زوجي خانني مع وحدة متزوجة وتزوجها غصب! تقدم لي اخو زوجي بعد طلاقي!!

Question

أنا زوجي خانني مع وحده متزوجة يكلمها وحب وغرام وكشفها زوجها وتطلقت البنت واخوانها زوجوها من زوجي غصب عنه فتطلقت منه أنا ، خالتي ام زوجي جدا جدا تحبني وحيل تأثرت بطلاقي وكلمتني تبي تخطبني لاخوه، مو متزوج واكبر مني بسنه وانصدمت ان اخوه يبيني شرايكم يا بنات مع العلم ان طليقي بالموت طلقني كان متمسك فيني لين آخر لحظة راح اكسره حيل اذا خذيت اخوه اوافق ولا ارفض؟

Answer 1

انصحك ماتتزوجيه لانك مراح تفتكي من طليقك وراح يقعدك في كل شي ومو بعيده يحاول يضرك او يتحرش فيك خصوصاً انه طلقك غصب

Answer 2

دامه انصدمتي انه يبغاك معناته دربه درب اخوه حاط عينه ع مرت اخوه والنوعيات ذي صدقيني ماراح ترتاحين معاه بان قلبك وروحك مع زوجك الاول ريحي قلبك ولاتاخذينه لاتغامرين بس عشان تكسرينه وتفرحين عمتك ام زوجك اذا تحبينها دايم اسالي عنها وشوفيها لكن تتغاضين بزواجك لااخوه نصيحه من اختك لااختها اشتري راحه بالك زوجك مر بتجربه وانا متاكده انه ندمان عليها

Answer 3

اذا وافقتي خذي من بالك انك راح تعيشين في دوامه كره وحقد بين الاخوان والسبب انتي ،اتمنى تكبرين عقلك وتبعدين عن هالعايلة لان ماراح تعيشين سعيده مع هالاخ الثاني .

Answer 4

لا وانا اختك انتبهي تفرقين بين الاخوان عشان سالفه انتهت ابتعدي عن هالعائله والله يكتب لك الافضل لانك الافضل وربي يحبك وراح يعوضك باللي احسن وحياة احسن. خالتك تحبك تدعي لك لكن ما تزوجك ولدها الثاني فكري بعقلك مو بقلبك

Answer 5

ابعدي عن العائله كلها وعيشي حياتك بعيدآ عنهم كل ماشفتي زوجك الاول تتفتح الجروح وتتقلب المواجع انتبهي ترجعي للحياة غادرتيها برغبتك

Answer 6

استخيري الله وافضل انك تبتعدي ممكن يصير بين الاخوان مشاكل وبتشوفيه دائماً وومكن تصير عواقب وخيمه ابعدي عن العائله وان شاء الله ربي يعوضك خير واحسن منه وانتي اتركي لله ان عشان ماتتسببي في القطيعه بين الاخوان وربي راح يبدلك خيراً منه

Answer 7

ما انصحك .. اخو زوجك بيطلقك بعد لان الغيرة بتذبحه من اخوه ويمكن زوجك يتمشكل مع اخوه بسببك.. ابعدي عن هالعايلة بكبرها ولاتدخلين نفسك بمعمعة كبيرة تسبب مشكلة بحياتك كلها

Answer 8

ابدا ابدا لو يظل اخر رجل بالعالم وهو الوحيد لاتفكري فيه اولا راح تكون قطيعة رحم بينه وبين اخوه وانت كمان ماراح ترتاحي راح تعيشي مشاكل ممكن زوجك السابق يخلقها عمدا من ترك شيئا لله عوضه الله خيرا منه

Answer 9

حبيبتي انتي مو في معركه اتركي حياتهم لهم وابعدي عن خيرهم وشرهم صدقيني ماراح تكونين سعيده تجلسي طول عمرك وانتي من نفسيه لانفسيه لايغرك تملق اخو زوجك لك الان والله مايستحي ولا ماجاء بعد الي سواه اخوه

Answer 10

اول شي استخيري ماخاب من استخار …. ثاني شي البنات اللي يترجونها تتزوج اخوه عشان تحسره وعشان تنتقم سلامات هذي بتكون حياه وعشره .. يابنت الناس اشتري راحة راسك وابعدي عن العايله بكبرها لان حتصير مشاكل بين الاخوان فبتعدي عن الزواج هالفتره لين يهدا بالك والله يكتبلك اللي فيه الخير