زوجتي ممله ! اطفش من زوجتي كثير ! زوجتي روتينها ممل ايش الحل ؟

Question

زوجتي ممله وتطفشني دايم روتينها دايم ثابت وفكرها محدود مع اني معطيها كامل حقوقها في الاسبوع نطلع كوفي ومطعم مره واحد بالاسبوع وغير السفر من فتره الى فتره ودايم تنكد علي طفش تبي نطلع ٣ مرات في الاسبوع وعلمتها لك طلعه بالاسبوع بس ماعندها قناعه ومصره على الطلعه وتنكد انا رافض

Answer 1

والله زوجي صابر علي وانا يوميا برا
وبالعكس يقول اذ شفتك مبسوطه كاني ملكت الدنيا ومافيها
يمكن انت ماتحبها اوتدور لك عذر

Answer 2

خل بينكم تفاهم وتنازلات..

وللمعلومية تراها بشر تحتاج تغيير جو.. ماهي طير بقفص
ان جيت لامهاتنا كانو يسيرو على بعض طول الاسبوع زيارات من باب الترفيه الان ماعاد فيه ناس تزور ناس الا بندرة فلها حق تتمشى معاك طول الاسبوع

Answer 3

اشلون روتينها ثابت وفكرها محدود وتبي تطلع 3 مرات فالاسبوع؟
يبدو مافهمت زوجتك!
تحقق كون خروجها عن طفش او تركيبة لشخصية اجتماعية،البعض لا يقدر على البقاء في المكان فترة طويلة.
اذن الامر اما متعلق بطفش عابر ولا بأس من كسر الروتين ثم تقنع وتستقر، او طبع لشخصية هوائية لاتقدر ع تغييره.

Answer 4

ياعزيزي والله لو انها استراحه لزملائك كل يوم وانت طالع فيها مامليت وش المشكله لاجل زوجتك ام اولادك حاليا أو مستقبلا تطلع معها وتقضي اجمل اوقاتك زوجتك هي ملاذك الأمن لن تشعر بذلك إلا في عمر متاخر أو في أول وعكه صحيه لاسمح الله اعطها من وقتك زوجتك هي نصفك الآخر فكن لها ولا تكن عليه

Answer 5

ترا جلسة البيت تتعب النفسيه استغفر الله،، وأنت تداوم وتغير جو وهي بالبيت بس دام انها تطلع مرتين بالأسبوع والله بركة..
بس ممكن زوجتك لسه صغيرة بالعمر مافهمت الحياة الزوجية صح وماعندها عيال يشغلونها .. بتتأقلم مع الوضع مع الأيام

Answer 6

هذي محرومه قبل تجي عندك وجت وحصلت شي كانت فاقدته ماراح تكتفي تبي المزيد بما انها تحصل واحد سخي

Answer 7

ياخي تعلموا شلون تحبون السلبيه قبل الايجابيه في شريك حياتك! ياخي أنا متأكد لو أن حظررك حياه ولين معاها وصاحب ابتسامه وسوالف حلوه! أتحداك تعكر حياتك عليك! ٧٠ بالميه الموضوع بيدك و٣٠ الباقيه عليها! خلوا عندكم شوية مسؤوليه واعتمدوا على أنفسكم! ماهو كل من هب ودب يدري بحياتكم الزوجيه

Answer 8

استمر ياوحش وبيض الله وجهك ماقصرت عداك العيب واذا عندك وقت متاح ومن فراغ مايمنع تلبي رغبتها بس ماتوصل انها تنكد وتتحلطم تقول الحمدلله غيرها يسمعون بالكفي والمطعم من الشهر لشهر وفي عيرها احوالهم ماتسمح لهم حتى بالشهر لزوم تفهمها القناعة وتشغلها بمايفيدها واشغلها بالحمل والولادة

Answer 9

الله يفشلك وش هذه المشكله الغبيه الطلعات والتمشيات غالباً حسب الظروف ماتتحدد اذا انت انشغلت تعذرك هي واذا هي كانت متضايقه وطفشانه تطلعها ساعتين تغير لها جو واذا انتم الاثنين حسيتوا ملل وحابين تروحون مكان جديد وتغيير جو تطلعون الحياة مو بورقة وقلم وعدد طلعات وقاضي !!

Answer 10

اسمع الكلام واقطع هذه الطلعات واعتدل وامنعها وارفض ولا تعودها
 يعني ممكن في الاسبوع او الاسبوعين مرة وحده فقط ، والسفريات مرة وحده في السنه او مرتين تكفي ،

Answer 11

اذا الوضع المادي ويتعارض مع طلباتها عطها مصروف شهري وتصرف على نفسها في الكافيهات ولا المطعم .. خلص مصروفها مالك شغل .. ورح تتعلم كيف تصرف ع نفسها وتعرف كيف الناس عايشه

Answer 12

افهم شو تبا بعض الاحيان يكون عندها غضب بسبب شي معين بس اسلوبك يخليها ما تبا تصارحك تذور مشاكل بطريقه ثانيه خلك قريب منها وصارحها ليش متضايق منها نصيحه قرب منها وافهمها وتحتويها الموضوع مب موضوع طلعه الظاهر ان الموضوع اكبر بوايد شوف الخلل من وين نصيحه

Answer 13

هل تعاني من الفراغ ؟تقسم ايام الاسبوع يوم زيارة اهلها
ويوم زيارة صديقة ويوم تطلع كوفي ومطعم
يوم تخصصه لنفسها ويوم لاطفالها تشاركهم لعبهم وهواياتهم ويوم  لمنزلها تشيك على شغل الخادمة ..
اعتقد من عندها اطفال صعبة تطلع
٣ مرات  في الاسبوع وخاصة اذا كانت موظفة ..

Answer 14

ان صح ما تقول فالامر كله دلع وتأثر بالمشاهير وحب تصوير

كلما نكدت عليك اطلع من البيت كم ساعة
لأن كل اسبوع تطلعها مرتين مرة كوفي ومرة مطعم
والله ما قصرت فهذه الاماكن تسحب الراتب بدون ان تشعر

Answer 15

اشتريلها مكينه قهوه وخلها تتعلم عليها وتضبط لكم قهوه ..واطلعو الحديقه او مول او تمشو هي تبي تغير جو ..شوف هي وش تحب وتهتم له ووفره لها تحب القهوه جيب لها مكينه تحب التطريز جيب لها ادوات تحب الرسم وكذا شوف هي وش تحب دخلها دورات هي طفشانه اشغلها

Answer 16

ترى الكافيهات والمطاعم مو مسجله بعقد الزواج مشيها باستطاعتك وبقدراتك ولا يكلف الله نفساً الا وسعها

Answer 17

لا تعطيها وجه مالها لزوم طلعات وبعد نكد
يعني لو انها صاحبة ابتسامه وسعة صدر نقول تستاهل وتسع صدرك معها بس كثرتها كذا وسفرات وش الفراغ اللي عندها
اذا عندها اب او اخ سئله يوم كانت بنت متعوده على الطلعات ولا عندك بس وخلي اهلها بالصوره عشان لو تصير مشكله لا قدر الله يكونون بالصوره

Answer 18

هذه لحظة الحقيقة التي يجب أن تدرك كيفية التعامل معها.
ربما هي دائما تبحث عن الزيادة لأنها وجدت منك تلبية رغباتها بسهولة، عليك ان تكون حاسما في التعامل مع الموقف، بغير قسوة أو عنف.
دائما الحوار والتفاهم يحل هذه الأمور، وكلما تعقد الموقف بيدك اتخاذ القرار في النهاية.

Answer 19

واضح انكم صغار وببداية الزواج
لا ترفض لمجرد العناد ترا حتى هي تشوفك نفسية وممل وروتينك واحد
الحل بالحوار والتواصل والهدوء وعدم الانفعال ابدأ بنفسك

Answer 20

لأنك جعلت الطلعه وكأنها واجب او عمل
الطلعه تكون حسب المزاج والوقت المناسب لها مو تحسسها وكأنها سجينه لها يوم واحد تطلع فقط..
طريقتك هذي تخليها تفكر اكثر بالطلعات لأنها تحس انها محاصرة

Answer 21

سبحان الله بعض الحريم طماعات.   انا عني طلعه وحده برى البيت اسبوعيا مو شرط مقهى  او مطعم.  اقابل صديقاتي هاذي تعطيني طاقة ايجابيه شهر قدام الحمدلله

Answer 22

وانت ماتعرف  ترتب وضعك معها !؟ اذا ماتقدر قل لها اسف اعتذر ما اقدر
اذا طلبت شي انت لاترغب فيه  في المقابل حسسها واطلب منها شيء فوق مالا تطيق
قل لها وش رايك هل نضغط على بعض  ونتفر من بعض
او نتعاون ونراعي بعض  .. الحياه الزوجيه حقوق وواجبات  مشاركه ومراعاة

Answer 23

خليك لين ولا تدقق نصيحه ..وحاول تغير مكان ثاني مو شرط كوفي ..!!!!
حاول تغير وضع مو عيب ولا حرام لاتكون شديد ولا ضعيف خير الامور الوسط ..كن سهل مرات ليست دائما ..ربي يوفقك

Answer 24

المرأة على ماتعوّدت عليه من بداية زواجها .
مايقنعهم شي لو انها بنت فقر مايقنعها شي.
الحكمة في التصرّف والتقنين طريق لحياة آمنة.

Answer 25

المشكلة انها مملة ولا تبي تطلع؟! انا شايفة المشكلة انك ما اتونس معاها ولا مقتنع بيها ، حل مشكلتك معاها اولا وممكن هي مملة وتبي تطلع لانها مالة حياتها معاك انت كمان