في تصنيف استشارات زوجية بواسطة
انا احب زوجي واموت عليه وهو نفس الشي يموت علي لکن حدتنا الظروف وكان مافيه مجال لازم نتطلق وتطلقنا وزوجي تزوج وحده ثانيه انا لا جلست على ولدي ورفضت الزواج المهم بعد زواجه بفتره رجع يكلمني ويحاول انه نرجع لبعض مرات احن له وارجع اكلمه و تعلقنا فبعض وزاد شوقنا وحبنا لبعض اكثر واكثر ولنا على هالحال اكثر من اربع سنين انا تعبت وتعبته معي انا مااقدر اترك ديرتي واروح اعيش معاه ومع ضره وعيال ماقدر من اتخيل الموقف تطلع روحي شعور يمووت وبنفس الوقت هو بعد مايقدر يجي يعيش هنا بديرتي صعب وضغط عليه بعد هم عياله وبذمته فصرت اتعمد اسوي مشاكل بينا ابيه يبعد عني ويتركني ابي خلاص ننسی بعض بس مافيه فايده يرجع يكلمني وانا بعد ماتحمل من اشوف سناباته عند ولدي واشوفه متضايق وتعبان غصب عني ارجع ارسله مو بيدي احبه وش اسوي تعبت حتى صارت معي مشاكل بالقلب من كثر التفكير عطونا حل

37 إجابة

0 تصويتات
بواسطة
الباب اللي يجيك منه ريح سده واستريح ،،، انتي فكرتي بعقلانيه بالموضوع من كل النواحي بس ماتزبط لان عنده زوجه واطفال وحياة الضره ماتطاق،، لاتعيشين على استنزاف مشاعرك بدون فايده وش استفدتي لما قلبك مرض من الهم والتفكير؟! ادعي ربي يعوضك خير عن كل هذا .
0 تصويتات
بواسطة
انت مسكينه فتح بيت وجاب اعيال وعنده فراش ثاني وانت تنحبين على الاطلال تندمين بعد الكبر والوحده توكلي على الله وتزوجي واي شي يخص ولده وكلي احد اهلك وغيري رقمك وعيشي حياتك
0 تصويتات
بواسطة
راح اختصر عليك الموضوع لو يحبك صدق ماخلى شي يفرق بينكم ولا كان قعد وصبر بعد الطلاق وحاول عشان ترجعون لبعض لكن هو طلقك وتزوج غيرك وجاب عيال منها خلاص اتركيه وانسيه الشيطان قاعد يحلي الحرام بعينك اتقي الله وابعدي عنه عسى ربي يرزقك ويعوضك خير
0 تصويتات
بواسطة
مالك الا ترجعين له وانتي بديرتك ويتردد عليكم كل فتره انتي عارفه ظروفه وهو عارف ظروفك هذا حلكم الوحيد ولا كل واحد يروح بحال سبيله ليش تكلمون بعض وانتم مابينكم علاقه شرعيه لاتستهينون
0 تصويتات
بواسطة
التواصل بينكم هو سبب مشاكلكم خلاص انتهت الحياه الزوجيه ينتهي التواصل صار من غير المحارم، اعتبريه مات ، ويعتبرج متي ، دام استحالت الحياه بينكم وانتوا اثنين مع الحب بتستقر الحين وانتو ثلاثه مع الغيره!! اقطعو الاتصال ومن ترك شيء لله عوضه الله خير منه ، الحياه الدنيا ابتلاءات والحمدلله على كل حال
0 تصويتات
بواسطة
اللحين الحب مازاد الا بعد الطلاق شو يعني كان لازم نتطلق؟؟؟؟حتى لو اهلك يتبرون منك ما كان تتركي زوجك وهو يحبك ويحترمك ؟؟؟كان لازم توقفي بوجه الكل حتى لو ابوك او امك الموضوع مولعب عيال ..!!هم الي زوجوك له بموافقتهم خلاص انت في حكم وذمة رجل اخر …غير هذا انت ام عشان ولدك كان لازم تحاربي الكل عشان ابنك ….انت صاحبة القرار …استخيري وارجعي له اذا قدرتي تتعايشين مع ضرة هي مالها ذنب تزوجته وهو مطلق وجابت عيال مالهم ذنب …او اتركيه وعالجي نفسك من التعليق المرضي فيه حاولي تخلصي منه ومن ذكرياتهم بس ابو ابنك وبس …وبعدين كيف تتكلمي مع رجل غريب وعايشة قصص حب وغرام معه وذكريات هو ما يحل لك ..!!!!انت بس ام ابنه تتواصلي معه عشان ابنك بس امور تخصه غير هذا لا تفتحي المجال بينكم وكل واحد يلزم حدوده ….اذا يباك يعرف طريق اهلك مو من وراء اهلك تكلمينه ومموته نفسك عليه لدرجة المرض ..!!!!انت الي متعلقه فيه هو تركك وعاش حياته وتزوج انت الي قعدتي متعلقه فيه وتضيعين حياتك بذكريات الماضي…!!!!افيقي
0 تصويتات
بواسطة
دامك ماتبغي ترجع له ليش ٤ سنين معاه تضيعي وقتك ووقته خليك واضحه مع نفسك يا ترجعي له يا تبعدي عنه وتعيشي حياتك الي تسويه اول شي ما يجوز ثاني شي ضياع نفسي لك وشتات
0 تصويتات
بواسطة
انتي عايشه ف الحراااام  ولما كااان حلال تركتيه  هذا من اتباع خطوات الشيطان
0 تصويتات
بواسطة
الحل واضح انتي تعبتي نفسك ودخلتي نفسك بدوامه مالها نهايه اقطعي كل سبل علاقتك معاه خلاص حتى لو اضطريتي تكلمينه عشان ولده مو انتي خلي اي احد يكلمه من اهلك وانا اشوف لو تفتحي باب الزواج بشرط ولدك يكون معاك او يكون عند امك وكل اسبوع تشوفينه شرط تكتبينه وتنفذينه يكون كذا قلبك مو فاضي وبنفس الوقت انتي تختارين حياتك
0 تصويتات
بواسطة
الحين لو يبيك رجعك لكن اللي تسوينه غلط وحرام ترسلين شخص مايجوز لك وهو متزوج وعايش حياته  يااما يرجعك وبالحلال ولا بلاش رسايل وتتبع اخبار وتواصل غلط لا تعيشين بوهم
0 تصويتات
بواسطة
لا في حب ولا شي .. لذة الحرام و الشيطان لعب عليكم .. ولا ايش هالحب اللي يخليكم تتطلقون عشان الظروف ولا واحد فيكم قدر يتنازل عشان الثاني عشان تجتمعو و هو دام تزوج ليش من الاول طلقك وليش ما صبر لترجعوا لبعض انتوا تستهبلون و عاجبكم هالوضع سوالف التلفون و الحب و الغرام اما بالواقع مافي شي
0 تصويتات
بواسطة
السلام عليكم . اولا، اللي تسوونه حرام و ما يجوز. استغرب من وضعكم، ترفضون الحلال و تحبون الحرااام. ثانيا، اذا تحبينه، لازم تحاربين عشانه و ترجعين له. لكن لا ترجعي له الا اذا توافرت الشروط.  الشرط الأول : ما يكون زواجكم بالسر لان هذا اكل لحقوقك و عدم الاعتراف فيك و بنفس الوقت استغفال لزوجته. الشرط الثاني : ان زواجك منه ما يخرب بيته الاول. الشرط الثالث : اذا زوجك تزوج بعدك ثالثة المفروض ما تزعلي لانك انتي بنفسك رضيتي بالتعدد لنفسك و المفروض تحبين لغيرك اللي تحبينه بنفسك. ثالثا، طليقك لازم يتقي الله في حرمته و يحسن لها. مشاكله معاها يستعين بمستشار اسري يساعده. و التعلق لازم يبطله و يفضل انه يراجع اخصائي نفسي يفيده
0 تصويتات
بواسطة
يعني ماتبين ترجعين له بالحلال وتبين تستمرين معه بالحرام؟؟؟ فكري بعقلك وتعوذي من الشيطان وعطيه بلوك في كل البرامج ولو تحسين نفسك تبينه لو 1 بالميه ارجعيله وبطلي غباء لان اكيد زوجته حاسه بالموضوع وتدعي عليك ليل نهار ف ياترجعين له او تتركينه نهائي
0 تصويتات
بواسطة
استخيري وارجعي له اذا ودك لازم الواحد يتنازل عشان يعيش مرتاح سواء تتحملين العيشه معه في ديرته ومع ضرتك او تتركينه يعيش معها بدون ماتخربين حياتهم
0 تصويتات
بواسطة
لااتتابعينه ولاتكلمينه وخلي ولدك هو يتواصل معاه او احد اخوانك وصديقني بتنسينه اهم شي اقطعي اي شي يربطك فيه ...
0 تصويتات
بواسطة
لو صدق يحبك مستحييييييل مستحييييل يتزوج غيرك !! كان صبر شوي وتضايق عالوضع وفكر وبعدين رجع يتواصل معك اما هالعلاقة المحرمة المفروض ما يرضاها عليكي اصلا اذا كان صدق يحبك .. ابعدي عنه وانسيه تماما وتزوجي وانتهى الموضوع
0 تصويتات
بواسطة
عايش حياته ومأمن مستقبله الإجتماعي مع زوجة وعيال وأنت مخليكي للعواطف وحياة متوقفة بدون فايدة. كوني واقعية ومتى تقدم لك شخص يناسب ظروفك تزوجي وانجبي مصير ولدك يكبر ويروح لأبوه ويتركك
0 تصويتات
بواسطة
لاتفكرين فيه سوي بزنس لك عشان تنشغلين فيه وابعدي عن اي شي يذكرك به ولاتكلمينه ابدا ولدك يكلمه او اخوانك+سافري عشان تتهيى نفسك وخلاص قولي لنفسك يومي انه لزوجه ثانيه مو لي ابدا وكذا تتعودين مع الوقت وان شاء الله تنسينه
0 تصويتات
بواسطة
كل واحد يغير رقم جواله وحساباته وما راح تتواصلون مع بعض وانتي اشغلي نفسك بأي شي نادي او تحفيظ القرآن الكريم والله. ييسرلكم الي في الخير
0 تصويتات
بواسطة
بلكيه من كل مكان واسحبي عليه لو صدق يحبك ماتركك حتى لو الطروف جبرتوا وتزوج بعد انتي جالسه تبرري له لانك تحبيه بس لو تحذفيه وتنسيه وتبدي حياة جديد افضل كذا مافي فايده
0 تصويتات
بواسطة
والله مافي حل غير ترجعين له وتتحملين والا شوفي حياتك وخليه يعيش حياته وهذا الافضل لكم زوجته وش ذنبها مسكينه انتوا تطلقتوا وخلاص هي بدأت حياتها مع طليقك واكيد انها تحبه ويحبها والله نصيحه اتركيهم وعيشي حياتك وولدك مابيضره شئ يعيش بينك وبين ابوه دامكم متفقين
0 تصويتات
بواسطة
اسمعي كلامي بيكون قوي عليك بس صدقيني هو الصح انت الان تفكيرك بقلبك وبعاطفه بس
ودام سألتي وطرحتي موضوعك يعني عارفه انه غلط وتبين نصيحه نصيحتي لك كلميه وقولي هذي اخر رساله بينا كل شي بينا انتهى والله يوفقك وبلكيه واحذفي رقمه واعزمي وعاهدي ريي انك تبعدين عنه لوجه الله لوجه الله نيه صافيه لله فقط وصدقيني بيبهرك ربي اما بعوض جميل او رجوع لزوجك بشكل اجمل مما تتخيلين وصدقيني انا مجربه وربي عوضني ونسيته ايه نعم نسيته وبكامل قناعه وراحه بس انت يبي لك عزيمه
0 تصويتات
بواسطة
يعني السبب اللي فرقكم وخلاكم تطلقون وهو يتزوج خلاص راح وتقدري ترجعي ليه من الاول ماتحديتوا الظروف ..اذا قلبك الحين فيه مشاكل احسلك بعدي عن الضره والغيره من الاساس كل هذا الشوق والحب لانكم مو قادرين ترجعوا لبعض اذا رجعتوا بتبدا مشاكل مع الضره ...شوفي حياتك زي ماشاف حياته لاتبني سعادتك على تعاسة احد
0 تصويتات
بواسطة
لو فعلا يبيك كان ما تخلى عنك لو فعلا يبيك كان جاء لعند باب بيتكم رجعك قاعد يستنزف طاقتك وبسس
الدليل تزوج جالو عيال
اسحبي عليه تزوجي اذا جاء نصيبك
0 تصويتات
بواسطة
ي تروحين تعيشين معه بالحلال والا اقطعي علاقتك فيه مو عشان طليقك حللتي المكالمات ترا علاقتكم حرام
0 تصويتات
بواسطة
طليقك ما يحل لك حرام تكلمبنه و هو متزوج بنت ثانية حطي نفسك مكانها ترضين تتزوجبن واحد و طليقته لازالت ترضى تتواصل معه؟ بالله مو حرام خاصة انو كلامكم مو عن ولدكم لا كلامكم حب و شوق و سؤال عن الحال ما يجوووووز الله أولاً بعدين قلبك
0 تصويتات
بواسطة
اي زوجين مايتحملون بعض ولااحد يتنازل عشان الثاني ذا افشل علاقه زوجيه  ولو بجد نفس ماذكرتي تحبون بعض كان احد فيكم تنازل عشان الثاني بس الشيطان يجمل لكم العلاقه المحرمه بعد الطلاق وانكم مو قادرين تتخطو هالمرحله ومشتاقين واذا هو حبك صادق ماتزوج غيرك وكون اسره يلعب عليك يضيع وقت معك
0 تصويتات
بواسطة
المفروض الحرمه تروح مع زوجها اي مكان فيه رزقه.. و دام ماتقدري تروحين لديرته ولا تقدري تعيشي مع ضره خلاص انسحبي بهدوء وشوفي حياتك.. فكري بزوجته كيف تخربين حياتها لمن تتواصلي مع واحد طلقك!! بلاش انانيه وبلاش تخربي بيتها.. خلاص دام تطلقتوا ولا واحد منكم يتنازل للثاني خلاص ي اختي اتركيه واطلبي من الله العوض ولا تشوفين سناباته والحل بيدك
0 تصويتات
بواسطة
اتزوجي افضل لك دام هو راح بحال سبيله وصار عده عيله خلااص او ارجعي له وانتي قادره تروحي ديره ثانيه وتقبلي الوضع خاصه انه ابو ولدك
0 تصويتات
بواسطة
اصلا مايجوز لك تكلمينه اذا انتهت عدتك مو زوجك خلاص وبعدين فكري بزوجته وعياله والا توه يحلى بعينك دوري حياتك بعيد عنه افضل لك

استفسارات متعلقة

...