في تصنيف استشارات اجتماعية بواسطة

انا بنت واشتغل ف شركة خاصة مشكلتي ما احب اسولف مع زملاء العمل لا نساء ولا رجال ابغى اخلص شغلي واطلع وهم ازعجوني كل شوي ف مكتبي يبغوني اتداخل معهم .. ما ابغى اكون قاسيه معهم ويصيروا اعداء ولا اتقرب منهم ويصبروا اصدقاء ، كيف أفهمهم ؟!

25 إجابة

0 تصويتات
بواسطة
ما عمري دخلت مكان يشتغل فيه بنات سواء مستشفى او سوق او صالون الا و اسمعهم يحشوا و يتشكوا من بعض فلانة قالت و فلانة سوت و اتوقع ختى وانتي بعيدة ماراح يتركوك في حالك الله يعينك
0 تصويتات
بواسطة
أنت بنت عمليه ..
 وشخصيتك نادرة في أيطار مفهوم الأنجاز
وهذه الشخصية أنا أميل نفسياً لها ..

أرى أنك تشيلي الكراسي الموجودة .. وتستبدليها بكرسي غير مريح جدا بحيث مايكون هناك مجال .. للتكيه عندك
ممكن ترسلين لهم بالواتس فقط أي شيء
فقط من باب .. المجامله
0 تصويتات
بواسطة
هذا اسمه رهاب اجتماعي …. حاولي تتخلصين منه لان الدوام و زملاء الدوام ماشي معك الى ان يشاء الله
واعتقد زملاء العمل يحاولون يساعدونك انك تندمجين مع منظومة العمل وترتاحين في المكان
0 تصويتات
بواسطة
اذا سووا اجتماع عمل بعد مايخلص وبعد مايروح المدير . قولي ياجماعه ترا انا ما احب اسوي صداقات معكم  انا ابي علاقتي سطحيه مع الجميع الرجاء منكم احترام رغبتي. بس بعدين اذا احتجتيهم بتشتكين او بتفضفضين ترا منتي لاقيه احد
0 تصويتات
بواسطة
نفس المشكلة انا عمليه جدا ولا احب اتكلم أثناء العمل في مكتبي وبس وللاسف الشباب يقولو عني معقده ومغروره ! عشاني اتفاداهم ولا ابي اسولف معهم كفايه سلام وشغل وبعض البنات الله يهديهم يسولفون ويضحكون وحتى ياكلون معهم فصارو يشوفوني غريبه .. خليك كذا أحسن لك بحدود العمل وبس
0 تصويتات
بواسطة
الرجال عادي من حقك ولا حتى تردين عليهم
اما البنات ردي عليهم حتى لو تسليك خذي واعطي معهم بس عشان اذا احتجتي شي يساعدونك وكذا وماله داعي صراحه تقعدين نفسيه وساكته حتى ببيئه عملك لانك بعدين تتوحدين وتوصل فيك تكرهين المكان بكبره
0 تصويتات
بواسطة
الرجال طبعا صح وعلاقتك فيهم حدود العمل فقط لا تتعدى غيره اما سوالف وضحك وميانه معاهم ما تنفع ابد.. اما من ناحيه البنات فعادي مو شرط يكونون صديقات عامليهم مجرد زميلات تجمعكم وجبه او سالفه او شغله وخلاص
0 تصويتات
بواسطة
الرجال خلك رسمية و قاسية معهم حتى لو زعلوا و صاروا اعداء بالطقاق لا تأخذين و تعطين معهم اما النساء سلكي لهم على الخفيف ماراح يضرك شي و يمكن تلقين من بينهم وحدة نفس جوك و تصيرون اصحاب
0 تصويتات
بواسطة
ولا عليك فيهم خلصي شغلك علي افضل مايكون وانصرفي ، اهم شي شغلك يطلع ممتاز ولا في احد يقدر يسوي زيه. المدراء يفضلون الناس المنجزة واللي ما تتكلم وتسوي شوشرة كثير ، اذا عرف عنك ذلك بتجيك عروض كثيرة.
0 تصويتات
بواسطة
نصيحه
في العمل خليك محايده واكثر من علاقة عمل لا تفتحي مجال لاحد لان بتنفتح عليك ابواب كثيره توجع الراس
خذي باحترام وردي باحترام
يعني بضبط مثل هالعباره (انت ملك)
وثقي انك بتنالي ثقة مدرائك وتحطي حدود مع البقيه
0 تصويتات
بواسطة
خير الأمور الوسط..
بالنسبة للرجال حطي لهم حدود صارمة جداً ولا تخليهم يتجاوزوها أبداً..
البنات ممكن يكون في شوية مرونة مع وضع حدود أقل صرامة..
واسمعي لهم مع تفاعل محدود ومجاملة عادية..
0 تصويتات
بواسطة
نعم صحيح طريقتك صحيحه جدا ولو كتبتي في مكتبك لوحات تذكرهم بالعمل والالتزام بالادب وان الكلام في حدود العمل افضل بكثير كل يوم حطي لوحه فيها حكمه علشان تبعد عنك الذئاب من الرجال والكلبات من النساء
0 تصويتات
بواسطة
حطي سماعه باذنك و الي يجيك دقيقه خليك على الخط و اتواصلي مع الي يجيك و اعتذري منه مره مرتين و بعدها خلاص بيتعودو على طبعك المهم ما تدخلي معاهم ميانه لانهم بياخذونه طبع
0 تصويتات
بواسطة
العمل في بيئة مختلطة مشاكله ما تنتهي
حاولي البحث عن وظيفة في مكان غير مختلط
0 تصويتات
بواسطة
اعطيهم الضحكة التسليكية وكملي شغل. وبالنسبة للبنات الي معاكي يعني خذي واعطي فكيها شويتين خلي شعرة بينك وبينهم
0 تصويتات
بواسطة
أنا زيك احط سماعات طول الوقت...

عادي ماتكلم مع أي احد بالايام.. ولو جا احد يكلمني يعرف آني مو لمه..

ولو مزاجي راق فصخت السماعة واقتحمت عليهم
فخلاص تعودو على اسلوبي ماحد يقرب مني
0 تصويتات
بواسطة
افرضي شخصيتك بحيث مايجون اصلًا ف مكتبك .. فهميهم ان وراك شغل لازم تنجزينه مشغوله ابغا مساحه و هدووء وهذا مكان عمل بس اكون فاضيه بجيكم او اناديكم .. واسحبي عليهم ..
0 تصويتات
بواسطة
اذا عاملتيهم بالتطنيش م راح احد يتجرأ ويجيكي مكتبك غير النشبة واللي وجهه مغسول ومثل هذا م يبي له غير تكرشينه وانتهت المشكلة وانتهى الفلم وبس..
0 تصويتات
بواسطة
مو لازم تفهمينهم افعالك تفهمهم
ترى المحترمه واضحه بس هم بيحاولون يجربون لين يملّون و ينسحبون
وادعي بالثبات كل يوم تروحين فيه للدوام
0 تصويتات
بواسطة
انت الصح الموظف لازم يكون كتوم سواء كانت بيئة العمل اختلاط او لا
استمري ماعليك من احد
0 تصويتات
بواسطة
خليك ع الوضع هذا وراح يتفهموا ويتعودوا
عيشي الحياة على كيفك وليس كيف الاخرين
0 تصويتات
بواسطة
طيب شلون بيمشي الشغل الحين ؟! تحسبين العمل ينجز عندك وحدك يا سوبر مان لازم تمررينه للي جمبك و هكذا شكلك اول شهر لك بالدوام و لا تعرفين شلون الشغل يمشي
0 تصويتات
بواسطة
ماعليك منهم دامك ماشيه عدل محد يقدر يعاديك
و الصداقات مو بالغصب ..!!
انتي حره و مو مجبورة انك تتقبلينهم بالإكراه
0 تصويتات
بواسطة
هذي الطريقة ممتازة و غالبا مايجي منهم الا المشاكل و وجع الراس
استمري بارك الله فيك و عسى الله يثبتك
0 تصويتات
بواسطة
حطي حد للجميع
ومودك مع الوقت بيتفهموه ويتأقلموا عليه

استفسارات متعلقة

...