في تصنيف استشارات زوجية بواسطة
زوجي أهله غصبوه يتزوج أرملة أخوه أقنعني بالزواج وافقت بس بشرط يكون ع ورق ما يلمسها وافق ، لكن المبيت يقول لازم أعدل للاسف ماني مرتاحه رغم انها أكبر منه لكنها جميله وأخاف مايلتزم بوعده هل الرجال يقدروا يلتزموا بذا الشرط؟

والله لي ٣ شهور من تزوجها عايشه في هم وغم وما أقدر أنام.

17 إجابة

0 تصويتات
بواسطة
 
أفضل إجابة
هدأ الله قلبك وأصلح شأنك
من أساسيات الزوج المعاشرة ..
فإذا أنت لم ترضيه لزوجك .. لان عنده زوجة يعاشرها (أنتي)
فما ذنب الزوجة الأخرى فلها حق فهنا مخالفة صريحة لأساسيات الزوج ومقاصده وحكمه..
عليك بغض النظر .. فيومها لها يفعل ما يشاء
وما دام انه تزوج فلها كامل الحقوق.. وعليه العدل
0 تصويتات
بواسطة
يا بنتي عيني خيررر واذا نام معها وش يعني بالنهايه انتي الاولى وما خذاها الا عشان عيال اخوه اهتمي بنفسك وبحياتك وارفعي سقف اهتماماتك ، ادخلي نادي سجلي بدورات ، اقرأي كتب ، اطلعي الحياه ليست ( رجل فقط )
0 تصويتات
بواسطة
تعتقدين رجال راقد مع مرة في سرير واحد ممكن يخليها في حالها مستحيييييل ثانيا زوجته وهذا من حقها ومن حقه الله يعينك
0 تصويتات
بواسطة
المسكينه اللي ترملت مالها حق في العفه؟
هل تُحرم الحياه وبهجتها لأنها فقط ارمله؟
ام تترك لطالبي المسيار؟
ام تحبس نفسها عن الزواج وتلعب دور الاب والام وتكظم حاجتها النفسيه والعاطفيه؟

خيرا فعل اهل زوجك.. وضرتك لها كامل الحقوق بشرع رب العالمين
0 تصويتات
بواسطة
يعني ينام جنبها بس عشان يحرسها من الهواء
ولا وش رايك يسمع كلامك ويترك كلام الله في العدل بينك وبينها ترى لها فيه مثل اللي لك بس الرجال قاعد يسايسك شوي شوي لين تفوقين من الصدمة وم تدرين اللي م يلمسها غير وهي حامل عن طريق الواي فاي
المهم عيشي كزوجة اولى وتقبلي الوضع واصبري وبس
0 تصويتات
بواسطة
كبري دماغك هي زوجته المفروض تحتسبي الأجر مو الغيرة العمياء اللي بتخربي بيتك
ما ادري وشفيهم بنات الزمن ذا يحسبون الرجل ملك من املاكها الخاصة اهم شيء انه تزوج ولا لعب على بنات الناس
ادعي ربك يربط على قلبك وان يعدل بينكم
0 تصويتات
بواسطة
حبيبتي اذا في بالك رفض كان رفضتي قبل تصير زوجته لكن الحين لها حقوق عليه مثل حقوقك انتي بالضبط ..ولو مسك نفسه شهر شهرين لكن مستحيل مايلمسها باقي العمر!

وهي وش تبي به لو مايبيها

أنسي الموضوع وان شاء الله محبتك ماراح تنقص في قلبه بالنهاية انتي ام عياله وزوجته الأولى .. الله يصبرك
0 تصويتات
بواسطة
اولاً الغيره امر طبيعي جداً وانتي قبلتي وماقصر اخذ بخاطرك وشاورك وقبل بشرطك لانك تعزين عليه وهو شرعاً حلال يتزوج بدون موافقتك او مراعاة لمشاعرك لانه ماسوا شيء غلط فتعوذي من ابليس وعيشي حياتك واتوقع انها حامل ومتهنيه فلاتنكدي على نفسك الله يبرد قلبك
0 تصويتات
بواسطة
شعور الغيرة والقهر طبيعي جدًا ولكن بما انك وافقتي فتقبلي كل شيء لأن من حقه تماماً
ولكن إذا يعدل بينكم في المبيت والحقوق فأحمدي الله... فلا بد أن يحتوي عيال أخوه
الله يصبرك ويعينك
0 تصويتات
بواسطة
لايوجد شيئ إسمه غصبوه ولازواج على ورق.هذا زواج شرعي قائم على الإيجاب
والقبول.فيلزم منه حقوق للزوج وحقوق للزوجة.
فحقوق الزوج :طاعته بالمعروف ومعاملته بالحسنى وعدم النشوز عليه
وتمكينه من الاستمتاع بهاوإذا امتنعت من إجابة زوجها في الجماع وقعت في المحذور وارتكبت كبيرة.
0 تصويتات
بواسطة
شبع لمس من اول ليله دخل بها وش اللي راح ينقص فيه وش اللي راح يتغير عليك هو هو وانت انت  ..
همك وغمك هل يغير شيئ خلاص تزوج ولمس وانتهى وانت ما زلتي في الهم والغم وما تدرين ان كثر الهم يجيب المرض؟ ارضي بعدل ربك حتى ترتاحين مالك وللسخط
0 تصويتات
بواسطة
هل انت في كامل قواك تشترطين اشياء ما انزل الله بها من سلطان .. عموما لا تشغلين نفسك فهي زوجته وحلاله مثلك مثلها. راجعي نفسك لو كنت مكانها او مكان زوجك هل بتطبقي هالشرط
0 تصويتات
بواسطة
بما انها زوجته ف مفروض يعطيها كل حقوقها الزوجيه مثل م يعطيج ولا تقنعينه بشي م يجوز شرعاً عشان م تتشاركون بالاثم، وشروطج في احلامج طبقيها، واقعياً ها الشرط باطل .. والله يصبرج ويشغلج باشيا ثانيه تنسيج الواقع شوي ويعوضج بالخير
0 تصويتات
بواسطة
الموضوع انتهى.
تزوج وهي زوجته. عيشي الواقع. الورق راح يجيب عيال. الطبيعة كذا.
تقبلي قدرك والله تعالى سيعينك.
اعلمي أنه:
- قدر علم الله به وكتبه.
- حق منحه الله له وكتبه له.
فإن آمنت بذلك فلعل الله يعينك وتتقبلينه. وإن قاومت ذلك فستتحسرين بلا نتيجة.
فاجئي أهله بتقبل الأمر وسترين.
0 تصويتات
بواسطة
عادي عزيزتي مرة عيشي حياتك واتهندسي واضحكي حتى لو في قهر في قلبك مع الوقت يزول ويصبح الامر عادي ورح تعرفي للي كتبه الله هو الخير وبعضهم تزوج تانية وتالته ورابعة وخلف بالاخير القلوب بيد الله ولا يكون سبب سعادتك وهمك وغمك زوجك ولا تتعلقي ببشر كلهم ناس ربي يسخر لك ويسعدك
0 تصويتات
بواسطة
اعتذر بعيال اخوه والا الصدق مايبي الا المبيت
وساقها عليك وانتِ صدقتي اتوقع انها الحين بفترة وحام اجل وايش يسوي يقراء لها المعوذات قبل تنام ؟!
مدري وين عقلك لكن كسرتي خاطري
اتمنى تكونين بخير ❤️
والا يضيق صدرك مافيه شيء يستاهل
0 تصويتات
بواسطة
شرطك هذا مايجوز ، دام تزوجها لابد يعطيها حقوقها كامله ، لاتفكري كثير ولاتكبري الموضوع  وتحرقي قلبك واعصابك ، ولا تسلمي عقلك للشيطان ، تعوذي منه وقولي لعل في زواجه خير وخيره لي وله

استفسارات متعلقة

...