في تصنيف استشارات زوجية بواسطة
انا مطلقه من ولد عمي احبه واموت وفيه ويحبني بس الله ماارزقنا عيال صبرت عشر سنين ورحت كل مكان بالعالم لكن مالله رزقنا عقب صار خیار الطلاق وتعبت نفسياً وانهرت مع العلم انا اللي طلبت الطلاق مافي امل للعلاج وانفصلت من انفصلت وانا عايشه حاله نفسیه مايعلم فيها الا الله الحين تقدم لي واحد اكبر مني ب 3سنوات مطلق وعنده بنت وولد خاايفه حيل ومالي الا انتم اخاف اتزوج ويرد مرته وبنفس الوقت اقول لا استعجل انطر احد يجيني بدون عيال مع العلم عمري 34همن مو صغيره ابي شوركم يااخواتي مالي الا انتم هل تتقبلين تتزوجين واحد مطلق وعنده عيال وباجر يفكر يردها او تدق عليه كل لحظه عشان عياله؟

28 إجابة

0 تصويتات
بواسطة
اذا كان العيب منك فكان احسن تعيشي مع ابن عمك مادام انك تحبيه وتسمحيله يتزوج...وتتأقلمي مع وضعك...ماكان في داعي للطلاق...واذا وافقتي على واحد مطلق لازم تتوقعي اي شي....واذا رد زوجته الأولى لا تتطلقين...جربي الوضع وحاولي تعيشي حياتك..
0 تصويتات
بواسطة
ارجعي لزوجك لان صدقيني اذ هو طيب والله ماتنسينه وبعدين حتى لو تزوجتي وجاك عيال ماراح تنسين طليقك ابدا ياعمري الله سبحانه رازق اسمعي نصيحتي اذا في مجال ارجعي له وتصدقي بنية الانجاب اقسم ب الله ان تجيبين اطفال الله ياعمري يحب اللحوح بالدعاء.. هذه نصيحتي اما مطلق تاخذين تراه يبهذل المطلق خصوصا ب اطفال . الله يكتب لك الخيره....
0 تصويتات
بواسطة
الأفضل ترجعين لولد عمك هذا رأيي الأطفال ربي يرزقكم ان شاء الله يمكن شيء بسيط تسوونه ويمكن من الله حتى لو تعالجتكم في احسن مكان بالعالم دام نفسيتك تعبانه معناته تحبينه الحب هذا يكفي للان وارجعه له وربي يرزقكم
0 تصويتات
بواسطة
احسن حل لك أنتي انك تتزوجين واحد عنده عيال وماعنده زوجه سواء متوفيه أو مطلقه وأنتي كوني أم لهم في البيت ووقت يروحون لامهم تستانسين مع زوجك وكوني ذكيه ولطيفة مع العيال علشان تكبرين في نظر زوجك هذا رأيي والله اعلم وبالتوفيق
0 تصويتات
بواسطة
استخيري واذا شفتي نفسك مرتاحه توكلي على الله وماتدرين يمكن فتره ويرجعها ويمكن بيكون في تواصل عشان العيال
0 تصويتات
بواسطة
وانتي ليه طلبتي الطلاق دام هو راضي وماتكلم لو تحبينه ماتركتيه وكان دعيتي ربك ليل ونهار ياما ناس جلسوا بدون عيال اكثر من عشر سنين ومتعلقين في بعض وبعضهم جلسوا سنين وجاهم تؤم ماكان استعجلتي الله يهديك الطلاق مو لعب عيال
0 تصويتات
بواسطة
اولا سؤال مشكله الإنجاب منك او منه اذا منك انتي تزوجي المطلق اللي عنده عيال بيكون مكتفي بإذن الله وهو مطلق وقولي له من بدايه الأمر، ان انتي خذيته لانه مطلق وما عنده عيال هل عندك نيه ترجع حرمتك اذا عنده نيه اختاري طريقك وحددي
0 تصويتات
بواسطة
مره اغلطي غلط كبير كان صبرتي  وجلستي حتى لو تزوج  تطلقتي وشوفي من الي بيجيك اخس خلق الله مطلق معدد شايب مريض نفسي راعي مخدرات ويش بتستفيدي  لما تطلقتي من زوجك هربتي من الوقع ولا تبغين ترضين بقضاء الله. اعترضتي وهربتي  وطلبتي الطلاق  عشان طفل ماجاك بدال ما تقتربي من الله  سبحانه وتحسنين الظن  به سبحانه
0 تصويتات
بواسطة
استخيري استخيري استخيري لا تسمعين قصص وكلام استخيري اذا ربي كاتب لك الخيره يتمم لك واذا هو رجل كويس وين المشكله ؟؟ عشان معاه عيال وتخافين امهم ترجع !! على كذا لا المطلق يتزوج ولا المطلقه تتزوج يقعدون يعدون النجوم ياما بنات اخذو مطلقين وحياتهم ماشيه زي العسل و نصيبك مو مثل نصيب فلانه وعلانه كل وحده ربي كاتب لها وش بيجيها فلا تحكمين على شي من قصص و كلام .. الاستخارة اولا واخيرا
0 تصويتات
بواسطة
بيردها أفضل لك ولولادها. ترتاحي انتي كل وحدة ببيت لحالها وربنا يرزقك الذرية الصالحة وتشوفي أن أصعب شي تبعد الأم عن اولادها
0 تصويتات
بواسطة
بما انك تحبين ولد عمك ومانسيتيه اذا فيه مجال للرجعه له ارجعي وعيشي حياتك معاه
واذا مافيه صلي صلاة استخاره وشوفي مع اني اقول لك احتمال كبير يرجع زوجته
0 تصويتات
بواسطة
حبيبتي استخيري منتي صغيره انتي مطلقه وممكن العيب فيك يعني مجايك غير معدد وحاط احتمال يمكن ما تنجبين فعشان كذا تاخذين واحد وبكون عنده اطفال بدون زوجه او تاخذين واحد ومعه زوجه واطفال وخلي العيال اعيالك واذا قصدك انك تحبين زوجك محات قدرين تعيشين مع واحد وقلبك مع ثاني كان مخليه زوجك يتزوج وانتي معه يمكن بينكم نفس وتنحل وتاكدي حتى لو جوه اعيال انتي الاصل وانتي الحب مستحيل يرخص فيك لو جابت له عشرين ولد بتكون هي ام اعياله وانتي زوجته وحبيبته وامه واخته وصديقته والصدر الحنون والمكان الي يرتاح فيه
0 تصويتات
بواسطة
لاترضي ابدا .. الحياه مع ولدك بدون عيال ارحم من رجال معه عياله بتعيشي طول عمرك في خوف وقلق وام عياله غصب عنك بيككون فيه تواصل دام فيه عيال وبتدخلي بغيره وقهر ليه لا والله ماتسوى ترككتك لزوجك اصبري افضل اخاف تتزوجيه وترمي هذيك عيالها عليك مكايد انتبهي عزي نفسك احسن
0 تصويتات
بواسطة
أنتي تطلقتي عشان الخلفة،  انا لو مكانك اقبل والحق عمري اجيب عيال بس حطي في بالك رجعت طليقته او ان عياله يعيشون معاك بعدين لو رفضتي ضامنة يجيك حد احسن من وضعه؟ العمر ماينتظر
0 تصويتات
بواسطة
تتركي ولد عمك وانتي تحبيه وتروحي تتزوجي واحد تربي عياله ليه اللفه هذي كلها .. كان جلستي مع زوجك وتبنيتي يتيم رضيع تربيه وتحبيه من قلبك وتكسبي اجر لان مهما قالوا الحريم هنا وكتبوا لن تخلصي وتحبي عيال ضرتك ابدا مجرد كلام وتنسيق احرف الواقع يقول العكس اصبري وياتدخلي بوضع افضل من الي كنتي فيه او لاتدخلي
0 تصويتات
بواسطة
إذا بتزوجين واحد مطلق و عنده عيال ليش تطلقتي من  ولد عمك كان زوجتيه وحدة وربيتي العيال معاهم بدال تربين عيال الغير تربين عيال زوجك ،اعرف وحدة من جماعتنا كانت متزوجة من21 سنة و ماجابت و قامت خطبت وحدة لزوجها وبعد الملكة طلعت الأولى حاملة والثانية حملت بعدها بفترة قصيرة لحد الان اثنيناتهم عايشين مثل اخوات و ف بيت واحد يربون عيالهم.. أختي إذا في مجال رجعي لطليقك
0 تصويتات
بواسطة
يا قلبي ما راح يتزوجك الا واحد معه عيال اذا انتي عقيم  كل رجال ما يصبر عن العيال لو مهما كان يحبك مصيره بيطلب عيال . لو جلستي مع زوجك وتخليه يتزوج ويجيب عيال مافي احد راح يعوضك عن حبك اللي تحبيه لو تزوجتي الف مره الحب احلى شيء في الحياة
0 تصويتات
بواسطة
انت ضحيتي  بالحب عشان العيال واكيد ماراح يجيك الا مطلق او ارمل وانت فعلا مو صغيره وأنا اشوفه فرصة لك وعمره مناسب اما إذا كنتي خايفة انه يرجع طليقته فهذا أمر وارد وإذا حصل عيشي حياتك يا بنت الناس وتأقلمي مع الامور ونصيحة أخيره إذا تزوجتي لا تقارنين زوجك بطليقك لأني حسب ما فهمت إنك عشت معه قصه حب فمن المؤكد راح تصير مقارنات وأتوقع انها ما راح تكون في صالح زوجك - راح يجيك الولد الصالح باذن الله بس مع بعض التضحيات - الله يسهل امورك حبيبتي
0 تصويتات
بواسطة
ردي لطليقك ابرك مليون مره وخليه يتزوج. كافئيه علي العشره 10سنوات صابر عليك  ماتزوج غريبه وراح يجيه عيال ربيهم يشيلونك لاكبرتي  الحسد لايعميك عن الحقيقه والواقع ليش طلبتي الطلاق وليش تحاولين تتزوجين مره ثانيه وانتي عارفه انك عقيم  والي بيجيك يبيك خدامه له ولعياله وتعالي تاقلمي وياه نفسيا وهذا صعب ويمكن يرد ام العيال ويحذفك ليش هالتعب كله كلمي طليقك منتي لاقيه احسن منه صبر عليك واخلص وضحى بالعيال عشان مايزعلج تقومين تطلبين الطلاق غبيه انتي جدا ردي محد نافعك الا هو  وعياله وانتي منتي صغيره  مشكلتي ماحب اللف والدوران اعطي بالوجه موفقه ردي حتي لوانه ملك علي ثانيه وياليته يقبل يردك امييين
0 تصويتات
بواسطة
اذا انتي عارفه انه ماراح يجيك اولاد ومتاكده وتحبين ولد عمك ارجعي له اذا فيه مجال يكفي تحبووون بعض اذا انتي متاكده انه مافي امل من الاطفال يكفي تعيشين حبك لانه لو تزوجتي غيره وانتي لسى قلبك معاه مابتعيشين
0 تصويتات
بواسطة
اختي انتي كبيره ولاجايج الا مطلق والا متزوج يعني انتي تكونين الثانيه هذا شي لازم وعسا بالامر خيره يمكن الله ماكتب انج تجيبن اعيال من ولد عمج وتجيبين العيال من هذا الزوج  استخيري الله وصلي الاستخاره وشوفي اذا ارتحتي تزوجيه ولا تنطرين ولد توه شباب لانج انتي مطلقه وكبيره بالثلاثينات  العمر يمشي يعني  ماهو جايج الا مطلق وابو عيال والامتزوج تكونين علي جاره مدام هذا مطلق اخذيه اهم شي ألحقي علي نفسك بالذريه قبل لايروح العمر وتوصلين سن اليأس وعادي لو رجع زوجته اهم شي تجيبين اعيال،  اهم شي العدل بينكم
0 تصويتات
بواسطة
الحين تقولين مايجيك عيال وعندك مشكله بالذريه..ليش الانانيه يومك بتاخذين واحد منفصل وعنده عيال رجعها والا مارجعها مفروض ماتدققين بهالنقطه ..مانقطع الامل بالله من ناحية الذريه بس لاتصير نحيسه وصفي شي طبيعي بيجك معدد او انسان عنده مشكله بالانجاب
0 تصويتات
بواسطة
لا تقولين عن نفسك كذا العمر مجرد رقم... انتي تستحقي افضل من كذا اصبري لين يجيك واحد بدون عيال ولاهو مطلق قبل
0 تصويتات
بواسطة
اول اسئلي نفسك ايش تبغين بالضبظ تبغين رجال لحاله  ولا تبغين عيال اذا تبغين الرجال ارجعي لزوجك واذا تبغين العيال اخذي المتزوج انتي بتاخذينه عشان العيال وزوجته الأولى  لو بغى يرجعها من حقه ولا بتربي عياله انتي
0 تصويتات
بواسطة
استخيري ربك و توكلي على الله ، ما تدري الرجال يكون به خير. ، و في رجال مطلقين و عندهم اطفال بس تلاقيه داق المر من مرته الاولى و مستحيل يردها او يتواصل معها ، انتي افهمي منه سبب طلاقه و وين بيكونوا عياله معه او معها ، و لا تستعجلي على رزقك
0 تصويتات
بواسطة
مافيكي تمنعي اطفال عن امهم واكيد هو رح يضل محافظ على علاقة ود واحترام بينه وبين زوجته السابقة بسبب أطفاله اذا شايفة نفسك مو قد حمل ترربي اطفال مو اطفالك ورح تظلميهن بكل بساطة ما توافقي عملي يلي بناسبك هي حياتك انتي اللي رح تعيشي شوفي انتي شو بدك ما تاخدي اراء حدا فكري
0 تصويتات
بواسطة
والله اشوف لو ترجعني على ولد عمك احسن كثير لك طالما تموتين فيك والله يرزقكم
واهم شي في الدنيا الصحه والعافيه والعمل الصالح
0 تصويتات
بواسطة
المهم صلي الاستخارة واتوكلي على الله قد يكون خير لك وأولاده لو عاملتيهم معامله طيبه وحضنتيهم كأولادك راح يحبوك  ويعاملوك كأم لهم.  ربنا يقدرلك الخير ويسعدك ويوفقك بكل أمورك ويجبر كسرك

استفسارات متعلقة

36 إجابة
...