فارق العمر بيني وبين زوجي وكلام الناس عني!! تزوجت من شخص خمسيني!

Question

انا تزوجت من رجل عمره فوق 50 وانا عمري 30 بغض النظر عن كونه شخص كويس او لا وبغض النظر عن اذا كنت مبسوطه او لا كل الناس اللي حولي يقولون ليش تتزوجين شايب ليش توافقین مافیه توافق في الافكار مافيه توافق في الشخصيات ظلمتي نفسك حرام تتزوجين شخص كبر ابوك ضيعتي شبابك و....و.....و......الخ وش تبغووون ليش ينقال لي هذا الكلام ليش مايقولون نصيب وصار وانتهى تعباااانه من كثر مالناس يلوموني واللي زاد الطين بله اني ماقدرت اتعايش معه طول الوقت اشوف اني ظلمت نفسي مع هذا الشايب بسبب كلام الناس

Answer 1

ياشيخه هذا نصيبك الي ربي كاتبه لك احمدي ربي واشكريه وكلام الناس الجهله والحسوده لا تفكري فيه ولا يأثر عليك وحبي زوجك وحياتك واستمتعي فيها وترى خمسين للرجال مو عمر كبير الحرمه تكبر وهم ولا يبان عليهم العمر والي يقول لك كلام يزعجك وقفيه عند حده وقولي إلا ربي راضي عليه لما جعله من نصيبي

Answer 2

وليش تسمعي للناس ياقلبي،، هل حيصرفوا عليك هم؟؟ هل اذا ماتزوجت حيسكتوا و لا حيقولوا عانس و يقولوا ليش ماتزوجتي ،، الرجال مو كبير ياقلبي بالعكس ممكن يعطيك شي الصغير ما اعطاك ،، ثاني شي سدي اذنك و عيييشي بسعادة الناس ماهمهم الا الكلام ،،

Answer 3

ماورا كلام الناس الا وجع الراس عيشي حياتك وماعليك من حد لو فيهم خير ماحكوا كذا وعمر زوجك مو كبير ربي يسعدك ويريح بالك

Answer 4

ما شاء الله عمره عمر الزهور  وينه ووين الشايب ! معروف الخمسيني ب النضج العقلي والعاطفي ودايما يبحث عن الاستقرار الاسري ،،، انتي بالاول اقتنعي انه للحين شاب بعدين حاسبي الناس اللي تتكلم عنكم

Answer 5

الناس ماتحب تشوف الواحد مرتاح لازم يخربون عليهم لانهم مرضى.. ومحترين ، ف ماعليك هذا نصيب وان شاء الله بكون احلى نصيب ، وربي يفرحج ويرزقكم الذريه الصالحه، استانسي وماعليك ونصيحه لا تسمعين للناس السلبيه  شوفي انتي احسن منها بكل شي، عشان جذي هالمحتره تقط عليك هالكلام لانها تتمنى تكون مكانك والله ،، روحي وعيشي حياتج ولا تخليج هالسلبيين يخربون عليكم  اهتمي بزوجك وماعليك من احد

Answer 6

لانك ضعيفه لانك مهزوزه مشكلتنا الناس والناس قسما عظما لو انتي حبيتيه وهو كويس معك وربي ان يحسدوك مو بس يعايروك لكن لانك مهزوزه صرتي زي المزهريه كلن يتلك لكن اثبتي وجودك ووجود زوجك وحبي حياتك عساس هالدنيا الحياه كامله لاحد واشكري الله وربي راح يتمنون حياتك وانتي ماتدرين ......

Answer 7

عل فكره انا زيك تزوجت وعمري توني داخله العشرين  عل شخص اكبر مني بثلاث وعشرين سنه انا كبر بنته الكبيره بالظبط،  وعل قد ماسمعت وشفت والله ولا همني صارلي معه 18 سنه وعندي ولدين والحمد لله ماندمت ولا تحسفت ولو رجع الزمن مااخترت غيره مسعدني ومايقصر معي ومرتاحه معه الفرق بينا انا وانتي انك تسمعين للناس وتتاثرين انا طنشت وسكرت اذني والتفت لنفسي وبيتي وزوجي عشان اعيش مبسوطه الناس ماراح يشيلون همي لو صارت لي مشاكل في بيتي بالعكس بلاقي الشامتين اكثر من الصادقين معي فخلاص خليت همي زوجي وبيتي وعيالي غيره ولا يهمني لااحد يتدخل بي ولا اتدخل باحد

Answer 8

غضيتي النظر عن كل الأشياء اللي تخصك وركزتي بكلام الناس غضي النظر عن كلامهم وركزي اذا كان شخص كويس او لا اذا كنتي سعيده او لا الفرق مو العمر ولاكلام الناس الفرق عقلك وعقله وروحك وروحه اذا ائتلفوا العمر رقم ي ما شباب تفكير شياب ومخ محجر

Answer 9

حبيبتي القناعه كنز لا يفنا..بعدين ٥٠ عادي مايعيبه الكبر وانتي بعد ماشيه للكبر اتركي كلام الناس واللي تقلك ليه قولي مبسوطه معاه وحاولي تسوين حياتك زي ماتبغين وعيشي وطنشي الناس بكل الاحوال بتتكلم ..ربي يسعدك

Answer 10

أختي إطمئني وارضي الزواج قدر مكتوب منذ الأزل لا أحد يستطيع  تغييره لا تلتفتي لكلام الناس الذي لا يضر ولا ينفع وحاولي التعايش مع واقعك فلا تدري السعادة أين تكون.

Answer 11

ماعليك من كلامهم وهرجهم دامك مرتاحه معه ويخاف الله فيك ويراعي حقوقك عيشي حياتك معه كلام الناس ماحد سلم منه لا انا ولا انتي ولا غيرك الرسول اللهم صل وسلم عليه تكلموا عليه واتهموه ظلم وبهتان وهو اشرف الخلق صل الله عليه وسلم. فما بالك الناس.

Answer 12

وانت ليه تتاثري دامك راضيه ومقتنعه باختيارك ماعليك فيهم لو عمره٨٠ ومافي شي اسمو ظلمتي نفسك في شي اسمه نصيب وخلاص انتهى .

Answer 13

انا يقهرني اللي يقول كلام الناس ..حياتي مااسمح له يدخل فيها وبالعكس اذا زاد كلام الناس تزيد ثقتي بنفسي واتحداهم اني سعيدة ومرتاحه واقهرهم .واشوف شي يشغلني ويسعدني مو اجلس افكر بكلام تافه لايقدم ولايأخر

Answer 14

سوال انت في احد جبرك تتزوجيه او ضغط عليكك؟ او اجبرتي نفسك لو في سبب من هالثلاثه طبيعي جدا تسمعي للناس لأنك ماكنت تبغيه او مو مقتنعه او شي انفرض عليك مع انه بالزمن ذا محد يجبر بنت تتزوج والناس اللي تدخل بحياتك انتي اللي سمحتي لها تدخل انتي اللي اعطيتي اذنك لهم ماوقفتي كل واحد بمكانه جربي ادخلي بحياه اي احد من اللي يدخلون بحياتك والله لا تعطيك مخمس طاير ع وجهك، خلوك لا انتي اللي عايشه ومرتاحه ومتقبله زوجك والا انتي اللي تركتيه ورحتي تشوفي حياتك بغض النظر كم عمره زوجك اي وحده تسمح لأحد ولو من اهلها يجلس يتطفل او يدخل بحياتها او يلومها او ليش اخترتي هذا وليش كذا او مايستاهلك يصير فيها نفسك بالضبط ولو ماتجاوزتي وحطيتي حد حتتعبي اكثر فالله يعينك ع نفسك

Answer 15

ياحبيبتي دخلي من هالاذن و طلعي من الاذن الثانيه و عيشي حياتك ،،، فالاخير محد بيستانس او بيزعل الا انتي واهمه يبون يزعلونك دامهم يقولون ليش خذتي خمسينين كان خطبوك حق اخوانهم ولا فالحين فالانتقادات ،، طززز فيهم

Answer 16

لعل أبو ٥٠ ابرك لك من وحد كبرك لعل العوض في هذا الشخص الخير في مختاره الله أما على كلام الناس هي مارح تعيش حياتك ولا انتي بتعشين حياتهم الرسول وهو الرسول ما سلم من كلام الناس فما بالك فينا نحن البشر العائدين المهم قناعتك حياتك لابسك افكارك حتى أكلك وشربك لا تخلين احد يدخل فيها رد الساع ساعين خلي لك هيبه وجود اذا غبتي الكل فقدت وإذا حظرتي الكل احترمك اذا طورتي من نفسك وقويتي نفسك محد رائح يقدر يفتح فمه ومثل مالك فم يأكل خلى لك إذن تسمع وإذن تطلع وأخيرا خليك مع ربي وربي بكون معك

Answer 17

ماعليك من احد عيشي لنفسك لا تفكرين بكلام ينقال ويروح وبالنهايه كل شي مقدر ومكتوب من رب العالمين ثقي بالله والله يوفقك يارب ويسعدك

Answer 18

بالعكس اشوف فارق العمر اللي بينكم عادي صدقيني محد مرتاح اللي ماخذه كبير او صغير الناس بتتكلم فطنشي ولاتسمعي كلام احد اسمعي نفسك وبس

Answer 19

هذا اللي يبونه منك الناس انك تتضايقين وتعيشين حياتك تعيسة .. حبييتي دامك راضية تمام الرضا وش عليك من الناس ؟

Answer 20

ادخلي في عين أي أحد يسألك دا السؤال وقولي لهم أحبه وأموت في التراب اللي يمشي عليه ولو يرجع بي الزمن ما اتزوج إلا هو مكرمني ومهنيني ولو ألف الدنيا ما ألقى أحد بظفره وقولي الكلام دا بثقة وصوت عالي كدا حتخرسيهم على طول وماحد حيتجرأ يسألك ثاني إنت لو غيرتك نظرتك له داخلياً حتتعدل حياتك معاه وحتشوفيه أحسن الناس والله يسعدكم ويوفقكم يارب

Answer 21

ياعمري انتي انا اشوف عادي يعني تخيلي وحده عمرها 20 تتزوج واحد عمره 35 مافي فرق انتي وهو مافي بينكم فرق عيشي معاه وجيبي عيال واهتمي فيهم وبس وربي كل الرجال مثل بعض كبير صغير ولد منتزوج كلهم مثل بعض كله تسخير من رب العالمين وتوفيق

Answer 22

انتي عمرك ٣٠ اعرف وحده عمرها١٧ تزوجت اربعيني ومتزوج بعد ومبسوطه معه وعندها عيال ما همها كلام الناس اي احد يسالك قولي هذا رزقي من ربي وراضيه في الحمدلله

Answer 23

مافيه فارق كير مهما كبر الرجل  مو زي الحرمه صدقيني اذا حطيتي في بالك  انه نصيبك وعيشي  حياتك بغض النظر عن التوافه اللي تسمعينها وصدقيني الرجل ٥٠ مو كبير

Answer 24

حتى لو تزوجتي صغير بيطلعون في عيب ولو ولو ولو ولو يعني ليه تظلمين الرجال اذا تبي تسمعين كلام الناس خلاص عيشي وعيشيه بهنا

Answer 25

استغفر الله العظيم اول حاجه نصيبك وتاني شي  ماعليك من الناس الناس مافي حاجه تعجبهم  مدام الرجال كويس معاكي لاتحطي كلام الناس في عقلك يمكن تتزوجي شاب ويبهذلك وكل يوم ضرب ارضى بما قسم الله لك تكن اغنى الناس ارضي بنصيبك وعيشي حياتك ماعليك من احد

Answer 26

لاتسمعين للناس وعيشي حياتك وانبسطي واسعديه كمان. ومن راقب الناس مات هما  لو تقعدي على كلام الناس وانتقاداتهم ماراح تعيشي وتتأقلمي معاه ابدا واحتمال اذا تطلقتي ماراح تتزوجين الا شايب ونفس الشي وراك وراك كلام الناس فنصيحة مني اتركي كلام الناس وراء ظهرك وعيشي حياتك وربي يوفق بينك وبين زوجك ويولد المحبة والالفة بينكم يارب

Answer 27

لا تفكرى اللى تتزوج شاب ما بيحصل مشاكل وطلاق احيانا شيلى الفكره من راسك وارضى بقسمتك هترتاحى والناس مو عاجبها شي

Answer 28

انتي الي اتركي كلااام الناس ليش تسمعين لهم ليش تخلينهم يأثرون علييك وعلى نفسيتك بالعكس يمكن هذا الي يسعدك ويدللك ويعيشك غييير عن الناس حتى لو انه شايب النصيب حلو معه انتي انتي الي تسمحين لناس يدخلون في حيااتك ويأثرون علييك ليش قفلي اذنك عن هالكلام واذ احد سألك عنه قولي انا مبسوطه معه ومرتاحه وسكتيهم بطريقتك عاد ولا تسمحين ل احد يخرب حياتك بمجرد كلااااااام فاضي

Answer 29

عادي ردي عليهم انا مقتنعه فيه واخذته عن قناعه شايب يدللني ولا شباب يغربلني بيسكتون وانتهى

Answer 30

يمكن الشايب احسن لك من الشباب على الاقل عاقل يعرف الحلال ولحرام انا تزوجت واحد مطلق وعنده عيال  وعمري كان ١٩ وهو ٤٠ بس كان لي اب وزوج وكل شي صح في اشياء محرومه منها بس اهم شي في هالدنيا القناعه مادامك قنوعه بلي ربي كتبه لك هاذي افضل نعمه ولمشاكل ماعنها وناس ماتبطل حكي