زوجي يتواصل مع بنات بالجوال ! اغار على زوجي ايش الحل!!

Question

زوجي يلعب لعبه يعني ياخذ وقته ٥ ساعات او ٦ ، واللعب يكون معه تيم بنات ودائماً مع بعض يلعبون واذا واجهته قال انا مااكلمهم العب واطلع وانا متأكده يتكلم وضحك بس وش اسوي الغيره ذبحتني ؟؟ وهو اسلوبه ومعي زين جداً

Answer 1

يب يمكن ببجي ، وعادي لما يلعب يطلعون له ناس من لعبه نفسها من النت وهو اصلاً ما يعرفهم لكن يلعبون سوا بفريق واحد وعادي لعبه فيها بنات او رجال على حسب اللي يطلع له
انا كنت العبها ويطلعون لي ناس ما اعرفهم واسولف معهم عادي واول ما تخلص لعبه كل واحد يروح

Answer 2

العبي مع تيم عيال واذا قالك شي قولي ما بيني وبينهم شي وخلصنا

Answer 3

عزيزتي ..
دام اسلوبه معك زين فهذا(مكسب)لابد تحافظي عليه.
المحافظة عليه لا يعني عدم تصحيح الأخطاء.
لذلك حتى تحافظي على الكتسبات من زوجك:
1. لا تراقبيه ولا تتابعيه ولا تفتشي من وراه.
2. دام قد واجهتيه، فاختاري وقتًا مناسبًا وتكلمي معه

Answer 4

لازم الحياة معاكم نكد في نكد زوج مو جماد لازم يلعب ويتسلى اشوي يعني قدامك يالنسره وبعد تخافي ههههه

Comments

خلاص حتى هي تلعب مع فريق شباب وطق حنك وميانة وتسطيح بالضحك كل شي عندكم يالذكور نكد !!  يوووه منكم مافيها شي توسع صدرها بسواليف الشباب

Answer 5

انا ابي وقت اكون فاضي فيه عشان اجابل زوجتي وهاذا الخبل ٥ ساعات على الجوال

Answer 6

للأسف البعض يشوف مجابل الزوجة وكأنه مهمه صعبه ومتعبه
لكن مستعد يجابل صديقته او اي بنت في العالم لو ٢٤ ساعه عادي بدون ملل

Answer 7

طنشييييه يابنت الحلال عيشي حياتك بس طالما أنك مو مقصره معه خلاص الحمد لله انبسطي وخذي حقوقك كامله ،، وهو اتركيه بحاله مرده يعقل ويرجع ولاتغارين من بنات ماتربوا استغفر الله.. الزم ماعلى الواحد نفسه وعياله هم سنده مستقبلاً..

Answer 8

خل يدخلك معاهم قولي كلنا نلعب ونستانس ..

Answer 9

هذا الشي يرجع لتعاملكم مع بعض وقواعدكم المشتركه جربي تلعبينها قدامه اذا زعل معناتها نيته مو سليمه ووقتها حطوا النقط ع الحروف اذا ماقال شي شوفي نفسك اذا تقدرين طنشي واذا لا كلميه واشرحي له قد ايش يضايقك الموضوع بعدين خلي الغيره ع جنب اذا يلعب ٥ ٦ ساعات ايش باقي من يومه لنفسك ولك ؟

Answer 10

يفترض قبل تزوجتيه سألتيه هل يلعب ببجي ومن في سياق هذه الالعاب، اذا قال نعم .. ارفضيه رفضاً قاطعاً.
لا تتزوجي من شاب في جواله لعبة !
نصيحة انصح بها كل فتاة ..

Answer 11

هذا الزوج يحتاج إلى ايقاظ ضمير، ويمكن فتح نقاش هاديء بكل ماتعنيه كلمة هادي وسؤاله هل ترضى أن أضاحك شباب وأكلمهم في لعبة؟ اذا هو متربي ورجل راح يقول لا، اسأليه ليه ماترضى؟ اما يقول حرام فهو ألزم نفسه أو يقول غيرة فهنا تقولين له وأنا أغار عليك والغيرة تذبحني وتؤلمني كل يوم وهكذا

Answer 12

الحرام حرام
سواء كان صادق أم كاذب بحدود علاقته فيهم
ويحدد صدقه قبوله ل لعبك بألعاب فيها مايك وحوار مع شباب خليه فجأة يجي يشوفك تلعبين مثلا لودو وافتحي المايك وسولفي واضحكي نفسه تماما لا اكثر ولا اقل وشوفي ردة فعله قبل معناها صادق والموضوع  بالنسبة له عادي تنرفز وعصب معناها كاذب

Answer 13

إذا مافيه محادثات ولا يقضي فيها ساعات طويله طبيعي، اهم شيء تعامله وتصرفاته معك وكثرت الشك والوسوسه مرض

Answer 14

سكري المايك من الاعدادات وقولي له وقت ماهو بالبيت مايلعب او حمليها والعبي اذا رجع البيت وبتركها .

Answer 15

عارفه شعورك مير الله يعينك عيشي حياتك ولا همك
واهم شيء انه زين معك ولا قصر بحقك عاد كثر المراقب وتدقيق يجيب الهم وجع الراس والامراض

Answer 16

العبي نفس اللعبة وخلي تيمك فيه رجال اذا الموضوع عادي عنده اعرفي ان الوضع عادي اذا اتجنن وعابطك وسوى فيها الرجل الغيور اعرفي ان لعبه فيه عبط

Answer 17

مادام انها قدامك وتعرفي رقمه السري وماعنده شي يخبيه ف الامر هين ان شاء الله
واذا عندك وقت فراغ العبي معه

Answer 18

مع احترامي له بعض الشباب بعمر الزهور يستحو يسووون سواته

Answer 19

بسيطة سوي مثله وألعبي معه وسووا قروب شباب وبنات في اللعبة وصلى الله وبارك

Answer 20

اعتقد فترة بعدين يمل منها ويتركها  .
دام أسلوبه معك زين اقترحي عليه تطلعون تتمشون تروحون ملاهي أو حديقه ..

أو متابعة مسلسل أو برنامج

حاولي تشغلينه   .

Answer 21

غيرتك في محلها تماما، وهو ماله حق يلعب مع بنات سواء كلمهم ولا ماكلمهم، واجهيه وصارحيه بكل احترام وجدية واطلبي منه يترك هذا الشيء.

Answer 22

نزلي اللعبه والعبي قدامه واذا قال امسحي قولي والله ما امسح لين انت تمسح

Answer 23

أنا بعد كنت ألعب وأكلم بنات وشباب ونسولف والحين وقفت اللعبه مليتها ، يعني الموضوع وقت وينتهي ولا له أي اهميه،، لا تكبرين الموضوع،،

Answer 24

ما شاء الله م عندك مشاكل ، لكن بهرجتك ذي مبروك عليك بينفتح لك انواع المشاكل و تشكيلة رايعه ، حتقولي بعدين ليتني و ليتني ، زوجك طيب؟ قولي حمدلله ، ودك تلعبي معه ؟ شي جميل

Answer 25

اللعب مع بنات فيه غيرة لهالدرجة
اجل الاختلاط اللي بالساعات وانت  وغيرك من الزوجات ماتشوف نس اللي يصير وازواج البنات مايشوفون وش بيصير في اللي  ما يخافون الله ولا يحللون ولا يحرمون!