خطبني شخص سمين! خطبني شخص مو مناسب لي وتعبت ابغى الجل !

Question

تقدم لي شخص متين انا اكككره السمنه بشكل مبالغ فيه لدرجة اهتم بنفسي وانا اساسا نحيفه لو يزيد وزني كيلو اتضايق لين ينزل بس الي يخليني افكر عمري دخلت ال30 وبنفس الوقت ماقدرت اتقبل حتى شخصيته ولا عنده شعر صلعه اهلي ضدي بس انا تعبت صدق مافيه اي قبول تجاهه

Answer 1

صدقيني راح تعشقينه لانهم فيهم سحر جذاب الدببه بالذات لو كان مصلع

Answer 2

القبول والرفض منك انتي وصعبه تضيعي عمرك برواج انتي مو متقبلته نهائياً العمر مو مقياس ولسى بأول شبابك يجيك نصيبك بالوقت المناسب لك إصبري ولا تضيعي حياتك لن تعيشي بسعادة مادام إنتي مو متقبله الوضع نهائياً.

Answer 3

اذا مو متقبلة شكله لاتوافقين
الزواج مافيه مجاملة

Answer 4

اساس الزواج القبول و الراحة النفسية
إذا ما هي موجودة بتكون علاقتكم فاترة و بتنتهي بالطلاق لا محالة او حياة جافة
استخيري
المتين يمكن ينحف
و الأصلع ممكن يزرع
طبعا هذا اذا وافق هو

Answer 5

فيه كل هذا والاشياء اللي انتي ما تبينها وجايه تسألين الناس هنا؟مدري الغباء فيك بالفطره والا وش ؟تبينه وافقي م تبينه ولا يناسبك ارفضي بدون شرح كامل وبدون افلام هنديه واذا وافقتي عليه هذا شي يخصك الناس م راح تعيش معه انتي من راح يعيش معه وراح تخدمينه

Answer 6

بما انك عارفة ان ما فيه اي قبول سكري الباب و ارتاحي ، و انتِ اللي بتتزوجينه مو اهلك
يعني لا تتزوجينه و بكره تتفاجئين انك ما تبين قربه

Answer 7

خذيه
وحتحبيه.
صدقيني السمين ينحف
بس أبو طبع غلط عمره ما يتعدل.

انظري إلى النحيف الذي بداخله.

Answer 8

اذا ماتقبلتيه ارفضيه مو بعدين تتزوجيه وتكرهيه حياته

Answer 9

لا اله الا الله ، مايحتاج وانا اختك كل هالحكي
لان كل اللي قلتيه قد يكون مميزات بالنسبه لأي بنت غيرك
بكل بساطه دام مافيه قبول معناته خلاص لاتدخلين بزواج عشان بس خوفك من العُمر لانك بتضرينه وتضرين نفسك وبتكتبين لنا بعد كم شهر زواج ساعدوني متزوجه واكره زوجي هل تنصحوني بالانفصال

Answer 10

لا توافقين عليه وتظلمينه بنظرتك السخيفه لشكله خليه تاخذه وحده تقدره وتحطه فوق راسها الله يوفقه ان شالله ويلقاء الي تستاهله وانتي دوري فارس احلامك الله يوفقك , وعلى فكرة ترا الشكل والجمال بعد الزواج يروح مايبقى الا اخلاق وكرم الرجال

Answer 11

هذه هي المرحلة الاولى من التقبل ولكنها ليس شرطا ان تكون الاساسية
لا احد يستطيع ان يعرف صفاته الحقيقة وشخصيته الا بالتحدث لفترة او بالعشرة
لذا ان كان على خلق ويقدر الزوجة ويعي معنى الزواج والتقدير فسهل الحوار معه وتفهمه لامر السمنه حفاظا على صحته اولا
لذا فكري في معرفه شخصيته اولا

Answer 12

مدري من قايلكم اذا دخلتو الثلاثين فاتكم الزواج ولا صرتو عجايز !! ترا عادي يعني هذا رزق ونصيب من ربي حتى لو عمرك ٣٠  بزمنا هذا تعتبرين بعز شبابك مو مقتنعه ومو مرتاحه يحق لك ترفضين العمر مجرد رقم بيجي رزقك اهم شيء اهتمامك بصحتك وشكلك وتتقربين من ربي وتطورين من نفسك

Answer 13

امسك قردك لايجيك اقردمنه السمنه ماهي عيب ولااحدراضي انه يسمن لكنهاغصب عن الانسان فان كان يصلي ويخاف الله وكريم ويعاملك بالطيبه والاحترام فانسي ذاالشيءالتافه وعيشي حياتك وانبسطي ماتدرين باقي يتقدم احداولا ويمكن يجيك واحدنفس مواصفاتك بس فيه عيوب ثانيه وسيء استخيري الله قبل اي قرار

Answer 14

دام مافيه قبول فلا تضغطين على نفسك بحجة إنك دخلتي ال30 واذا دخلتي ال30 يعني خلاص وصلتي سن اليأس !!
لساتك بعز شبابك وبعز زهرة شبابك بعد
بس ذكرتيني بسالفة وحدة اعرفها زوجها مرررررا متين وسوا تكميم و قص وشد وصار اجمل واحلى منها بكثيييير و رفع خشمه بعد

Answer 15

مدام مافيه قبول فلا تضغطين على نفسك بحجة إنك دخلتي ال30 واذا دخلتي ال30 يعني خلاص وصلتي سن اليأس !!
لساتك بعز شبابك وبعز زهرة شبابك بعد
بس ذكرتيني بسالفة وحدة اعرفها زوجها مرررررا متين وسوا تكميم و قص وشد وصار اجمل واحلى منها بكثيييير و رفع خشمه بعد

Answer 16

استخيري ثم استخيري ثم استخيري ثم سوي شوفه وبعدها استخيري اذا استمر عندك نفور تجاهه ارفضيه وعمرك مش مهم الله الرزاق وفي دعوة حلوة اذا كنت محتارة من شيء تدعينه "اللهم ارزقني الهدى والرشاد" كرريه كثير

Answer 17

وعشانك وصلتي الثلاثين بتتغصبين بواحد ما تقبلتيه غيري تفكيرك هذي حياه هذا مصيرك لا تستعجلين قبل ما تتزوجينه وتجيبن طفل او طفلين هنا مافيه مجال للتراجع او تراجع تدفعين ضريبته استقرار اطفالك النفسي استخيري

Answer 18

غريب اللي لسا يعتبر الثلاثينية عانس في ذا الزمن متاكدة انهم اكبر مننا بجيل لان البنات نفسهم صاروا يأخرون خططهم للزواج لبعد ٢٧ و الاهل نفس الشي صاروا يشوفون بناتهم صغار على الزواج

Answer 19

لا تقبلي برجل انتي مغصوبه عليه ولا تضحكي على مشاعرك طالما لم يجد قبول اتركية وربي يعوض كل واحد افضل ولا تكوني سبب في تشتيت اسره اذا انجبتي منه ماذا يكون مصير اولادك

Answer 20

شوفي خلي في فترة خطوبة دبل فقط لاتسوين عقد تعرفي عليه اكثر عطي فرصة شهر شهرين اذا مره مارتحتي لا تاخذينه وانصحي هو يغير نفسه انتي لاتتعبين نفسك معه اذا ماجاء التغير من الشخص نفسه ماله داعي خلي هو يغير نفسه عشانك يعني ينحف او اذا عنده مشكله ثانيه يحلها لحاله

Answer 21

اذا ارتاحت نفسك للشخص المتقدم لك وافقي عليه، لا تقبلين بشخص لم تجدي في نفسك وقلبك له وقع.
النصيب يدخل القلب دون استئذان!

Answer 22

إذا مو مقتنعة وعندك هوس النحافة لا توافقين تظلمين الشخص معك ،
أهم شيء في الزواج القبول والشعور بالراحة ، والقرار الأول والأخير لك مو لأهلك لأنك انتي اللي بتعيشين معه ..

Answer 23

والله مافيه شي ينحل بعد الزواج،اذا شخص مو نفس الموصفات ولاحبيته ارفضيه عادي وان شاء الله يجيك شخص نفس مواصفات اللي تبين
وتذكري الحياة مو سهله مع شخص ماحبيتي شكله

Answer 24

طالما مافي قبول لاتوافقين وتظلمينه وتظلمين نفسك قبله .. تبين الرشيق إنتظريه لاتوافقين ع السمين ثم تقولين والله ماتقبلته!
وبقولك شيي .. أحترم رغباتك بس ترى أنتي نظرتك مره سطحيه ، لأن الجمال والماديات متذبذبه قد تزيد أو تنقص حسب الظروف ، فـ "وَسّعِي مداركك".

Answer 25

اهم شي القبول لااتجبرين نفسك على شيء مو مقتنعه فيه نصيحه اذا مافي توافق وقبول من البدايه كيف راح تستمرين معاه.