مادخلت على زوجتي واهلها طالبين مصاريف! اهلها تعبوني وش الحل معهم؟

Question

وش رايكم بالزوجه الي توني ما دخلت عليها مجرد ملكه و ابوها  طلب مصروف للبنت وكذلك امها واخرتها اجي عند الوالد البيت يشتكي يقول يبيني اصرف على بنته

للعلم ما دخلت عليها وقلت لهم، قالو لي اش معني طليقها يوم ملك عليها كان يحول مصروف

Answer 1

من وين ابتكرو الاهل سالفه المصروفه بعد الملكه انا متاكده انا اغلب العوائل هذي اصلاً ماكانو مخصصين مصروف بناتهم
انت عشان تقرر هل مرتاح لكل هالوضع ؟
هل عادي عندك اسلوب الامر هذا من ابوها وامها ؟ وعشان مصروف ؟
طيب تخيل قرب الزواج؟
مصاريف الزواج ومابعد الزواج تضمن عدم تدخلهم؟

Answer 2

واضحين داخلين على طمع ولا يحق لها المصروف سواء الحين او حتى اذا جات عندك الافضل لك لا تعطي الاب واخاف من شي والله دامها انها مُطلقه انه الاب يبي كذا علشان انت تطلق ولا يرجع شي من المهر انت طحت في عصابه مو اهل تبي الستر لبنتها.

Answer 3

مادام ملكت عليها فهي مسؤوله منك هي زوجتك الآن وبعدين ياعزيزي يعنى خمسماىه أو الف مشكله في زوجتك عادى خذ الأمور سهالات ولكن عرفا انت مسؤول عنها

Answer 4

بعض التعليقات فيها تناقض عجيب

وقت المصروف ايام الملكة يقولون وش دخلك فيها هي ببيت اهلها

ووقت اللقافة والتحكّم بالطلعات والدخلات ولاتطلعين الا بأذني ومن معك و و.. وهي أيام ملكة يصير من حقك وهي زوجتك

بغض النظر عن هالموضوع اهل خطيبتك طريقتهم غريبة وماعندنا هالنظام بوقت الملكة

Answer 5

سرع بموعد الزواج لاتطول الملكه عشان تصرف عليها في بيتك

Answer 6

يبغو يتطمو على زوج بنتهم كريم لو بخيل .
تقدر تحدد مصروف .
وترى اذا عطيتها بتطمئن لك وبتكبر في عينها
و اذا عليك ضغط مادي قول لهم ..
المبلغ اللي تقدر عليه .
مثلا ٥٠٠ ريال . مو غلط
ثم هي عندها مهرها   و الخمسميه بتروح على مقاهي و خرطي..
بس عشان لايقولو عنك بخيل
لان البخل صفة ذميمه

Answer 7

عزيزي..
إن كانك مقتنع بالبنت وراغب فيها، ومقتنع بالعائلة ككل..
فايش يضرك انك كل نهاية شهر تحوِّل لعا ما تيسَّر؟!
في النهاية هي زوجتك حتى لو لم تدخل بها .
صحيح ان العُرف هنا له دور..
لكن لا تتعامل مع حياتك - وخصوصا اذا انت راغب- بطريقة هل من حقها او من حقي..
تبغاها اكسبها

Answer 8

اذا تبيها الأمر سهالات هي زوجتك ترى ،واول مره اسمع اهل يطلبون مصروف لبنتهم صراحه ،لكن الموضوع عندك واذا ما تبي قل اذا جتني البيت صرفت عليها ،لكن رأيي لا تدخل عليها بمشاكل الموضوع هين تراه .

Answer 9

،،، هذا الامر يعود لك ولها شخصيا فهي بعقد عقدكم دخلت ذمتك وخرجت من كنف اسرتها رسميا واصبحت المسؤول الاول عنها ومثل ما هي بنتهم اصبحت زوجك فلا ارى في ذلك بأس في معقول وحسب الاستطاعه.

Answer 10

نصيحة لو انها اطيب نساء الارض واجملهن

اهرب لأن اهلهاطماعين وبيتعبوك مستقبلا

اللي مو قادر يأكل بنته ويشربها ايش تتوقع بيكون تعامله معك بعد الزواج ومع ابنائك

Answer 11

لذلك المساواة الكاملة بين الذكور والإناث في الحقوق والواجبات هي الحل وفي الحياة الزوجية كل من يصرف على نفسه مثل الدول المتقدمة.

Answer 12

هالعاده عندنا ضروريه وكل اخواني صرفو ع زوجاتهم وهم عند اهلهم وش دخل الطمع ف السالفه خلاص دخلت في كرتك ايش بيضر مصروف.

Answer 13

والله علي ماقول شهيد فيه عوائل كذا حنا مثلا عندنا عيب ومنقود اختي كان زوجها ايام الملكه يلح عليها عشان يحولها لها مصروف وهي رافضه وبعدين صار يرسل مصروف بظرف!وصارت هواشه ومشاكل وابوي كلمه عشان يفهمه انه عيب قال ياعمي معليش بس ذا سلم عندنا !

Answer 14

من وين ابتكرو الاهل سالفه المصروفه بعد الملكه انا متاكده انا اغلب العوائل هذي اصلاً ماكانو مخصصين مصروف بناتهم
انت عشان تقرر هل مرتاح لكل هالوضع ؟

Answer 15

تستحق النفقة عند الخلوة والتمكين  عدا ذلك فلا نفقة إلا بطيب نفس

Answer 16

ربما عرفت من الجملة الأخيرة سبب طلاقها...
قال الأولين: تحويلة من أول الدرجة خير من وسطها

Answer 17

تكون النفقة إذا انتقلت الزوجة من بيت أهلها الى بيتك  بعد عقد النكاح ، ولا يحق لها طلب نفقة إذا كانت الزوجة في بيت أهلها ولم يدخل بها.

Answer 18

وخزياه وش ردى النفس هذي ....
لاتوافق ابددد والا راح ينشبولك نشبه حتى بعدين يبون تصرف عليهم خليك حازم من الاساس .ونصيحه لاتستعجل ب الزواج لحد ماتعرف طريقه تفكيرهم .

Answer 19

خلك ذيب واستغل الفرصة عجل بالدخول وزواج عائلي بسيط وكذا اوجدت الحل للمشكلة
غالبا فترة الملكة هي أم المشاكل فالافضل تكون قصيرة جدا

Answer 20

لذا دايم نقول اختيار الطرف الثاني بدقه امر مطلوب والسعي للسعاده اهم من السعي لمجرد اسم زواج
وبدورك لست ملزم بالنفقه عليها مالم تكن في بيتك
ولا تتنازل ولاتطلق حتى يرجع كل ماقدمت لها ..!
موفق

Answer 21

اولاً دام هي زوجتك وفي ذمتك تصرف عليها من طيب نفس مش أجباري حتى لو مادخلت عليها، سالفه هي عند اهلها أنساها إذا جات بيتك بعدين تفاهم معاها.

Answer 22

اغلب البنات فبيت اهلهم يمشي لهم مصروف انا وحدة فبيت اهلي يمشي لي مصروف ويوم تزوجت طلبت مصروفي من زوجي حقي حتى لو مادخل علي زوجي انا في ذمتة وهو ولي امري ومسؤول عني طيب انت عطيتها مهرها قبل تدخل عليها جت عالمصروف ؟! هذا حقها الشرعي حتى في المحكمة مسؤول عنها

Answer 23

كان رديت عليهم وين طليقها الحين هج بسببكم يابيت الجوع ولا تعطيها ريال واحد غير المهر خلهم يتأدبون.

Answer 24

واحد من اثنين
يا انهم داخلين على طمع
او انهم يبون يطفشونه

Answer 25

النفقه شرعا لاتستحق الا ان بأن تمكنك المرأة من نفسها   حتى وان كانت ببيتك اذا منعتك عن نفسها يحق لك تمنع النفقه
هذا الشرع.  فكلم ابوها قل الشرع يقول ادخل عليها وانفق.  خلوني اجي لبيتكم وادخل عليها انا انفق.