خطيبي وغيرته علي

Question

السلام عليكم بعرض لكم سالفتي وعطوني رايكم فيها بنات انا ملكت قبل كم شهر والحين واضح لي انه زوجي غيور مرا واكثر شي من ناحية لبسي الفساتين القصيره والضيقه والعلاق اذا شافني لابستها ف بيت اهلي يزعل بس يحاول مايبين واحيان يقولي لاتلبسين كذا العلم بنات فساتيني الي ف البيت من تحت الركبه والله ووضح لي انه امه ماتحب بناتها يلبسون قصير واحس اني مرا منحرجه لو بعد الزواج هل بيتطور الوضع او ايش اسوي معاه خصوصا انه احنا تونا ف البدايه شاوروا علي وسواقة السياره قال ف البدايه بيعلمني بعدين قال للحاجه مرا بس ومارح اعلمك كثير ولا راح تسوقين لحالك

Answer 1

خليك مع زوجك دامه طيب معك وتركي عنك الخرابيط هذه اذا لقت البنت زوج كفو ومايقصر معها لاتخرب بيتها عشان سواقه ولبس وخرابيط الزوج اللي مايغار على زوجته مافيه خير الغيره هي من الرجوله انه يغار عليك بس مايقصر عليك في طلباتك في طلعاتك في مصروفك في اهتمامه لك

Answer 2

ماشاءالله يمكن انه غيور ومتربي على الحشمه فلاتخلين الشيطان يلعب عليك احترمي رغبته والبسي لبس طويل اذا صار موجود وبعدين في بيتك اذا ماكانوا اهله موجودين البسي الي يعجبك والسواقه مافيها شي اذا خلاها بوقت معين فصدقيني انتي الكسبانه هو يصير يوديك ويجيبك اذا قلت لا ولزمتي راح تتعبين لو احتجتي مشوار مهم وكان الوقت ضيق او المكان بعيد او اي مشكله راح يحملك مسؤلية قرارك فخليك مرتاحه وهو يوديك ويجيبك ليش تشقين نفسك والله مريح عليك صدقيني الكفو هو الي يقوم باامور اهله الله يوفقك

Answer 3

الواضح انكم من بيئتين مختلفتين مره  الافضل تجلسين معه وتتكلمين بوضوح وتحطين النقط على الحروف هل بيمنعك من هاللبس مستقبلا طيب هل انتي عندك استعداد  تجارينه وتمشين معه على مايبغى  لاحظي انه مو لبس وبس لا بكره يمتد الامر لعيالك / اما السواقه ليه ماتتعلمين عند اهلك وتطلعين الرخصه ليه تنتظرين  الزوج هو يسوي لك كل شي !!! لو انك تسوقين عند اهلك كان مايحق له يمنعك خاطبك وهو عارف لكن هو ارتبط فيك وانتي ماتسوقين فاكيد بيتدخل

Answer 4

اللبس راجعي نفسك واذا انتي مقتنعه انك صح هو مو لازم يقتنع لان بالواقع هو الصح حاولي تلقين حل غير انك تقنعينه انه شي عادي لانه ابد مو عادي..ولاهله عالاقل بالبداية اعرفي حدودهم ومن الاحترام تلبسين لهم اللبس الي يناسب المكان والزمان السيارة يفترض طالما عندك نية تتعلمين تعلمتي ببيت اهلك قبل تنخطبين لان مو منطقي شوي توك متزوجة وتقولين ابي اتعلم اسوق وابي اخذ راحتي وكذا من وجهة نظري لاني اعرف معنى سواقة الزوجة اخ بس لو الزمن يرجع استمتعي باللحظات ومصيرك بالاخير بتسوقين اذا احتجتي حتى الي كانوا رافضين السواقه صاروا داعمين لسواقة زوجاتهم

Answer 5

فيه فرق بين الستر والاحتشام والغيرة هو ينهاك عن أشياء ماتجوز حتى لو ببيت هلك لبس القصير والعلاق والضيق مايجوز عند أخوانك وحتى إذا تزوجتيه ماتلبسينهن عند خواته وأهله فقط عند زوجك ..والسواقة صادق عند الضرورة ..هذا زواج إذا ماإنت مقتنعة من البداية اتركيه وإذا تتحملين فهو زوج صالح وعائلة تحب الاحتشام ..

Answer 6

ما اعتقد فيه احد بيعيش حياتك من الكومنتات، هذي حياتك انتي ، اذا انتي مو مرتاحه وتحسين هذي الصفات بكره بتقيّدك و ماراح تتقبلينها فمن الان خذي قرار لكن لو تحسين انك بتتعايشين معاها و ماراح تسبب لك معيقات معناها مافيه مشكله

Answer 7

لما تكوني انتي وهو البسي اللي تبغيه ماراح يرفض ولما تكوني عند اهلك او اهله البسي لبس محتشم هذا صحيح

Answer 8

شوفي الشي اللي يرضي الله.. الحشمه في اللبس  دليل  علي الرقي .. اما التعري والقصير تظهر الوحده فيه  مالها قيمه واكثر من يتعرض للمس والشيطان اللي تتعرى . زوجك على حق احمدي ربك يازين الزوج اللي يغار دليل علي محبته لك

Answer 9

ماادري ليش مكبره موضوع .. السواقه تعلميها لكن لا تسوقين الا للضروره من ناحيه اللبس اذا يغار ع قولك احترمي قراره لعلمك ترى ماعاد فيه رجال يغارون  اذا عندك اخوان بالبيت ليش القصير والضيق !؟ اذا رحتي لبيت زوجك بيت مستقل فيه لحالك سوي اللي تبين انتي حره ام زوجك مالها علاقه بلبسك الا اذا بتسكين معها

Answer 10

الحياة مشاركه مايصير يجبرج على شي انتي ماتبينه من البدايه خلي شخصيتج قويه لكن باحترام في امور يحق له انه يمنعج عنها لكن لازم يجيب السبب هل هو عدم ثقه مثلًا وعلى لبسج اذا معاه بملحقكم كيفج تلبسين الي تبينه لكن اذا انتو عندكم غرفه بس ومعاكم ناس وايد بالبيت وعندهم عادات وتقاليد ف ملزومه تلبسين حسب تقاليدهم

Answer 11

انتي لسه على البر ، اجلسي معاه وتفاهمي على كل شي محيرك وحاولوا توصلوا لحل وسط يرضي جميع الأطراف

Answer 12

مافيه احد خالي عيوب وهذي حاجات عادية  وطلبات بسيطه جدا  مافية مشكله اصلا وش نشور عليك نقولك اتركيه مثلا  واستني يجيك رجال خالي من العيوب مفصل تفصيل امسكي مجنونك لايجيك اجن منه

Answer 13

دوري رضا الله ثم رضا زوجك صدقيني فـِـيْ مصلحتك وبعض الالبسة ماترضي الله

Answer 14

اسمعي كلامه فالشي الصح الي يرضي الله ويرضي زوجك ثاني شي مايجوز اللبس الضيق والقصير الا عند زوجك اشوف من حقه يغار عليك ومبين عليه انسان مدين ويخاف ربه وشاريك وبس

Answer 15

كل بيت وله قوانينه حلو انه علمك كل شي اذا تقدرين تغيرين من نفسك كملي معه ولا انفصلي لا تظلمين الرجال معك

Answer 16

عادي مااحس قال شيء وسواقه السياره عادي لاتسوقين بس يوديك مشاويرك اذا بغيتي عادي انبسطي يغار عليك وعادي اشتري قصير والبسيه بشقتك وعند اهله البسي نفسهم علشان ماتصيرين منبوذه من بينهم قصير وهم واصلا مايلبسون كذا واصلا معروف بيت الحموله نلبس ساتر .

Answer 17

صح كلامه مايجوز تلبسيها قدام اخوانك من حقه بزعل لا سيطرة ولا شي وبالنسبة لما يقولك امي معناه يحاول يفهمك تربيتهم وعادي البسي في بيتك الي تبغيه لما تروحي عند اهله احتشمي ترا ماطلب شي صعب بس انتو تحبوا تكبروا المواضيع

Answer 18

المشكله باللي فاهمين ان التطور هو التفصخ  ترى لا البنت زينتها حشمتها وهذا رجل اصلا في الشرع مايجوز تلبسي كذا عن اخوانك ويااختي السواقه اذا عندك رجل بمعنى الكلمه قايم بزوجته وبيته مالك حاجه فيها تعلميها لضروره اعرف اللي ساقن متزوجات رجالهن سحبوا على كل شي هي تاخذ العيال للمدارس وتجيبهم وهي اللي تجيب اغراض البيت وتاخذ التعبان منهم للمستشفى وحتى انبوبة الغاز تعبيها تقول ليتني ماتعلمت احمدي ربك انه رجل ترى سواقة المره ضروره مو استعراض ووشوفوني والله ان السواقه خطره وياما ارواح راحت بسببها رجال بشوارب خسروا حياتهم وحنا الحريم والله اي شي ممكن يربكنا ونجيب العيد

Answer 19

الحياة الزوجية حياة مشتركة بين اثنين مايسيطر شخص على الآخر بالنسبة للبس انتي قيّمي نفسك هل تشوفين فعلاً لبسك كاشف ولا مستور؟ من الناحية الدينية هل مقبول او لا ؟ اذا كان كل الاجابات ايه او كان لا لكن انتي متعودة على هذا الستايل ولا حاب تغيرنه علشان احد تناقشي معه وخليك صارمة وقولي هذا انا ماراح اتغير كل بيت يختلف عن الآخر بتربيته ولهم نمط معين في اللبس ونحترم حدود كل شخص ، الغيرة حلوة بين الزوجين لكن المبالغة بتكون غيرة مرضية وتذكري ان البدايات مهم جداً اي تنازل بيتبعه تنازل اكبر منه في حال اي تصرف مايعجبك تناقشي مع زوجك من غير هواش او رفعة صوت او خضوع ورجاء لكسب رضاه

Answer 20

فهميه انك بتلبسي كذا في شقتك وهذا الصح احترمي رغبة أمه لما تزورينهم وبتكبري في عينهم هو خايف بكون لبسك كذا على طول مين بهمك يشوفك بهالشكل الحلو أكيد زوجك اول واحد ماجات على اللبس يابنتي الأناقة مش محصورة في اللبس الكاشف

Answer 21

اول شي حرام تلبسي علاقي وقصير وتظهري عورتك أو ساقك أو صدرك  ولو عند النساء، فلابد نتقي الله سبحانه ونراعي ضوابط اللبس التي ترضى رب العالمين وفق القران والسنه، وزوجك رجل ونسول عنك امام الله سبحانه، وليس لانه غيور يقول لك لا تلبسي عرياني! لان العرياني، القصير، العلاقي فقط يكون عند الزوج، و للأسف  كثير نساء يتساهلون في لبس القصير بين بعضهن البعض، ولا يعلمون ان الله حرم هذا الأمر، والرسول عليه الصلاة والسلام ذكر صنف من النساء لا يجدن رائحة الجنة كاسيات عاريات نسال الله السلامه والعفو والعافيه في الدنيا والآخرة

Answer 22

طيب صادق ليش تلبسين عند اهلك جمالك وسترك هو ازين شي عند زوجك تفصخي مراح يقول شي بس عند العالم تلبسين اشياء فيها بعض العري اكيد بيقول لا

Answer 23

شوفي بالنسبه للبسك هذا الشي المفروض تفرحين فيه الرجال عنده غيره وما يبيك تلبسين قصير وعلاق قدام اخوانك وهذا الصح ترى مايجوز تلبسين كذا عندهم وشكله ما يبيك بعدين تلبسين كذا عند أهله ... الشي الثاني انتي تكلمي معه وقولي له شروطك واذا ما رضى فيها قولي له مع السلامه ترى هذا زواج يعني عشرة عمر مو يوم والا شهور وتقولين طلقني قولي كل اللي بخاطرك قبل لا ترتبطين فيه وبعدها تقولين ياليتني ما تسرعت

Answer 24

دام واضح كل شي استخيري مرا ثانية كل شي عندك عادي هل ممكن تتعايشين انك مارح تسويها بالمستقبل ؟ استخيري استخيري وفكررييي ترا زواج ذا

Answer 25

على موضوع السواقه ليش ماتعلمتي وانتي عند اهلك يعني بجد ماتعلمتي ولا طلعتي رخصه وتوك تبينه هو الي يعلمك طبيعي يرفض لكن لو من زمان متعلمه ومتمكنه ومعك سياره خلاص طبيعي بيثق بسواقتك وبيوافق

Answer 26

انا برايي زوجك من حقه يغار عليك وينصحك في اللبس وللمعلوميه لبس المراه حتى امام محارمها له حدود وامام النساء له حدود يحعي لين نصف الساعد او ارفع شوي لاباس ولين نص الساق  اما تلبس عاري او بيجامه مشحطه وتقول امام ابوي واخواني فهذا مايجوز

Answer 27

ليش تلبسي علاق حتي عند محارم مش مناسب وليش قصير تحت الركبه هو ما طلب منك الا الستر والعفه مافيه احسن منها اذا انتي تبغي تتعري وزوجك مو عاجبه فانا اري ان حياتك معاه بنتهي ياما تسمعي كلامه والا تخالفيه وبيطلق