في تصنيف استشارات زوجية بواسطة
انا زوجه ثانیه و علما اني تزوجت غصب عني قبل 4 سنين ، و زوجي كل وقته عند زوجته الاولى و يجلس عندها بالاسابيع و انا لو اتصلت مايرد آخر مره شفته جلست اتكلم معاه و قام يصارخ يقول انا عادل والا ماكان حاطك ببيت كبير و لحالك بعد و اعطيك فلوس كل شهر تسوين فيهم اللي تبين يابنات وش يفهمه ان الفلوس مو كل شيء ! لا وبيتي بالمزارع و اهلي بعيدين عني و يرفض اني اركب مع سواق او اعزم احد وش الحل معه ذا ؟ و کل مارحت لاهلي ابوي رجعني له اصلا مستحيه لا اقول لابوي انه هاجرني بكل شيء ولو فضفضت لامه او خواته قالو جيبي له بزر ! هو ولدكم جلس معاي عشان اجيب له بزر ؟ تعبت و احس ضايقه علي من كل الجهات ومقفول كل باب بوجهي احتاج حل تكفون واللي ماعندها حل تدعي لي الله يفرج همي والله تعبت لحالي

34 إجابة

0 تصويتات
بواسطة
مدام وضعكم كذا لا تجيبي منه ولد نصيحة والعدل ليلة بليلة يوم بيوم.ولازم تتكلمي لاهلك انه هاجرك من كل شي لا تضيعين حياتك وعمرك عشان واحد ما يبيك واضح انه مايبيك يبيه تجي منك..لو صدق يبيك كان عدل جلس معاك عطاك حقوقك ليش تستحين اصلا...كلمي اهلك كلمي اهله ي يعدل يكل واحد بطريق..
0 تصويتات
بواسطة
اذا مستحيه كلمي امك او اختك يكلموا ابوك خلي ابوك يجلس كم يوم عندك بدون علم زوجك هو مأمن ان محد يجيك وانتي ماتشكين ماخذ راحته وقولي له هذا وضعي من اخذته وهو يتصرف كذا، الله ييسر امرك
0 تصويتات
بواسطة
اجلسي معاه جلسه حزم قوليله  يابن الناس هذه موعيشه ياتعدل ياتشوف لك حل يوم هنا ويوم عندها ولو مو عاجبك ماحد جبرك تتزوج بنت الناس وتظلمها معك انا من حقي اكون اسره ابغى عيال ابغى زوج يحس فيني اعتمد عليه  وقولي الي بقلبك وماتنهي الجلسه الا بحل قاطع
0 تصويتات
بواسطة
ودام يعاملك كذا ليش تزوجك! فهميه ان الامور الي ذكرها ماتهمك واشرحي لك كل اللي بخاطرك واذا مافاد كلمي ابوك بكل شي الحياء ماينفعك
0 تصويتات
بواسطة
حسبنا الله ونعم الوكيل. وليه تزوجك وش كاااان ناقصة دامه يبي الأولى. وتبين تجبين له أطفال وهذا طبعة ماقول إلا الله يفرج همك بس وسطي أحد من اهلك وأنهي الموضوع وقوي شخصيتك الضعيف بالزمن هذا مايعيش.
0 تصويتات
بواسطة
الحل تكلمين ابوك وتعلمينه بكل شي بدال مايغصبك عالرجعه والا عشان ولد اخوه عامل له خاطر!! هذي مو حياة اللي عايشتها ، واقع انفرض عليك ويبونك بالغصب تتقبلينه  عشان شنو  لاعندك اطفال منه ولا جالس يعدل عازلك عن البشر  حياة مو طبيعيه  اصحي على نفسك
0 تصويتات
بواسطة
يعني هذا وضعك وانت ادرى به انت شايفه انه هاجرك وتارككك وانت اصلا اخذيته غصبا عنك قيسي الموضوع بعقلك وفكري فيه زين انتم اثنينكم ماتبون بعض واذا على ابوك يزعل يوم يومين وبعدين يرضى ولا تجيبين اطفال علشان مايضيعون بينكم
0 تصويتات
بواسطة
لاتركضين وراه راح يسفهك ولاتكلمينه بالتلفون ولاتقولين ليه هاجرني ليه ماتسأل عني؟ بعد ذلك بيقوم يسأل عنك وبيشوف انت ليه ماصرتي تسألين عنه
0 تصويتات
بواسطة
روحي المحكمه واطلبي حقك وانه هاجرك واتركي ابوك و اهله و هو مع نفسه ما يبا يعدل يطلق
0 تصويتات
بواسطة
لاتجيبي طفل انتبهي حلي وضعك معاه اول يتعدل ولالا وشيلي فكرة الاطفال من راسك حاليا
0 تصويتات
بواسطة
قصتك تحزن الصراحة الله يجبر قلبك مافي باب تلجئين له افضل من باب الله عليك بالدعاء والذكر والاعمال الصالحة يمكن ان الله يربط ع قلبك ويخليك تنسينه وهو موجود وتعيشين مع الله افضل من العيش مع واحد م يدري عنك
0 تصويتات
بواسطة
اختي بارك الله فيك الي ماتقدرين بيدك تاخذينه القانون .. اطلبي منه يبيت عندك واذا مايبقى انفصلي عنه وربي يغنيك لا اهله ولاهلك  راح ينصفونك.. اثبتي هجره والقاضي يحكم بينكم..
0 تصويتات
بواسطة
اذا اخلاقه كويسه ومعدنه طيب اكسبيه وشغلي عقلك..لااااا تتصلين او ترسلين له ..واذا جاك لو مرة ف الشهر ابدا لاتعاتبينه  لان الرجال يكرهون شي اسمه عتاب وخصام…خليك دلوعه استقبليه زي الطفله اللي مستنيه ابوها بكل شوق ودلع البسي احلى شي عندك واحلى عطر حبذا لو عطور شانيل…حسسيه انه اعظم رجل ف العالم،،امدحييييه حتى لو كذب..اصبري ولا تيأسين وادعي ربك يألف بين قلوبكم…احلف لك انك بتنبسطين  من النتيجة وبتدعين لي
0 تصويتات
بواسطة
السلام عليكم اختي الفاضلة. اسمعيني و انا اخوك. اولا، عليك بالدعاء يوميا في الاوقات المستجابة. و اكثري من الاستغفار و الحوقلة و الصلاة الابراهيمية. ثانيا، حاولي تشغلي نفسك. مارسي هواياتك او اشتغلي العمل الحر مثل مشاريع الاسر المنتجة و غيرها و عسى ربي يصب عليك الخير صب و يرزقك من واسع فضله. ثالثا، لا بد من انك تعلمين ولي امرك. لا تجلسين ساكتة و حاطة يدك على خدك و تنتظرين المشكلة تنتهي بدون اخذ الاسباب. لا يا اختي، كلمي الوالد او اخوك او عمك عشان يكلمون زوجك. في حال لا قدر الله اهلك ما كانوا سند لك، وقتها انصحك انك تروحين المحكمة و تشكين زوجك للقاضي الشرعي و القاضي يلزمه بالمبيت.
0 تصويتات
بواسطة
اول شي عزيزتي الله يجبر بخاطرك ويرزقك اضعاف ماتتمنين.. نصيحتي لك اذا انتي مب طايقتنه وحابه تنفصلين والظروف ضدك حاولي تعتبرين هالزواج استثمار.. بما انه مشغول عنك اقترحي عليه انك تكملين دراسه اذا ماكنتي مكمله او تسويلك مشروع من البيت مع الوقت بتكونين حرة نفسج عندك دخلك وقرارك بايدك لانك معتمده على نفسك... الحل الثاني تلجئين لاستشاريين مختصين يعلمونج كيف تجذبين زوجك لك في حال انك حابه هالحل
0 تصويتات
بواسطة
لا تجيبي طفل وربي المشاكل تصير اكبر لانك بتصيري مسؤوله عنه .استخيري اذا ماهي حياه اتركيه حمدلله انتي وحدك اذا رحتي لاهلك وتدوري وظيفه يجي نصيبك لانك ماعندك اطفال .
0 تصويتات
بواسطة
العيال مو حل للموضوع ولا تفكرين فيهاا ، الحل الوحيد تصارحين اهلك م فيها شي هذه هي حياتك وهذا اللي صاير معك ، باين اهلك م يتفهمون الموضوع اذا هذه مشكلتك الثانيه ارفعي قضية خلع وحتى لو م تم الخلع راح يجبرونه ب كل حقوقك بالمحكه لكن لا تسكتين عن نفسك ابداًا هذا م يرضي الله ولا رسوله المؤمن القوي خير من المؤمن الضعيف ، المهم قوي نفسك وكل م تضعين تذكرين ان الدين واقف معك والصاحب الحق لازم يكون ثابت وقوي وتحملي ..
0 تصويتات
بواسطة
استمري على سورة البقرة وكثرة الأذكار.. ربنا كريم... ولا يظلم ربك أحدا.. وبعدين لازم تخبري ابوك بسوالفه دام هو مزوجنك بالغصب عشان يعرفه زين.... فرج الله همك اختي
0 تصويتات
بواسطة
شكل الأولى حسنت من الأداء، حاولي تدخلي دورات وتعرفين كيف تعلقينه فيك وشديه بقوه يمك بالاسلوب والمعامله تجيبينه على وجهه.
0 تصويتات
بواسطة
يابنتي متزوجين صارلكم 4 سنوات !!! وواضح انكم مو مرتاحين مع بعض تقولين يهجرك بالاسابيع يمكن الرجال مخليك في ذمته عشان صلة القرابه واحراجه من اهلك لكن الجواب مبين من عنوانه - لاتربطين نفسك معاه اكثر تضيعين عمرك معاه - اجلسي معاه جلسه مصارحه وقولي اذا انت تبيني اعيش معاك باقي حياتي وتبينا نستقر تعدل معاي في كل شي واولهم المبيت واذا انت مخليني في ذمتك وانت مغصوب فانا ابريك من الذمه هذي وخلنا ننفصل ياولد الحلال ، وشوفي رايه اذا فعلا يحبك راح يتمسك فيك ويرفض الطلاق واذا شفتيه يلف ويدور ويخترع اعذار فاعرفي انه مبتلش ويبي الانفصال بس مو عارف شلون يبدي .خليكي ذكيه واعرفي شلون تتصرفين ولا تفكرين في ردة فعل اهلك اهم شي حياتك انتي فقط والاهل مسيرهم بعدين يرضون بالامر الواقع
0 تصويتات
بواسطة
يا بنت الحلال واضح انه ما يبيك فانتي علمي ابوك في الوضع اللي انتي عايشه فيه والقهر هذا وحطي الوالد امام الامر الواقع قولي له ماني راجعه وانتهينا لانه ما هو كفووو يتزوج ويرمى بنت الناس
0 تصويتات
بواسطة
طنشيه لا تدقين لا ترسلين خلي عدمه ووجوده واحد صدقيني بيرجع الرجال ما يحب القن الزايد
0 تصويتات
بواسطة
عندي لك حل وإثبات عليه ، شوفي كل يومين او ثلاث ارسلي له رساله بالنص التالي ( قلي زوجي العزيز اليوم مثلاً السبت بتاريخ كذا كذا ) وانت لك اربع ايام هاجرني ماجيت وانا انتظرك ، وزيدي ارسلي نفس الرساله بعد يومين او ثلاثه ( زوجي العزيز اليوم احنا في اليوم كذا وبتاريخ كذا وكذا وانت هاجرني ماجيت عندي من ثلاث ايام  وجالسه لوحدي أنتظرك )، وهكذا ، تدرين ليش ، أنا أقول لك ليش، علشان ياحبيبتي تكون إثبات لك ضده عند أهلك وفي المحكمه بعدين ، بكل الأيام والاسابيع اللي هاجرك فيها مع التواريخ مسجله بينك وبينه مايقدر ينكرها ، وكذلك رده بيكون مسجل عليه مايقدر ينكره ، وبكذا ترفعين عليه قضية هجر ، وتطلقين منه بالراحه ، وجمعي لك فلوس منه قدر المستطاع ، وإياني وإياك تحملين منه ، لأنه بيطلقك بيطلقك ، يطول الزمان أو يقصر ، وبالتوفيق لك ياقلبي
0 تصويتات
بواسطة
والله الحل اتصلي علي ابوك قولي طالبتك طلبه تجي تنام عندي اسبوع . بيقولها ليش تقوله لحالي وماعندي احد ولا ونيس تعال غير جو عندي ممكن يقول وين زوجك تقوله ما يجيني الا وين ووين و تعلمه بس تركز علي انه تبي ابوها يجي ينام عندها اسبوع يونسها واذا وافق و جاء استانسي معه و طلعي اللي بخاطرك و قوليله هو عايفني ما يبيني و انا انغصبت عليه حرام اقعد معه حتي حلمي اني اجيب طفل صار مستحيل معه وانا اكبر يا ابوي و ابي لي طفل يكبر معاي يشاركني دنيتي و يشيلني بعجزي واذا هو ابو بمعني الكلمه بيفهم المقصد و بيرجعها معه .. او تقوله تعال خذني و خلني عندك و شف متي بيتفقدني سواء بإتصال او يجي يشوفني بالبيت موجوده او لا حيه او ميته او لا ولك الحكم يا ابوي
0 تصويتات
بواسطة
انتبهي تجبين طفا والرجال مو كفو انتبهي اخرتها انتي بتتحملين المسوووليه اولا انتي بيدك القرار كل صار بيدك انتي اللي تقدرين تنهين كل شي اصلا يطلقك الشيخ مجرد ما تقولين هاجرني واخذته غصب ثانيا اهلك بيزعلون يوم يومين بعدها بيرضون اهم شي حياتك يا تعيشينها بسلام وحب وسعاده والله يستر عليه واضح يميل للأولى وهذا قلبه صعب تجبرينه كل شي مسوؤل عنه الا القلب اذا مال ما تقدرين ف القرار بيدك
0 تصويتات
بواسطة
تصدقين استغلي بعدك عن الناس بقراءة القرآن والتسبيح راح تشوفين حياتك جميله جدا وراح يتغير زوجك وراح تنبسطين بحياتك صدقيني الحياه متعبه بوجود الناس والمشاكل
0 تصويتات
بواسطة
خلي احد رجال يفهمه عادي احكي ل ابوك كل شي هذا عمر وحياتك مابه حياء قولي انا طلعت من بيتك عشانك وعشان ولد اخوك ولد اخوك  مايبي يصير عادل بكل شي علمي ابوك بكل شي اتركِ الخجل
0 تصويتات
بواسطة
كلمي امك وفهميها قولي مايبغاني وانتم جبرتوني عليه وترا نحنا ازواج على الورق مالي حقوق ولا يجيني ولا اشوفه ولحالي طول الوقت وانتم تعرفون مكان بيتي وتعرفون كيف بعيد ودا راح ارجع له كلمي ابوي وفهميه هذا الكلام لا ارفع عليه قضيه وافسخه
0 تصويتات
بواسطة
شوفي يابنت الناس ماينفع الحيا البايخه ذا بتقولين كيف بايخ اقول لك بمعنى الكلمه انتي بس الي بتندمين ابوك عايش حياته و مراح يدري عنك و انتي ساكته و زوجك  فاهم العدل غلط و دامه مو قد التعداد ليه يتزوج وش ذا العالم ذي مالك الا انك تتركين عنك الصمت الي يخسرك لحالك نادي ابوك و قوليله ابيك بكلمة رأس و إذا جا اشرحي له الوضع قولي يبه زوجي من تزوجنا هاجرني و لا قرب ارض البيت لحالي بذا البيت أدق عليه يسفهني و إذا رد سبني و قعد يتمنن على و يقولي احمدي ربك معيشك ببيت و اصرف عليك هذا حال تبيه لبنتك يبه أسألك بالله يا يبه هو اهاني يعني هانك معي ماقدرني و لا قدرك و لا احترم اني بنتك لولا حفظ ربي لي كان دخل علي غريب و محد درا عني حرمه لحالي ماعندي احد يحميني من بني آدم خافو الله فيني و ابكي حتى لو كان حجر بيحس و انتهينا بعض الصمت مهانه شغلي مخك ترا زوجك هاينك
0 تصويتات
بواسطة
نصيحة امه واخته انتبهي منها لا تحمليييين تطلقين بدون عيال افضل من انه يكون عندك ولد منه ، بالنسبه لابوك يختي علمي امك بالصدق وامك تخبره مدري ليش مصعبتها على نفسك

استفسارات متعلقة

...