8 سنوات ما حملت والسبب من زوجي!! افكر بالأنفصال

Question

بقولكم مشكلتي انا متزوجه صار لي ٨سنوات ماحملت والسبب من زوجي عنده مشاكل بالانجاب وتعالج كثير ومافي اي فايده وقبل فتره فکرت بالانفصال وامي رفضت بسبب انو لو انفصلتي مين يتزوجك بتاخذين واحد شايب او مطلق وعنده عيال للاسف هذا تفكير أغلب الاهالي مع انو عمري ٢٦ وبنفس الوقت زوجي طيب ويحبني بس انا ابي اطفال تعبت من التفكير ونظرات الناس لي نفسيتي كثير تعبانه من هالشي ايش تنصحوني اكمل معه ولا انفصل وهل اذا طلبت الانفصال ادفع شي

Answer 1

خليك في المضمون وحاولي انتي وزوجك علاج رقيه اطفال انابيب واذا ماعاد نفع شي ذيك الساعه استخيري واعزمي لاتحطين فكرة الطلاق في راسك قبل المحاوله ترا الشيطان يفرح بطلاق وجالس يلعب في نفسيتك ماتدرين يمكن تطلقين منه وماعاد تزوجين ولا ينكتب لك نصيب مع غيره وتجلسين لين يشيب راسك لازوج ولا ولد حاولي وادعي ربي واستمر ع سورة البقرة والله فيها العجب وانتي باقي صغيره يعني حتى لو انفصلتي بعمر ٣٠ وربي كاتب لك زوج غيره ونصيب ثاني بيجيك

Answer 2

الناس !!! لابيرفعوك ولا ينزلوك وش عليك فيهم خليك مع زوجك هو الي باقيلك دامه طيب ويحبك !!! لا بكرا تتزوجين واحد موب زين وعندك اطفال !! ولا انتي متهننيه بحياتك وحطي نفسك مكانه لو هو تركك عشاني ماتنجبين ولا تزوج عليك شوضعك !!!

Answer 3

انفصلي بدون تفكير ٨ سنوات كفاية استغلي الوقت كل ماكان عمرك أصغر كل ماكانت فرص زواجك أفضل ، وبعدين تقولي هو طيب معي ، أكيد بيكون طيب دام العيب منو وأنتي لساتك صغيرة ، لكن خليك تكبري ويعرف إنك ماتقدري تتزوجي غيره ، راح تشوفي وجه ثاني والضره عليك جايه جايه إذا مو أكثر ،  أكثر الناس غدر اللي ماينجبوا ، بالإضافة إلى إنك راح تنحرمي من أكبر لذة في الحياة ( الضنى ) فيجتمع عليك ضره وعقم ، أو ممكن بعدين يتزوج عليك وحده معاها أولاد أيتام ويصير أبوهم ويسحب عليكي ويحقق حلمه ، وأنتِ قاعده تتحسري على سنين عمرك اللي راحت

Answer 4

اذا فيه  امل سوي انابيب .. واذا عقيم درجة اولى اكفلو يتيم ويرزقكم ربي البركة بحياتكم .. يحفزون عندك الحليب ترضعينه وتصيرون اهله بالرضاعه وربيه وعيشي امومتك .. دام ماتبين تنفصلين ..

Answer 5

اوقفي مع زوجك واحتسبي الاجر عند الله.كثري الاستغفار وداومي ع سورة البقرة.. اقرئي قصص الي نفس حالتك في قوقل واستمروا ع الدعاء وسورة البقرة ترى لها مفعول سحري.... وشوفي نفسك لو كان العكس ايش كنتي تبغينه يسوي يطلق؟ يتزوج؟ ولايصبر ويدور حلول؟

Answer 6

الخيار رجع لك وكلها حق من حقوق سواء البقاء او الانفصال طبعا ولكن ممكن تكفلين اطفال ايتام وتكونوا انتم اهلهم وتاخذونهم بسن صغير انتم تحتاجون طفل وهم يحتاجون أهل لاني شفت ناس نفس حالتكم وحاليا معهم بنت شبه القمر من الميتم حتى انهم الميتم عطوهم طفل قريب من شكلهم و وحده ثانية توام والبعض انجب بعد سنوات من الزواج +اذ رغبتك الانفصال يكون فسخ عقد نكاح لضرر (عدم الانجاب) بدون رد فلوس

Answer 7

اذا  زوجك كويس ليش تتركينه ضامنه يجيكي ابن حلال مانسمع من المتزوجين الا مشاكل تشيب الراس وخيانات وقرف بعدين تبي اطفال عشان نظرات الناس عجيب؟

Answer 8

انا انصحك زي ما انصح اختي توجهوا للتلقيح الصناعي وحاولوا عن طريق اطفال الانابيب اعرف كثير جربوها والحمدالله وبي رزقهم اطفال حتى لو مو من اول محاوله وتخيلي انو بعد الطفل الاول اكثر من حاله ربي يفتحها عليهم وتجيب الثاني بدون اي تدخل طبي يعني اذا الرجال ربي صالحه اسعي للوسائل اللي ممكن تحقق لك حلم الامومه واذا انعدمت الفرص الله لايقدر ساعتها من حقك تتطلقين ولا تستعجلين لانو امك معاها حق فلا تكونين سبب انو تكتبين على نفسك انك تكونين زوجه ثانيه وانت ماحاولتي الحفاظ على فرصتك مع زوجك ذا

Answer 9

طيب ابحثي عن فوايد الحجامه وكمان الرقيه العلاج ب القران وب الطب النبوي والعجوه والعسل يعني فيه خير كثير باقي وانتم غافلين عنه استعيني بالله

Answer 10

يحق لك طلب الانفصال للانجاب وانت توك صغيره وفكره المطلقه ما يجيها الا شايب انقرضت والامر كله بيدك انت اللي تقيسين الامور شوفي نفسك معه بعد ١٠ سنوات هل تحسين ان هذي الحياه اللي تتمنيها لنفسك وقرري

Answer 11

محد يقدر يقولك انفصلي او ظلي معاه ،، انتي اخترتي هالانسان شريك حياة عالحلوة والمرة والا اخترتيه لأسباب معينه ،، هو مااختار عدم القدرة عالانجاب ، ربنا يرزق من يشاء .
انتي الوحيدة اللي تقدر تقرر.
الله يكتب لنا ولكم الذرية السليمة المعافاة يارب

Answer 12

وش دخلك بالناس ونظراتهم دامه معك كويس اجلسي معه وادعي ربك وخليه يتعالج وسانديه تخيلي لو انتي مكان زوجك وش بيكون وضعك لو قال بك بنفصل عنك ترا قرار مره قوي وصعب لازم تستخيرين وتفكرين قبل كل شي