في تصنيف استشارات زوجية بواسطة

متزوج من 12 سنة وعندي3اطفال زوجتي لاتقبل النقد مني شخصياً بالذات فلبسها كنها من عجايز زمان وهي محافظه على بيتها وصلاتها وهذا أمر أفخر فيه كيف اغير من طبعها لان تشوف لبسها أمامي حرية حتى لو ماعجبني أتمنى تجي مناسبة عشان اشوفها لابسه وكاشخه ولكن مع كورونا انقطعت المناسبات ابي حل

25 إجابة

0 تصويتات
بواسطة
روح اشتري لها. اذا ما لبست احرق قمصان الروز. اذا هاوشت. قول بتزوج عليك. مشكلة الحريم اهم شي تطبخ تعبي كرشه لي خانها اعرس قالت ما قصرت
0 تصويتات
بواسطة
اذا هالامر يفرق معك كثير ومسبب لك ضيق

جيب لها شغالة تطبخ وتغسل وترتب وتنظف
وهي تتفرغ لك
ولكن لاتبخل عليها اذا بتشتري لبس اعطها فلوس تكفي أناقتها
0 تصويتات
بواسطة
ماعرفنا لكم الحين الواحد يصيح ليل نهار على زوجته يبها تلبس ساتر واخر شي يقع بينهم الطلاق لأن تعب مافيه فايدة
0 تصويتات
بواسطة
الحل حط في يدها 5000 ريال ونزلها الاسواق، وقول خذي اللي تبغين من ملابس، ثم تقبلها بما تشتريه لنفسها.
وحريم زمان لبسهم هو الزين -زم وكلوش- الثوب مخصر من الصدر والارداف، يازينهم زمان، وانت لا تطلب شيء لا يناسب مبادئها وقناعاتها، اقبل بالتغيير فقط اللي هي قادرة عليه.
زوجتك اصيلة.
0 تصويتات
بواسطة
يبون لبس و مكياج لهالدرجة مو متقبلين اشكال زوجاتكم مو قادرين تتحملونهم الا بالمكياج !
مولهالدرجة عاد !  يعني انت في البيت بتكشخ ؟ طبعا لا
المهم الاهتمام بالنظافة الشخصية  والرائحة الطيبة  ورب العالمين خلقنا في احسن تقويم
مو معقولة التكشخ يوميا ليش مزهرية !
0 تصويتات
بواسطة
اسمع قل لها الدين بالقلب مش بالملابس
إذا صرتي بين الناس أحتشمي لاكن عندي أنزعي الحياء والحشمه وأشتري لها ملابس على ذوقك وقول لها تلبس وتكشخ وإذا ماتعدلتي الشرع حلل أربع وأنا بدال ماأجلس أعدل فيك أتزوج عليك
0 تصويتات
بواسطة
وريها رسالتك هذي عشان تعرف قد ايش انت تعاني والمشكلة التي هي شايفتها بسيطة تعتبر بالنسبة لك احتياج من الاحتياجات وليس رفاهية او كماليات لعل الله يهديها لما فيه الخير
0 تصويتات
بواسطة
اللهم اجعل مشاكلي بمستوى مشاكله فعلا هي حرية شخصية ومبدا ممكن عندها اهم شي التقبل للاخر بدال المحاولة الدائمة لتغييره مافي شي كامل ويجي على مزاجك ترا
0 تصويتات
بواسطة
اللي يقولون له اشتر لها ملابس تراها بتوديهم ببيت أهلها عشان خواتها يكشخون بمناسباتهم ، الاهتمام بالمظهر مثل النظافة الشخصية اذا ما جت من خاطر ماينفع لها كرم أو نصايح
0 تصويتات
بواسطة
محافظه على بيتها+ تصلي+ تربي لك ثلاث أطفال+ ومميزات ثانية يمكن ماقلتها، عيبها ماتكشخ، أنظر للموضوع نظره كليه، مافيه أحد كامل لكن في عيوب تنقبل، مع ذلك لايمنع تواجهها بدون نقد، اهدها ملابس، تغزل فيها، كافئها بدل ماتدور أحد يحارشك عليها.
0 تصويتات
بواسطة
يمديك تعودت عليها وعلى لبسها كيف تبيها تتغير الحين وبعدين تبيها تلبس لاتنتقد روح انت وياها السوق واختار لها وعلى طول ارجعوا البيت قول بشوفه عليك حلو وهكذا
0 تصويتات
بواسطة
مافي امرأة ع وجه الأرض ما تحب (الزين )
راجع نفسك  وأسلوبك ، وإذا انت من النوع الزنان ومن الصنف اللي يقارن    مراح تتغير  ،

وفوق هذا أطفال ومنصه وبيت وزوج رتب أمورها با المتاح ، واعطيها حلول لكل الحجج اللي عندها وبعدها اذا مافي فايده واستنفذت كل الحلول  طاري الثانيه يعدل
0 تصويتات
بواسطة
اكيد ماراح تقبل النقد منك شخصياً بس انت حول النقد لحسابها البنكي و بتقبله منك على ضمانتي شخصياً
0 تصويتات
بواسطة
اسأل نفسك كم سؤال قبل تبحث عن الحل
1 هل تمدحها اذا لبسة او تقول اخيراً شفتك متكشخه
2 هل عندها وقت ترتاح من شغل البيت و 3 عيال و غيرها
3 هل في وقت في البيت تتكشخ فيه مثل وقت تجلسون مع بعض او تبيها 24 ساعه كاشخه
4 هل انت مهتم في شكلك او جالس بالسروال و الفانيله او طقم رياضي
0 تصويتات
بواسطة
وبعدين وين تكشخ لك كل يوم وهي عندها ٣ اطفال واكيد تطبخ وتنظف وتدرس يعني مايجي اخر اليوم الا وهي ماكله تبن. جيب لها خدامه خلها تهتم وتتفرغ لنفسها وعيالها فقط بدون باقي مهام المنزل وبعدين انتقد
0 تصويتات
بواسطة
زي توب النوم والفنيله والسروال والوزره او الشورت او البرمودا الي يلبسها الرجل فالبيت كمان المرأه تلبس
القضيه غالبا تكون اكشخ لي اكشخ لك
مع ان عندي حل يزعل النساء
التعدد يقضي على ظاهرة رفالة لبس المرأه
وتقوم منافسة عرض أزياء وملكات جمال بيتوتيه
0 تصويتات
بواسطة
قولها لبسك وذوقك حره فيه ولكن لي حق
امتع عيوني جيب لها الي حاب تشوفه عليها
وقولها انا ابي اشوفك بهالشكل مو تنتقد
وماسك يدك مو توجعها بالحكي وانت قعيطي
ما استفادت هي من نقدك مجرد ازعاج وغثا
وبعدين الاسلوب لو كان حلو مستحيل تصمل
على ذوقها اكيد جرحتها باسلوبك
0 تصويتات
بواسطة
معقولة ماقد كشخت لك ولا يوم؟
بس عاد المفروض تجيها بأسلوب حلو انت مشكلتك متنرفز باين من طريقة طرحك للمشكلة ههههه قولها حبيبتي ودي اشوفك لابسة كذا ومسويه شعرك كذا او خذلها لبس حلو مع عطر او شنطة وإذا تحس بخاطرها شي معين خذلها على ذوقك ، والله يسعدكم يارب
0 تصويتات
بواسطة
اشتر لها على ذوقك وقدمه هديه قول اشتهيت اشوفها عليك ..اذا ماعندها عامله تساعدها جبلها لو الي يجون بالساعه تساعدها بالبيت عشان تتفضى لك .. احجز يوم فندق واعزمها وخل تروح لصالون حاول مره واثنين مانفع قول  بمزحه بتزوج وحده تكشخ لي وابد بتنطلق للسوق من حزتها
0 تصويتات
بواسطة
اذا مضغوطة وكل شي على رأسها وحياتها عبارة عن كرف من تصحى لين تنام ما استغرب
لأن الأنثى مجبولة على حب التجمل خاصة إذا عرفت أن زوجها بيشوف ويدقق الا اذا خارت قواها من ضغط الحياة هنا بتتساوى معها الأمور.
0 تصويتات
بواسطة
فيه حريم ينشغلون ببيتهم وعيالهم وينسون نفسهم ،دام أنت ملاحظ اللي ناقصها بدال ماتثير غضبها بنقدك روح وشتري لها كل اللي ودك تشوفه عليها من ملابس وعطور وغيرها
إذا شعرت بأهتمامك بتهتم وتغير نفسها
لكن! أنتبه تنقد المرأة  بكل جرأة لأنها بتتحول لشخص شرس ،كون لطيف معها بالكلام لجل تتغير
0 تصويتات
بواسطة
المشكلة يا عزيزي في المقارنة
أنت تشاهد الكثير من النساء في وسائل التواصل وتبدأ تقارن بينهن وبين زوجتك!
هؤلاء النساء حياتهم زائفة وغير واقعية، وجوههم واجسامهم غالبها صناعي وعمليات وتغيير في خلقة الله
يبتسمون ويظهرون المرح وواقعم عكس ذلك
توقف عن المقارنة وكن قنوعاً وارحم أم اطفالك.
0 تصويتات
بواسطة
صارحها بلطف وحنان واذا ماتقبلت ابدأ بهدية وردة حمراء مع لباس انت تختاره و عطر يعجبك او خذها للسوق محلات انت تختارها
0 تصويتات
بواسطة
مافي زوجة ماتبغا تتزين لزوجها حتى لو كانت محافظة، لذلك اعتقد ان المشكلة في اسلوبك.
تغزل فيها ولين راسها بدل الانتقاد؛ اهديها لبس عاجبك واعزمها على سهرة خاصة. لا تنتظر المناسبة، اصنعها.
الانتقاد خلاها في وضعية دفاع وعناد وعمره ماحيفيد..بالعكس مع كل انتقاد انت تزيد المسافة بينكم.
0 تصويتات
بواسطة
قوم اذا مسّ الحذاء وجوههم،سأل الحذاء بأي ذنبٍ أهنتني،خلها يا مسلم كانها عاقله وديّنه ماهوب لازم تلبس وتكشخ،تقدر تتغاضى عن هذا الشيء بحكم انها عاقله وقايمه بواجباتها وماهيب مقصره،بس من شوفة الإعلام انت متأثر وتشوف انها لازم تكشخ مع ان الواحد يحب ان تتزين له الزوجه لاكن تقدر تتغاضى

استفسارات متعلقة

...