةأشرطي السكن في المدينة إذا تشوفين الرجال يصلح لك و إذا لا أرفضي

و ياليت أنك ترفضين على طول تكملينها عزابية طول عمرك
0 تصويتات
بواسطة
واضح انك قروية بحتة الآن مافيه فرق الانفتاح التكنولوجي الرهيب صار الواحد مايفرق بين بدوي وحضري وصلبي الناس تعلمت وتثقفت بسبب نعمة التواصل الاجتماعي فلا تكبرين راسك مسوية ساكنة بطوكيو تراك بجدة

استفسارات متعلقة

...