في تصنيف استشارات زوجية بواسطة
احتاج استشيركم بموضوع انا زوجي لمدة خمس سنين زواج ظلمني کل انواع الظلم حتى وصلت معه يتهمني اني جايبه ولدي بالحرام واخر شي اكتشفت انه يتعاطى وحاولت اوقف معه واساعده عشان يترك هذي الخرابيط ويرجع لعقله وكنت اسوي كل ذا عشان ولدي الين ماضربني مره بدون سبب كنت نايمه وهو راجع للبيت الساعه ٤ الفجر وجاء عند وجهي يناظر فيني ويقول تسوين نفسك نايمه وانتي توك كنتي تكلمين واحد بالجوال حسبي الله عليه وطردني من البيت وولدي يبكي ويبيني وهو يبعده عني ويضربه ويضربني وولدي وقتها كان عمره 3 سنوات المهم رحت لاهلي وصار لي سنتين الحين على ذمته وامي رافضه اني اتطلق وجالسه تعاملني انا وولدي معامله تبن وكل ماتكلمت تقول لي ارجعي لبيتك هذا ترا مو بيتك بيتي انا وبيت بناتي والحين زوجي له شهرين راجع ويتواصل مع امي ويقول ابيها وابي ولدي وانا والله عفته ووالله اني عطيته فرص الين ماتعبت ومن شهرين الى الحين وامي معاملتها صارت اللعن معي وتقول انا ماشوف فيه شي العيب فيك العيب فيني عشان مابي هذا الانسان ؟؟؟ تعبت والله ومدري وش اسوي اخاف ارجع له من كثر ضغط امي علي وترجع كل حياتي اللي قبل واخاف اتطلق وامي تصير اسواء واصلا هو طول هالسنتين ماشاف ولده ولا كان يسال عنه وقبل اسبوع جاء عندنا والولد صار يبكي مايعرفه

32 إجابة

0 تصويتات
بواسطة
اذعي الدعاء سحر وترى تقدرين تشتكينه والمحاكم عن بعد وسجلي بالضمان وحشاب مواطن يجيب وروحي خذي لك شقه واسكني فيها انتي ولدك ما اعرف اذا انتي تبغين الطلاق بس امك ما راح تجي الا بالامر الواقع تطلقي ولو زادت سوء قولي لها بيت ابويه محد يقدر يطلعني طلعيني بالشرطه ما راح تسوي شي غير انها ترضخ لازم تشدين شوي وتكونين قويه بس مو بالشي الي يغضب الله لا وحاولي تتوضفي عشان تغيرين من حياتك وربي يعينك وحاولي تصرين على رايك امك تضغط عليك عشان ترجعين بس لا خليك قويه وكملي مع الوقت خلاص راح تستسلم
0 تصويتات
بواسطة
انصحك ماتغلطين نفس غلطتي ثلاث مرات يتعاطى ويضربني ويعنفني وياخذ تعهد من المحكمه حتى ارجع ويرجع لنفس الموال الى ان اتهمني بالزنا وان عياله مو عياله وصار يخنقني حتى ينقطع النفس ويتخيل ان فيه رجال في حياتي غيره ويتخيل ان ارقام اهلي وصديقاتي انهم رجال نصيحه لك اذا مادخل تعالج علاج اكيد لا ترجعين له والله تندمين حتى اهلي تركوني بسبته

استفسارات متعلقة

...