زوجي والفاظه ! زوجي اذا زعل الفاظه وسخة ومايعرف المزح وحياتنا رسمية بسبب طريقته !

Question

زوجي الفاظه وسخة وفيها إهانة شديدة لي يعني اذا زعل من اتفه الاسباب يقولي : انتي قليلة ادب ، كلي ز.. ، انقلعي ، وبرضه مايعرف المزح بين الزوج وزوجته واذا مزحت معه يقول انتي ماتحترميني انا زوجك مع انه مزح عادي بين اي زوجين لكن هو مخليها رسمية.

عجزت افهمه وش يبي بالضبط ! انا مااتحمل اعيش معه بهذي الطريقة الرسمية بدون مزح وميانة والله طفشت منه وبديت أكرهه

Answer 1

حبيبتي هو شخصية كذا مايحب المزح وماراح تقدرين تغيرينه لان مافيه زوجة تقدر تغير زوجها مثل ماتبي لكن تقدر تتعايش معه وتتقبله مثل ماهو علشان ماتخرب بيتها وبما انه اذا مزحتي معه يتلفظ عليك لاعاد تمزحين معه لان الاحترام اهم شي بين الزوجين

Answer 2

اغلب الازواج اذا زعلوا حتى لو انتي مالك دخل فالسالفه يتكلم ويتلفظ افضل شي تسوينه معه لا تردين خليه يتكلم لين  يخلص بعدين حاسبيه لين هجد لان مستحيل تقدرين توصلين لحل معه وهو معصب واللي هو كذا اساسا مستحيل تغيرين طبعه تعودي عليه اريح لك

Answer 3

وقفيه عند حده لاتسمحين له يغلط عليك بالكلام وبالنسبه للمزح الظاهر زوجك شخصيته كذا رسمي مايتغير خليه مع نفسه امزحي مع اخوانك واخواتك وصديقاتك هو بالطقاق عامليه مثل مايبي بعض الرجال يجيب المرض والنفسيه اللهم عافنا

Answer 4

وقفيه عند حده لاتخلينه يتمادى معك بالالفاظ . اهم شي بين الزوجين الاحترام حتى لو مافي حب لازم احترام

Answer 5

أحياناً أسلوب الكتابة ينفع أكثر من الكلام اكتبي له رسالة على الواتساب تعبري فيها عن ضيقتك وأن الكلام اللي يقوله مايليق في مقامك كرجل متزوج وولد ناس وانك تحبيه وما ابغاك تصغر بعيني وووو الخ

Answer 6

بعضهم مايحب المزح ويشوفه عدم احترام وتقليل من قدره فالي مثله خليك رسميه معه وماراح ينفع معه طريقه او شيء خلي نظامك معه اذا سال ردي عليه باختصار وكلمه ورد غطاها واذا قال وش فيك قولي انت تبغى كذا انتهى…

Answer 7

اعرفي جوه وش. مايل على البلوت ولا بلاستيشن ولا اي شي يسليكم وسووه اذا مانفع ابدا كل الطرق. المشكله من مزحك شوفي وش المشكله بالضبط وين ماتقدر تحكم بالامور ذي لين تشوف المزح خفيف وحلو ولاثقيل

Answer 8

اتمنى ما يكون فيه اطفال بينكم
لان اي قرار تتخذيه الخاسر فيه الأطفال
سواء بالبقاء معه او الانفصال
لا تغييره وترهقي أعصابك ونفسيتك
انت زوجه ولست مصلحة اجتماعيه او طبيبة نفسية
الحل …
غيري شخصيتك واهتمي بنفسك صحيا ونفسيا
واى قرار تتخذيه بالعقل بعيدا عن العاطفة

Answer 9

قولي له: إن نبينا -صلّى الله عليه وسلّم- كان يُضاحك نساؤه، وكان يُسابق أُمّنا عائِشة -رضي الله عنه-، وكان يُغزلها، وكان يُصرّح بحبّها أمام الناس، بل كان يغتسل معها في إناءٍ واحدٍ، وكانت تقول له: دع لي، دع لي.

وقولي له: خيركم خيركم لأهله، كما صحّ عن نبينا، صلّى الله عليه وسلّم.

Answer 10

واضح انه الحاجز بينكم لسا ماانكسر ويمكن من جهته اشوف من كلامك انك انسانه فرفوشيه وسهله .. اذا لسا متزوجين الموضوع يحتاج وقت .. الحياه بين الزوجين اذا رسميه طول الوقت ومافيها ضحك وفرفشه تصبح كئيبه وممله .. لازم تصبرين ان شاء الله زوجك مع الوقت تفك الحاله عنده ..

Answer 11

يا أختي هي الأمور ما في أحد رح يقدر ينصحك أكتر من نفسك
أنتي اللي تعرفي طبعه وأنتي اللي لازم لازم تعرفي مفاتيح قلب زوجك
الجأي إلى الله بالدعاء الصادق وتحري أوقات الإجابة
وحاولي توصلي لقلب زوجك وتعلقيه فيكي بأسلوبك
الله يفرّج همك
ويسعد قلبك في الدنيا والجنة

Answer 12

كم لكم فتره متزوجين
وكم فارق العمر بينكم
وهل هو من أقاربك
المستوي التعليمي لكل منكم
كل ماسبق له تآثير في إسلوب التعامل وطرق تغيير سلوك الشخص
وتعديل السلوك يحتاج خطوات ويحتاج وقت أيضا
ويجب أن تبدأي بالتعديل وتحتاجي صبر
لا تدمري حياتك فهذا ممكن إصلاحه بمشيئة الله

Answer 13

زوجك يحب يكون ويشعر انه قائد وصاحب شخصية قوية
ويظن أن التباسط في بعض الأحيان يقلل من شأنه
أشبعي هذا الشيء في شخصيته ستجدين منه التباسط مع الوقت
 إذا فهمت من أمامك عرفت كيف تتعامل معه
وعلى ما قيل اللي يفهم يريّح

Answer 14

انظري للبيئة التي تربى فيها زوجك وستعلمين السبب
التربية من عمر 2 إلى 7 أخطر تربية لأن الطفل في هذا العمر لا يملك جهاز لتصفية المعلومات بحيث يتقبل المعلومات الصحيحة ويرفض المعلومات الخاطئة، وكل المعلومات التي يتلقاها تصبح : جزء من معانية النفسية ، ومن الصعب التخلص منها عند الكبر

Answer 15

انتم مختلفين في النمط عنده طبع وعندك طبع اخر مكن هو حسي لا يحب المزح وهادىء وحذر وأنت بصري تحبي المزح والكلام ولا تبالي تفاهموا واجلسوا مع بعض الله يوفقكم

Answer 16

طيب المزح والميانة مو من اول لحظة - لازم توصلون لمرحلة من الثقة والحب والاحترام وبعدين امزحي عادي بحدود بعيد عن العلاقة .

Answer 17

مافي احسن من النقاش بهدوء والمصارحة والمصالحة بين الزوجين ووضحي له هالأشياء اللي قلتيها لأن إذا سكتي راح تتعبين وهو مثل الثور دفش ماهو داري إن سلاطة لسانه مؤذية وتجرح وم يقبل هالشي ع نفسه وهو مزح عادي بأدب بدون الفاظ ويقبله ع غيره بوساخة لسان،
وشوفي إن شاء الله يفهم ويحس ويتعدل.

Answer 18

بطلي تمزحي معاه واذا سبك بكل هدوء قوليلو عندي لسان واقدر ارد عليك مني عجزانه بس احتراماً لنفسي واحتراماً لك عيب ارجعها لك واخرجي من المكان اللي انتي فيه وانشغلي بأي حاجه وخلاص طنشيه بس لما يجي يعتذر لك لا تعاتبيه بس قوليلو لو سمحت مو حابه يتكرر نفس الموقف دا مرا ثانيه ..

Answer 19

مو شرط المزح يكون بألفاظ ميانه وكذا انتبهي لالفاظك وغيري اسلوب المزح والميانه وبرضو  بليلة حلوة وضحي له بعد جلسة حلوة وانتم مستانسين بمقدمه حب وعن حبك له وكيف تبون حياتكم وميانتكم تكون وانكم أقرب اثنين لبعض وما بينكم خجل وتحفظ واذا فيه ألفاظ تضايقه قولي له انها من باب الميانه

Answer 20

واضح انك جالسة تقارين حياتك مع ناس ثانية خلك في نفسك حياتك عالمك بيتك الكل مختلف طباعة والزواج عبارة عن تنازلات و تاقلم بطبع الاخلاق وجميل وضع حدود مبنية على الاحترام لو تخلي احد عاقل يتدخل بينكم ولو مانفع شى شوفو لكم مستشار اسري يصلح حالكم

Answer 21

الحياة هذي يحتاج له صبر وكل واحد يعدى المشاكل بكل مكان وبكل بيت  ولو بتشوفين وتتابعي ناس توصل اكثر من كذا ف انتي  احسن من غيرك فحاولي تصلحي من زوجك وفي الف طريقة تعدليه واكثر الناس بيقولون لك كلام سلبي هذي حياتك والله يوفقك ويسر لك زوجك اصبري والله يكتب اجرك،

Answer 22

شين وقوي عين .. يقول ألفاظ وسخه ويقول ماتحترميني ووين الاحترام !!؟ ع أساس هو محترمك .

لا تمزحين معه خليه بس لا تسمحين له يتلفظ عليك ردي عليه بوقتها خليه يدري ان الله حق ومايتعدى حدوده .

Answer 23

هذا من النوع الغبي ..ما يميز خارج المنزل وما يدور بينه وبين رفقاته من مزح بشع او وقح او...وبيته زوجته..وغدا اولاده بس يكبرون ..
أنتي تعقدتي خلص ..العتب على أبنائك بكرا سبعقد سناهم ..سيقولون لك يوم من وين لقيتي هالأب من اي مزبلة ..من أي حاوية ..هل كنت تنكشين في القمامة فلقتيه.

Answer 24

الحياه الزوجيه اللي تكون رسميه ومافيها اي مزح او تقبل للمزح بين الزوجين والعلاقه بس زوج وزوجه  كذا تكون جدا ممله ..
الزوج اللي يتلفظ ع زوجته مثل هالالفاظ يقلل من احترامهاا .. والعلاقه الزوجيه اللي مافيها احترام ..ماتصلح حتى لوماكان فيه حب الاحترام شي اساس بينهم