زوجتي مهمله نفسها بملابسها وشكلها! كيف اغير من زوجتي!!

Question

متزوج من 12 سنة وعندي3اطفال زوجتي لاتقبل النقد مني شخصياً بالذات فلبسها كنها من عجايز زمان وهي محافظه على بيتها وصلاتها وهذا أمر أفخر فيه كيف اغير من طبعها لان تشوف لبسها أمامي حرية حتى لو ماعجبني أتمنى تجي مناسبة عشان اشوفها لابسه وكاشخه ولكن مع كورونا انقطعت المناسبات ابي حل

Answer 1

روح اشتري لها. اذا ما لبست احرق قمصان الروز. اذا هاوشت. قول بتزوج عليك. مشكلة الحريم اهم شي تطبخ تعبي كرشه لي خانها اعرس قالت ما قصرت

Answer 2

اذا هالامر يفرق معك كثير ومسبب لك ضيق

جيب لها شغالة تطبخ وتغسل وترتب وتنظف
وهي تتفرغ لك
ولكن لاتبخل عليها اذا بتشتري لبس اعطها فلوس تكفي أناقتها

Answer 3

ماعرفنا لكم الحين الواحد يصيح ليل نهار على زوجته يبها تلبس ساتر واخر شي يقع بينهم الطلاق لأن تعب مافيه فايدة

Answer 4

الحل حط في يدها 5000 ريال ونزلها الاسواق، وقول خذي اللي تبغين من ملابس، ثم تقبلها بما تشتريه لنفسها.
وحريم زمان لبسهم هو الزين -زم وكلوش- الثوب مخصر من الصدر والارداف، يازينهم زمان، وانت لا تطلب شيء لا يناسب مبادئها وقناعاتها، اقبل بالتغيير فقط اللي هي قادرة عليه.
زوجتك اصيلة.

Answer 5

يبون لبس و مكياج لهالدرجة مو متقبلين اشكال زوجاتكم مو قادرين تتحملونهم الا بالمكياج !
مولهالدرجة عاد !  يعني انت في البيت بتكشخ ؟ طبعا لا
المهم الاهتمام بالنظافة الشخصية  والرائحة الطيبة  ورب العالمين خلقنا في احسن تقويم
مو معقولة التكشخ يوميا ليش مزهرية !

Answer 6

اسمع قل لها الدين بالقلب مش بالملابس
إذا صرتي بين الناس أحتشمي لاكن عندي أنزعي الحياء والحشمه وأشتري لها ملابس على ذوقك وقول لها تلبس وتكشخ وإذا ماتعدلتي الشرع حلل أربع وأنا بدال ماأجلس أعدل فيك أتزوج عليك

Answer 7

وريها رسالتك هذي عشان تعرف قد ايش انت تعاني والمشكلة التي هي شايفتها بسيطة تعتبر بالنسبة لك احتياج من الاحتياجات وليس رفاهية او كماليات لعل الله يهديها لما فيه الخير

Answer 8

اللهم اجعل مشاكلي بمستوى مشاكله فعلا هي حرية شخصية ومبدا ممكن عندها اهم شي التقبل للاخر بدال المحاولة الدائمة لتغييره مافي شي كامل ويجي على مزاجك ترا

Answer 9

اللي يقولون له اشتر لها ملابس تراها بتوديهم ببيت أهلها عشان خواتها يكشخون بمناسباتهم ، الاهتمام بالمظهر مثل النظافة الشخصية اذا ما جت من خاطر ماينفع لها كرم أو نصايح

Answer 10

محافظه على بيتها+ تصلي+ تربي لك ثلاث أطفال+ ومميزات ثانية يمكن ماقلتها، عيبها ماتكشخ، أنظر للموضوع نظره كليه، مافيه أحد كامل لكن في عيوب تنقبل، مع ذلك لايمنع تواجهها بدون نقد، اهدها ملابس، تغزل فيها، كافئها بدل ماتدور أحد يحارشك عليها.

Answer 11

يمديك تعودت عليها وعلى لبسها كيف تبيها تتغير الحين وبعدين تبيها تلبس لاتنتقد روح انت وياها السوق واختار لها وعلى طول ارجعوا البيت قول بشوفه عليك حلو وهكذا

Answer 12

مافي امرأة ع وجه الأرض ما تحب (الزين )
راجع نفسك  وأسلوبك ، وإذا انت من النوع الزنان ومن الصنف اللي يقارن    مراح تتغير  ،

وفوق هذا أطفال ومنصه وبيت وزوج رتب أمورها با المتاح ، واعطيها حلول لكل الحجج اللي عندها وبعدها اذا مافي فايده واستنفذت كل الحلول  طاري الثانيه يعدل

Answer 13

اكيد ماراح تقبل النقد منك شخصياً بس انت حول النقد لحسابها البنكي و بتقبله منك على ضمانتي شخصياً

Answer 14

اسأل نفسك كم سؤال قبل تبحث عن الحل
1 هل تمدحها اذا لبسة او تقول اخيراً شفتك متكشخه
2 هل عندها وقت ترتاح من شغل البيت و 3 عيال و غيرها
3 هل في وقت في البيت تتكشخ فيه مثل وقت تجلسون مع بعض او تبيها 24 ساعه كاشخه
4 هل انت مهتم في شكلك او جالس بالسروال و الفانيله او طقم رياضي

Answer 15

وبعدين وين تكشخ لك كل يوم وهي عندها ٣ اطفال واكيد تطبخ وتنظف وتدرس يعني مايجي اخر اليوم الا وهي ماكله تبن. جيب لها خدامه خلها تهتم وتتفرغ لنفسها وعيالها فقط بدون باقي مهام المنزل وبعدين انتقد

Answer 16

زي توب النوم والفنيله والسروال والوزره او الشورت او البرمودا الي يلبسها الرجل فالبيت كمان المرأه تلبس
القضيه غالبا تكون اكشخ لي اكشخ لك
مع ان عندي حل يزعل النساء
التعدد يقضي على ظاهرة رفالة لبس المرأه
وتقوم منافسة عرض أزياء وملكات جمال بيتوتيه

Answer 17

قولها لبسك وذوقك حره فيه ولكن لي حق
امتع عيوني جيب لها الي حاب تشوفه عليها
وقولها انا ابي اشوفك بهالشكل مو تنتقد
وماسك يدك مو توجعها بالحكي وانت قعيطي
ما استفادت هي من نقدك مجرد ازعاج وغثا
وبعدين الاسلوب لو كان حلو مستحيل تصمل
على ذوقها اكيد جرحتها باسلوبك

Answer 18

معقولة ماقد كشخت لك ولا يوم؟
بس عاد المفروض تجيها بأسلوب حلو انت مشكلتك متنرفز باين من طريقة طرحك للمشكلة ههههه قولها حبيبتي ودي اشوفك لابسة كذا ومسويه شعرك كذا او خذلها لبس حلو مع عطر او شنطة وإذا تحس بخاطرها شي معين خذلها على ذوقك ، والله يسعدكم يارب

Answer 19

اشتر لها على ذوقك وقدمه هديه قول اشتهيت اشوفها عليك ..اذا ماعندها عامله تساعدها جبلها لو الي يجون بالساعه تساعدها بالبيت عشان تتفضى لك .. احجز يوم فندق واعزمها وخل تروح لصالون حاول مره واثنين مانفع قول  بمزحه بتزوج وحده تكشخ لي وابد بتنطلق للسوق من حزتها

Answer 20

اذا مضغوطة وكل شي على رأسها وحياتها عبارة عن كرف من تصحى لين تنام ما استغرب
لأن الأنثى مجبولة على حب التجمل خاصة إذا عرفت أن زوجها بيشوف ويدقق الا اذا خارت قواها من ضغط الحياة هنا بتتساوى معها الأمور.

Answer 21

فيه حريم ينشغلون ببيتهم وعيالهم وينسون نفسهم ،دام أنت ملاحظ اللي ناقصها بدال ماتثير غضبها بنقدك روح وشتري لها كل اللي ودك تشوفه عليها من ملابس وعطور وغيرها
إذا شعرت بأهتمامك بتهتم وتغير نفسها
لكن! أنتبه تنقد المرأة  بكل جرأة لأنها بتتحول لشخص شرس ،كون لطيف معها بالكلام لجل تتغير

Answer 22

المشكلة يا عزيزي في المقارنة
أنت تشاهد الكثير من النساء في وسائل التواصل وتبدأ تقارن بينهن وبين زوجتك!
هؤلاء النساء حياتهم زائفة وغير واقعية، وجوههم واجسامهم غالبها صناعي وعمليات وتغيير في خلقة الله
يبتسمون ويظهرون المرح وواقعم عكس ذلك
توقف عن المقارنة وكن قنوعاً وارحم أم اطفالك.

Answer 23

صارحها بلطف وحنان واذا ماتقبلت ابدأ بهدية وردة حمراء مع لباس انت تختاره و عطر يعجبك او خذها للسوق محلات انت تختارها

Answer 24

مافي زوجة ماتبغا تتزين لزوجها حتى لو كانت محافظة، لذلك اعتقد ان المشكلة في اسلوبك.
تغزل فيها ولين راسها بدل الانتقاد؛ اهديها لبس عاجبك واعزمها على سهرة خاصة. لا تنتظر المناسبة، اصنعها.
الانتقاد خلاها في وضعية دفاع وعناد وعمره ماحيفيد..بالعكس مع كل انتقاد انت تزيد المسافة بينكم.

Answer 25

قوم اذا مسّ الحذاء وجوههم،سأل الحذاء بأي ذنبٍ أهنتني،خلها يا مسلم كانها عاقله وديّنه ماهوب لازم تلبس وتكشخ،تقدر تتغاضى عن هذا الشيء بحكم انها عاقله وقايمه بواجباتها وماهيب مقصره،بس من شوفة الإعلام انت متأثر وتشوف انها لازم تكشخ مع ان الواحد يحب ان تتزين له الزوجه لاكن تقدر تتغاضى