كيف التعامل مع الزوجة الشكاكة ؟ زوجتي تشك فيني اني اسولف مع بنات ؟

Question

زوجتي تشك فيني اني اسولف مع بنات

زوجتي تشك اني اسولف في الجوال مع أحد
المهم كل ما جات جنبي قالت : مع مين وانا لا اسولف مع حد ولا شيء! المهم قلت لها خلي الشك وبعدها قالت وانا والله راح أتعرف ايش نصيحتكم؟

Answer 1

معناته أنت بعيد عنها أو بتبعدها عنك عاطفياً وما تشاركها حكاوي وسواليف وضحك حتى إذا كانت سواليف شباب حلو تشارك زوجتك وتكونوا أصحاب مو أزواج فقط وتتشاركوا حتى بالهوايات لما تخرجوا صدقني كذا ولا حيكون عندها وقت للمناقرة معاك وايش تسوي بالجوال !

الله يصلح مابينكم يارب

Answer 2

انا ماهمني كلامك هذا كله ابداً ،، بسألك سؤال كيف تجرأت انها تقولك والله راح أتعرف ؟ كيف ؟ مافيه مرأة تخاف الله وتحترم زوجها وتقدر غيرته ومكانته وتتجرأ بالشكل ذا الا اذا شخصيتك ضعيفة فهذا شي ثاني وموضوع يبيله دفتر اشرح لك فيه..يارجال انتوا ملاحظين بعض اسألت الرجال في ضعف شخصية ؟

Answer 3

صدقني الحرمه ما تشك بدون سبب دائما شكها بمحله ، واذا شكها مبالغ فيه وأنت فعلاً ما عندك شي افتح لها الجوال ما راح يضرك بشي

Answer 4

لا تشح عليها بتقديم الامان والاطمئنان لها، اسلوبك هو السبب، تنزوي، او تبتسم ابتسامة عريضة وهي تنظر اليك، فعلقت قلبها ولم تضعه على كراسيه كما يقولون.

زوجتك قدم لها دليل براءتك من الشك.

Answer 5

اترك الجوال وانت في البيت اهتم فيها هي غيرانه من اهتمامك بجوالك فصارت تشك انك تهتم بغيرهااا لو بتتعرف ماقالت لك هي تبيك تهتم فيهاا تبي تلفت نظرك لها وتشتغل الغيرة عندك كل مافتحت لك هالموضوع حسسها انها اهم وحدة بحياتك سمعها كلام حلو اساس خراب البيوت وكثرة الطلاق اهمال الزوج لزوجته

Answer 6

خلّي جوالك مفتوح بدون رمز وقول لها شوفيه بأي وقت واذا كنت جالس اجلسي جنبي وشوفي معي، بالطريقة ذي ممكن تكسب ثقتها وتبعد الشك عنها، تفاهم معها بأسلوب ودي بدون تهديدات ونصيحة حل كل مشاكلك بنفسك لاتوصلها للأهل.

Answer 7

من الواضح كان فيه مواقف سابقه افقدتها الثقة بك،  ولا ما كان اتهمتك بالاتهام وما كان تجرأت عليك هالقد وقالت بتعرف! نصيحة اذا غابت الثقة حتى مع وجود الحب الحياة الزوجية مالها طعم وما راح تعيشون بسعاده أبدًا

Answer 8

عزيزي..

فيه سالفة في القصة مايعرفها غير انت..

ان كنت تسولف مع حد غير زوجتك.. فكفّ عن ذلك واستغفر يصلح لك قلبك وتصلح لك زوجتك.

وإن كنت ما بتكلم مع حد ..

كل الذي عليك أن تتقبّل غيرتها وتحتويها بحضنك وتصارحها دائمًا بحبك..

وقل لها : إني أخاف الله رب العالمين.

وتجاهل ما قالت

Answer 9

النصيحه لك ولغيرك
التصرفات المريبة سبب الشك والجلسه على الجوال بحضور زوجتك سبب شك  والاهتمام بالجوال سبب شك

لازم تفهم انها غيوره ولانها تحبك تغار

احترم وجود زوجتك ولاتهتم بجهاز يجيب مشاكل
الزوجه المحبه بجنون تغار جدا والغيره طيبه

إهتم بزوجتك بما أنك ماتسوي شي

Answer 10

ممكن يكون فيها وسواس وماتنلام من اللي نشوفه ونسمعه ونقراه كل يوم ويقولون واثق الخطوه يمشي ملك لو انت واثق ان ماشافت عليك شي وانك مو راعي خرابيط اذن لاتعطيها مجال للشك بس  على قولت انها بتتعرف قويه والبنت اللي متربيه على الاخلاق حتى لو يخونها زوجها قدامها ماينزل مستواها لمستواه

Answer 11

يمكن هي مزعوجة كونك مقابل الجوال مو مهتم بوجودها

أوقات تصرفات الشخص تثير حوله الشكوك ولو مو قاصد

بخصوص التعليقات إللي تحرض كفخها وإضربها على كلمتها

بحكم إني إمرأة أوقات يطلع مني كلام مستحيل أسويه

أقوله له أكون محترية ردة فعل معينة منه

يعني أحارشه أعانده أتدلع عليه ليهتم أو ليغار.

Answer 12

افتح لها الجوال يا ولدي لو انت واثق من نفسك

وتعلم انك ما تستشير الناس ب أمور بيتك وحياتك الشخصية والزوجية
وين قوة الشخصية والرجولة

Answer 13

اذا انت واثق من نفسك ما جيت تطلب نصيحه من احد.

من المتعارف عليه اذا شكت على طول افتح الجوال لها عادي زوجتك بالاخير مو غريبه ، لكن يبدولي انها على حق

Answer 14

أساءت زوجتك التقدير والتعبير وتحتاج إلى لفت نظر وتوجيه سريع حتى لا يتفاقم الموقف، لكن بالحسنى واللين..فشلها نابع من حب في المقام الاول.

النصيحة:
سلوكك قد يكون وراء شكها، اهتم بها اكثر من جوالم، وامنحها بعض مشاعر الهدوء والطمأنينة، مع عدم السماح بتجاوز حدودها

Answer 15

نصيحتي مدام واثق من نفسك خلك شفاف معها وخلها تشوف جوالك واضحك على كلامها لان علتها الشك شوي وراح تمنحك الثقه اذا شافت ان ماعندك شي  تخبيه ولايعصبك الموضوع هي تبي تاكيدات وتطمينات اكثر شيء.

Answer 16

كلامها انها رح تتعرف هذا غلط وتستاهل تتحاسب عليه ولكنه رد فعل لشيء انت قمت به ومجرد تنفيس عن غضب داخلها

اذا ماعندك شيء ما تخاف اقطع الشك باليقين ووريها جوالك

اما اذا عندك بلاء وتلومها لا

Answer 17

كلمة و الله راح اتعرف مو حلوة منها اذا انك بريئ احذف الجوال بوجهها و خلها تفتش و ازعل منها فترة على شكها و كلمتها ذي لأن اسوء شي الشك يقتل كل اللحظات الحلوة لازم من البداية توقفها عند حدها لا تتمادى

Answer 18

كلمة غير موزونه نابعة من شكها  فيك وشكلها مقتنعه مو مجرد شك

انت اثبت العكس طمن قلبها ترا الغيرة تلخبط السستم عند المره وماعاد تدري وش تقول.

Answer 19

لو انك ما تسولف مع احد فعلا وعندها مجرد شك وقالت هذه الكلمة فانت اخطات في انك ما اخذت موقف وقتها
اما لو انك تسولف مع احد من السوالف اللي تقصدها او لك سوابق فردك عليها كان هو المشكلة الاولى

Answer 20

نصيحتي.... تحاورها بالليونه وبين لها ان اسلوبها ينعكس علي جمالها وصورتها وانك تحب ان تراها بجمال شكلها وابتعادها عن هذا التصرف يظهر ايجابيا في صورتها شكلها جمالها سعادتها وسعاده زوجها واولادها وانت اعتنق الليونه وسكر ابواب تدخل منها السلبيات اسال الله ان يسعد الجميع

Answer 21

الغالب يقول وريها أثبت لها ترا الصفة ذي بتكبر مع الوقت ، أعرف شخص زوجته كل شوي تدق عليه تخليه يدق بوري أو يصور فيديو أو يسوي حركات غبية عشان يثبت لها أنه بالمكان الفلاني ، هذا مو حل أبداً ..

الافضل تعرف وش أثار هالشك فيها من الأساس ثم تحاول معالجته ..

Answer 22

عاطفية وغيرتها لاعبة في عقلها؛ احتمال يصير تحديث شين لعقلها وتخليك تشك فيها عشان تتوقف بنفس الحركات الي تسويها لها.. يعني العين بالعين

اذا انت فعلاً ما عندك شي ريح نفسك وخلها تشوف تلفونك أول ما تسالك؛ واذا عندك علاقة استغفر ربك وتوب كما تدين تدان

Answer 23

اول شئ ذكرها بالله وذكرها باجتناب كثير من الظن ..
تكلم معها بعقل

وقل لها عادي اوريك لكن الشك مايروح اذا وريتك لازم تتعالج من هذه المشكلة
راح اتعرف
مافهمت المقصد منها

Answer 24

الشك مرض لن ينتهي حتى لو تكلمت بسبيكر او تركتها تفتش بجوالي بالعكس سوف تتمادا اكثر واكثر اجلس معها وحاول تفهمها بان الشك لا يجوز بين زوجين والثقه مطلوبه بين الطرفين واذا انعدمت الثقه انعدم كل شي حتى لو تضطر تبين لها انك زعلان وتوديها بيت اهلها كم يوم

Answer 25

اترك عنك ردود المراهقين ولا تخرب بيتك وتطلق زوجتك لا تلوها المشاكل زادت في مجتمعاتنا مايسوا علينا النت وخياسه والهواتف النقالة نقلت لنا الامراض النفسية والمشاكل وهدم الاسر وضياع الابناء ولا حول ولاقوة الا بالله العلي العظيم