زوجي ينتقدني في شكلي ووزني

Question

انا متزوجه من شهرين وزوجي اغلب الوقت يعلق تعليقات سلبيه سكت ف البدايه طنشت بس لكل شي حد يقول ليش ضعيقه كأنك سلقه مع العلم انا مو ضعيفه وزني مناسب طولي مثلا شعرك ليش قصير كانك ولد وليش بشرتك كذا وع فيها اثار هذا الكلام بسيط من الي قاعد يقوله ، مع العلم انا ولله الحمد جميله وكان من بداية الزواج يمدح ويتغزل بس ما ادري ليش يحاول يكسرني او يهز ثقتي بنفسي !! لانه دايم يقول لي ليش انا نرجسيه كذا وليش انا واثقه من نفسي وما تاثر من كلامه مع العلم اني ازعل من داخل بس قدامه اطلع له ولا همني وانت وكلامك اخر همي ... بنات ساعدوني كيف اوقفه عند حده او كيف اتعامل معاه؟

Answer 1

ياشين الحياه كذا اخذيه من مبدأ حسن النيه وانه اهبل ما يعرف يتكلم وعلى العموم مافيه انسان كامل يعني ابشرك اي شريك الا متجاوز عن عيوب في الشريك الاخر فما فيه انسان بيرفكت حتى لو شفتي رجل وحسيتيه ذا بيرفكت الا له عيوب مايعرفها الا الطرف الاخرالمهم ليت نقدر نفصل شركاءنا على رغباتنا وليتنا نعيش طول عمرنا في حب وتفاهم ومودة لكن هي كذا الدنيا جهاد في كل شي حتى اطفالك بعدين

Answer 2

هذي طريقة الزوج النرجسي في البداية مرحلة القصف العاطفي ويغرقك بالحب والاهتمام ومن ثم مرحلة الجلد او تدمير وزعزعة الثقة بالنفس بغرض فرض السيطرة والتحكم وهي المرحلة اللي تمري فيها الان يقولك نرجسية هذا اسقاط عليكي لانه هو النرجسي … يبغاكي تتزعزعي وتشكي بذاتك عشان يصير اي كلمة حلوة منه مستقبلا بمثابة مكافأة وشي ثمين .. والمرحلة الاخيرة هي الاسقاط والتخلي … يبدا يدور ضحيه جديدة بعد ما تكوني كشفتي الاعيبة وقذارته

Answer 3

ما يقول هالكلام الا انه شخص ضعيف فعشان كذا وقفيه عند حده اذا تكلم عليك لا تسكتين قولي له  عيب تقول هالكلام لزوجتك لو باقي تقول هالكلام بروح بيت اهلي وازعلي بس لا تبكي و تتطولي بالكلام معه طنشيه ولا حرف ولا نظره حتى وبعدها بيتوب وربي بس اعطيه الوجه الجامد عشان ما بعيده شوي شوي لين يبطل يتكلم عليك

Answer 4

الي يقولون سويه نفسه محتستفيدين يعني طول عمركم بتعيشين كذا خلاص حطي حد قولي له الزم حدك معي ولا تتعدا حدودك وخليك جاده اعطيه نظره حاده بعدين لو قام يبرر ومدري شنو اعطيه ظهرك واسكتي وامشي وعادي خليك روحي سوي اي حاجه وارجعي اقعدي عنده وخليكي ساكته بيقعد متوتر م يدري انتي زعلتي او لا وبعدين عادي سولفي ولا كأنو كلمتيه وهو بينخرش واذا كمان عاده اول م يفتح فمه ويعيب اسفهيه وامشي عنه اول م يبدا انه يعيب كل م يتكلم اسفهيه ولا كانوا يتكلم شغلي جوالك ولا كانو احد يتكلم كانوا جدار وهو عاد ان شاءالله ربي بيصلحه ويهجد والله يجعل بينكم الالفه والمحبه ويسخركم لبعض

Answer 5

الله يعينك ع هالشخصيه المريضه شكله دايم يتعرض للتنمر من الي حوله وماله شخصيه وجالس يطلع مرضه النفسي عليك ... خلك زي م انتي هو يبغه يكسر ثقتك ف نفسك ويحسسك انك ولا شي لان بتفكيره المريض كذا رح تصيري تحت امره وتطيعيه ويفرغ طاقته السلبيه فيك بس انتي ولا عليك ابد وصراحه اشوف الحل الامثل انك تتكلمي معاه توضحي له انك فهمتي شخصيته انك تقدري تطلعي فيه مليون عيب بس هذا مو اسلوب وعادي عيوب الناس هي الي تميزهم وانه اذا استمر بهالاسلوب رح تنفصلي عنه منتي مضطره تعيشي مع انسان سام بهالشكل جربي قوليله ه الكلام وعاد لو عنده دم رح يرجع عن الجنان الي فيه اما اذا استمر ف الله يعينك ع هالابتلاء

Answer 6

دامه كان يمدحك ويتغزل فيك بعدين قلب عليك معناها هو شايفك حلوه بس خايف تشوفين نفسك عليه وتتركينه عشان كذا يحاول يقلل ثقتك بنفسك عشان دايم تكونين عنده ، خليك قوية قدامه وياجبل مايهزك ريح، وطلعي عيوبه واكسري ثقته بنفسه عشان يخاف فعلاً انك تتركينه ويبطل من كلامه

Answer 7

استمري ع تطنيش كلامه وخليكك قويه وبنفس الوقت لاتسمحين له انه يغلط عليك ، وقفيه عند حده لاتخلينه يشوفك ضعيفه الا قويه و مهتمه بنفسك وكلامك هو الي يمشي ، والله الرجال يحبووون القويه اما الضعيفه هي الي تاكلها

Answer 8

انتي قلتيها سكتي في البدايه انتبهي ترضين على نفسك النقص وقله الادب .. اذا انتي مو عاجبته ليش ياخذك بأرادته !! قولي هالكلام اذا تكلم معك قولي انت الي جيت وخطبت مو انا ومافي انسان كاااامل واذا عندك شي بتغيره اتصل على ابوي وقوله انا مو عاجبني شعر بنتك خلي ابوك يعلمه الادب .. من رايي اخروا موضوع الخلفه الين تعرفين طبع زوجك بشكل اكثر والين يصير بينكم توافق اكبر ،، حاولي تحلي المشكله بينك وبينه في بيتكم

Answer 9

خليك وااااثقه من نفسك مثل ماانتي لكن احيانا في اشياء تشوفها الزوجه كامله فيها او حلوه لكن نظره الزوج تختلف مايمنع انك تغيرين بعض الاشياء طريقه اللبس او قصه شعرك او لونه لكن بالتدريج ولا تقولين غيرت هالشي عشانك مثل ماقالت الاخت في التعليق وقت تكونوا رايقين قولي حبيبي انا زوجتك وانت زوجي حبيبي اللي المفروض نحب بعض ونشوف كل شي حلو من بعض انا مو انسانه كامله ولا انت لكن اشوف ان صفاتي الحلوه كثيييره وانت نفس الشي اللي تقرا انتقدي وعيبي فيه لاااا غلط ماينفع وخلي تصرفاتك وشخصيتك هي الاقوى من شكلك خليك مثقفه في الكلام وفي الاسلوب والاحترام المتبادل هذا اللي يحبه الزوج مع الوقت

Answer 10

لازم تقوليله ما اسمحلك تكلمني بهالاسلوب و لا تضحكي خليك جادة ولا تطنشي الموضوع لأن حيزيد مع الوقت فلازم توقفيه عن حده من الان لانه يحاول يهز ثقتك بنفسك اما انه مو واثق من نفسه ويشوفك كثيرة عليه او لأنه يحس انك مستصغرته و مو معطيته قيمة

Answer 11

باختصار يبي يكسر ثقتك عشان ماتشوفين نفسك عليه خايف كل الي تسوينه اذن من عجين واذن من طين وطنشيه انا مرة مثلك وتعدل مع الزمن اشوفهم اني ما راح اشوف نفسي عليه احبه مراح اتركه وصار يمدحني مايذكر عيب لي انتبهي تبين له لو ذره بعيب فيه تقولين شف خلك مثل مانتي لا تذكرين له عيب فيه ولا تنبهينه ولا تاكدين له كلامه الي يقوله حتى لو فيك

Answer 12

زوجك من نفس مستواكم شكله حاس بنقص من جهتكم جهة ابوك واخوانك حاس انه اقل منهم فعشان كذا يطلع نقصه عليك عموما لا تسكتين لان هنوعيه لا سكتى مالها رادع ماعليه نوعية رجلك جداً سيئه المهم اصبري شوفي وش يحب وعلى طول طلعيه فيه عذروب الله يكون بعونك

Answer 13

خليك زي ما انتي عليه صامله وقولي له انت تشوف نفسك بهذي المواصفات وتحاول تعكس هالشيء علي وانا الحمدلله كامله والكمال لله وانتقدي شي فيه جميل خليه يتعجب انه ماعجبك

Answer 14

شوفي هذا دليل ان فيه نقص
لا تخلينه يأثر فيك قولي ولله الحمد الله خلقني في احسن صوره وانا كلامك مايأثر بشخص واثق من نفسه والكل يمدحني حتى زميلاتي يقولون انتي جميله يعني دليل الخلل فيك

Answer 15

خليك واثقه من نفسك لايكسرك ترا واضح نيته يبي يكسرك وان تكلم لاتقولين بالعكس لا قولي مو مهم نظره الناس لي المهم انا اشوف نفسي جميله

Answer 16

اول شي خليك قويه وكانه ينتقد نفسه ثاني شي قولي له انا واثقه من نفسي وقبل لا تنتقد ناظر نفسك بالمرايه ثالث شي قولي له الاحترام بين الزوج والزوجه مطلوب واذا بتبقى كذا بتركك واروح بيت ابوي ويجيني الافضل منك قلبا وقالبا وانت ربي يرزقك اللي تتمناها صدقيني يهجد

Answer 17

برافو عليك انتبهي هذي حيلة من الرجال غالبا يسونها يختبرون المره ذي قويه وواثقه يجيهم شعور انتصار داخلي انه قدر يتملك القويه الي تقوله رايك مو مهم انا اعرف نفسي هالكلام قالته الدكتوره ناعمه الهاشمي قالت لو انهزيتي من هالكلام راح مع الوقت يدور وحده جامحه غيرك ماتنهز من كلامه فانتي خليك على هالثبات بتلاحظي مع الوقت بيزود اعجابه فيك بعيونه يبان عليه وبين فتره وفتره بيلعب معك هالحيله النفسيه فانتي امشي بغرور وتمختري وقولي ماطلبت رايك واثقه من نفسي وبالتوفيق ياجميله

Answer 18

المعامله بالمثل وبس نفس مايسوي معاك سوي مثله حتى هو انتقدي كل شي فيه خليه يحس بعدم ثقه بنفسك وينشغل بنفسه ويكلم نفسه يقول ليش قالت عني كذا لا تسكتين

Answer 19

تدرين احس انه يسوي كذا لان يشوفك شي ويبي يصغرك في عين نفسك عشان ماتشوفين نفسك عليه وقاعد يشتغل على ثقتك

Answer 20

هو نرجسي واناني ويبي ثقتك بنفسك تهتز نفس الي عندي بس اذا قال ليش نحيفه قولي جسمي وعاجبني واذا قال بشرتك قولي عاجبتني ماطلبت رأي احد واذا قال شعرك قولي ستايل انت وش معرفك فيه واهم شي عاجبني انا مر شرط يعجبك مع الوقت راح يسكت ، هو لما يسوي كذا لان عنده نقص ويحاول يغطيه بافعاله وتحطيمه لك ممكن تكوني مخلصه جامعه وهو ثانوي هنا بعد يحس بالنقص زياده ويحاول يحطمك باللي هي فيه ، لذلك ي عيني اهم شي ثقتك قدامه حتى لو تولعين من جوا لاتوضحين له لان هذا اللي يبيه

Answer 21

اقراي عن كيفيه التعامل مع الشخصيه النرجسيه في جوجل بيساعدك في التعامل مع زوجك .

Answer 22

استمري بتطنيشه لان هو جالس يحاول يكسر الثقه اللي فيك ممكن غيره او عشان يسمع عنك مدح او اي شي و مره ثانيه اذا عاب فيك قوليله كل ذا اللي قلته ولسى انت مستمر معاي والانسان اللي يعيب غيره ذا دليل انه مو واثق من نفسه وتبي تطلع عيوبك فيني وقولي له انا ماراح اسمع لك ولا انا مهتمه لكلامك لاني انا واثقه من نفسي واشوف نفسي جميله واللي يشوف نفسه جميل يشوف كل شي حولينه جميل ولاتنسي تقولين له وانتي واثقه من نفسك وتطالعي لعيونه مع ابتسامه خفيفه

Answer 23

بعض الرجال كذا يحبوا يهزوا ثقة الوحده بنفسها وشخصيتها تصير مهزوزه لكن اصدميه انتي وخليك واثقه من نفسك حتى من داخلك لاتزعلي ولا شي كل ماقال لك شي اضحكي وقولي طيب

Answer 24

أهم شي ماتتأثري من كلامه انصحك بكتاب نورة الصفيري الزواج A-z ورحلة نحوالذات + عندها قناة على اليوتيوب تفيدك ياقلبي

Answer 25

هو م قال لك كذا الا لانه يحس بنقص ومو واثق من نفسة وشافك واثقة قال خليني احطمها  ولازم يكسررر شخصيتك ف قولي لة انا مهما قلت م اتأثر من كلامك صدقني كلامك هذا بالعكس يعطيني طااقة ايجابية وعارفة وش انا وش جمالي مو انت تجي تقيمني لانك راح تتعب وهو يبيك تنكسرين طنشي

Answer 26

وقفيه عند حده لاتسمحي لاحد يقيمك او يهز ثقتك بنفسك كلميه بنبره حاده يحترم نفسه وبالمقابل سوي زيه طلعي عيوبه وانتقديه

Answer 27

قولي له الحياه بالاحسان والكلمه الطيبه صدقه والكلام الحلو يبني والسيئ يهدم قيمتك في عيني كل ماكنت زين تلقى مني الزين وكل ماكنت شي اثرت على نفسك مااثرت علي

Answer 28

أنصحك تتكلمي معاه وقولي له تراك مليان عيوب بس انا بتقضى عنه حب في عيشه طيبه تكون بينا وانا اكره اسلوب الاستفزاز ذا وعيب عليك تعمل شرخ في حياتنا صدقني اذا كسرتني انت اول واحد رح يتوجع لأنك رح تخسر معاملتي الطيبه ورح تنقلب حياتنا جحيم فخلي يدك بيدي ولا تصير ضدي عشان نواجه ونحارب اي عيوب نلاقيها ببعض ونعيش حياه طيبه اذا ما ما تبين تكلمينه ارسلي له رساله نصيه

Answer 29

اول شي تكلمي معاه بجديه  قوليله انت يوم تعلق كذا تتكلم جد ولا تمزح ؟؟ افهمي منه وش هدفه ، لو مزح وبس يبي ينرفزك وعشان ما تشوفي نفسك ، فهميه انك تتضايقين ويوقف تعليق بالمقابل امنيه بالحب واهميته عندك ، ولو قال  انه جاد و لا سمح الله اكتشفت فيني شي ولا ندمت انك اخذتتي البيت الي دقيت بابه وخذيتني منه موجود كلام سلبي ما ابي اسمع