في تصنيف استشارات زوجية بواسطة
انا متزوجه لي شهرين اتعبني التفكير واهلكني كنت اكلم زوجي من ايام الملكه سنه واكثر ماكنت متقبلته ولا كنت مبسوطه معه ودایم كنت اصرفه وتزوجت لكن بنات ماحس بالفرح ولا احس بشعور البنات والله حتى وجهه ماحب اشوفه ولا قادره ارتاح معه واتقبله حاسه اني طول الوقت على اعصابي وقلبي يوجعني وخايفه من شي ماعرف وش هو طول الوقت عايشه بصمت مو قادره افتح موضوع ولا ابغى اسمع صوته لدرجة مسکت خط طویل معه مافتحت فمي بكلمه لهدرجه والله اتقرف منه واشمئز ولما رجعت من شهر العسل زاد وضعي حيل رحت لاهلي جالسه عندهم اسبوعين والله يجي ماطلع له كل اهلي حبوه الا انا عجزت انقبله احس اني خايفه شعوري متلخبط والله انام على فكرة الطلاق واصحى عليها ماعاد اعرف وش الحل والتوجهه الصحيح خايفه اتطلق وكلام الناس يذبحني خايفه ارجع ويكون شعوري هو نفسه وحالي هو نفسه ويضيع عمري معه واندب حظي والله حتى الشوق ماشتاق له ماشفت منه الا كل خير لكن شعوري تبن معه والله تعبني التفكير مهما يسوي ماشوف هالشي خايفه اطلب الطلاق وربي يعاقبني لاني ظلمته معي طبعي لينه حنونه ارضى بكل شي ما اكره احد ولا اقسى على احد

35 إجابة

0 تصويتات
بواسطة
تكلمينه سنه كامله و مو متقبلته … المشكله مافي سبب مقنع للانفصال حرام تظلمينه و ما تضمني ممكن تنفصلي و يجيك واحد ما يقدرك و تتحسفي قد شعر راسك حاولي ترقي نفسك و تراجعي نفسك وما تقارنينه ب غيره بهالحياه الواحد نادر يحصل شخص طيب يقدره و يحترمه و يمشي عنه زلاته فا اللي عندك ذهب الله يصلح ما بينكم
0 تصويتات
بواسطة
الاشياء الي مهمه خمسه فكري فيهم وشوفي هل فيه هالنقاط ولالا
١). قريب من ربه يصلي ويخاف ربه
٢). يامن المستقبل تحسين يتحمل المسؤوليه
٣). يطور فكره ويناقش ويخليك تقولين رايك
٤). علاقته مع امه وابوه زينه تحسينه طيب وعنده اعمال تطوع
ترا هالاشياء مهمه واذا كانت فيه راح تحببك فيه غصب مع الايام.
الحب بروحه مايكفي ياما شفنا ناس يحبون بعض وماتوفقوا.
في اساسات تنبني عليها العلاقه غير الحب
وحرام تظلمين نفسج وتظلمينه لازم تتخذين قرار وتتحملين نتايجه.  شوفي شنو الاشياء الي تقدرين انج تتحملين نتايجها وكوني مسؤوله عن هالشي لا تلقين اللوم على احد.
الله يوفقك
0 تصويتات
بواسطة
قبل الطلاق الزمي الدعاء اقل شي شهر مع الوتر وادعي ولاتطلعين من بيتك شهر عاشريه جربي تسولفين تمزحين معه جربي وان انجبرتي على الانفصال رجعي مهره وعطوه الي يرضيه حرام ماشفتي منه الا كل خير بس القلب ومايريد فماله ذنب تخير وجمع المهر ماتدرين له كم سنه يجمعه
0 تصويتات
بواسطة
شوفي ماراح تتعودي ابدا حرام عليك ظلمتيه وظلمتي نفسك اعرف وحده زيك والين اليوم ولدها عمره 12 سنه وهي نفس الوضع فأنت يا تحبيه او تتحملي حياتك كذا او تتركيه مالك حل رابع ابد
0 تصويتات
بواسطة
تخيلي لو ان فيه بنت  تموت عليه وتحبه؟ تخيلي  فجاة  يقول  انا احب غيرك  صدقيني راح  تحسين  انك  تحبينه  وبتطلع  الغيرة  انتي الحين في نعمه  عظيمه  بس مو حاسه  فيها  انتبهي قبل لاتفقدي  هالنعمه  تقبلي حياتك  وانبسطي مع زوجك  طالما مبسوطه  معه  لا تعكري  على  نفسك  وتسمعى  كلام  شيطان .. دائما  يحزننا  ويدخل  علينا  بكل الطرق  عسان نبقي  ف حزن  وهم  قربى  من الله تعالى  كثييييير  واستغفرى  كثييير  وادعي ان زوجك  يكون قرة  عينك  واحمدى  ربك  كثير
0 تصويتات
بواسطة
شوفي اجلسي مع نفسك خذي ورقه وقلم واكتبي ايش الي مايعجبك فيه خلقاً واخلاقه او ايش الي مو عاجبك اسلوبه نمط حياته اذا طلعتي شي خليه على جنب اكتبي ايجابياته واذا ماطلع من ذي كلها سبب اذن عندك انتي ممكن شي روحي مثل حسد او عين او مس او انه اصابك انتي وزوجك سوا ايش الحل اخذي كوب ماء واقري الفاتحه المعوذات وايه الكرسي واشربيه انتي وزوجك حتى لاتعلمينه عطيه مويه يشربها سوي الحركه ذي صباح ومساء اقري سوره البقره لان اخذها بركه ولاتستطيعها البطله وتركها حسره  اقريها كامله ماتقدرين حطي كل صلاه ١٠صفحات بكذا تختمينها العشاء والله يكتب لك الخير
0 تصويتات
بواسطة
قبل تطلقي وقبل تبلغيه في الموضوع انتي في بالك شخص اخر؟ اذا لا زوري اقرب دكتور نفسي موعيب ممكن علاجك عنده او زوري اقرب شيخ يقرا لعل للي فيك عين شخص يبيك او مره عينها فيك تبيك لولدها سو الأسباب لعل وعسى علاجك مابين الثنين.
0 تصويتات
بواسطة
مو لازم تقنعين نفسك انك تحبينه غصب ماراح يجي الحب كذا احكي معه وتعرفي عليه خذي واعطي معه بالكلام اعطيه فرصه له غير الفرصه الي حاطتها ببالك وشيلي اي افكار او توقعات راسمتها عنه وخذي وقت كافي اعرفيه واذا سويتي كذا وباقي مو مرتاحه هنا تكونين سويتي الي عليك ولا ظلمتيه بنفس الوقت تقدرين تسوي الي يناسبك انفصال او استمرار
0 تصويتات
بواسطة
اول شي شويه شويه على نفسك لازم تحاولي ماتفكري ليش انا احس كذا ويانبك ضميرك وهنا انت تزيدي وضعك سوء عليك بالدعاء دايما وقراءة القران ووممكن سبحان الله هل الكره يتقلب حب
0 تصويتات
بواسطة
الصراحه وضعك صعب لكن فكره الطلاق خليه أخر شي ولا تحملين وحاولي تضغطين ع نفسك وسوي أجواء رومانسيه البسي حلو ابرزي جمالك تدلعي عليه اشتريله هديه ع ذوقك لبسيه لبس اللي أنتي يعجبك ويمكن هذه ألاشياء تجيب نتيجه يارب.. نصيحه أن حصلتي ع رجل محترم وطيب ويحبك فصعب ان تلاقي زيه حبيبتي ربي يهديك ويسعدك معاه قولي أمين
0 تصويتات
بواسطة
هالشعور يجيني مع بداية كل شي جديد ، أعطي نفسك فرصه معاه تو مالك الا شهرين حرام تحكمين من بدري ، وأنسي هالشعور او تناسيي ، لا تدققين فيهه وراح تشوفين كيف يتلاشى
0 تصويتات
بواسطة
فعلا المحبة أرزاق  .. ولاتقدري تجبري نفسك تحبي هذا الإنسان أو لأ ؛ .. لكن لاتتسرعي حبيبتي توكم ببداية مشواركم وببداية حياتكم الزوجية تذكري إن شاء الله راح يجيك أطفال وتكونين عائلة صغيرة جميلة ومتحابة وتزيد الألفة والمحبة بينكم  وراح تنشغلوا وتنبسطوا معاهم ؛ وإدعي دائما بإنه ربي يألف بين قلوبكم ويسخركم لبعض ربي قادر يغير الحال إلى حال والله يسخر لك زوجك ويزرع محبته بقلبك يارب ويهنيكم مع بعض ❤
0 تصويتات
بواسطة
الله يسامحك يا اختي حسيتي بالنفور من الخطبه ليش ما رفضتي الزواج منه ؟ اذا مو قادرة تطلقي منه حاولي تركزي ع ايجابياته واذا في شي بشكلخ منفرك ساعديه ليتحسن واذا خلاص مو قادرة تتقبليه ولا باي شكل انفصلي تكوني مطلقه ومرتاحة احسن من متزوجة ومتعذبه و مو لازم اذا اهلك حبوه انتي تحبيه الحب من الله و مو بايدك بس قبل ما تقرري الطلاق حاولي تعطي نفسك فرصه اخيرة لتتقبليه و ما تحملي منه حتى اذا صار طلاق ما يكون الطفل ضحيه بينكم و الطلاق مو عيب ولا حرام في حال استحاله الحياه بين الزوجين و المطلقات بعصرنا لهن حقوق وما احد بيقرب عليهم و خليك قويه شخصيه وواثقه من نفسك وتحملي مسؤوليه اي قرار بتاخديه الحياه محتاجه لانسان قوي وشجاع و طالما انك انسانه طيبه ونيتك نظيفه و عم تحاولي تنجحي بزواجك ربي رح يرزقك الخير واذا ما قدرتي تحبي زوجك او عالاقل توديه وتحني عليه الافضل تعطيه فرصه ليعيش مع زوجة تحبه وتشوف ايجابياته لان اكيد هو حاسس بنفورك وعم يتعذب نفسيا وساكت
0 تصويتات
بواسطة
السؤال المهم بتكوين اي علاقه .. ماهو هدفي من هذه العلاقه ؟ ماهي مواصفات شريكي ؟  هالسؤال يحل ثلث ارباع المشكله والحل بالقرار
0 تصويتات
بواسطة
والله بداية الزواج طبيعي تحسي كدا مره بكره تتعودي عليه وتحبيه لا تتطلقي دامه كويس وقولي هدا الدعاء ( اللهم الف بين قلوبنا واصلح ذات بيننا واهدنا سبل السلام )
0 تصويتات
بواسطة
ارقي نفسج زين واقري سورة البقره وحده من اهلي نفسك بالضبط ع كل مواصفات زوجها الزينه ماتبيه ماتبي تسمع صوته ولا تشوفه وهذا كان قبل الزواج وقت الملكه وجابو لها قارئ واتضح فيها عين قويه وحسد عشان تكره خطيبها وتتركه مع الرقيه والقراءه الحمدلله صارت الامور طيبه وانتبهي تخبرين او تسولفين عن اي شي يخص زوجك وكرمه واحترامه لك وتقديره وحبه حق اي احد حولك اي احد تحملي
0 تصويتات
بواسطة
انا  كنت  مثلك  ماحبه مع انه  كان  فيه طباع  مو حلوه  مع  ذلك  رحمته  وكملت  وجبنا  عيال  الحمدلله  ومشيت  الحياه  حتى  اصبح  الاحترام  هو  السائد بيننا واتوقع  اكثر  البيوت  كذا  قائمه على  الموده  والاحترام  وتذكر  الفضل  بينكم
0 تصويتات
بواسطة
احس بس ماادري اذا كلامي صح او خطا يمكن كل مشكلتك انك تبين تحبينه وماحبيته عشان كذا صار كل اللي صار ترى الزواج بدايته احترام وموده وتفاهم ومع الوقت وانت ماتحسي ع نفسك تصيري تحبيه وحياتكم احلى مع بعض
0 تصويتات
بواسطة
ماقلتي وش السبب الي يخليك تكرهينه دام من قبل مو متقبلته ليش تزوجتيه لا تكسري خاطره ركزي في إيجابياته واتركي السلبيات
0 تصويتات
بواسطة
الزواج قبول لكن من كلامك صعب تجرحينه وهو طيب وصعب تتطلقين ففكري بأيجابيه جد والله فكري باشياء حلوه حمسي نفسك لهذي الحياه الجديده نفسيتك لاتتحكم ثم عقلك يقتنع وتنكدين على عمرك ثم ادعي ان ربي يحبب لك زوجك ويسخره لك الشي الثاني ترا انتي بحياه جديدة يبي لك سنه ع الاقل تتأقلمين معها والعشره لها دور اسأل الله ان يحنن قلبك ويسعدكم ويسخركم لبعض ويرزقكم الذريه الصالحه
0 تصويتات
بواسطة
اسمعي نصيحتي ممكن تكونين تعبانه بس ماتدرين عن نفسك فرجك عند ربك اولا اقري البقره يوميا ولو تنفثين في مويه زمزم وعادي لو مويه عاديه ع الريق وتشربينها واصلي عليها واكثري من ذكر تاج الذكر الي هو لااله الاالله وحده لاشريك له له الملك وله والحمد وهو على كل شي قدير بعدد كبير وانتي على يقين وفاهمه معناه والدعاء بصلاه الوتر وانتي ساجده ان الله يشرح صدرك ويسخرك له ويسخره لك وينزل السكينه على قلبك شوفي بعدين ايش راح يصير لك
0 تصويتات
بواسطة
لا تظلميه زيادة، خلاص اعتقيه نفسك ما تقبلته و جاملتي و للحين كارهته الافضل تفكري و تخبري اهلك بمشاعرك عشان يستعدوا للجاي و اذا فكرة الطلاق ما تقدري عليها ادعي ربك يحنن قلبك عليه و يجمع بينكم .
0 تصويتات
بواسطة
اسالي نفسك في سبب حقيقي لشعورك ؟ ليه ماتقبلتيه في صفات منفره! وخلي جوابك حقيقي اذا مافيه سبب يوجب هالمشاعر ارقي نفسك اررررقي نفسك كثير بنات بحالتك وتطلقوا وكان السبب نفس او مس او عين كانو يحسون بالضيق وكسرة الخاطر على نفسهم هذي كلها مشاعر من ابليس في اغلب الاحيان مالها سبب
0 تصويتات
بواسطة
سنه واكثر تكلمينه ليه ما انهيتي  الموضوع قبل الزواج انا مثلك بس الفرق اني لا كلمته ولا شفته قبل الزواج فترة ملكة سنه ما اعرف عنه الا اسمه وبعد الزواج ما تقبلته ولا ارتحت وانفصلت عنه لكن انتي اخذت وقت كافي قبل الزواج المفروض اخذتي قرار من بدري مثل ما قالو البنات ارقي نفسك عطيه وعطي نفسك فرصه اكثر حبي ايجابياته والله يشرح صدرك ويفرج همك ويكتب لك الي فيه خير وخيره
0 تصويتات
بواسطة
هو عدم تقبل او رهبه ارقي نفسك وتعوذي من ابليس مجرد مخاوف ليس لها اصل لا تعيشين نفسك بدوامه روحي بيتك ولا تفكرين بغيره كذكر او رجل و حاولي تجلسين معه وتطلعون سوى وروحي بر سينما ابحثي عن اشياء تناقشينها معه الله يهدي سركم ويسخركم لبعض لا تخسرينه
0 تصويتات
بواسطة
حبيبتي اسمحي لي انتي غلطانه دامك من قبل مايدخل عليك ومن ايام الملكه ماحبيتيه ولا ارتحتي لو المفروض كان تتركيه ومالك ومال كلام الناس او لو انك  بتقارينيه ب ناس تانيه شيلي من راسك المقارنه وانتي فعلا ظالمته حاولي تبادليه نفس الشعور واقرئي سورة البقرة وربي يجيب المودة والحب بيناتكم وادعي بدا الشي والله ييسر لك طريقك
0 تصويتات
بواسطة
انا كنت كذا فالبداية و خلفت و كملت طبيعي بس اللي نفرني منه مشاكل و اغلاط بدرت منه... انصحك تعطي وقت لين تتأكدي من حقيقة مشاعرك بس اهم شي لا تخلفي... حاولي تخرجوا و تغيروا جو مع بعض شوفي ايش تحبو تسوو مع بعض سينما سفر داخل المملكة و شوي اجواء بالليل تقضوها مع بعض فيلم او اي شي... لاوم تسوي هالشي عالاقل انتي حاولي و قولي حاولت.... يمكن انتي من النوع االي مشاعرها باردة و جافة عشان كذا تحتاجي وقت
0 تصويتات
بواسطة
الله جعل الشوفه الشرعيه علشان هذا الهدف ..وكثير من البنات مثل شعورك ..اهم شي اصحي تقولين راح اتلهى اجيب طفل او طفلين يمكن احبه !!فالاطفال ليسوا فأر تجارب لعلاقتك مع زوجك اي كانت ..اما شعورك هذا لاتقلقي كثير بنات خافوا من المجهول ومن الطلاق ومن نظرة المجتمع ولافادهم بشي ..ان كنتي ماتطيقين العيش معه فخلاص استخيري وانظري الى ماتتوجهين له ..اما انك تخافين ربي يعاقبك لانك ماتقبلتيه فهذا ليس بظلم انتي ماظلمتيه واخذتي حق له والزواج قسمه ونصيب ويمكن ربي يرزقه افضل منك بكل شي وانتي كذالك ولاتخافين من نصيبك بعده واتوقع كثير من الردود راح يحكي لك تجربته نفس تجربتك لان كثر الطلاق وغالبا ليس من مشاكل انما مثل تجربتك وربي وفقهم جميعا ..لكن علشان ماتظلمينه خليك على استعداد انك تردين له المهر كامل فهذا شرع الله لانه هذا هو الظلم له اذا مارديتي له ماكتب لك بالمهر يكون ظلما لان المهر المكتوب هو من عقد الزواج وهذا شرع الله
0 تصويتات
بواسطة
قولي معي ورددي هذا الدعاء دائماً دائماً في كل وقت وكل حين ..( اللهم اجمع بين قلوبنا وآلف ذات بيننا واهدنا سبل السلام ) .. ( ربي اجعل لي من زوجي قرة عينٍ لي ..)
0 تصويتات
بواسطة
ياقلبي انتي راجعي جواتك انتي ما تقبلتي ليش هل كان في مواصفات مرسومه ببالك معينه او ماتقلبتي شكله او ايش لازم تحددي ممكن َاتقبل بشخص روحه ممكن شكله ممكن طريقة كلامه ممكن اسلوبه يعني في امور محدده ما نتقبلها بالشخص اما بدون تحديد معناه انتي ضايعه حددي ايش اللي مضايقك وشوفي هو يستاهل تنفصلي اساسا عشان دا السبب حطي بورقة وقلم ايجابيته وسلبياته وشوفي اي كفه تربح اذا روحه خفيفة وانسان كويس يخاف الله ايش تبغى اكتر من كدا اما اذا ماتقلبتي روحه ابدا فمادري ايش اقلك اخاف تكملي وتنَظلموا واخاف تنفصلي وتندمي بالذات بوقتنا الحالي صار الرجال الطيب عملة نادرة استعيني بالله هو مرشدك ودليلك

استفسارات متعلقة

1 إجابة
كُتِب سبتمبر 10، 2022 في تصنيف استشارات زوجية بواسطة أم راكان
...