ملكت على وحده واشعر بالنفور بسبب رائحتها ! رائحتها كريهه جدا

Question

مشكلتي ملكة على بنت ارتحت لها مره في الشوفه ويوم الشبكة وقت التصوير شميت فيها رائحة مقززه مره عدم نظافة وترويش والموضوع هذا شاغل بالي كل يوم وما صارحتها فيه صراحة انصدمت واستغربت هذا الشيء وانا احبها لكن بنفس الوقت اتذكر اللي صار واحس بنفور ابغى شوركم افسخ الملكة ولا اكمل  ؟!

Answer 1

يمكن عليها الدوره وهذا شي طبيعي لانها ماتقدر  تتسبح

Answer 2

يمكن من تجهيزات الملكة و الربكة نست تحط مزيل عرق. يمكن من التوتر و الخوف عرقت كثير. يمكن الصالون و الاستوديو كان التكييف زفت و عرقت و تعبت.. ممكن طلعت من الصبح عشان تجهيز الملكة و حطت ديودرنت و خف تأثيره.. ممكن احد سلم عليها و ريحته علقت فيها

Answer 3

بس في يوم زي هذا اكيد 100% نظيفه مستحيل يعدي من غير نظافه بس يمكن عطر سيئ او سلمت ع احد وطبعت الريحه فيها او بسرعه جابت فستانها من الخياط تعديل او شي ومع الزحمه والخربطه والدوشه نست تغسله او مافي وقت تغسله وماركزت بالريحه ، مو كل شي طلاق بكره تقول ما طبخت بطلق شفيك انت!!

Answer 4

يوم الشبكه مليون بالميه بتكون متجهزه ومتنظفه فاكيد الريحه من شي ثاني او علقت فيها او في فستانها ، او المسكينه من الارتباك والحوسه عرفت كثير وناسيه تحط مزيل عرق او اي شي ثاني

Answer 5

أعلم بأن البعض قد "يطقطق" على مثل هالمشاكل ولكن من المهم والضروري من كلا الطرفين الاهتمام بالنظافة بداية من رائحة الفم وجميع المناطق الحساسة

في حال اهمال أحدى الطرفين سينفر منه الآخر وقد لا يطيق العلاقة معه وتصبح تأدية حقوق شرعية لا اكثر ودون متعة

لا تخفي مثل هذه الأمور وصارحها

Answer 6

ليه مكبر المسألة
...
كن صريح اجلس معاها ثاني مره

ويمكن الريحه من المعدة ما أكلت شي من الخوف
وربما هي مصابه  بخوف شديد واصيبت بتعرق رائحته قويه.
واخيرا..يمكن بدايه حسد....من شخص.

Answer 7

اتوقع السبب الفستان اذا كان منفوش وجاهز من السوق ماتقدر تغسله ويكون قاسوه قبلها مليون بنت لافين السوق ومعرقين ، كثير نشم هالروايح في الزواجات حتى العطر مايخفيها ، لذلك احسن النية وزورها بوقت ثاني وقرر .

Answer 8

يمكن انها ريحتك بس لخبطت
البنت في يوم زي كذا تكون مهتمه
الا اذا فيه حاله مريضه او عذر خارج عن ارادتها
بس اذا بتطلق عشان كذا فمن الحين قبل تحسب عليها زواجه على الفاضي

Answer 9

ممكن ريحه العذر كأن عندها عذر
ما تحط براسك
المهم ان الريحه كانت مرة وخلاص ما دايمه معاها
لا تظلمها

Answer 10

افسخ الملكة.
أعرف اثنين طلقوا بعد أسبوع من الزواج والسبب رائحة الزوجة.
للعلم، اثنينهم كانوا راغبين في زوجاتهم وحالوا ما يطلقون.
ولكن الرائحة مثل الإشعاع، وتضرب في المخ بقوة وتخرب كل الحواس وتطغى عليها.

Answer 11

كل هذا المشاعر من زلة وقعت بها زوجتك ،، كلنا نعلم ان يوم الشبكة يوم مميز يبدأ مبكرا وتتجهز له الفتاة بالزينة والنظافة وتكثر فيه الحركة ويصاحبها تعرق وتعب ...
الم تلتمس لها الاسباب ،، انت سمحت لافكارك السيئة بالازدياد والتعمق والتثبيت
تعوذ من الشيطان وامامك فترة لتتاكد من الامر

Answer 12

يارجل استح على وجهك شوي، هذي صارت زوجتك وتحبها ومتقبلها، تطلقها عشانها كانت عرقانه بالملكه! هو العالم صاير الطلاق عندها شربة مويه ليه؟ اذا فيها عيب واحد أكيد عندها الف ميزه، وبكره بتشوف أمور أعظم ياسفيه، إذا تكرر منها الموقف قول لها. وياليت العيوب توقف على كذا.

Answer 13

ترى مو عيب تنبها من الحين تقول لها أنا ماأحب الثوم ولاالبهارات والخ لأنه يطلع رائحه سيئه بالجسم
وأحب إذا تروشتي تعطرين جسمك وتبخرينه وأحب ريحة البخور بالشعر
مثلا عطتها أمثلة شي تحبه
وبعد أسبوع قول لها بزورك إذا ماشميت ريحة حلوه منها أسحب نفسك

Answer 14

يوم الشوفة تتوقع البنت بتقابلك وهي حتى ع الاقل ما استحمت ولا تعطرت

يمكن ما عجبتك ريحة العطر
ولكن حتما انت فاهم غلط والريحة مو من البنت

Answer 15

ما اصدق ... يمكن العطر ريحته خايسه ... او انت مخربط في شي غلط ... عروس اكيد انها باحلى صورة واحلى نظافه .. انا شاكه فيك لانه مو عذر تطلق الريحه مو لازقه فيها ..

Answer 16

النظافه شي مره مهم اكيد ، بس ما تدري ممكن وقتها كانت ما تقدر تتروش او شي مدري فيه الف عذر للشخص غير عن كذا احس اذا حاب الشخص مره تقدر تغير هالشي فيه

Answer 17

اكيد معها التهابات شديده لانها هي اللي تطلع ريحه حتى لو الانسان منتظف الريحه تغطي اذا قدرت توديها مستشفى نساء وولاده لان لازم لازم تتعالج ولا الوضع بيصير ازمه لكم اثنينكم اعرف وحده من شدتها تقول حتى خواتي محد يقدر يجلس جنبي وتعالجت والحمدلله راحت

Answer 18

عادي احجز لها في مركز عناية والباقة الذهبية،
واذا في مشاكل عندها باللثه ورائحة الإسنان برضو بطريقة حلوه قول سويت لك مفاجأة،

تروح تضبط نفسها ع حسابك إلحين ولا بعدين وخلاص واستمتع يا برنس

Answer 19

النظافة مطلوبه و خاصة في العلاقات الحميمه و بين الزوجين
لكن لا تعالج الغلط بغلط الا وهو انسحابك بسببها
يا اخي صارحها هذه زوجتك (رحم الله من اهدى الي عيوبي) يمكنها نظيفه بس في ذاك اليوم من الشغل و الترتيب و التوتر و ارتفاع الادرينالين سبب هذه المشكله او نست تفرش او تحط مزيل صارحها

Answer 20

ترى الشياطين تجعلك ترى شريكك بأبشع الصور
وأقذرها لكي يهدم بيتك
فحافظ على الأذكار وأوصها كذلك
وتذكر نحن بشر كلنا عيوب
والأخلاق زينتنا
والنصيحة بين الزوجين جميلة لأنكم مكملين لبعض
ولستم بمجال للحرب والبحث عن العيوب
هي مرآتك فحافظ عليها

Answer 21

انا تزوجت قريب ويوم ملكتي توترت وقلق والله اشياء كثيره راحت عن بالي اسويها قد ماتعبت بالتجهيزات يمكنها نفس كذا ! لا تكبر الموضوع نصيحه والحين الواحد مو سهل يلقى بنت زي المواصفات اللي يبها او يحبها ويتقبلها نصيحه

Answer 22

من خلال الزيارات ،، ولايمنع اثناء الحديث معها وباسلوب جميل
انك تحب رائحة النظافة والعطور والبخور ،، ولك طقوس معينه في ترتيب حاجياتك ثم تتطرق الى ادوات نظافة الجسم ،،، وهكذا

سلامات من يشير الى انها في وقت العذر الشرعي ؟
مالرابط بينهم ،، ديننا امرنا بالنظافة في كل وقت وحين
مقرفين

Answer 23

مستحيل يكون عدم ترويش مافيه بنت ب هاليوم تهمل نفسها
ممكن ريحة الإستشوار مسكت بشعرها لأنه بالصوالين ستمية وحدة تستشور بنفس الإستشوار
ممكن الفستان اللي لابسته ماخذته من أحد وماسك فيه الريحة
ممكن احد لزق فيها وحضنها واتصور معاها ومسكت الريحة فيها
لكن هيا ابداً ما أتوقع منها

Answer 24

أنتم رجال إذا حبيتو المرأة اذا عليها جيفة تزوجوها وتحاربو الكون لاجلها واذا ما حبيتها تطلع فيها كل عيوب الدنيا ولكن شوف حل معاها ولا توخر كمل حاول تفهم وين المشكلة بزيارة طبيب أخاصي يشخص حالتها ويعرف وين المشكلة تتعالج وخلصنا

Answer 25

الحل بكل  بساطه  اطلب تزورها  تجلس معاها  وتأكد اذا فعلاً فيه  ريحه او  لا وممكن  تكون وقتها جوعانه  او  العطر  من النوع  الي  يعفن  بعد وقت  واهي مانتبهت