انا عندي ابني الكبير عمره ١٣ انجبت وراه بسنتين بنتين توام اهتمت فيهم وتركت ابني عند امي زوجي ما يحب لولد الان نولد وهو مريض بضعف بالقلب وله انا مو حيل اهتم فيه ما احس بشعور الامومة اتجاه كنت صغيره فلم جبت تؤام لقاتها عذار عشان اعطيه حق امي تربيه وامي واهلي يعيشون بمنطقة ثانية بعيد ونروح لهم بس بالعطلة وولدي ماكنت اشوفه علي طول بس نرسل مصروفه وابوه كان كل شهرين اخذ فحص بالطبيب زوجي مهتم حيل بالفحوص والعلاجات الخاصة بولدنا حتي لم كان عند اهلي ولم يمرض الولد هو يضل عنده لم يصير زين زوجي دكتور عشان جذي يمكن اهتم بمرضه وانا حتي لم اروح الاهلي ما عطي وجه وله اهتم فيه بس لم صار عمره تسع سنوات امي مرضت وماتقدر تهتم فيه وخاصة تروح علاج بالخارج فاخذنا لولد بيتنا ابوه من داخل بيتنا لولد عامله بقسوة كانه خادم خاص عنده مو لده حتي قدام خواته واخوانه يعصب عليه ويضربه حنا غير تؤام البنات جبنا ولدين وبنت صغار وانا حاولت ان اعامله نفس اخوانه بس ما احب اشوفه علي طول مع انا هو شكله حلو واحله واحد من عيالي ومودب ومتفوق بالدراسة وهادي بس مادري ليش ما اتقبله حتي زوجي يدور عليه اي غلطه عشان يضربه ولولد الحين عمره ١٣ حيل تغير قبل كان يحاول يتقرب لنا وكان يبتسم علي اي شيء نعطيه ويفرح حتي لو كاكاو الان احنا مانشتريله شيء اللي الاحتياجات الاساسية حتي لم يروح معنا مكان ممنوع يطلب شيء واصلا مانساله اذا يبي شيء وله لا بس لولد الحين حيل مكتئب وهادي وما يكلم احد من خواته وخوانه وله عنده اصدقاء ولا يسال عن امي نفس قبل حتي الاكل خف اكله حيل ودائما بغرفته بس يخلص شغله المطلوب عليه ويرجع غرفته قبل صح مايقعد معنا بس كان يقعد بالصالة اللي فوق يشوف تلفزيون او بالحديقة او يرسم الحين كل ما ادخل غرفته القاه سرحان وساكت انا خايفة عليه اخاف يصير في شيء كيف يطلعه من الحالة هذي وكل مايساله شنو فيك مايرد ويضل ساكت
