في تصنيف استشارات زوجية بواسطة
أعيد الوسم
السلام عليكم بنات ابيكم تعدوني مثل اختكم تكفون انا خالتي بعمارتها وحده مصريه متزوجه سعودي وهي قالت لخالتي تبي حق اخوها عروسه وخالتي دلتهم علينا الولد كويس واهله كويسين وعايشين كل حياتهم بمصر بس اخته الي هنا سوالي الي مخوفني مستقبلا وش بيكون مصير عيالي اذا بنجي لسعوديه كيف نصير نجي وكيف الوضع انا الي مخوفني كذا لان اول مره بعايلتنا الي بكون ماخذه غير السعودي

32 إجابة

0 تصويتات
بواسطة
والله يا اختي نصيحة لك لا تاخذيه لانك ما تعرفي وش وضعه  واحده اعرفها اخذت مصري واخذ اسمها واشتغل فيه ولا اهتم فيها ولا اخذ لها بيت من فلوسه حتى خلعته والنعم في كل الجنسيات مو عنصريه ولا شيء بس  انتي فكري فيها من جميع النواحي هل تقدري تعيشي في مصر  وصعوبة العيشه هناك ولا تدرين كيف ظروفه واهله وصعبة علشان عيالك في المستقبل  انتظري نصيبك لو كييره في العمر نصيبك راح يجي اجمل ان شاءالله
0 تصويتات
بواسطة
الصراحة والنعم بكل الجنسيات  وكل وحده وايش النصيب بس خذي من بلدك  افضل واريح  عشان عيالك مستقبلا والله انت بغنى  عنها الله يكتب لك الخير
0 تصويتات
بواسطة
تعوذي من ابليس واهجدي .. وش حادك على المرمطه.. ياخي ماعاد ادري كيف العالم تفكر.. ونعم باهل مصر ونعم بكل التاس بس ماعتقد في شي يستاهل التضحيه وعيالك ماراح يكون لهم اي حقوق ف السعوديه الا شي لايذكر وبتدفعين لهم ضريبة اقامه نفس كل الاجانب
0 تصويتات
بواسطة
وانتي وش لك بالاجنبي عيالنا وش يشكون منه ليش تبهذلين نفسك بالغربه وعيالك يصيرون اجانب فكي نفسك من حوسه انتي بغنى عنها  نصيحه لاترمين نفسك بشي  انتي مو قده  وحلاه الثوب رقعته منه وفيه مهما وصل عمرك انتبهي. والله بتندمين انتي بتصرين. مشتته وعيالك  بعد مشتتين. هذا اذا انتي تأقلمتي  اصلا
0 تصويتات
بواسطة
وايش اللي حادك تعيشي برا بلدك اذا تعرفوا رجال ولا بنت حاببن يتزوجوا فيه تطبيق اواصر للدكتور محمد العليان مصرح وكل شي فيه رسمي
0 تصويتات
بواسطة
فكري بعيالك بكره وش يصير عليه جنسيه ماراح ياخذون وظايف مايتوظفون الا بطلعه الروح حرام تبهذلينهم الحمد لله توك والعمر قدامك يجيك اللي احسن منه يعني خلصو الرجال مابقى الا هالمصري المهم غير السعودي لاتاخذين انا افكر شلون خالتك واهلك عادي وافقوا
0 تصويتات
بواسطة
تبهذلين نفسك وتبهذلين اولادك مستقبلا من غير ان المعيشة في مصر جدا صعبه الرواتب جدا متدنية يعني قابلت كم مصرية يشتكون من هالنقطة ادعي ربي يرزقك الافضل  خذيلك سعودي افضل لك ولعيالك مستقبلا فكري بالمستقبل مو اهم شي اتزوج وخلاص  ماقتنعتي بكلام الغالبية استخيري وشوفي
0 تصويتات
بواسطة
نصحيتي لك لاتوافقين لان من اسباب نجاح الزواج التكافؤ والتكافؤ مو بس بالنسب حتى بامور الحياه والعادات والتقاليد ولو صار شي راح تتمرمطين مع الاولاد في السعوديه لو صار لك شي وتطلقتي واولادك معاك غصب عن الزوج من الحكومه يقتطعون من راتبه مصروف
0 تصويتات
بواسطة
اذا خايفه ليش توافقي؟ والنعم بكل العرب... بس في فرق كبير في العادات والتقاليد... لو انه عايش هنا يكون مستوعب الفروقات...بس مستعدة تتركي بلدك واهلك؟ هوا اكيد مو مبتعد تارك اهله وبلده.. واولادك في السعودية اولاد مواطنه اقامات وكفاله عليك.. والشركات يحسبوهم سعودة.. والتعليم لهم للجامعات.. وامورهم احسن شويا بس برضو بدون جنسية
0 تصويتات
بواسطة
لو خليجي يمكن اما عربي ماقول فيهم شيء بس راح تتعبين بعدين لاتفكرين بنفسك فكري بعيالك ووضعهم  اذا صارت له مشكله يعمل له خروج نهائي شنو وضعك او لاسمح الله توفيتي شنو وضع عيالك لاتفكرين انو زواج بس حطي ببالك الف شي واعتبار ابن بلدك على علته بس احسن اهون من غيره عند اهلك وعيالك لهم مستقبل لو بيدخلون العسكريه او اي وظيفة تبع الدوله انتبهي والله يختار لك الصالح
0 تصويتات
بواسطة
في اشياء كثير لازم تفكرين فيها مو بس اولادك وجنسيتهم يعني هو من مصر فرح تنقلين هناك وغالبا مايعرف شيء عن العادات هنا هل رح تكونين متقبله هذا الاختلاف كمان مستواه التعليمي واساسا قبل كل شيء كيف حتتعرفين عليه مايمدي بالتلفون بس غريب من مصر وماخطب من هناك انتبهي من هذه النقطه كمان ليش خطب من هنا بالتحديد
0 تصويتات
بواسطة
اول شي واهم شي استخيري .. واذا شب زين وانتي فاقده الامل باحد ثاني مو غلط توافقي وبالنسبه لعيالك تقدري تجيبيهم السعوديه ويعاملو معاملة السعودي والحين القوانين صارت اسهل وحصولهم ع الجنسيه صار اسهل من قبل وبالنسبه عشانه غريب ماتردي ع احد كل واحد وتجربته مرات الوحده ولد عمها يذلها ويقرفها حياتها بالعكس الغريب يقدرك الف مره اذا طلع شب يخاف الله وزين  وارجع اقولك استخيررررري لانه ماحد بيكتبلك الخير الا الله مو كلام الناس
0 تصويتات
بواسطة
لا تاخذين غير سعودي ابدا فكري في عيالك مستقبلا ونظره اقاربكم لهم بيستنقصون منهم مهما ادعو قدامك المثاليه وكيف يتوظفون وكيف يعيشون ومستحيل يتزوجون من اهلك خليك على عيال وطنك لان ماتضمنين المستقبل ابدا
0 تصويتات
بواسطة
لا تاخذينه بتندمين بعدين وغربه اذا تبين الزواح روحي لخطابه او من اللي حولك  بالتوفيق
0 تصويتات
بواسطة
يابنت الحلال استهدي بالله لا تقروشين عيالش مساكين ويتبهذلون بسبب الجنسيه وغيرها تزوجي نفس جنسيتك حتى لو بعد زمن صعب الاستقرار واذا صار شي وسفرو اولادك بتتعذبين
0 تصويتات
بواسطة
الحياه صارت صعبه والمصاريف زادت بغض النظر عن جنسيته فكري بالمستقبل وصعوبة دراسة اولادك ووضعك بين بلدك وبلد زوجك ومصاريف الدراسه والسفر واختلاف العادات
0 تصويتات
بواسطة
لا تتهورين .. مابهالبلد الا هالولد .. ليش تدخلين نفسك متاهات طويله .. انتي بغنى عنها .. خلك بديرتك وجنب اهلك وناسك .. ان جارك الزمن الا انتي ماخسرتي شي فيه اللي يوقف معك ويعزك .. استهدي بالله واستخيري زين
0 تصويتات
بواسطة
يقولون بالمثل حلات الثوب رقعته منه وفيه اختي ولد ديرتك احسن لك  لانه عاداتك وتقاليدك يعرفها حتي لو من منطقتك احسن لان لو تاخذين  واحد متجنس ومواليد السعوديه ودارس بمدارسنا يعرف عاداتنا وتقاليدنا  ومعاشرنا ببلدنا  احسن ولكن تاخذين واحد ماعاش معنا ولايعرف عاداتنا غلط  تنصدمين لان عاداته وتقاليديه غير عنك وكل انسان يحب بنت بلده لانها تعرف له ويعرف لها متجانسين بالطبع والعادات  اعيال بلدك احسن لك لاتهورين وتضيعين اعيالك عادي المصريه  كلمتها عاديه تبي خليجيه لاخوها علشان تكفلينه ويدخل السعوديه ولكن لااشتغل وتوظف مرده بيتزوج من بلده لانه يبيك بس علشان تكفلينه بالسعوديه لاتتهورين وتوافقين  اخذي اعيال بلدنا  ليش قلت عليك الرجال تاخذين من برا كلنا عرب ولكن كلن له عاداته وتقاليده وكلن يحب بلده وبنات بلده تفهم له وتعرف طباعه بنت بلده
0 تصويتات
بواسطة
استخيري والله اعلم تجي الموافقه اولا لان مشددين للسعودي في اخذ غير سعوديه الا ل اسباب او لو عنده واسطه ممكن والله يكتب لك الخير طبعا في ميزات حلوة من النواحي الماديه لكن مدري تتحملي غربه او لا اوممكن يعجبك الوضع وتولفي انتي ادرى بنفسك وبالتوفيق
0 تصويتات
بواسطة
لاتوافقين وين عقلك الله يهديك لاتتزوجين إلا من بلدك او خليجي لأن العادات غير والاطباع وبعدين المستوى المادي غير حتى لو كان مستواهم المادي متوسط بالنسبه للخليج بيكون ضعيف وبتتبهدلين وبتندمين أشد الندم حياتهم صعبه وغير هذا أولادك بيكونون غير جنسيتك وبتتعبين وبتعبينهم معاك نصيحة لك تقعدين بدون زواج افضل من تتزوجين من غير جنسيتك او خليجي فقط لاغير حياتهم قاسية بمعنى الكلمة بالنسبة للخليجيه تعوذي من الشيطان وقري في بلدك وانتظري نصيبك الله يهديك
0 تصويتات
بواسطة
اذا ابن حلال وطيب وقادر يفتح بيت وعيشك عيشه كريمه ويقدر عشرتك  توكلي على الله والله يابعض اخوانا العرب اطيب من اخوانا اللي من لحمنا ودمنا ... والله واكبر يعني يا السعودي اللي حياته جنه ماهو فيه كذا وفيه كذا فيه اللي يهتيك وفيه اللي يخليك تتمنين الموت علشان ماتشوفين وجهه
0 تصويتات
بواسطة
لأ ياعمري لاتوافقين أبدا  لأن أطفالك راح يتبعون جنسية أبوهم يعني مصريين وعدا عن كذا وين تروحي تبعدين عن بلدك بالله وديرتك وأهلك وناسك !!؟ .. ماتدرين كيف أخلاقه وكيف معدنه  ياخوفي لو رحتي معاه صدقيني ممكن يذلك ويتحكم فيك لأنك خلاص بعيدة عن أهلك ووطنك إللي هم سندك وعزوتك من بعد الله
0 تصويتات
بواسطة
اولادك حيكونو ابناء مواطنة ادخلي قوقل ما حيقصر معاك شوفي ايش الامتيازات والسلبيات والايجابيات كتير متزوجين حولي غير سعوديين وحياتهم ماشية الحمد لله
0 تصويتات
بواسطة
فكري بعيالكك ترى بيكون ابوهم اجنبي بيعاملونهم معاملة الاجنبي مدارس ومستشفى وكل شي وانتي بعد لو عشتي هناكك بيكون كل شي مختلف عليكك مو مثل السعوديه مرفهه المستشفيات بلاش المدارس بلاش يعني فكري للمدى البعيد
0 تصويتات
بواسطة
مصير عيالك ومصيرك انتي راح تكوني بعيده عن اهلك ممكن تمر سنه ماتشوفيهم المصريين كويسين لكن هل تقدري انتي تعيشي بعيدة عن اهلك ؟!هل راح تتحملي الحياة برى السعوديه
0 تصويتات
بواسطة
احنا ما نعرف ظروفك بس من وجهة نظري شوفي الشخص كويس اخلاقا وماديا كيف وضعه وانصحك تعيشين بالسعودية طبعا واولادك  يعتبرون ابناء مواطنة يعاملون معاملة السعودي في التعليم والوظايف واستخيري وانتبهي لكل العلامات بعد الاستخارة
0 تصويتات
بواسطة
استخيري و اللي فيه الخير الله يكتبه و الحين القوانين تحسنت و اللي امهاتهم سعوديات يقدرون يأخذون سكن حكومي و الامور سهالات مو زي زمان و عيالك بتكون معهم جنسية مصرية و مصر بتوفر لهم اكيد ميزات بس الله اعلم بقوانينهم و اذا بتقيمين هنا افضل لكم بالذات السنتين الاولى لانها اكثر سنتين مليانة مشاكل و اهم شيء انكم تسألون اكثر عنه بيئتهم غير و عندهم خمر و غيره فتأكدوا و اسألوا و ابحثوا عن ديانته و مذهبه و خلوا فترة الملكة طويلة و يروحوا العائلتين سوا و تتعارفوا
0 تصويتات
بواسطة
لاتخلين عيالك ينكسرون  وينكسحون  بس فكري ب المستقبل حقك انتي وعيالك لأنك يمين ب الله من اول اسبوع راح تندمين ندم شديد
0 تصويتات
بواسطة
الان اقول للي يتقدم لها خارج مدينتها لاتاخذين الا بمنطقتك وانتي رايحه لأجنبي خارج الدوله مره ترى صعب الوالدين والاهل والاخوان وغير اختلاف الجنسية والتنمر اللي ممكن يواجهونه
0 تصويتات
بواسطة
فكري ألف مرة قبل توافقين على شخص مو من جنسيتك لانه بيكونوا عيالك من جنسية الاب وهو الاحق فيهم في حال لاسمح الله انفصلتوا وفي حال استمرار زواجكم وحبيتي تسكنوا في بلدك بيكون وضعكم صعب من غير تجديد الاقامات وممكن يصير معه مشكلة ويترحل يعني بيكون وضعك غير مستقر بما انه شخص غريب عنكم ولاتعرفونهم لاتخاطرين الحين القريب او اللي من بلدك تخافين منه كيف غريب وغير جنسيتك الا اذا كنتي مصره اقرأي بقوانين البلد في حال الزواج بأجنبي واستخيري وبالتوفيق يارب

استفسارات متعلقة

...