في تصنيف استشارات زوجية بواسطة
متزوج من ٣ سنوات وهي حبيبه وتحبني وانا قبل احبها لكن من فترة صايره تطلع مع صديقتها واذا رجعت نامت ولا تقوم الا قريب الظهر
لا فطور تسوي والغدا انا اجيبه من برا ما كني متزوج ودافع مهر
شاورت واحد من الربع قال خذ الثانيه وهي تعقل
شيروا علي الله يسعدكم

25 إجابة

0 تصويتات
بواسطة
حلها ابسط دامها تحبك قولها في شي مكدرني وانا ابغى سعادتناوراحتنا اهم ماعندي اطلعي مع صديقاتك مرة بالاسبوع محمولة ومكفولة وانا بطلع مع اخوياي زيك مرة بالاسبوع اعلى حد ٩ الليل وباقي الاسبوع لنا ولبيتنا بدون تقصير المرأة يجيبها الكلام الحلو والجدية والاهم قلها لحد يعبي راسنا
0 تصويتات
بواسطة
كلمتك ودافع مهر هذه هي اللي تسبب لك مشكلة
ترى ما اشتريتها والمهر اللي تقوله انت هي تستاهل اضعافه
هذه زوجتك وام اولادك وسكنك تركت اهلها وجاتك
يا اخي مو لازم كل يوم تسوي لك فطور وغداء
اذا نامت خلها ترتاح لاتصحيها عشان اكل
خرجاتها مع صديقتها انت تحددها لاتخليها بالكثير مرتين بالشهر
0 تصويتات
بواسطة
ياعزيزي استأصل سبب المرض أولاً..
اذا كان خروجها مع الصديقات هو سبب تغيرها فتناقش معها في هذا الأمر.. لا تطلب منها قطعهم ولكن وضح لها اذا خرجت وطوفت الفطور والغدا مافي خرجة المرة الجاية.. فإن رأيتها تميل إلى عدم قبول ذلك ورأيت اصرارها على ماهي عليه فاعلم أن صديقاتها قد أفسدنها..
0 تصويتات
بواسطة
امانه الحين الحياه الزوجيه ليه ماهي حب وتفاهم كلها انتقام وكرهه يابوي تفاهم معها بشده تطلع مع صديقاتها يوم بالاسبوع وتهتهم فيك وهذا واجب عليها
0 تصويتات
بواسطة
انت دفعت المهر لاستحلال الحلال... وليس لان تطبخ لك

صحيح أن خدمة الزوج امر مساعد لاستقرار الحياة

اما الزواج من أخرى... فأنت رجل وتعرف تتصرف...
 وليس كل نصيحة
تكون مجدية...
سواء لنوع النصيحة..
او لمن تسدى له النصيحة
0 تصويتات
بواسطة
قول لخويك شورك وشور ابليس واحد؛ الطبيعي تجلس معاها وتصارحها بالتي هي احسن.
0 تصويتات
بواسطة
بعض الرجال ما عنده نصيحة غير خذ الثانيه
تضمن الثانيه تحوفك حوف؟ يمكن تطلع أضرب من الأولى دام عندك القدرة تتزوج الثانيه استقدم شغالة او طباخه و فك نفسك من المشاكل
0 تصويتات
بواسطة
ياخذ شوره من اخوياه في مسائل خصوصية وخاصة خاصة مثل هذه احس عنده مشكلة كبيرة وهالشي واضح من كلامك (صايرة تطلع، قال خذ الثانية) يعني اسمح لي ضعيف شخصية فضبط امورك وكون صارم وطلعاتها تكون بحدود وشورك خذه من راسك ومافي داعي احد يدري بمشاكلك الأسرية الخاصة وسلامتك.
0 تصويتات
بواسطة
هي غسالة ؟ و لا تلفزيون جديد ؟
أيش يعني دفعت مهر !
 اللي فهمك معنى الزواج إنسان مريض و رخيص
0 تصويتات
بواسطة
ما كني متزوج ودافع مهر يعني اللي متزوج بدون مهر عادي ينسحب عليه
عندك اصابع تكتب مشكلتك هنا بس ما عندك لسان تتكلم مع زوجتك فيه
0 تصويتات
بواسطة
تدري وش تسوي ؟ إذا ماقامت وسوت لك غداء روح وجيب لنفسك غداء ولا تجيب لها شيء علشان تتأدب مرة مرتين ثلاث لين تعرف اللي لها واللي عليها
0 تصويتات
بواسطة
كثير من الرجال يربط الحب بخدمته،يعني إذا خدمته زوجته حبها وإذا قصرت معه راح الحب،هل هذا حب؟
الزواج من زوجة ثانية ليس حل بل هروب من حل المشكلة،
بعض عقلية الرجال عادي عنده يدفع مهر ويتزوج من ثانية بس مو عادي انه يتصرف ويحل مشكلته بحوار ونقاش راقي ويتنهي كل شيء وترجع الحياة مثل أول.
0 تصويتات
بواسطة
شوري عليك انك ماتعيد كلام مثل "ما كني متزوج ودافع مهر" ...

المهر مامنه منه! لما تقول مثل هالكلام كأنك تقول انك شريت شخص لكي يخدمك. ولنفترض انك تفكر بهذه الطريقة، وهي عاملة بالفعل وتاخذ ٢٠٠٠ كل شهر فالمفترض بعد انتهاء السنة الثانية تجدد الاشتراك
0 تصويتات
بواسطة
دافع مهر ! هذا يبي زوجة بفيزا عاملة منزلية
0 تصويتات
بواسطة
٣سنين تجيب لها الغدا سندريلا زمانها وش هالرفلا وتطلع وتدخل وتجي تنام صارت اهي الزوج
تكلم معها واذا مانفع الكلام هددها واذا مانفع التهديد اشك لأهلها الوضع المزري بس عشان تكون على بينه قدام اهلها ويكونو في الصوره واذا ماتعدلت في الاخير تزوج
0 تصويتات
بواسطة
بدال م تشاور واحد من الربع كان شاورتها هي وسألتها ليه تغيرت وصارت كذا وشنهو سالفة صديقتها،
وكان من الأساس منعتها من الطلعة مع صديقتها اللي بتخرب عليها بيتها وتشوف وش ردها وكيف تجاوبها معك أما كذا هب دب وزوجة ثانية
ترى إذا م تعرف تحل أمورك مع الأولى م راح تحلها مع الثانية واللي
0 تصويتات
بواسطة
نقاط المشكله
ليه تطلع ؟!
كرش ؟!
دافع مهر عشان تشتغل عندي ؟!!

والله المفروض تستحي تقول السالفه بينك و بين نفسك حتى
ابي وحده تاكلني و تغسلني و تلبسني و تسبحني و تنومني
سجلت عقد الزواج بكرت التطعيمات شكلك
0 تصويتات
بواسطة
معليش جرب تسوي رياضة وتخفف وزنك وتصبغ اون جديد والصبر ثم الصبر فالبيوت قائمة على الصبر !
عجيب والله بدل ما يجيب عاملة تساعدها قال خذ الثانية يحسب بنات الناس لعبه هو واخوياه
0 تصويتات
بواسطة
يا اخي انت ماجربت معها ولا حل ولا كلفت نفسك تجرب على طول شاورت ورحت للدواء وتبي تنفذ وهذا غلط كسر القلوب ماهو لعبه اتعب اشوي مع اهل بيتك والله يكتب لك الخير
0 تصويتات
بواسطة
المفروض يكون فيه جهه حكوميه مسؤوله عن شخل البنات قبل الزواج ويعرفون اذا صالحه لزواج ولا تقعد في بيت اهلها اهي وافكارها
0 تصويتات
بواسطة
الحين يوم تطلع مع صديقتها يوميا منه يسمح لها مو انت
أجل تحمل نتيجة غلطتك
اتوقع انك كذا عرفت الحل وما يحتاج اقوله
0 تصويتات
بواسطة
وهل الثانيه بتكون حل يعني ؟؟ ليش ماعندكم اسلوب الحوار والنقاش ناقشها في نفس الموضوع قلها كل اللي في خاطرك يمكن هي مو منتبهه لهالشي
0 تصويتات
بواسطة
انصحهابالحسنى وتكلم معاها فهمهاان انتم لسا متزوجين وفي بدايةحياتكم ومتشاركين الحياة مع بعض يعني كل واحد فيكم مسؤول عن الثاني ولازم يكون فيه اخذ وعطاء من كل واحد منكم لشريكه
اما مسألة الزواج بثانية ماانصحك
ناقص انت تحمل مسؤولية زيادة
الأيام هذي ياالله انك تتخارج مع واحدة
موفقين
0 تصويتات
بواسطة
الاخ الكريم ليش ماتخدم نفسك !! والمهر مقدم للحمل والولاده والغرابيل قسم اشغلتونا محسسينا فلوس تقديم خدامه
0 تصويتات
بواسطة
لاعادي تسال صديقك هذا لانه فاشل وحلوله فاشله زيه كلمها وحدد أوقات لزيارة صديقتها هذى مثلا يوم الخميس عشان يوم الجمعه تنام وانت روح عند اهلك تتغدى معهم سالوعنها لاتعلمهم قل حبيت اجى وحدى من زمان عنكم وبطل تجيب لها غدا لانها تتوقع انها نجحت فى التعامل معك بهذى الطريقه

استفسارات متعلقة

...