زوجتي ما تلبس لي ولا تهتم بنفسها ولا تبادر بالعلاقة

Question

انا رجل متزوج وزوجتي عمرها ۱۹ وانا عمري ٢٦ هي انسانه محترمة وجميلة وأحبها وهي تحبني لكن مشكلتها انها لا تهتم كثيرا بنفسها اشوف اغلب الفتيات يهتمون بشراء الملابس والعطور ومستحضرات التجميل لكن هي على النقيض تماما ما اعتقد اني شفتها بيوم اشترت ملابس تجذبني وفاجئتني كما انها لا تتفاعل ابدا في العلاقة ومن المستحيل أن تبادر في العلاقة

Answer 1

بعدها صغيره انت اشتري وقول لها ابي تفاجيني بذا اللبس خاطري اشوفه عليك احس بيكون يجنن خذ مكياح واختار لها لون الروج وامدحه لو حطت عليها اختار العطور وقولها شميته بالمحل وعجبني ويوم تحطه قولها ريحته عليك غير واحلى انت حرك انوثتها واعطيها الامان والثقه وشوي شوي بتتعدل

Answer 2

روح معاه واشتر الي بخاطرك تشوفه عليها واذا على المبادرة لانك ماوصلتها هلمرحلة من الحب والسعادة انها تبادر فالعلاقة الخاصة البنت مو مثلكم كبسة زر دلعها سو معاها مواقف تخليها تحبك سولف معاها ونسها جيب لها هدايا امدحها ساعدها بشغل البيت

Answer 3

ممكن تجيبلها مجموعة قمصان من ذوقك مثل الي انت تحب تشوفهم عليها وعطر يعجبك وتوديلها هديه حتنبسط فيهم وقولها حابب اشوفهم عليكي ولما تلبسهم امدحها وامدح جمالها كثير وقولها احب اشوف هالملابس عليكي دايم البسي لي  كدا وصدقني هالحل البسيط حيغير كثير

Answer 4

تره زوجتك صغيرة للحين ما تعرف الحياة الزوجية اشلون صايره واكيد انها تخجل من المبادرة... ليش ما تاخذها معاك السوق وتراويها شنو اللي بخاطرك تشوفه عليها وفي المناسبات جيب لها هدايا وخلها تكشخ لك

Answer 5

تقول نفس البنات اخوي لاتمد عينيك وبتملئ عينك زوجتك اما لو حاب تشوفها بشكل احلى سهله انت اشتر لها وقل لها الليله ابي اجواء وتلبسين هذا الفستان مثلا.واخذها مشغل تتضبط ومن هالامور وراح تفهم وتتعود من نفسها تعتني بشكلها واناقتها والله يوفقكم

Answer 6

افتح دولاب عندها وهات شي تحبه عليها ولبسه لها بيدك وتغزل فيها واسالها اذي كانت شبعانه معك في العلاقه أو لازم زوج يسأل زوجته لان عدم إشباع زوجه في العلاقه يجعلها تهرب منك وما تحب تسوي

Answer 7

اصبر الله يعافيك ويخليلك زوجتك البنت توها صغيره راح تكلر وتتعلم لكن اذا تبي تعلمها بدري فهذا الصواب ، يعني اجلس معها وكلمها ان وش رايك هالاسبوع تطلعين تشترين ملابس ماتصلح تنلبس الا عندي ؟
ملابس نوم وبيت تخلي عيوني تطلع قلوب كل ماشفتك ( طبعًا عزز ثقتها بنفسها لان هالعمر حساس ) قل لها تأكدي كل شي راح تشترينه راح يكون لايق عليك وانا اشوفك حلوه بكل احوالك ي قلبي ، لكن تعرفين لازم نعف بعض عن الحرام هذي الحكمه من الزواج ،،، اضمن لك لو تكلمت معها بهذا الكلام راح تشوف اللي يسرك والله يستركم ويستر عليكم

Answer 8

روح شوف عطر نسائي ودك تشمه عليها و خذلها ياه هدية و قولها ذكرني فيك هي بتنبسط انه هدية منك و تتحمس تحط منه روح معها عالسوق شوف شي لبس يعجبك قولها احسه يطلع مره حلو عليك تعالي نشوف اذا استحت و رفضت قولها تعالي بس خذ القطع كمبادره

Answer 9

زوجتك متربيه ومحتشمه فلاتحاول تخربها وترجع بعد فتره تشتكي فالافضل تتقبلها وتحاول تعدل فيها بمايتماشي مع طبعها وطبيعتها لحتى توصل للهدف المقصود

Answer 10

مشكلتك بسيطة جدا ... زوجتك صغيرة في العمر ليس لديها رؤية ولا خبرة في الحياة ربيها على ايدك واعتبرها طفلتك المدللة وعلمها اللي تبيه انت ... حاليا انت في نعمة ولا تدري بدل عرض المشكلة هنا خذها للسوق اشتريلها الي يعجبك عليها تلبسة واشتريلها العطور الي تعجب ذوقك ووووو كل هل أمور الايجابية يمعود روح انطلق على السوق

Answer 11

في زوجات بيكون الكسوف مسيطر علي حياتها زوجيه لكن زوج هو من يطلعها من حالتها وهو من يبادر حته تتعلم اغلب زوجات الأمر بيكون معهم خجل لا اكثر ولا اقل جرب أن تحتويها تتخليها مطمنه وشوف تغيرها

Answer 12

احس كلمها .. بس طبعاً بأسلوب .. و كلمها بطريقه مؤدبه .. تراها صغيره و عادي تكون مب عارفه شي و عادي امها ما فهمتها .. خذها معاك السوق و خذ لها الملابس عشان بعدين هي بتتعلم و بتفهم كيف تاخذ الملابس و العطور

Answer 13

انا اشوف اذا الشريك /ة وده باشياء معينه يشوفها على شريك/ة هو من نفسه يبادر اولا يلمح واذا مره مافاد يصارح مثلا انت خذها بيوم المول واختار انت الاشياء اللي ودك تلبسها وهي بتفهم عليك  وحتى العلاقه الخاصه علمها واكسر حاجز الحياء والخجل عندها عطها الامان البنت ماعندها خلفيه

Answer 14

عمرها صغير اساسا 19 عام ذي مفروض تكون طفله الزوج هو اللي ليعلم زوجته وهو وحده من قادر أن يكسر كسوفها وشعورها بالخجل في زوجات ما تبادر العلاقه خوفا أن يكون زوجها مب راغب العلاقه

Answer 15

بما ان عمرها ١٩ معناتها ماعندها النضج الكامل لمعرفة احتياجات الزوج. فأنت اللي ترغبه وفّره لها لمّح لها انك تبيها تلبس كذا وكذا. خذها واشتري لها باختيارات متوافقه بينكم. اجبرها تلبسه بطريقه محببه بينكم حتى لو هي خجوله كل ماتتعود عليك وترتاح لك بتلاقيها تلبس اي شي يعجبك من غير ماتطلب.  ترى مرينا بهالفتره ومابدينا نفهم بعض الا بعد عشرة عدة سنوات  السكووت هو السبب انت تنتظرها!! وهي تنتظرك تطلب منها!! فحاول تكسر عندها حاجز الخجل صدقني بتنبسط انك تبي تشوفها بلبس معيّن .. المهم لاتبلشها بعيال لما انتوا تستوعبون بعض .

Answer 16

يمكن انت ما تداعبها أثناء العلاقه وهذا سبب من الأسباب اتوقع حاول أن تشتري لها شي انت بالفعل تبي أن تشوفه عليها اولا بتبسطها وتبسط نفسك معها فا حاول أن تفهم مشاعرها ونقاط ضعفها

Answer 17

طيب ليش عيونك تروح على اغلب الفتيات ترى كل ماراحت ويش ماسوت زوجتك مابتشوف الشي الثاني انت تعطيها مصروف في ايدها هذا مهم جدا لان لو ماتعطيها مابتكون تعرف تشتري مثل الناس ثالثا والاهم هل انت تتأنق باستمرار زي ماتطلب منها ربما انت طول الوقت ثيابك عاديه وهي تقلدك لو كنت انت تسوي هالامر هي بتلاحظك وبتسوي مثلك وبما انها عمرها ١٩ الارجح توكم متزوجين كيف تطلب منها المبادرة ممكن بعدها تخجل وتشوف الموضوع جرأة بالاخير خليك صريح مثل ماقالوا وقول الي تحبه بس بأدب

Answer 18

روح معاها السوق و خلها تختار و اقترح عليها مثلا ان هذا اللون افضل من هذا روح معاها محل العطور و اختاروا ، احجز لها بالصالون كمفاجاة الأمر جدا جدا سهل و البنت صغيرة لربما غير ملمه بهذي المواضيع او ما تبي تكلف عليك

Answer 19

لا تهم كثيرا بنفسها اي بنات ذي اللي بتشوفها بتاعت النت والاعلانات وكذا خلص اطلب لها بوكس مليان عطور وشاور وأشياء كلها من تبع البنات انتي مو عايز تنبسط طلع اللي في جيبك والانبساط بيعم عليكم

Answer 20

طيب تبيها تهتم اهتم انت عشان تبدأ معاك بالاهتمام  اشتري لها اللي تحبه قمصان نوم عطور وكل شي تحبه وقول لها احبه ترشين هذا اليوم وتلبسين هذا  واذا تبي تعشقك عطيها كلام حب لان المرأه تحب تسمع بعكسك تمام تحب النظر اهتم عشان اهيا تهتم والله يوفق بينكم

Answer 21

انت تزوجت وحدة صغيرة ويمكن تربت في بيت مافي مين علمها او بيت محافظ يعني مايحكو هيك اقصد امها تفهمها او اختها او يخلوها تصادق بنات وتطلع او تتعلم من انترنت او كتب عموما احنا كعرب شوي عندنا نقص في هذه الاشياء يعني انتو رجال تحبوا تكون البنت نعرف كل شي عن الجنس وما لازم تستحي طيب الان هي زوجتك ليش انت تستحي منها اتكلموا كل يوم شوي اتعود تحكيها وتنصحها وعلمها انت مو عيب

Answer 22

اشتريها بنفسك واعطيها اياهن  هديه واذا مريت على محل ملابس النوم شجعها انت انه هذي اللبسه بتكون حلوه عليك مو رايك تشتريها يمكن هيه تستحي البدايه ويمكن تراعي ظروفك الماديه  نفس الشي فالحياة الزوجيه مشاركه بين الزوجين فكل شي

Answer 23

طيب انت خذها لسوق واشتركوا في شراء الملابس على ذوقكم اما بنسبه للعلاقة ممكن بعدها تستحي منك او بعد ما عندها ثقافه علمها انت ترا في كثير من الأحيان الزوج هو من يقوم بهذا الدور

Answer 24

عطها مصرف كافي لهالاشياء وشوف شتسوي الحياة صارت غاليه ومافي وحده ماتبي تتجمل لزوجها بس الماده اكبر عائق

Answer 25

أستاذي الفاضل أتفهم تماما مدى حرصك على مشاعر زوجتك وأحييك على ذلك ولكن كيف ستعرف زوجتك ما تريده دون أن تبوح لها به؟ فهي ربما تعتقد أنك تشعر بالرضا والسعادة ومكتفي تماما بما تقدمه لك فمن أين لها أن تعرف أنك تحتاج منها أن ترتدي ملابس معينة أو تقوم بأفعال معينة كالمبادرة في العلاقة الحميمية؟ فلم لا تصارح زوجتك بما تريده؟ كما عليك أن تدرك تماما ابأن زوجتك لا تزال صغيرة وربما تكون خبرتها في الحياة قليلة وتحديدا في العلاقة الحميمية ولذلك هي لا تعرف ماذا يجب عليها أن تفعل عليك أن تتحدث مع زوجتك فأنا كما أخبرتك أحترم مراعتك لمشاعرها وتجنبك للتحدث في الأمر خوفا من إنزعاجها أو شعورها بالحرج
ففي النهاية لا يجب أن نلوم أي شخص على تصرف أو تقصير دون أن نوضح له هذا التقصير افأنت تنتظر من زوجتك أن ترتدي ملابس معينة وتتفاعل معك دون أن تلفت نظرها فزوجتك ليست ساحرة لتعرف كل ما يدور برأسك دون أن تخبرها أنت بكل ما يجذبك لذلك أنصحك بأن تكون أكثر وضوحا مع زوجتك وحاول إختيار وتنقية الأسلوب والطريقة المناسبة في لفت نظرها