زوجتي دخلت الاربعين وودي اتزوج عليها ! ودي اجدد بعلاقتي !

Question

متزوج وعمري ٥٣ سنه زوجتي دخلت الاربعين وودي اتزوج اصغر منها زوجتي ملتزمه ومهتمه بنفسها وتقوم بواجباتها لكني اشوف الي بعمرها صارت عجوز ثقيله متسفطه والمفروض تتفضى لعيالها ولبيتها وسجادتها والرجال يشوف نفسه ودي ارجع اكرر الزواج  هل تؤيدونني ونصائحك

Answer 1

حط بالك ان راح تخسر زوجتك بنسبت 80 بالميه وعيالك ب 55 بالميه لاكن السؤل الاهم هل انت بنسكن الثانيه معكم اذا اي ماانصحك لاتحط النار بجنب البانزين ثمن تقول ليش صار الحريق

Answer 2

ايه نعم. انا مؤيد انك تتزوج عليها  و نصحيتي لك اذا صحتك كويسه وعندك مال. تزوج عليها و جدد شبابك

Comments

وهي بعد من حقها تخلعه أو تتطلق وتجدد شبابها وتتزوج

Answer 3

حاول تفكر بحكمه ابحث عن زوجه غنيه ولها راتب لايهم العمر او الجمال وتزوجها وقول لزوجتك تزوجت علشان مصلحه الاسرة علشان ثورثها انت وزوجتك الاولي بعد عمر طويل وتكون بطل قدام زوجتك الاولي وقدام الاولاد ويقولون ابونا ضحي بسعادة علشان يكون مستقبل لزوجته الاولي وابناءه

Answer 4

احلق شنبي بموس افغاني اذا ورا هالتغريده رجال ، اذا مو بنت ومن مواليد 2000 لكم الي تبون

Answer 5

رأيك في غير محله، الزوجة في الاربعين قمة الاثارة، ومتدفقة بكل معاني الحب والحنان، الزوجة في الاربعين افضل من فتاة في العشرين.
ثم انك في الـ 53 سنة، اكبر منها، واقرب الى العجز والكسل.
ننصحك ان لا تتزوج وانت في قناعة من هذا المنظور، ولكن تزوج متى كانت اسباب الزواج وجيهه.

Answer 6

مستعد احلف واقسم ان هالكلام اللي مكتوب ماهو صحيح نهائيا ، مستحيل واحد يبدا بالكلام عن زوجته بهالشكل المحترم والمحب ومن ثم فجأة يقلب لقلة الادب هذي ، وكيف الواحد يجي ينتقد ويسب وبعدين يجي ينتقد نفسه ويقول الرجال يشوف نفسه!! الله لايوفقكم قاعدين بس تشوهون الصورة

Answer 7

عمرك ٥٣ شوقر دادي ههههههههههههههههه
طيب يالشايب كيف وضعك الصحي؟!
وضعك المالي؟؟
بسرعه أنطق اللي بعمرك قربت صلاحيته تنتهي
محتاج مقومات علشان تجدد حياتك مال وصحه
لاتقولي محافظ على علاج الضغط وأضرب أبر السكر بوقتها جاوبني المايك معك ههههههههههههه

Answer 8

باقي٧ سنوات وتدخل الستين ويمكن تودع الدنيا
فالرسول صلى الله عليه وسلم قال أعمار أمتي بين الستين إلى السبعين

ثم هل الزواج من أخرى للتجديد فقط!
طيب والأطفال اللي يولدون وأبوهم كهل ولاعندهم اخوان أكبر يربونهم إيش مصيرهم؟!

يايتزوج الواحد في الأربعينات بالكثير
أو إذا عدى٥٠لعاد يتزوج

Answer 9

الزواج مسئوليات كبيرة
لاتعامله كجبة طعام تأكلها وتنشطك وتسعدك ثم تنتهي!!

فيه زوجة تحتاج من يرعاها ويخدمها ولاتحتاج للناس
فيه أبناءيحتاجون اب بجانبهم في مراحل عمرهم
ويحرص عليهم ويربيهم

فيه اسرةتحتاج لقائدقوي يحرص على استقامتها وصلاحها

اللي في عمرك وعنده زوجةطيبه لايبحث عن غيرها

Answer 10

عدد عليها لو عمرها ٢٠ لكن لا تحرمها حقها الشرعي بدعوى عمرها

Comments

من هي المجنونة الي باقي لها نفس في حق شرعي مع زوج معدد زي الناموس شغال نقل التهابات وقرحة من وحدة للثانية وقبل كل شي كرامتها وعزة نفسها وين!؟

Answer 11

هي اربعين وتشوفها عجوز وانت خمسين على بالك انك شباب انا اشوف تتفضى لبيتك واولادك افضل

Answer 12

عادي خذ وحدة ثانية وجدد شبابك في يومين عسل بعدها باذن الله الثانية حتطلع القديم والجديد عليك وان شاء الله تاخذ وحدة من الي محملة التحديث الجديد حتبهرك باذن الله .. نشوف موضوعك الموسم الثاني هنا مطروح تتشكى.. ومردك لأم ٤٠ ان شاء الله بعدها

Answer 13

قصة من تأليف راعي الحساب
ولو كنت انا من وصلتني هذه الرساله لبصقت في وجه مرسلها ولا انشرها احتراما لحسابي وصفحتي من هذا العاهات الذين يسمون نفسهم بشر

Answer 14

مع اني اشك بالسالفه بس رايي  تزوج  وابتعد عن وجهها  خلها تشوف عمرها المسكينه وراحتها اتوقع انك تبتعد عنها وانت ي الله ابد من جديد اطفال وتربيه ومستشفيات ...
وهي تسافر مع اولادها وتغير جو وتعتبرك صرافه لها وديكور قدام الناس

Answer 15

يعني هي تجلس على سجادتها و لعيالها
و انت حضرتك تروح تنبسط و تفلها على اساس السجادة خلاص اكتفيت منها و عيالك ماعاد لهم  انتباه ؟؟
 انتبه لعيالك و المسكينة اللي اخذت شبابها مو ترمي كل شيء عليها لو درت عن افكارك ذي ما كان بيوم تزوجت واحد اناني و لا يفكر إلا بنفسه !!

Answer 16

ياخي تزوج بس لاتقعد تعذرب او تنتقد هذه ام اولادك والمفروض تمدح فيها لانها قايمه بك يمكن بكلامك هذا الثانيه توريك النجوم بالنهار الي يعيب في زوجته مافيه خير

Answer 17

الي مثلك الحين يطفي اللمبات ويقعد ع الكرسي جنب البيت ويجمع شياب يلعب معهم ضومنه وقبل ينام يتدهن بفكس. قال الثانيه.

Answer 18

توها دخلت ٤٠
وانت ٥٣
يعني اكبر منها ب ١٣ سنه والحين طبعا خلاص كبرت انت داخل ع الشيخوخه ايش ذنب الي كبر بنتك
المهم دام هذا كلامك عنها راح ترتاح نفسيا وتسافر وتطلع مع عيالها
أما أنت ابدا من جديد مع الرضيع من مستشفى الخ الخ وانت مافيك حيل لسهر الرضع الصغار وازعاجهم والطلبات

Answer 19

اقولك يا بوي ألم تأخذها في عز شبابها وزينتها وقدرتها والان لما وصلت بس سن الأربعين اللي هو سن مازال الشباب قائما والحيوية والنشاط وأفنت ماقبله في خدمتك وبيتك وأولادك تكافأها الان بالزواج.هي لعبة عندك انتهت مدة صلاحيتها؟ ولا أصلا تزوجتها آكلة للخلفة والاستمتاع اتقي الله ياعجوز إنت

Answer 20

ونت بعد المفروض تتفضى لها ولعيالك ولو معك فلوس زايده سافر بهم وونسهم هم أولى وبنات التيك توك لا يغرونك انتبه هاه

Answer 21

الله اكبر ! هذا وهي ملتزمة وصاينة نفسها ومهتمة ف نفسها وتقوم بواجباتها كذه تجازيها !؟   انتوا على كده تستاهلوا وحدة ٢٤ ساعة تتفل ف وجيهكم

Answer 22

والمفروض تفضي لبيتها وعيالها على اساس منت مسؤول انت اكثر منها عن البيت والعيال و(سجادتها) وانت مالك علاقه بالعبادات ضامن الجنه ماتحتاج صلوات وعباده

Answer 23

واضح من كلامك ان زوجتك مافيها شيء ينقصها الله يبارك لكم
اذا كذا اجلس مع زوجتك افضل لك
هذا العمر بالنسبة للرجل تجي فيه تلخبط هرمونات لفترة معينة وبعدها يرجع يستقر فلا تتسرع
وبالتوفيق

Answer 24

خذ وخل
بعض الأسئلة مختلقة ومقصودة لإثارة المتابعين وزيادة الردود من أجل تحريك الحساب .
وإن كان حقيقة فلا يستحق الرد عليه لأن في ألفاظه واسلوبة كمية وقاحة غير طبيعية وحقرانه وعدم الرد علية واجب .

Answer 25

تمام مانختلف انه من حقك تتزوج لكن نظرتك لها هي الخطاء حابه افهمك ان امرأة الأربعين في وقتنا الحاظر وبالرفاهيه الموجوده والسرعه الزمنيه ماهي الاحساب زمني ولكن تمكلك من الرونق والجمال والعطاء كابنة الله ٢٨سنه