تقدم لي واحد شغال في القطاع الصحي ومترددة من موضوع اختلاطه بالبنات والممرضات في المستشفى !

Question

السلام عليكم

بتزوج واحد فالقطاع الصحي ومتردده كثير على موضوع الاختلاط تجمعهم قروبات والشغل هل تتوقعون فيه بيت ناجح ومو متأثر من هالعائق ؟

Answer 1

في شخص مؤثر
في شخص يتأثر
بمعنى أن كانت شخصيته مؤثره فهذا من حظك
وأن كان متأثره فهذا من حظك كذلك
هذه من الناحية الشخصية
الآن نأتي لبيئة العمل بشكل عام
هي المصدر رقم واحد لتشكيل الشخصية بمعنى حتى لو كان شخص مؤثر سيتأثر مع الوقت ..سيتأثر هذه بالعموم وليس بالخصوص انتبهي لكلامي
أما بالخصوص فهذا يعتمد على شيئين
الأول .. هو أنتي وتعاملك معاه و مامدى قدرتك على احتوائه وفهمك له . بحيث هو يراك أجمل شيء عنده
الثاني .. هو محيط بيته . أذا كان يشعر بالأستقرار النفسي والروحي فيه فهذا ممتاز

Answer 2

بعض العقليات تفكر انها تشتغل في مكان مختلط لكن ترفض انها تتزوج بشخص يشتغل معها او بمكان مختلط، واقصد الاثنين رجل أو امرأة ، واحيانا تحصلهم اكبر مغازلين عموما اذا الغيرة عندك زايدة ولساتك صغيرة فارفضي وانتظري نصيبك

Answer 3

حبيبتي الأختلاط الأن بكل مكان .. ماوقفت ع المستشفى ابد .. والخربان خربان سواء بمكان مختلط او  منفصل . واذا ع نجاح الزوج مثل ماسألتي ؟ يعتمد على رزانة عقلك وتفهمك لوضعه + تفكينه من التفتيش والتنبيش والتحري والتدقيق ع الطالعه والنازله اذا تبين حياتك ناجحه ومستقره وانتي مخيره

Answer 4

كل الجهات رايحه للتوجه ذا يعني لاتضيعي وقت ع مثل هالشغلات.. وجوابا لسؤالك يوجد بيوت ناجحه وكثيره بل الاغلبيه ناجحه ولدينا شواهد كثيره من اقارب

Answer 5

عادي تزوجيه انا ممرضه ابشرك تجمعنا قروبات عمل والكل محترم نفسه ولايتجرأ احد يغلط ومتزوجه وعندي عيال وزوجي بالقطاع الصحي ومتفهم للوضع اساساً مانفكر بالدوام الا متى نوقع الخروج ونرتاح ببيوتنا ولو يبغى احد من الزميلات بالعمل كان خطبها وريح راسه لكن ما يبغى الا انتي

Answer 6

في { الغالب } لن تجد من يعمل  أو  تعمل  في بيئة { مختلطة } إلا و حياته الأسرية { مشتتة }  ومليئة بـ { المشاكل } ، و انتي عقلك ف راسك و تعرفي خلاصك

Answer 7

في وحده من صديقاتي زواجها في قطاع الصحي ماشاء الله انسان محترم ماشي علي صراط المستقيم مايلف ولا يدور محترم نفسه وبيته مو كل واحد في محل لاختلاط يعجبه بنات ابليس لا يفكر ياخذ منهم بذات اذا كانت لها علاقه في اكثر من واحد استخيري ربك حاولي تشوفيني من الباب الايجابية

Answer 8

أسألي عنه بطريقة ذكية في الدوام من بعيد بدون ماحد يحس وشوفي كيف يتعامل مع زميلاته هل معاملته محايدة ومهنية ولا فيها شبهات ..استخيري الله قبل كل شي..فكري كثير ..لاتسمعين للناس اللي يقولون اهم شي يصلي ولا تسألون عند امام المسجد هاذي طرق أثبتت فشلها وعفا عليا الزمن .

Answer 9

صعبة نحكم أن كل البيوت ناجحه أو لا، فالكثير سعيده وايضاً فيه من هم عندهم مشاكل، لذلك بيئة العمل ماله علاقة، فإذا انتي مو مقتنعه الانسحاب مبكراً افضل

Answer 10

استخيري
الاختلاط للأسف صار في كل مكان
فيه تسجيل صوتي لأحد المسؤولين لأثر الاختلاط بين الموظفين والموظفات ابحثي عنه واسمعيه والله ينفع فيه

Answer 11

النجاح والتوفيق بيد ربي واللي يبي الخراب يلقاه لو انه في البر

Answer 12

اذا انتي غيوره وراح تجلسين تشكين مستقبلا لو تغير لو واحد بالميه افضلك ماتاخذي هالخطوه

Answer 13

والله لو هو رجال بما تحمل الكلمة من معنى لو يحطونه في مرقص مايأثر ، لانه اولا يخاف من الله ثانيا يخاف على عار الناس مثل عاره ، فالوظيفة مالها دخل اذا كان هو فعلا رجال ، زوج صديقتي دكتور ويشهد الله انهم سمن على عسل ، استخيري والله يوفقك

Answer 14

نعم في بيوت ناجحه اذا صارت الزوجه مو شكاكه وتراقب زوجها هنا تنجح حياتكم لان بينهم قروبات واختلاط وشغل كل دائره يحطون لهم واتساب تواصل للعمل اذا انتي ابعدي الشكوك من حولك بتظبط امورك وخليك مرحه وانفتاحيه وادعي ليل ونهار ان الله يصلح شأنكم ويهديه ويبعده عن حرام