فارق العمر بيني وبين زوجي ؟ فرق العمر بين الزوجين وأثره على الحياة الزوجية ؟

Question

عمري 31 .. انخطبت من دكتوري ايام الجامعه عمره 48 مبدئياً ارتحت واهلي موافقين .. لكن يوصلني كلام سلبي جداً من اقاربي وصديقاتي وتخويف بسبب الفارق العمري بيني وبينه وزادت حيرتي كثير تعرفون تجارب احد تزوج بنفس الفرق العمري هذا؟

Answer 1

لاتسمعي لاحد ابدا يدخل بخطبه لك لان كل كلامهم مجرد كذب ويحاولون يخربون فرق العمر ماله شغل ابدا مجرد رقم هو وياكثر الي متزوجين بفارق عمر كبير وعايشين احلى عيشه لاتهتمي لاحد دامك مرتاحه

Answer 2

بلعكس مافي شيء اسمه فارق عمر ؛؛؛ هو اصلا على العقل ياكثر ناس سواء كبير او صغير هو اختلاف تفكير  وطبع ؛؛؛ اذا انسان كويس استخيري وتوكلي على الله وافقي ... الله يكتب لك اللي فيه الخير ...

Answer 3

هو من شخص لشخص يختلف لا تاخذبن على اراء احد او مواقف احد ! دامك ارتحتي توكلي على الله و طبعا اذا انكتب بينكم التوفيق ما راح تحسين بفارق عمر بتاتا

Answer 4

انتي الشخص الوحيد اللي يقدر يحكم على العلاقه لانه انتي اللي عايشتها وراح تعيشها اكثر صدقيني اذا الناس ونصايحهم كلْا يتكلمه بحسب فهمه هو وحياته هو اللي عاشها ولكن مش حساتك ولا احساسك ولا حتى تفكيرك انتي بس اللي تحددي

Answer 5

يابنت اللي يناسبك مايناسب غيرك واستفتي قلبك، ماعليك من رأي الناس! اللي عليك إنك تسألين عنه وعن أخلاقه، إذا تمام، خلاص على بركة الله، الله يوفقك ويختار لك الخيرة الحسنة

Answer 6

العمر ماله علاقه بتفاهم  والدليل اللي عمرهم قريب عدد كبير منهم غير متفاهم  نجاح الزواج بعتمد علي الحب المتزن وفهم كل طرف وتنازله لثاني واحترام كل طرف لثاني والتسامح لايقف كل طرف لثاني على الكلمه او الزله ويقوم مشكله هذا. اهم من العمر

Answer 7

بالعكس احس متقاربين مافيها شي ومناسبين البعض بس لانه دكتور مايبونك تعرسين فيه وافقي وعسى الله يتمم لك ع خير

Answer 8

وافقي وتوكلي على الله الفارق ماهو كبير وبعدين دكتور  وانتي منتي بنت العشرين انتي في الثلاثين والله لو جا وخطب من الي يقولون انه كبير ماوحده فيهم ترفضه بس حسد وغيره ولا واحد من عيالهم بيجي ويخطبك معليك في عمره مدام اخلاقه زينه وسمعته ولا عنده زوجه وعيال ولافيه عيوب وافقي مالك شغل في احد وخلي الي يتكلم يتكلم  ذي فرصتك ونصيبك جا لين عندك  والرجال عمره مايعيبه البنت هي اذا دخلت الثلاثين قالو كبيره ماتصلح لنا حتى قرايبك راح يقولونه انتبهي لنفسك العمر يمشي والفرصه ماتتعوض سنتين وثلاث ماراح يجيك غير متزوج ولا مطلق ولا ارمل ومعهم عيال .وافقي وتوكلي على الله اذا ماعيبه الاعمره العمر ماهو عيبه وهو اختارك انتي مااختار غيرك  والله يوفقك يارب

Answer 9

الناس اللي تتأثر بكلام الناس ليه كذا انتم خلوا شخصيتكم قوية لكن انا اتوقع انك حاسة بالفرق بينكم وخايفة منه علشان كذا حابه اقترح عليك تطولين فترة الخطوبة او الملكة على حسب طباعكم اقصد طولي الوقت اللي تتعرفين فيه عليه وبعدين قرري لان فيه رجال ما شاء الله عليهم العمر بالستين والطبع بالعشرين يحب يركض ويلعب ويغامر وفيه شباب بالعشرين والعمر بالسبعين بس جالس ما يتحرك ولا يبي يسوي شيء وكل ما قلتي يالله خلنا نروح نطلع نسافر قال لك بكرة

Answer 10

خليهم يتكلمون لين يشبعون لا تهتمين لكلامه السلبي، بعدين دكتور ماشاءالله اكيد راتبه حلو والمهم استخيري والله كثير متزوجين وبينهم فارق العمر كبيييير وماشاءالله عليهم عايشين احلى عيشه، لا تخلين كلام الناس يوديك ويجيبك خير ترا الناس ما بتعيش معاك ، الافضل لك اشوف توافقين وبعد المهم بينكم مافي فرق لو تركتيه احتمال الشباب الي ف عمرك ما يتزوجونك يبون اصغر ف العشرين، ف اشوف ذا جدا مناسب والمهم انه لك وحدك مو متزوح من قبل والله توكلي ع ربي ووافقي

Answer 11

استخيري ارتحتي بالاستخاره .؟! واهلك سألو عنه ماحصلو شي يخليهم يرفضون .؟! خلاص اتوكلي على الله اهم شي رايك انتي بعدين اهلك اما غيرهم اسمعي كلامهم مع اذن وخرجيه مع اذن والله يوفقكم يارب الاعمار مجرد رقم لاتفكري فيها ابداً اهم شي دينه واخلاقه

Answer 12

لا تسمعين كلام خيره بما اختاره الله لك  واستخيري أهم شيء يكون أخلاق ومحترم وكريم معاك فرق العمر مال دخل  اكيد مستوى ثقافي عنده وهو دكتورتك راح تتناسب من ناحيه فكريه

Answer 13

اقدر واعرف خوف اللي حولك عليك بس لازم تعرفين ان لكل واحد بدنيا مثل بصمة الاصبع له تجربة مختلفه عن الثاني فلا تحكمين نجاح او فشل زواج من عمر ابدا العمر مو مقياس استخيري وادعي وربي يوفقك .

Answer 14

من الناحية العقلية والفكرية راح تتوافقون لانه قريب من تفكيرك فما اشوف فيها شي والفارق مب ذاك الزود

Answer 15

كل واحد يتكلم على حسب تجربته والبيئة اللي عايش فيها طبيعي تحصلين ناس كذا
بالنهاية انتي اللي راح تتزوجين مب هم
فمالك شغل فيهم

Answer 16

طالما ما انك مقتنعه فيه و سمعته طيبة لا يهمك فارق العمر . و بالعكس تاخذين واحد بذا العمر راكز و لا صغير و عقله صغير

Answer 17

وش دخل العمر؟ سنه مناسب جدا ويكون عاقل متفهم احسن من شاب متهور ودكتور ليه تربطون العمر بالزواج اذا كان جميل خلق وجميل دين وجميل روح هذا يكفي

Answer 18

لاتصدقين احد قلبك دليلك اسالوا عنه اذا ماهو متزوج وافقي وعندك الملكه تقدرين تفهمينه بس انتبهي لايكون متزوج وتخربين على زوجته حرام نصيبك بيجيك وانتي ماشاءالله ٣١ فاهمه الحياه اتمنى لك التوفيق

Answer 19

استخيري والخيره فيما اختاره الله تجارب الناس متفواته والسعاده ماهي مقرونه بصفات معينه ممكن تكون سعادتك معه المهم صلي صلاة الاستخاره

Answer 20

ياختي انتي يهمك كلام الناس ماراح تعيشي حياتك الم يجدون عيب في اي شخص اخترعواه له عيوب ومافيه احد كامل..الاعمار بيد ربي ماحد يختار عمره انتي بس استخيري الله ثلاث مرات واذا انسان كويس وفيه خير توكلي على الله الناس مستحيل يعطون شي حلو لازم يعيبون ويخترعو لك ولاتقارني حياتك بحياه الآخرين مو ضروري فلانه اخذت كبير وحياتهم فاشله خلاص بااصير مثلها..أصابعك ماهي سوا

Answer 21

عند تقدمه في العمر سوف يضعف جنسيا و سياثر عليك في المستقبل