ما اتقبل زوجي،افكر بالطلاق، زوجي ينتقدني

Question

انا متزوجه من شهر تقريبا وما احس باي مشاعر تجاه زوجي احس كأني اجي والبي له طلباته واجهز له الاكل وبس ما احس انه زوجي وكمان مو متقبله شكله وهو كثير الانتقاد ينتقدني في اي شي وبعد مالي رغبه في اي شي قررت بالانفصال وناقشته في الموضوع والحين انا عند اهلي اتفقنا على انه يوديني اهلي اسبوعين اقرر إذا اقدر اكمل معاه ولا انفصل مدري والله محتاره وش اسوي هل ممكن بعد فتره تجي مشاعر اتجاه الله يسعدكم ساعدوني

Answer 1

شوفي ي قلبي اللي تحسيه طبيعي بسبب التغييرات اللي صارت من بيت اهل لبيت لحالك وحياة مستقلة وانتي مسؤولة عنها ف طبيعي عدم الاستقرار بالبداية والشيطان من كثر م تفكرين بالانتقاد وانوت احس اني ألبي طلباته يجرك بحباله الين توصلين بشكله وعدم قبولك غيري مفهموم فكرك يتغير كل شي ! وصدقيني الشكل مو كل شي لو حبيتي شخصيته وتفاهمه معاك وفكره حتحبيه انا اشوف تعطين نفسكم فرصة للتقبل وتفكري بمنظور ثاني مافي اتفاق ! ولا قبول ولاراحة ولاقدرتي تتعايشي معاه انفصلي بعد6شهور عشان كلام الناس اللي م يرحم والله يهدي سركم ويسخركم للخير ولبعض وللافضل

Answer 2

الصراحه مااعرف انه كيف الزوج إلي مافيه حب مافي تفاهم مافي احترام. انتي تتزوجوا وانتوا مش مستعدين انه يكون أحد اخر في حياتك شخص من الجنس الاخر . اذا كنت رجل والله أعطاك المال او قولت تكمل دينك مو معنها تتزوج وانت مش مستعد ان تتقبل انسانه تتقاسم معك الحياه وتحتاج لها الحب والاحترام والاهتمام  والتفاهم  والصبر قبل كل شي وخليك فاكر انه الانثى هذي وآخرها من بيت  تعاملها مع أهلها مختلف من تعاملك مع اخواتك يعني كل بيت يختلف عن البيت الاخر وهي جايه تريد أن تكون ملكه لبيتها وليس عبده لبيتك. وانتي أيتها الأنثى وانتي لما تتزوجي مو توافقي عشان لا تنسي او عشان فلانه اتزوجت وانتي لازم تتزوجي لا لازم تكوني مستعده لدخول حياه رجل وهنا تحتاجين الكثير والكثير من الصبر وانه يجب أن يكون لك القدره ع امتصاص التعب وان تكوني له الجنه التي يأتي إليها بعد التعب عشان يرتاح فيها مو  زن او كلام او..... واتمنى من جميع الجنسين ان كان  ذكر أو أنثى ان يتقي الله في الاخر واتمنا لكل المتزوجين السعاده ولكل العزاب الزواج عن حب واحترام

Answer 3

شهر واحد فقط وأمداك تحكمين على شخصيته وتعرفينه زين وتقررين تتطلقين ولا لا ياختي انت مرررة مستعجلة أعطي نفسك فرصة وانتبهي من الحمل نهائياً حتى تتوافق شخصياتكم وتحبوا بعضكم وتتقبلوا بعضكم أو تنفصلوا لكن تحتاجين وقت تعيشين معاه وتعرفين شخصيته