كيف اسخر زوجي مثل ازواج البنات؟

Question

السلام عليكم بنات الله يسعدكم ابغا من تجاربكم كيف بعض الحريم سبحان الله ازواجهم مسخرين لهم ومبسوطين ومدلعينهم ما شاء الله والله اتمنى زوجي يكون كذا دایم اصلي الليل وادعي ان ربي يسخره لي لكن دایم واحنا متزاعلين من بعض دايم بيننا مشاكل احس ودي انبسط معاه ودي اعيش حياتي وانبسط مدري زوجي مرا معقد وكل شي لا صدق مدري ماحس اني مبسوطه لي ست سنوات معاه وللحين عجزت اعرف له قريت بالانماط وهو شمالي

Answer 1

رددي اللهم الف بين قلوبنا واصلح ذات بيننا واهدنا سبل السلام .. واقري سورة البقره بتشوفين السعاده بإذن الله

Answer 2

الحل في كتاب الله ( : لَا تَمُدَّنَّ عَيْنَيْكَ إِلَىٰ مَا مَتَّعْنَا بِهِۦٓ أَزْوَٰجًا مِّنْهُمْ.....) ترتاح نفسك وتفرحي بقليل  زوجك ونحنا عابرين بهالدنيا أسأل الله العظيم أن يجعلك قرة عين له ويسسخرله لك بما يحب الله ويرضى

Answer 3

دلعيه قوووي واتدلعي له وسمعيه كلام حلو وتغزلي فيه واهتمي بكل تفاصيله وبلاش نكد من كل شي واذا زعل روحي له وهوني عليه وهو رح يرجع يدلعك ويهنيكي طالما هو مرتاح عن تجربة اتكلم  الله يسخره لك لازم تزرعي عشان تجني الثمار ابدئي بالمبادرة❤️

Answer 4

لانك مركزه عليه وصاير هو شغلك الشاغل ياحبيبتي خلك مع الله هو رب الخلق كلهم حافظي ع صلاتك ووردك والوتر واقري قران يمكن غافله انتي لاتخلين صلاة الليل عشان ربي، يسخره ادعي ربي، يغفرلك تقصيرك وتقربي من ربي كثير، وسبحانه بيعطيك حتى يرضيك

Answer 5

اول شي لاتركزين ع الناس ركزي ع حياتك اكثر اذا رضيتي واقتنعتي بحياتك راح تتسهل امورك بإذن الله لان الاكثر والله بس تصوير انا اعرف ناس شخصياً تصور الشي وهي متناقره معاه وتشحذ الهديه والورده عشان تصورها بس للناس ويعني شوفوني انا سعيده ومبسوطه وحتى اللي تمدح حياتها لاتصدقين ممكن يكون فيه نقص وتغطي عليه بشي ثاني وبعضهم رجالهم اكبر العيوب فيهم والخراب والبلاوي بس يعطيها فلوس عشان تسكت عنه وهي تحاول تبسط نفسها عشان تعوض النقص اللي هي فيه لازم الانسان يرضى بحياته  وبالسياسه حبه حبه ربي راح يسخره لك بإذن الله

Answer 6

مافي كل يوم سعيد ومسخر اذا عصب هدي واذا هدا عصبي ولازم يكون فيه تنازل و مافي عناد وبنهايه تهادوا تحابوا عادي اشياء رمزيه اشياء تشوفينه يحبها

Answer 7

ادعي بهذا الدعاء اللهم سخرلي زوجي كما سخرت الريح لسيدنا سليمان وكما سخرت البحر لسيدنا موسى والحوت ليونس وآلنه لي كما ألنت الحديد لسيدنا داوود واجعل غضبه بردا وسلاما كما جعلت النار بردا على سيدنا إبراهيم كرري الدعاء

Answer 8

بقولك لا تغرك المظاهر ، اذا شفتي وحده زوجها مدلعها او غيره صدقيييييني وراء الباب تصير اشياء كثير ولا احد في الدنيا يعرف اللي يصير بين الحليلين حتى اولادهم وهم معهم بالبيت .. كوني قنوعة واطلبي من الله الجنة و الهداية والستر و الغِنى و الاطفال وصلاحهم وهدايتهم و بعد هذا كله تسخير الزوج و تليين قلبه عيشي لنفسك ياقلبي محد مستاهل

Answer 9

مو حظ ربي قال لايغير الله مابقوم حتى يغيروا مابانفسهم مااقولك ان العيب فيك لا اكيد انه مليان عيوب لكن حاولي طوري نفسك وركزي على انجازتك وخليك سعيده ومتفائلة بوجوده او عدمه

Answer 10

انا سالفة الانماط مادخلت راسي صراحه..شمالي جنوبي احسها خرابيط،،،،الله يسخرلك زوجك ويحنن قلبه عليه ..حاولي تجلسين معاه تتكلمين فهميه انتي شنو حابه وكيف تبين حياتك تصير معاه وان شاءالله ربي بيهديه

Answer 11

شوفي يااختي المشاكل شي وارد في الحياة الزوجية لانها بهار الحياة لكن لازم تكون في حد المعقول وترا مستحيل فيه بيت ما تصير فيه لكن كيف نقدر نتلاشاها بالدعا الاستغفار الصدقة وقيام الليل والشي اللي سبحان الله ما في وحده وواحد سووه الا حلت البركة والسعادة والخير في بيوتهم قراءة سورة البقرة يوميا والله حتشوفي العجب من التسخير والهدوء والسكينة وبعد كل صلاة اقري الفاتحه ٧مرات وامسحي جسمك وادعي باللي تتمنيه والله يؤلف بينكم ويصلح الحال

Answer 12

تابعي حساب عشتار مره ممتاز وتثقفي بالامور الي يحبها زوجك وخليك رايقه واثقه من نفسك مهتمه بحالك اعرف واحد من خواني شمالي متسلط بس زوجته جايبه راسه يموت فيها لانها واثقه من نفسها ماترادده صبوره ومرحه تحب الحياه والكشخه والسفر  انتبهي تكوني ضعيفه شخصيه كثيرة الزعل واللوم ترى يطفش منك

Answer 13

اولا..ثقي انك اذا تعلقتي بحبل الله سبحانه وتوكلتي عليه حق التوكل فلن يضيعك ..قلب زوجك بيده سبحانه والدعاء يحتاج صبر وعمل ..اشتغلي على نفسك وانشغلي بتوعيتها وتثقيفها لان الزوج الشمالي يحب المرأه الناجحه والمثقفه ..واحذري من المقارنه احذري احذري اخلصي النيه لله تعالى واسعي للتعلم والاستفاده من الدورات والمحاضرات النافعه وبعدها بتزين حياتك بأذن الله

Answer 14

ياعمري الله يسخره لك يارب ويسعدك ويعطيك الين يرضيك ، شوفي ياقلبي مافي احد مبسوط وسعيد 100٪ ولا في احد حياته من غير مشاكل ، المشاكل بيين الزوجين امر طبيعي لكن اذا شد هو انتي ارخي والعكس ، اما المظاهر كذابه وخداعه لا يغرك اللي تشوفيه من برا ماتدري ايش فيه موجود ببيوتهم

Answer 15

لا تبني حياتك على حياه غيرك فيه البعض يبين فقط الجانب الكويس ويخفي الجانب المظلم مالنا الا الظاهر ولا تبني حياتك على رجل اذا شافك انك سعيده به وبدونه راح تكبري بعيونه حرفياً الرجال ورى البنت القويه

Answer 16

لا تزعلين حتى لو شي مايعجبك مشي وبتدريج صلحي اللي مايعجبك خليك بشوشه مو نكديه كل ماصرتي نكديه كل ماصار زوج يزعلك وكل ماصرتي بشوشه يتلهف عليك

Answer 17

اولا ارضي دائما بالمكتوب ثاني الدعاء والحوقله ثالثا دائما الزوج او الزوجه يكون يطالب بشي انتي ماتسوينه له او يسويه لك فا تلاقينه او تلاقيها دائما متوتر ويعصب ومشاكل ابحثي بتلاقين الجواب عندك والله يسخره لك ويسعدك وكوني على يقين مافي بيت مافي مشاكل بس البيوت اسرار اما السوشل ميديا كله تمثيل لا تصدقين

Answer 18

اول شي ربي يعينك  ثاني شي كل البيوت فيها مشاكل بس يمكن انتي من النوع اللي يزعل على طول كبرررري دماغك واشتري راحتك لا يزعلك الا الشي القوي لو تفكرين ترا الزعل مايضر الا انتي وبتعبين نفسك وصحتك

Answer 19

الجد مافي بيت مبسوط دايم.. ولايغرك بعض المتزوجات اذا قالو فلان يدلعني والا امتلى سنابها فعاليات …! السعادة الحقيقة في رضا الله سبحانه ثم في راحة بالك .. خلي بالك مرتاح .. مافي حياة وردية خالية من المشاكل .. البيوت مليانه من البلاوي والهموم بس محد بيعلمك لانها اسرار واشياء ماتنقال ../ المهم انتي بصحة وعافية .. وعندك اطفال اصحاء واهلك موجودين حولك … الحمدلله وش يبي الواحد اكثر .:. زوج مثالي مافيه وانا اختك .. لاتعلمين آمالك على شخص .. خليك بنفسك دايم ..

Answer 20

ابد اتركي المشاكل لاعصب لاتردين ولاتطالعين له وحبي امه وامه واحترميهم

Answer 21

العناااااد والمواجهه اكثر اسباب الخلاف بين الزوجين وايضا المطالبة بالكماليات وكأنها أساسيات الحياه ومقارنة حياة المشاهير

Answer 22

هو لانك مخليته محور حياتك وتدورين رضاه وتلحقيه خليه ودامك تبين السر تعالي بقوله لك وهو انك ترضين ربي وبس ركزي على كلامي اذا سويتي هالشي وتقربتي من ربي اكثر وقللتي ذنوب وخليتي همك ترضين ربي مو بس زوجك يتسخر لك إنما تتسخر لك الارض ومن عليها والسماء ومافيها وثاني شي القرآن لاتهجريه ابدا اقلها اقلها تسمعيه والسنن حاولي تسويها وسلامتك

Answer 23

خليك سهله لينه بالكلام معه وابعدي عن اسلوب الامر والاستفزاز صدقيني تجيبيه بالكلمه الطيبه واشكريه على اي شي يجيبه التغيير الفعلي يكون منك انتي ابدي تغيري وتشوفي الفرق وحاولي اي شي يستفزه مثل مكالمات طلعات خرجات تخففين منها او تاخذين رأيه بطريقه حلوه صدقني بيلين وتمشي حياتك هاديه

Answer 24

التزمي ب اذكار ااصباح و المساء ، اقري قرآن كلنا مقصرين الله يهدينا ، حبي نفسج و دلعي نفسج الرجل يحب الزوجه الواثقه من نفسها ، و يحب الابتسامه و المزح و الطاقه الايجابيه ، دايماً اشكري على اي شي يسويه لك ، اللي تحبينه يسويه لك سويه انتي يتعلم منك و يقلدك و غيره الكثير وشكراً الله يسعدك