زوجتي ماتبغى تقعد بالبيت ! زوجتي رافضه القعده بالبيت

Question

أنا منعت زوجتي ان تخرج  من المنزل الا في وقت محدد وخرجت غصبً عني  وبدون اي ظرف طارئ لديها وبدون اي تحديات بيننا فقط امرتها ان تبقى فالبيت ورفضت البقاء بحجة زيارة أهلها علما بأني حددت لها الويكند  لزيارة أهلها..

مارأيكم ياعقلاء أعطوني حل بكل أمانة ومصداقية؟

Answer 1

لاتعسرون حياتكم ايها الازواج ،،،
سعة من الله في قضاء اموركم ،،،
تفاهموا واتفقوا ،، حتي هذا القرار يجب ان تتفقوا عليه ،،
الاوامر ثقيلة على النفس وانا اختك ،، اعتقد لو اسلوبك كان بدون أمر وبتودد وكلمة طيبة لفعلت وهي سعيدة

Answer 2

ليش تخلي زوجتك تعيش في ضغط نفسي بسبب اوامرك..
وتجبرها تاخذ الموضوع تحدي بينك وبينها.
البيوت اذا ماقامت على التفاهم والطمأنينة والاحتواء..  على ايش تقوم.
خلي الحوار بينكم اساس اي مشكلة ونمط للتفاهم وتوضيح وجهات النظر.
الزواج مد وجزر وليل ونهار وانت الشمس وهيا القمر.
بالتوفيق.

Answer 3

السؤال العقد الي وقعته وقت الملكة هو عقد رعاية سجينة ولا عقد زواج ؟

Answer 4

يارب في هذه الساعه المباركه و في هذا الفجر ان تبعد عني و عن اهلي و صديقاتي و كل غاليه علي الازواج الي مثل هذا الشخص الله يبعده عنا بعد المشرق و المغرب .
شوف كلامه : امرتها ، حددت لها
كله اسلوب امر
عامله منزليه و يعطيها اوامر
مو زوجه و لا شريكه حياه .
اعوذ بالله من الرجال الي مثله

Answer 5

أنت أمرتها ومن حقك أن تطيعك
إذا لم تعد بعد فلا ترجعها ولا ترسل لها نفقة ولا تتصل بها اسفهها ولا كأنها بالوجود وخبر أهلها بما فعلت
لأنك إن سكت مرة ستسكت كل مرة
ولما ترجع احرمها من زيارة أهلها شهرا فمن تعجّل الشيء قبل أوانه عوقب بحرمانه

Answer 6

شوف أخوي  تصرفها طبيعي لأن أنت السبب في إنها وصلت للمرحله اللي تعاندك فيها وتعصيك،أنتبه وأحط مليون شرطه تخت كلمة أنتبه من إن تتبع معها هذا الأسلوب ،لأنك مع مرور الأيام بتشوف مالا يرضيك ،الشدة وقوة الحصار وكثرة الأوامر تنفر ،والمرأة بالذات ماتجي بهذا الأسلوب

Answer 7

الحل تخليها عند بيت أهلها و لا ترجعها
حتى تضع النقاط ع الحروف معها و بمعرفة أهلها

Answer 8

ياعالم هي ماهي مسألة ساجن ومسجون ولا متسلط ولا فرض رأي
هي مسألة تفاهمات وترتيبات الزيارة لها وقت مثل ما النوم له وقت والسفر له وقت
يعني تخيل ترجع من الدوام ما تلقى زوجتك بتقلق وتخاف عليها هل هي مخطوفة هل هي بالمستشفى صار لها شيء.. يعني الدافع المحبة والخوف عليها فقط

Answer 9

فيه فرق وانا اخوك بين زوجة شريكة في حياتك و بين جاريه او مملوكة شريتها من سوق النخاسة،اتق الله في بنت الناس ولو طلعت وش المشكلة بينقص من رجولتك شي؟! خلها تطلع و تدخل تحت عينك و بعلمك احسن من تطلع من وراك او بحيلة ولو صارت مشكلة ماتقدر تحلهاقفل باب الشر هذا وركز بحياتكم و سعادتكم

Answer 10

زين واذا طلعت بدون اذنك وين المشكله ؟ايش بتقوم القيامه مثلا"؟ليش ماتبون تتغيرون وتخلون الحياه مريحه للكل بعيد عن المشاكل وبعيد عن انا رجال وانتي حرمه وتتقاسمون المسؤليات بدون ظلم للطرف الثاني.يااخي سهلوا الحياه على نفسكم وغيركم واتركوا التصيد على بعض وتغافلوا وتغاضوا عن بعض

Answer 11

شوف بعطيك نصيحة لا تعقدها خلها تروح ولا تناقشها لكن تغير عنها في بعض الأساليب ولا تظلمها ابدا ولا تجادل ولا تناقش خلها تروح بس مثلا اصرف الأساسيات مسكن مأكل ومشرب وملبس، واخرج للتنزه وحاول تكون ثقيل معها ولا تسيء لها ابدا ولا تذكر لها هذا الموقف صدقني هي بتعيد النظر في امر الخروج

Answer 12

وش هالتعقيد وش هالحياه الصعبه ليش انتو كذا تحبون النكد والغثا وتقصرون العمر وش حددت ماحددت ورع عندك هي مالها حريه اختيار اليوم اللي تبي تروح فيه لأهلها ياخي خافو الله جيتو لنا المرض متي ماتبي تروح تروح الحياه بسيطه ناس معقده تجيب الهم

Answer 13

لو لغة الحوار والنقاش موجودة كان ما لجأت لهالأسلوب، اجلسوا سوا وتناقشوا أنت ليه رافض خروجها لأهلها وهي تقولك أسبابها ليه تبغى تطلع لهم، وهي ما راحت لأحد غريب أهلها اللي دقيت بابهم وتزوجتها بموافقتهم. وأسلوبك في المنع والصرامة يخلي جلسة البيت مثل حجر كورونا متعب نفسيًا

Answer 14

المرأة التي تخرج من بيت زوجها بدون اذنه ماتستاهل من يصبر عليها بنات حواء الصالحات كثير

وجهه نظر

Answer 15

بعيد عن ردود من يداعون التحضر والتحرور والانفتاح.
فهذا العمل لا تسكت عنه ابداً حتى ولو وصل الا الطلاق.
فسكوتك عن هذا التعنت وعدم الطاعه سيكون له عواقب سيئة.
وإذا اعتذرت عن عدم تكرار الغلط واللتزام الطاعة فلا مانع.
ونسأل الله لكم التوفيق والسداد.

Answer 16

والله ي خوي ترى الحياه والعشره ود بينكم مو معسكر  بس تلقي اوامر وقرارات ووجب التنفيذ خليك لين سلس  ب التعامل وين راحت للهلها حرام عليك لو راحت غير اهلها عطيك شوي عذر لكن ان استمريت على هالطبع مراح تلاقي حولك احد ... على فكره الزوجه تجي باللين بس ماتجي ب فرض الاوامر.

Answer 17

بكل امانه اخطأت لما خرجت غصب عنك لكن الامور ان شاءالله سهله وماتحتاج تصعبها بالتفاهم الامور تنحل ،ياخوي ممكن هي محتاجه تروح لاهلها مرتين بالاسبوع وانا اشوف هذا الصح والافضل ،انا م اعرف انت محدد لها يوم بالويكند او ايام الويكند كلها وبالنهايه ارجع اقول كل مشكله بالتفاهم لها حل

Answer 18

ايش رايك تشتري لها قفص وتحبسها فيه وتحدد لها وقت الأكل والنوم برضو ،، الوحده تتزوج تبغى شريك حياة مو واحد يكتم نفسها الله يعينها عليك بس ويصبرها

Answer 19

حط لك بصمه عند الباب عشان توثق وقت الدخول والخروج من المنزل

Answer 20

إذا كانت أول مرة، فبين لها انها عصت امرك وخالفته بشكل صريح وبدون مبرر وكان من المفترض ان تطيعك لان طاعة الزوج واجبة وان هذا الامر احزنك واغضبك كثيرا وحز في نفسك، لكنك سوف تسامحها وتتغاضى عن خطأها هذه المرة لقدرها ومعزتها لديك وانك تتمنى منها عدم تكرار هذا الخطأ مرة أخرى.

Answer 21

طاعة الزوج واجبة
لكن أسلوب الأمر والمنع والتحديد بدون سبب ثقيل على النفس ومحد يتقبله ويوصّل للعناد بين الطرفين ،
الأسلوب اللين والحوار الهادف هو الحل ..

زيارة الزوجة لأهلها مافيها تحديد أيام وأوقات متى ماحبت تروح تستأذن منك وتروح ..

Answer 22

وفيه رجال الله يصلحهم يخلون الحريم يعاندون لان الشغله كلها عناد فى عناد
زى رجال يحدد الساعه اذ بتروح لاهلها تروحين ٨ مساءترجعين ١ دقيق تاخير فيها محاسبه اقله ولامثاله  تراك غلطان خير هو دوام لا حط بصمه افضل وعند من عند اهلها يحدد الدخول والانصراف

Answer 23

ماعتقد حتى العقلاء بيكون عندهم مصداقية تناسب معتقلك
حاول تتواصل مع معتقل غوانتانامو
ولو تروح لهم أفضل وتعيش التجربه في معتقلاتهم بترجع ذا خبره ولا تحتاج مشورة من أحد بعد كذا

Answer 24

لا تكبر الموضوع مشها لها هالمرة وامسحها بوجهي قل لها هالمرة بمشيها لش بس مرة ثانية بيكون لي تصرف ثاني ، ترى نخاف من هالكلمة

Answer 25

وش هالتعقيد وش هالحياه الصعبه ليش انتو كذا تحبون النكد والغثا وتقصرون العمر