لون المنطقة الحساسة وتأثيرها على العلاقة

Question

انا بتزوج قريب و خايفه ومرعوبه من ليلة الزواج وافكر فعلا افركش كل شيء انا المنطقة عندي سودا ولونها اغمق من لون جسمي وأخاف زوجي ينصدم هل اصارحه قبل الزواج ولا اسكت ولا افرکش وهل هالشيء يأثر في علاقتنا ؟ وحبنا لبعض ولا فيه شيء اقدر اسويه عشان ما يلاحظ ارید تجارب البنات بس ارجوكم دون خلطات

Answer 1

اولا الف مبروك والله يسعدكم ،لاتقلقي ولاتخافي، كلا الجنسين  الاغلبيه كذا تكون منطقة اغمق من لون الجسم ، اهم شي نظافة المنطقة وتجفيفها دايما بعد الغسل، واستعمال معطرات أمنه طبيا ، وغسول للمنطقه بس مو دايم ، وخذ مناديل مسك من الصيدليه خاصه للمنطقه حساسه

Answer 2

حبيبتي كلنا نمر بالخوف ذا وبالنهايه بتصير ذكرى وبتضحكين عليها بعدين بس بخصوص المنطقه طبيعي جدا انها تصير اغمق من الجسم بس انتي اهتمي فيها سكراب وترطيب وعيشي حياتك اهم شي عند الرجل المنطقه تكون نظيفه وقليل يهتم باللون والرجال برضو نفس الشي وتلقينه مايهتم اصلا باللون اهم شي انتي تكوني نظيفه وريحتك حلوه والمنطقه نظيفه والله يوفقك يارب

Answer 3

انا بقولك شي العلاج البنات ماحيقصروا بس معلومه حطيها ببالك اي عيب تشوفيه في شكلك احتفظي فيه لنفسك وعدليه لانك لو تكلمتي صدقيني لو مو منتبه بتفتحي عيونه


 نمره اثنين خليك واثقه بشكلك لو مهما صار ولو حتى عيب عليك وقالك شي اجحديه قولي ابببببد وامدحي نفسك مرك اثنين وعشر وصدقيني مابيشوف الا الشي البتزرعيه فيه من كلامك خلاص عقله الباطن خزن الكلام والوصف الوصفتيه انتي لنفسك مع التكرار هذا انا اقوله لك من تجربه مو تجربتي انا الشخصيه لالا تجربه وحده كانت تجحد عيوبها وتمدح نفسها وسبحان الله صرنا نشوفها على نفس الشي الي تمدح فيه وصرنا نشوفها نفس الشخصيه الي تشبه نفسها فيها واول نضحك لمن تقول انا اشبه الممثله الفلانيه وقيسي على ذلك

Answer 4

دكتور محمد العليان طرح موضوع مخاوف قبل الزواج. وكان اكثرها اسمرار المنطقة. وبعد الردود اكتشفنا ان الموضوع طبيعي جدا جدا. حتى ان شباب ردوا على هذا الموضوع وقالوا ان هذا طبيعي ولا يفكرون فيه اصلا الموضوع موثق في سناب الدكتور للي حابة تتعرف اكثر وتستفيد اكثر بالنهاية النظافة والاهتمام هي الاهم

Answer 5

انتي خليك واثقه من نفسك وهذا ترى امر طبيعي في اغلب النساء يمكن الموضوع مايشكل عنده مشكله وتروحين تفتحين عيونه على موضوع تافهه انتي حاولي تستخدمين خلطات وتعتنين بها بس حكايه انه تبينها موحده مع جسمك هذي تكون في ناس قليله جيناتهم كذا بس اغلب واكثريه الحريم المنطقه اغمق من باقي الجسم

Answer 6

عشان تشيلي رعب اول ليليه تناقشي فيها مع زوجك و خططوا اش ببالكم مثلا عشاء ولا جلسه رايقه المهم تكون في افكار مشتركه ، ثاني شي ترى ما حيصير شي لو مو مرتاحين لبعض فا اهم شي تكوني متطمنه و اذا على اللون ترى الرجال لونهم اغمق فلا تركزي على اللون و اهم شي الحب الي بينكم يشجعكم تنسجموا وتتفاهموا وممكن تتفقي مع زوجك تأجلوا ليلة الدخله لما تكوني مستعده وصدقيني اذا يبيك بيسمع منك ويسايرك

Answer 7

طبيعي اصلا ان المنطقة الخاصة تكون اغمق من باقي الجسم .. العلاقة جمالها هو انه تتفاعلين معه و تكون الرغبة بين الاثنين مو على لون ابد و الاهم نظافة الجسم و الريحة الحلوة و النعومة و اللبس الحلو و الباقي متاكده انه بيموت عليك و يحبك .. بعدين هذا مو عيب لا تفكرين بكل شي وانه يكون كامل بعض الاشياء حلوه بعيوبها .. و خلك واثقه من نفسك ترا اللي بيشوفه عو اللي يطلع منك له لازم الثقة و اسكتي عن كل شي تشيفينه عيب لانه ممكن ما انتبه له و انتي فتحتي عيونه عليه او حسستيه انه شي مضايقك انتبهي خلك بعين نفسك حلوة وواثقه .. والله يوفقك و يتمم لك على خير

Answer 8

أول شي ربي يوفقك ويسعدك في حياتك الجديدة ويارب تعيشين في هنا وتوافيق  وراحة بال
ثاني شي خلك واثقة من نفسك وحبي نفسك ولا تركزين على هالشي خلك على طبيعتك وحبيها وتقبليها
ثالث شي تذكري هذي طبيعة تركيبة الشرق الأوسط أو أهل قارة آسيا مهما وصلت من جمال وبياض إلا سبحان الله هالمنطقة هذا طبيعتها أغمق عن باقي مناطق الجسم فأنتي مافيك عيب تطمني
خامس شي عليك تعيشين فرحتك ولحظاتك ولاتضيعينها علشان نقطة يمكن حتى خطيبك مايخطر على باله ولا مفكر ويمكن أنتي تنبهينه
وتحسسينه عيب بعدها ياخذ هذي النقطة ضدك فأنتبهي
سادس شي عليك تهتمين بتغذية جسمك والرياضة والعناية وسوي جدول أمشي عليه جدا يفرق وما يمنع تتوجهين لأخصائية جلدية إذا يحتاج الأمر
وعليك بالعناية والنظافة وبس
ربي يوفقك ويبارك لك قي حياتك الجديدة وتعيشين في هنا ونعيييم

Answer 9

حبيبتي اسمعي عادي هالمنطقه تكون اغمق من لونك الطبيعي لان هذي طبيعتها جلد رقيق وفرط تصبغ اذا عندك فلوس روحي لعيادات التجميل كم جلسه وتصير تمام وترتاحي اذا هالشي اللي مأرقك ..

Answer 10

طبيعي المنطقه تكون اغمق من الجسم !!! اهم شي تكون منطقه نظيفه .. واهم شي زوجك وانتي تستمعون مع بعض لان هالمكان بالذات احساس اكثر من شكل ..خلي عندك ثقه في جسمك ونفسك ولاااا تقولين لزوجك ابدا ابدا ابدا عن اي شي مايعجبك في جسمك حتى لو متزوجين من ٣ سنه  بالعكس لو انتقد شي قولي باستغراب بالعكس كذا احلى وكذا الناس يتمنون اهم شي وصلي لزوجك انك مافي زيك وتوكلي على الله واستعدي ليله زواجك وتكون احلى ليله

Answer 11

في الغالب المنطقه تكون اغمق من لون الجسم بدرجه او درجات وشي طبيعي لانها منطقه مكتومه فلذا لازم تجفيف وترطيب وتهويه مع عنايه شخصيه .. اهم شي النظافه مو شرط اللون مو من بياض الي معه ياحياتي .. اعتني بنفسك وكوني شرحة صدر مع جسمك وصدقيني يعطيك الله اللي تتحملينه وتحبيه لا يكلف الله نفس فوق طاقتها يعني هذا الموضوع لا يشغلك لانه ولا شي ❤️

Answer 12

عمرك لاتنبهينه بشي بجسمك لو كان شي صغير الرجال ينفتن بالسمع قبل النظر حبي نفسك واثني ع نفسك وجسمك وشخصيتك قبل يشوفك ماقول اكذبي لا انتبهي شي فيك غرقيه مدح لنفسك ولو علق اعرفي وش تردين

Answer 13

يابنت الحلال وشفيك انبسطي واستانسي في كريم عند الصيدليه اسمه اليكا ام سعره بعشرين ريال حطيه قبل تنومين واذا صحيتي غسلي وربي خلال اسبوع بيفرق معك الون وحلو وامان حتى كم دكتوره كتبته لي.

Answer 14

الليزر يفتحها كثييير سوي ليزر حتى لو تشتري ليزر منزلي مو شرط عيادة، و نشفي اهم شي بمناديل بعد الحمام ورطبي المنطقه بكريم طبي زي كيو في وسويلها سكرب خفيييف زي سكر وزيت زيتون ❤️

Answer 15

ترا هذا جدا طبيعي ليش تفكرشين والرجال مايهتم باللون اهم شي النظافه ياقلبي ليش اتحسبون عندهم المنطقه ناصعة البياض ترا حتى هم في الغامق وفي الي لون طبيعي ولاتفكرين وايد بهاي الامور اهم شي النظافه وسعادتج والله يتمملج ع خير يارب وربي يسعدكم ويفرحكم

Answer 16

انتبهي انتبهي تقولين له اهتمي بها من دون ما تقولين و ثقفي نفسك عن العلاقة الخاصه بينكم اقرب و تابعي حسابات تفيدك عن العلاقة

Answer 17

هلا ياقلبي ؛ الموضوع مش ذاك الاهمية انك تفركشي زواجك علشانه ؛ هذي بس هواجيس وبعد الزواج بتروح وماله داعي المحاتاة ؛ وشي طبيعي جدا تكون المنطقة هذي اغمق من غيرها ؛ ولكن حطي خلطات طبيعية ممكن تخفف اللون الغامق مثل النشأ مع الفازلين او اي شي يناسب بشرتك، وعيشي حياتك ولا تقوليله شي ولا تنكدي فرحتك

Answer 18

عادي ترا تصير المنطقه غامقه عندك ، عشان تفتح عندك المنطقه خليها تتهوى البسي قصير بغرفتك وخلي المنطقه تتهوى واذا استخدمتي دورة المياه جففي المنطقه ولاتلبسين ملابس داخليه ضيقه اهمممم شييي تتهوى المنطقه وبتدعين لي

Answer 19

طبيعي مارح تكون نفس لون جسمك لكن روحي دكتوره شاطره على الاقل تعطيك شي يخفف لك ممكن يكون التهاب وعليك بالملابس القطنيه ميه بالميه وتجفيف المنطقه من الماء ورطوبه اهم شي شوفي لك دكتوه عيادات خاصه

Answer 20

استخدمي زيت اللوز الحلو بيفتحها لك . او روحي عياده سوي ليزر تفتيح مناطق حساسه . الموضوع عادي ليش تقلقي؟ اهم شي نعومه و نظافه .  و الرجال كثير يعرفو ان السمار شي طبيعي حتى الرجال حقه مسمر و اسود

Answer 21

كل بنات حواء كذا استخدمي فازلين وزيت لوز مر وزيت خروع بتلقين طريقتها باليوتوب لدكتور اعشاب اكتبي تفتيح المناطق الحساسه تطلع لك اسم قناته مجربات زمان بس استمري اسبوع وراح تدعين لي عليها

Answer 22

ترا هم بعد سوداء يابنت الحلال محد مركز ابتدي قشري ورطبي ورطبي ورطبي وبيخف واصلا هي طبيعي تكون اغمق من الجسم ريحي راسك والله تضحكين على نفسك بعد الزواج من هالسؤال ارتاحي وريحي مخك مامن جديد

Answer 23

زيت اللوز حلو رطبي فيه و استخدمي اشياء طبيعيه بتنعم و تفتح .  و اذا تبي سوي ليزر تفتيح مناطق حساسه يفتحها

Answer 24

لا تتكلمين ولا شي كل نساء العالم هذيك المنطقه اغمق حتى لو بدرجة عن باقي الجسم ثانياً بيكون اهتمامه بشي اهم من لونك صدقيني اهم شي كوني واثقه من نفسك

Answer 25

اختي الافضل انج تثقين في نفسج ما في داعي انج تفركشين لهذا السبب ما اشوفه صراحه سبب مقنع لانه اذا مو هالزوج رح يكون ثاني ولا انتي تفكرين تبقين عانس عشان سبب مثل هذا؟ ولانج انتي مركزه كثير في هالموضوع عليج فقط انج تهتمين بالنظافه و ريحتج و هو ما رح يلاحظ الا لما انتي تنبهينه اساسا وتوكلي على الله محد كامل وكامل الله وربي يتمم لج على خير يا رب العالمين

Answer 26

شدعوه اصلن اللون طبيعي يكون اغمق من لون بشرتك لكن اذا تبين ممكن تستخدمين مقشر للمنطقه وتستخدمين زيت الورد بقطنه ومع الوفت يفتح اللون بس هم بعد ابداً ابداً لا تستحين ولا تخافين ولاحتى تصارحينه ولازم تحسسينه بثقتك وتحسسينه انو اللون طبيعي

Answer 27

اسكتي وش الي تصارحينه مايدري ولا بيشوف الا اذا تكلمتي. ادخلي العش والثقه مليون ولا يهمك اصلا مافيه احد المنطقه عنده نفس لون الجسم كل الناس عندهم غامقه. وبالنسبه للخوف مافيه شي يخوف بتصير ذكريات حلوه الليله وخوفها

Answer 28

لاتخافين ماتهمهم هالامور اهم ماعليه الرجال الجسم والنظاافه والاسلوب والانسان موب كامل دايم ناقص والي مايبيك بيدور اي عذر

Answer 29

طبيعي المنطقه ذي اغمق من باقي الجسم وترى مابيهتم لها كثير انتي لان تفكري بذا الموضوع والا هو مايهمه اللون

Answer 30

اولا مبروك مسبقا ..
ثانيا حسب تجربتي لون المنطقة الحساسة ليس مهما بالنسبة لي ..
ما يهمني الدورية من ازالة الشعر و الراءحة العطرة ..
اقولك اللون سواء اسود او كتى وردي كلهم نفس الطعم و حياتك هههه